20/05/2025
GIDAKOP ANG MOST WANTED SA TALIBON BOHOL TUNGOD SA KASONG ATTEMPTED HOMICIDE
TALIBON, BOHOL β Malampusong nadakpan sa mga sakop sa Bohol Provincial Mobile Force Company (PMFC) uban sa kooperasyon sa mga personahe sa Talibon ug Trinidad Municipal Police Stations ang usa ka most wanted person niadtong Mayo 19, 2025 alas 10:40 sa buntag sa Purok 4, Barangay Zamora, Talibon, Bohol.
Ang nadakpan giila nga si alyas βDinoβ, 32 anyos, lalaki, single, mag-uuma, ug residente sa Purok 7 Annex, Barangay San Vicente, Trinidad, Bohol. Siya ang ika-2 sa listahan sa Most Wanted Person sa municipal level (Trinidad MPS) ug ika-9 sa provincial level (Bohol PPO).
Ang operasyon gipangulohan ni PLT Roldan Glenn Nabehet Loman, Platoon Leader sa PMFC, ubos sa direktang pagdumala ni PMAJ Philip Cabardo Quilala, Force Commander (Lead Unit), uban sa suporta sa Talibon MPS nga gipangulohan ni PMAJ Romar Tuppal Labasbas, Chief of Police, ug sa Trinidad MPS nga gipangulohan ni PCPT Nicholas AΓ±Γ³s Aparilla.
Ang pagdakop gihimo pinasikad sa Warrant of Arrest alang sa Attempted Homicide ubos sa Criminal Case No. 3468-T, nga giisyu ni Hon. Buena Kristine Orcullo Uy, Presiding Judge sa Municipal Circuit Trial Court, 7th Judicial Region, Trinidad, Bohol kaniadtong Abril 8, 2025, nga adunay piyansa nga Php 36,000.00 alang sa temporaryong kagawasan.
PAMAHAYAG NI PCOL ARNEL BANZON, PROVINCIAL DIRECTOR, BOHOL PPO:
βKini nga dakong kalampusan nagpakita sa among walay puas nga paningkamot aron mapatuman ang hustisya ug masiguro ang kaluwasan sa tanang Boholano. Ang padayong pagpangita ug pagdakop sa mga wanted persons maoy usa sa among gipangunang mga prioridad. Gidayeg nako ang tanang operatiba nga nagpasiugda sa maong operasyon. Kinahanglan nga masayran sa uban pang mga tinago nga kriminal nga walay langob nga ilang kapahulayan dinhi sa Bohol.β
PAMAHAYAG NI PLTCOL NORMAN NUEZ, TAGPAMABA, BOHOL PPO:
βUsa kini ka kusog nga mensahe sa katawhan nga seryoso ang Bohol PPO sa pagpangita sa mga wanted persons ug sa pagprotektar sa katawhan. Ang pagdakop sa mga suspek usa ka dako nga lakang alang sa kalinaw ug seguridad sa atong komunidad. Nanghinaot kami sa padayong kooperasyon sa katawhan pinaagi sa pagsumite og tukma ug kasaligan nga impormasyon. Sa panaghiusa, atong makab-ot ang usa ka mas luwas nga Bohol.β
Ang Bohol Police Provincial Office nag-awhag sa tanang Boholano nga magpadayon sa pagkabana ug pagtinabangay. Ang partisipasyon sa komunidad usa ka dakong kabahin sa kalampusan sa kampanya batok sa kriminalidad.
