29/12/2023
Ngano nga ang katoliko nagtudlo man sa pagsimba sa mga larawan sa mga Santos nga giingon man sa Bibliya. " Aron Kanamo makat-on kamo sa dili pagbaton sa hunahuna nga kapin sa butang nga nahisulat..." (1 korinto 4:6) ang Dios lamang ang simbahon dili ang larawan?
* * * * * *
TUBAG: Bisan ang mga Iglesia ni Cristo ( Manalo) niila niining kamatuoran, " God does not prohibit the making of images per se. But the carving of images which will become the object of worship by man is strongly forbidden by God" ( Pasugo Magazine Of Iglesia ni Cristo, pahina 6 gula sa Nobyemre 1976) akong huba niini " Ang Dios wala magdili sa paghimog larawan, sa iyang pagkalarawan. Apan ang pagkulit Imahen nga himoong tumong sa pagsimba sa tawo, dakong supak ang Dios niini".
Ang Bibliya mimatuod niining pagbubat sa mga gisugo sa Dios nga larawan nga Balaan, dili sa mga diosdios: ulohan, Saysay Mahitungod sa Templo: " Ug kini hinimo uban sa mga Kerubin sa MGA kahoy'ng Palma.... Sa pagkaagi nga dihay nawong sa tawo nga nag atubang sa kahoy'ng Palma, ug nawong sa batan-ong Liyon paingon sa kahoy'ng Palma sa pikis Kilid ( Ezequiel 41: 18-19)
Ang pagsimba nga maoy pag- ila sa diyos USA kini nga IDOLATRIA, supak sa unang sugo sa Dios. Gidili gayod kini sa Simbahang Katoliko. Apan ang pagtahud Niana tungod sa matuod nga gilarawan niini, ingon nga ang larawan sa kerubin nagpasabot sa presensiya sa Dios. " Ibabaw sa kahon didto ang mahimayaong mga binuhat nga nagkahulogan sa Presensiya sa Dios, ug gipandong ang mga Pako..." ( Hebreo 9:5 Bag-ong Hubad).
Photo credits to the respective owners.
