BATOS RADIO Online

02/07/2026

BREAKING: CCTO ENFORCER NGA NABIDYOHAN NGA NANGUTONG, GITAKTAK SA SERBISYO

GIPAHIBAWO sa pangulo sa Cebu City Transportation Office, Raquel Arce nga gitaktak na sa serbisyo ang CCTO enforcer nga na bidyohan nga nitanyag og areglo bugti sa violation sa trapiko.

OFFICIAL STATEMENT FROM CEBU CITY TRANSPORTATION OFFICE📢

To all Cebuano motorists and the general public,

We would like to officially inform everyone that TE LOFRANCO, JOVER is NO LONGER CONNECTED with the Cebu City Transportation Office (CCTO) effective July 1, 2026.

Because of this, he no longer has any authority to conduct apprehensions or any transactions to the public.

Kung sulayan mo niya og apprehend or unsa nga transaction iya pagabuhatan we would like to encourage you to report it directly to me or to CCTO immediately. Dili nato ni kunsintihon ang ingon aning binuhatan.

Magtinabangay ta para sa limpyo nga serbisyo sa Sugbo.

Stay safe sa dalan, mga Ka-Sugbo!

Source: CCTO Head Raquel Arce

08/06/2026

Eskwelahan sa Matanao National High School, Nahugno human sa Linog

MATANAO, DAVAO DEL SUR |~ Nahagsa ang usa ka school building sa Matanao National High School human sa kusog nga magnitude 7.0 nga linog nga mitay-og sa Mindanao karong Lunes sa buntag.

Sa video nga gipaambit ni Richard Feil Kawarak Ababa nagpakita sa grabeng kadaot sa istruktura sa eskwelahan.

Wala pay opisyal nga report bahin sa mga naangol o na-trap nga estudyante ug staff. Nagpadayon ang assessment sa mga otoridad sa lugar.

Gipaalerto ang mga residente sa Davao del Sur ug ubang bahin sa Mindanao nga mag-amping sa aftershocks ug sundon ang safety guidelines.

🎥: Richard Feil Kawarak Ababa

08/06/2026

“Da Brigada Tandem”

Incoming Grade 7 Student ug iyang Kabaw nga si Gelo, Mitabang sa Brigada Eskwela

LAL-LO, CAGAYAN — Dili silhig o pintura ang gidala sa incoming Grade 7 student nga si John Michael Andres sa Bangag Elementary School para sa Brigada Eskwela. Ang iyang kauban: iyang 3-anyos nga kabaw nga si Gelo.

Magkauban si John Michael ug si Gelo nga mihangyo sa uma sa eskwelahan para andamon ang garden para sa vegetable planting sa dili pa magsugod ang klase.

Ika-5 siya sa 6 ka anak nila Robert, mag-uuma, ug Belinda, barangay tanod. Sukad Grade 1, nitabang na siya baligya og gulay sa mga maestra. Pag-Grade 3, nagsugod na pud siya atiman ni Gelo nga iyang kauban sa uma.

Gihulagway sa iyang mga maestra si John Michael nga hardworking ug andam mtabang. Nakat-on pa siya basa pinaagi sa pag-follow sa videoke lyrics.

Bisan busy sa eskwela, nitabang gihapon siya tanom ug ani og mais. Iyang damgo mahimong agricultural technician aron makatabang sa mga mag-uuma sama sa iyang amahan.

Ang istorya ni John Michael ug Gelo nagpahinumdum nga ang pagserbisyo wala magdepende sa edad, bahandi, o status. Usahay, magsugod lang kini sa andam nga kasingkasing ug tinguha nga makatabang.

Padayon, John Michael ug Gelo! 🌱🐃

📷: Tampo nga Hulagway

26/04/2026

TAN-AWA: Rambol sa Basdiot, Moalboal atol sa kalingawan sa fiesta kadlawon sa Domingo, Abril 26, 2026. Wala pay gikataho nga naangol sa maong hitabo.

🎥: Dj Franky Escalante Flores

06/04/2026

28/02/2026

HALA, ENERGY DRINK ANG HİNUNGDAN?

PAMINAWA: Interview ni Jonathan Revilo kinsa mao ang unang mitabang sa driver sa dump truck nga gituohang giataki sa kasing2x samtang nagmaneho alas 9:45 karung buntag, Pebrero 28.

Matud ni Revilo nga giasoy sa pahenante sa maong driver nga kulang sa tulog sila og samtang wala pa kini mibyahi, miinom ang driver og energy drink.

Dugang ni Revilo nga nagpasalamat siya sa pahinante nga nakatamak sa brake sa maong sakyanan dihang kalit nga mitikig ang maong driver kay kung wala pa, hayan mahurot ka daro ang mga motor nga naglinya samtang naghuwat sa traffic light.

Gihatud na sa mga ni responding police ang maong driver human kini gipaubos sa CPR.

24/02/2026

BOHOL, NAKADAWAT OG ₱196 MILYON GIKAN SA NASUDNONG GOBYERNO ALANG SA BAGONG PILIPINAS RICE PROGRAM

GIPAHIBALO Ni Bohol Governor Erico Aris Aumentado nga nakadawat ang Provincial Government sa Bohol og ₱196 milyon nga pinansyal nga tabang gikan sa Nasudnal nga Gobyerno ubos sa FY 2026 Local Government Support Fund–Financial Assistance (LGSF-FA) para sa Bagong Pilipinas Rice Program.

Kini nga pondo gitumong aron pagpalig-on sa mga inisyativa sa seguridad sa pagkaon sa Bohol ug pagsiguro og mas barato nga suplay sa bugas alang sa mga Boholano.

Ang pondo pormal nga gitunol atol sa paglusad sa “Sa Bagong Pilipinas, Bawat Bayan Makikinabang” sa Malacañang Palace, nga gitambungan sa mga opisyal sa lokal nga gobyerno.

Si Gov. Aumentado nipasalig nga ang pondo magpaluyo sa pag-uswag sa agrikultura ug mga paningkamot sa seguridad sa pagkaon sa Bohol.

📷 Credit: Erico Aris Aumentado page

24/02/2026

TAN-AWA: SPECIAL ECONOMIC ZONE (SEZ) SA NORTHERN BOHOL, GIDUSO NI CONG. VAN-VAN AUMENTADO

SUMALA sa pahayag ni Congresswoman Van-van Aumentado, representante sa 2nd District sa Bohol, ang pagtukod sa Special Economic Zone (SEZ) sa Northern Bohol dili eksperimento.

Gipatin-aw niya nga ang mga economic zone sa tibuok nasud nagpamatuod nga kung ang gobyerno magtakda og mga kondisyon alang sa investment, mosunod niini ang pagmugna og trabaho ug paglambo sa mga industriya.

"Ang gikinahanglan sa Northern Bohol mao ang stable employment, mas lig-on nga lokal nga negosyo, ug dugay nga aktibidad sa ekonomiya," matud niya.

Gihatagan og gibug-aton ni Cong. Aumentado nga kung walay mga oportunidad sa mga lalawigan, ang mga tawo magpadayon sa pagbiya sa ilang mga lugar, magdala og talent drain, pag-stagnate sa mga komunidad, ug dili patas nga paglambo.

"Ang SEZ dili saad sa instantong kauswagan. Kini usa ka lig-on ug realistiko nga himan aron matukod ang kalambuan," dugang sa iyang sponsorship speech.