26/10/2023
Ramie Tabada Jenny Lumontad Tabada Jose Batumbakal III
Name: Ramiro "Ramie" Tabada
Age: 53 years old
Taga asa: Basak Ubos Puso (B.U.P.)
Priorities: Peace and Order
Advocacy: For a safe and peaceful barangay
Principle: "Ang mo serbisyo sa katawhan, dili ang magpaserbisyo sa katawhan.”
Rason nganong ni dagan:
“Midagan ko kay gusto ko mabalik ang kahapsay ug seguridad sa atong barangay.”
"MUDAGAN O DILI". Kini ang mga panultion na misulod sa akong hunahuna ug kini amo nang gistoryaan sa akong pamilya. Kay una sa tanan akong anak dili nagyud siya ganahan na musulod pako sa politika kay samokan siya niini. Mga amigong suod kontra na, mga silingan na maghatagay og sud-an maglinibakay na, mga pareyente mag yam-iray na tungod lang kay lahi silag kandidato na gilabanan. Kini pipila lang sa mga epekto sa election na wa ma uyoni sa akong anak.
Ako siyang gipasaligan na sa akong pagdagan wala koy tao na hilabtan ug wa pud koy tao na pasakitan. Ako pud siyang gipasabot na sakit sa akong buot magtanaw lang bisag kabalo ko na maka buhat ko ug kausaban niining barangay na akong gidak-an, gihigugma ug giserbisyohan. Midagan ko kay gusto ko mabalik ang kahapsay ug seguridad sa atong barangay.
53 ka tuig na ko dinhi nagpuyo sa Brgy. Basak San Nicolas, ug usa ka dakong parte kini nga nagdala'g kahinaman sa akong kinabuhi sa daghang pamaagi. Karon, ako napud ang gustong mubalos ug pag-ambit ug serbisyo alang sa nagpadayon nga kalamboan ug kaayohan sa atong Barangay. Mudagan ko pagkakonsehal tungod kay sa tinuod nga naa sa akong kasingkasing ang pag-atiman sa kalamboan sa atong komunidad. Ako pud nakita ang kakugi, kahibalo, ug kahinaman sa atong mga molupyo, ug ako gipukaw sa potensyal alang sa positibong kausaban nga anaa dinhi sa Brgy. Basak San Nicolas.
Magserbisyo ko para sa akong katungod nga maseguro ang kahimsog ug kaseguruhan kada molupyo. Ako magtuki sa pagpahayag sa mga karsada, komunidad nga pagpatrolya, ug mga proyektong magawhag sa mas luwas nga palibot alang sa atong mga pamilya.
Ikaw, ako ug kita ang barangay. Bisan paman og wala ko maapil sa partido na inyong gilabanan, hinaot dili kini mahimong rason na dili ko ninyo botaran. Kay kung ikaw nangandoy sa usa ka hapsay na Barangay Basak San Nicolas, ako ang konsehal na andam maminaw sa inyong mga ideya, yangongo, ug mga pangandaoy para sa atong barangay. Kinahanglan ang inyong mga tingog sa paghulma sa nindot na barangay. Ako mupasalig na mahimong madungogon ug reponsable na representante niini atong barangay. Magtinabangay kita aron makab-ot nato ang usa ka Barangay Basak San Nicolas nga kitang tanan makasandig og panalipdan.
See less
Team Lambo
