22/06/2025
𝐋𝐀𝐖 𝐒𝐓𝐔𝐃𝐄𝐍𝐓 𝐒𝐀 𝐋𝐀 𝐒𝐀𝐋𝐋𝐄 𝐍𝐆𝐀 𝐌𝐈𝐒𝐒𝐈𝐍𝐆, 𝐍𝐀𝐊𝐈𝐓-𝐀𝐍 𝐍𝐆𝐀 𝐏𝐀𝐓*𝐘 𝐒𝐀 𝐂𝐀𝐕𝐈𝐓𝐄
Usa ka law student sa De La Salle University nga nawala sukad pa sa Hunyo 8 ang nakit-an nga patay niadtong Sabado sa Naic, Cavite.
Gisusi nga ang biktima mao si Anthony Granada, 25 anyos, nga kataposang nakitang misakay og Grab gikan sa iyang condominium sa C-5 Road, Taguig paingon sa Naic Town Plaza.
Matod ni Col. Rodel Pastor, officer-in-charge sa Taguig police, base sa testimonya sa Grab driver, kalma ra ang biktima sa tibuok biyahe.
Na-record sa CCTV si Granada nga naglakaw nga nag-inusara sa Lopez Jaena Bridge sa Naic alas 9:20 sa gabii niadtong Hunyo 17.
Pagka-Sabado, nakadawat og report ang kapulisan sa Naic bahin sa lawas nga nadiskobrehan sa usa ka bakanteng lote sa Barangay Sapa nga anaay advanced stage sa pagkadunot.
Positibo kini nga giila sa iyang igsuon nga si Ricky Granada.
Gisalikway sa mga imbestigador nga dunay foul play sa maong insidente.
Padayon ang imbestigasyon sa insidente.//
via | Jovelyn Satinitigan-Padin, XFM News
