NewStar Phil, F. Llamas Street, Cebu City (2026)

06/09/2026

𝐂𝐎𝐌𝐌𝐄𝐑𝐂𝐈𝐀𝐋 𝐁𝐀𝐒𝐊𝐄𝐓𝐁𝐀𝐋𝐋 𝐏𝐋𝐀𝐘𝐄𝐑 𝐒𝐀 𝐆𝐄𝐍𝐒𝐀𝐍 𝐍𝐆𝐀 𝐍𝐀𝐏𝐀𝐒𝐀𝐊𝐀𝐀𝐍 𝐔𝐆 𝐊𝐀𝐒𝐎𝐍𝐆 𝐑𝐀𝐏𝐄 𝐒𝐀 𝐔𝐒𝐀 𝐊𝐀 𝐄𝐒𝐓𝐔𝐃𝐘𝐀𝐍𝐓𝐄 𝐆𝐈𝐀𝐑𝐄𝐒𝐓𝐎 𝐇𝐔𝐌𝐀𝐍 𝐍𝐀𝐋𝐔𝐓𝐒𝐀𝐍 𝐔𝐆 𝐖𝐀𝐑𝐑𝐀𝐍𝐓 𝐎𝐅 𝐀𝐑𝐑𝐄𝐒𝐓

Gikatakdang ipreso sa General Santos City Jail ang iladong commercial basketball player didto sa South Cotabato, Sarangani ug General Santos City (SOCSARGEN) kinsa sa sayo pa gidakop sa kasong r**e ug sexual assault nga napasaka batok kaniya sa biktima nga usa ka estudyante sa kolehiyo.

Ang akusado nga si alias “Wewe” gidakop sa hiniusang pwersa sa Mabuhay Police Station sa General Santos City Police Office ug Tupi Police Station didto sa Sitio Atbangan, Barangay Tubeng, Tupi pinasikad sa Warrant of Arrest nga gi-isyu ni Honorable Judge Roel John Ladeza sa RTC Branch 35, General Santos.

Sa nasayran usa ka 1st year college student ang nipasaka sa kaso batok sa naasuyng commercial basketball player human sa nahitabong pagpanglugos naidtong Marso ning tuiga diin ang administrasyon sa eskwelahan nihatag ug hingpit nga suporta sa biktima ug ngadto sa iyang pamilya.

Ang akusado nagsugod pagkailado sa Socsargen dihang nahimo kining varsity player sa usa sab ka kolehiyo ug human niadto nakaduwa na sa mga commercial nga liga.

Human sa pagdakop kaniya sa Tupi gibalhug ang akusado sa Mabuhay Police Station ug gikatakdang ibalhin sa Gensan city jail sa Lanton, Apopong kung maaprubahan na sa korte ang iyang commitment order. /CCO

📷 XFM Gensan/ctto

05/09/2026

𝐁𝐀𝐍𝐀 𝐍𝐆𝐀 𝐍𝐔𝐑𝐒𝐄 𝐍𝐈𝐃𝐀𝐒𝐌𝐀𝐆 𝐏𝐀𝐓𝐀𝐘 𝐒𝐀 𝐀𝐒𝐀𝐖𝐀 𝐍𝐆𝐀 𝐑𝐀𝐃𝐓𝐄𝐂𝐇; 𝐑𝐈𝐃𝐄𝐑 𝐍𝐆𝐀 𝐌𝐀𝐎𝐘 𝐆𝐈-𝐁𝐎𝐎𝐊 𝐒𝐀 𝐁𝐈𝐊𝐓𝐈𝐌𝐀 𝐍𝐀𝐀𝐍𝐆𝐎𝐋 𝐒𝐀𝐁

Kasong parricide, atbp. ang giatubang karun sa usa ka nurse nga bana human niya dasmagi sa iyang gimaneho nga awto ang iyang kaugalingong asawa samtang sakay kini sa gi-book niini nga motorsiklo didto sa Pelaez Boulevard, Barangay Kauswagan, Cagayan de Oro City.

Giila sa Traffic Enforcement Unit (TEU) ang suspek nga si Paul Christian Roque, 36, samtang ang biktima mao ang iyang asawa nga si Ivy Berjame Tingson, 28, radiologic technologist (RadTech) sa Northeastern Misamis General Hospital (NMGH) sa Villanueva, Misamis Oriental.

Nahitabo ang insidente niadtong Septyembre 3 dihang sakay ang biktima sa motorcycle for hire nga Honda XRM kinsa gimaneho ni Jeric Cantago, 33.

Segun sa inbestigasyon - taud-taud nang dunay bingkil ang mag-asawa gani nibuwag na ug puyo ang biktima kinsa gihulagway nga “battered wife” ug dihang nataymingan sa bana nga paingon sa trabaho ang asawa nga sakay sa gi-book niini nga motorsiklo gialegar nga tuyo kini nga gidasmagan sa bana sa ilang awto nga Toyota Vios nga giingong regalo pa gani sa magtiayon sa ilang kasal.

Nagrabehan ang asawa hinungdan nga nakabsan kini sa iyang kinabuhi didto sa Northern Mindanao Medical Center diin siya gidala human sa insidente samtang kritikal karun ang kahimtang sa rider.

Ang suspek giingong nagumon sa bisyo ug
bag-o pang nigawas sa usa ka rehabilitation facility - gihulagway sab nga “cheater” apan mao pa gani hinoon ang mupasangil sa biktima.

Human nidasmag ang Vios nilahos pa kini ug bangga sa usa ka fruit stand nga dunay nag-parking nga Hyundai Eon hinungdan nga gawas sa parricide - kasong reckless imprudence resulting to frustrated homicide ug damage to properties sab ang atubangon niini./CCO

📷 ctto

03/09/2026

News Update: 𝟐𝟏-𝐀𝐍𝐘𝐎𝐒 𝐍𝐆𝐀 𝐋𝐀𝐔𝐍𝐃𝐑𝐘 𝐀𝐓𝐓𝐄𝐍𝐃𝐀𝐍𝐓 𝐆𝐈𝐏𝐔𝐒𝐈𝐋 𝐏𝐀𝐓𝐀𝐘 𝐒𝐀 𝐊𝐀𝐍𝐇𝐈 𝐔𝐘𝐀𝐁 𝐍𝐆𝐀 𝐀𝐑𝐌𝐘 𝐊𝐈𝐍𝐒𝐀 𝐍𝐀𝐒𝐔𝐊𝐎 𝐍𝐆𝐀 𝐆𝐈𝐁𝐔𝐖𝐀𝐆𝐀𝐍 𝐇𝐔𝐌𝐀𝐍 𝐍𝐀𝐃𝐈𝐒𝐊𝐎𝐁𝐑𝐄𝐇𝐄 𝐍𝐆𝐀 𝐌𝐈𝐍𝐘𝐎 𝐃𝐈𝐀𝐘

Nagpadayon karun ang “manhunt” sa usa ka sakop sa Philippine Army human nipusil patay sa iyang nakarelasyon nga dalaga didto sa Butuan City.

Giila ang suspek nga si PFC NOEL “Akit” MANPINSAHAN - sakop sa 26th Infantry Battalion nga nag-basi sa Talacogon, Agusan del Sur.

Biktima sa naasuyng sakop sa militar ang iyang nauyab nga si Leah Mae Gallino Badbaran, 21, dalaga, taga San Luis, Agusan del Sur, laundry attendant didto sa Purok 7, Barangay Ampayon, Butuan City kinsa gipusil patay sa suspek niadtong nilabayng Byernes, Agosto 29, 2026.

Segun sa tahu nga samtang namilo sa iyang nalabhan nga sinena sa ilang customer ang biktima kalit lang niabot ang suspek sakay sa usa ka Rusi motorcycle diin nitumaw ilang panaglalis sanglit nibuwag na kaniya ang biktima.

Nasuko ang suspek hinungdan nga niibot kini sa iyang gidala nga pusil ug gipusil igo sa dughan sa biktima kinsa nalup-og gyud diha sa iyang gitrabahuan nga laundry shop.

Gidala pa sa Butuan Medical Center ang biktima apan gideklarar kini nga Dead on Arrival (DOA) sa maong ospital.

Basi sa inbestigasyon ang biktima nakigbuwag sa suspek sanglit iya kining nahibaw-an nga minyo apan wala musugot maong nasuko ug namusil dayong sibat gikan sa dapit sa nahitabuan./CCO

📷 ctto

02/09/2026

𝐒𝐄𝐊𝐘𝐔 𝐆𝐈𝐃𝐀𝐊𝐎𝐏 𝐊𝐀𝐘 𝐍𝐀𝐍𝐆𝐀𝐖𝐀𝐓 𝐔𝐆 𝐇𝐀𝐖𝐎𝐊; 𝐒𝐔𝐒𝐏𝐄𝐊 𝐍𝐀𝐍𝐆𝐇𝐈𝐌𝐀𝐊𝐀𝐊 𝐀𝐏𝐀𝐍 𝐍𝐈𝐀𝐍𝐆𝐊𝐎𝐍 𝐍𝐆𝐀 𝐍𝐀𝐒𝐔𝐋𝐓𝐈𝐀𝐍 𝐍𝐈𝐘𝐀 𝐀𝐍𝐆 𝐁𝐈𝐊𝐓𝐈𝐌𝐀 𝐋𝐀𝐁𝐎𝐓 𝐒𝐀 “𝐈𝐑𝐈𝐍𝐆” 𝐍𝐈𝐈𝐍𝐈

Gipreso sa Carbon Police Station ang usa ka gwardya human siya gitumbok sa usa ka dalaga nga nigakos ug nanghawok kaniya didto sa iyang gipuy-an nga dormitoryo duol sa usa ka unibersidad sa Sanciangko Street, Cebu City.

Ang suspek nga si alias “Robin”, 48, lumad nga taga Kabangkalan, Negros Occidental apan kasamtangan nga nanimuyo sa Brgy. Tingub, Mandaue City nipanghimakak hinoon sa pasangil nga nahitabo pasado alas 11:00 ang takna sa kagabhion niadtong Lunes, Agosto 31.

Segun sa biktima nga si alias “Anna”, 19, kalit lang siyang gigakos ug gihalokan suspek dihang sila rang duha sa usa ka dapit sa dormitoryo hinunggdan nga nidangop siya sa kapolisan kuyog sa iyang boardmate pagka buntag sa adlawng Martes, pipila ka oras sa hitabo.

Gidakop dayon ang suspek sa mga nirespondi nga mga operatiba sa Carbon Police Station hinungdan nga napreso ang suspek kinsa pamilyado.

Gipanghimakak sa suspek ang pasangil apan iyang giangkon nga nasaghiran niya dapit sa dughan ang biktima dihang iya kining gibuyag kalabot sa buhi niini nga “iring” nga gidili sa dormitoryo.

Niya pa sa suspek iya rang gihunghungan ang biktima maong napaduol siya niini maong wala niya damha nga gipadakop siya niini tungod sa reklamo nga “Act of Lasciviousness.”

Ang iring sa biktima nasamdam sab dapit sa ulo ug natahap ang suspek nga siya ang gipasanginlan sa biktima kalabot niini kinsa nihangyo gyud niya nga dad-on ang iring sa iyang kwarto taliwala sa “No Pet Policy” sa dormitoryo./ via PAUL LAURO

📷 Paul Lauro/ctto

01/09/2026

News Update: 𝐃𝐀𝐋𝐀𝐆𝐈𝐓𝐀 𝐍𝐆𝐀 𝐔𝐍𝐀𝐍𝐆 𝐆𝐈𝐊𝐀𝐓𝐀𝐇𝐔 𝐍𝐆𝐀 𝐍𝐀𝐋𝐔𝐌𝐎𝐒 𝐆𝐈𝐓𝐔𝐇𝐔𝐀𝐍𝐆 𝐆𝐈𝐋𝐔𝐆𝐎𝐒 𝐔𝐆 𝐆𝐈𝐏𝐀𝐓𝐀𝐘; 𝐀𝐌𝐀𝐇𝐀𝐍 𝐍𝐆𝐀 𝐀𝐋𝐁𝐔𝐋𝐀𝐑𝐘𝐎 𝐍𝐈𝐓𝐔𝐆-𝐀𝐍 𝐍𝐆𝐀 𝐃𝐀𝐆𝐇𝐀𝐍 𝐀𝐍𝐆 𝐁𝐔𝐍-𝐎𝐆 𝐒𝐀 𝐋𝐀𝐖𝐀𝐒 𝐒𝐀 𝐈𝐘𝐀𝐍𝐆 𝐀𝐍𝐀𝐊 𝐊𝐈𝐍𝐒𝐀 𝐇𝐔𝐁𝐎 𝐃𝐈𝐇𝐀𝐍𝐆 𝐈𝐘𝐀𝐍𝐆 𝐍𝐀𝐊𝐈𝐓𝐀

By PAUL LAURO
Senior Correspondent

Dako ang katahap sa amahan niadtong dalagita nga 17-anyos nga sa sayo pa gikatahu nga nalumos nga gilugos ug gipatay ang iyang anak didto sa Barangay Balud, San Fernando, Cebu.

Kini sumala pa ni Rodel Gentapa, amahan sa 17-anyos nga si Mariel Gentapa, Grade 10, kinsa nalumos sa dagat niadtong Dominggo sa buntag, Agosto 31.

Person of Interest karun ang usa ka alias “Rolando,” 58, usa ka biyudo, kinsa maoy nitahu nga nalumos ang dalagita sanglit una niyang nakita nga nagkapa-kapa sa dagat apan wala niya adtoa sanglit lawom ang dapit diin iyang nakita ang dalagita nga nangayo ug panabang.

Dihang naduol na sa mabaw ang dalagita didto na kini niya gitabang ug gidala sa baybayon ug nangayo na sab siya ug pakitabang sa ubang mulopyo.

Ang amahan nga si Rodel nga nailhan sab nga si “Brod Rodel Albularyo”, usa ka “faith healer” sanglit nanambal siya pinaagi sa Binisaya ug mga pag-ampo sa “Latin” nagduda nga nahilabtan ang iyang anak sanglit hubo na gani ang sapot niini dihang iyang unang nakita human siya
giapas sa iyang balay sa usa sa ilang mga silingan.

Asoy sa amahan nga dunay mga bun-og sa kalawasan ang iyang anak ug nilagom ang dapit sa liog timailhan nga kini gituok ug dunay bukol sa iyang ulo samtang nihubag sab ang kinatawo niini.

Gidala pa sa Carcar Provincial Hospital ang iyang anak apan gideklarar kini nga Dead on Arrival.

Nibutyag ang amahan nga andam sila nga ipa-“autopsy” ang iyang anak samtang nangayo sab sila ug hustisya ug gipapangita sa mga otoridad ang kadtong unang nibutyag nga nakit-an niya ang iyang anak nga nalumos sanglit takulahaw lang nga wala na kini didto sa iyang gipuy-an./ with CCO

📷 via Paul Lauro/ctto

30/08/2026

𝐂𝐑𝐈𝐌𝐈𝐍𝐎𝐋𝐎𝐆𝐈𝐒𝐓 𝐔𝐆 𝐈𝐘𝐀𝐍𝐆 𝐀𝐌𝐈𝐆𝐎 𝐍𝐆𝐀 𝐆𝐈𝐊𝐀𝐍 𝐍𝐀𝐌𝐈𝐒𝐓𝐀, 𝐏𝐀𝐓@𝐘 𝐒𝐀 𝐃𝐈𝐒𝐆𝐑𝐀𝐒𝐘𝐀

By PAUL LAURO
Senior Correspondent

Pulos gideklarar nga Dead On Arrival (DOA) sa tambalanan ang duha ka managhigala nga nadisgrasya samtang sakay sa motorsiklo sa ilang pagpamauli gikan nga namyesta didto sa siyudad sa Naga pasado alas 2:00 kaganihang kaadlawon, Dominggo, Agosto 30, 2026.

Giila ang mga nakalas nga sila si Nhomar Regis Cañoneo, 25, kinsa mao ang nagmaneho sa Honda Click 125 ug ang iyang backrider nga si Mark Jovan Ubas, 30, mga residente sa Barangay Inayagan sa naasuyng siyudad.

Segun sa inbestigasyon - gikan namyesta ang duha sa Barangay Tangke sa naasuyng siyudad apan nabangga ang ilang motorsiklo sa luyo sa nag-parking nga usa ka Suzuki multi-cab sa daplin sa dalan pag-abot niini didto sa Barangay Tuyan.

Gibutyag sa police blotter nga nakainom ang duha kun “under the inlluence of liquor” atul sa pagkahitabo ug kusog ang dagan sa motorsiklo maong wala nila mabantayi nga naghunong diay ang multicab nga nag-parking sa gutter sa dalan nga nakarehistro sa usa ka Fernando Mancao nga taga Brgy. Ocaña, Carcar City.

Gidala pa sila ug ambulansya ngadto sa Naga City Infirmary sa mga nirespondi nga mga sakop sa City Disaster Risk Reduction and Management Office (CDRRMO) sa maong siyudad apan gideklalar sila nga DOA sa attending physician nga si Dr. Kimberly David.

Nasayran sa tahu nga si Canoñeo usa ka registered criminologist human nipasar niadtong 2024 kinsa napasidunggan isip usa sa mga city scholar sa City of Naga LGU./with CCO

27/08/2026

ews Update: 𝟐𝟎-𝐀𝐍𝐘𝐎𝐒 𝐍𝐆𝐀 𝐄𝐒𝐓𝐔𝐃𝐘𝐀𝐍𝐓𝐄 𝐒𝐀 𝐀𝐑𝐆𝐀𝐎 𝐍𝐆𝐀 𝐆𝐈𝐃𝐀𝐊𝐎𝐏 𝐓𝐔𝐍𝐆𝐎𝐃 𝐒𝐀 𝐁𝐎𝐌𝐁 𝐉𝐎𝐊𝐄 𝐍𝐀𝐆𝐌𝐀𝐇𝐀𝐘

Tumang pagmahay maoy gibati sa usa ka 20-anyos nga estudyanteng lalaki sa Cebu Technological University (CTU) Argao campus kinsa nadakpan tungod sa iyang nabuhat nga “bomb joke.”

Ang napreso karun sa Argao Municipal Police Station mao si alias “Marky,” tinun-an sa kurso nga Bachelor of Information Technology (BIT) nga residente sa Barangay Ubaob sa naasuyng lungsod.

Nadakpan ang suspek niadtong Martes sa hapon, Agosto 25, dihang gi-inspeksyon sa security guard on duty ang mga bag sa estudyante nga misulod sa eskwelahan.

Dihang ang iyang bag na ang gi-inspeksyon niingon ang estudyante nga “Basi na-ay bomba diha, mubuto,” busa gidakop siya sa gwardya.

Gidala ang estudyante sa Student Affairs Office (SAO) ug gitawgan sa kadagkuan sa maong eskwelahan ang Argao police station hinungdan nga gipreso ang estudyante ug gipasakaan ug kasong kalapasan sa Presidential Decree 1727 (Anti-Bomb Joke Law)./CCO

📷 ccto

26/08/2026

𝐀𝐌𝐀-𝐀𝐌𝐀 𝐆𝐈𝐏𝐀𝐍𝐆𝐈𝐓𝐀 𝐇𝐔𝐌𝐀𝐍 𝐆𝐈𝐓𝐔𝐌𝐁𝐎𝐊 𝐍𝐆𝐀 𝐒𝐔𝐒𝐏𝐄𝐊 𝐒𝐀 𝟏𝟒-𝐀𝐍𝐘𝐎𝐒 𝐍𝐆𝐀 𝐔𝐍𝐀𝐍𝐆 𝐆𝐈𝐊𝐀𝐓𝐀𝐇𝐔 𝐍𝐆𝐀 𝐍𝐀𝐆𝐇𝐈𝐊𝐎𝐆; 𝐒𝐔𝐒𝐏𝐄𝐊 𝐆𝐈𝐏𝐀𝐇𝐈𝐌𝐔𝐍𝐆𝐓𝐀𝐍 𝐀𝐍𝐆 𝐁𝐈𝐊𝐓𝐈𝐌𝐀 𝐊𝐀𝐘 𝐆𝐈𝐁𝐔𝐖𝐀𝐆𝐀𝐍 𝐔𝐆 “𝐆𝐈-𝐆𝐇𝐎𝐒𝐓𝐈𝐍𝐆”
𝐒𝐀 𝐈𝐘𝐀𝐍𝐆 𝐀𝐒𝐀𝐖𝐀

By PAUL LAURO
Senior Correspondent

Gipangita na karun sa mga otoridad ang “step-father” sa 14-anyos nga junior high school kinsa unang gikatahu nga naghunos sa iyang kaugalingon didto sa Sitio Candato, Barangay Guindarohan, Minglanilla, Cebu.

Giila sa Minglanilla Municipal Police Station ang suspek nga si Romnick Villahermosa, 34, kinsa nisibat pipila ka oras human sa hitabo niadtong Lunes sa kaadlawon, Agosto 24, diin siya mismo ang nipahibawo ug nisinggit sa mga kasilinganan sa nadangatan sa biktima nga si John Eric Bedro, Grade 8 student sa Guindarohan National High School.

Gipatuo sa suspek sa katawhan nga naghikot sa liog ang biktima sa usa ka sanga sa kahoy sa darohan nga duol sa ilang balay apan ang manghud sa namatay nitug-an nga namakak ang iyang amahan sanglit iyang nakita nga gituok niini ang iyang maguwang kinsa anak sa unang bana sa ilang inahan.

Si Emily Bedro, 36, nitug-an nga ang iyang anak maoy napahimungtan sa iyang bana sanglit wala na kini niya tagda ug “gi-ghosting” diha sa social media ug gi-block sa chat sukad siya nibiya sa ilang balay ug nanrabaho sanglit kanunay mamun-og kaniya ang suspek lakip na gani nga dapatan sab niini ang iyang mga anak.

Sa wala pa ang hitabo ang iyang anak gisugo sa suspek nga mangayo niya ug kwarta pinaagi sa chat apan wala siya muhatag hinungdan nga nagtuo ang maong inahan nga gipahimungtan ang iyang anak.

Nisibat ug kalit ang suspek dihang gisugdan na ang imbestigasyon sa panghitabo gani dihang gidala unta siya sa mga emergency responders arun hikutaron nga mapahiluna ang patayng lawas sa biktima wala na kini mukuyog.

Ang suspek kinsa nagtrabaho sa usa ka sand and gravel hauling nga negosyo gitumbok sab nga nagbisyo sa ginadiling drugas. /with CCO

📷 via Paul Lauro/ctto

24/08/2026

TRIGGER WARNING: Graphic Content

Look: 𝐒𝐄𝐀𝐌𝐀𝐍 𝐍𝐆𝐀 𝐓𝐀𝐆𝐀 𝐁𝐎𝐇𝐎𝐋 𝐆𝐈𝐏𝐀𝐏𝐑𝐄𝐒𝐎 𝐊𝐀𝐘 𝐆𝐈𝐊𝐀𝐌𝐀𝐍𝐆 𝐔𝐆 𝐆𝐈𝐓𝐔*𝐋𝐎𝐊 𝐀𝐍𝐆 𝐃𝐀𝐋𝐀𝐆𝐈𝐓𝐀 𝐒𝐀 𝐊𝐈𝐍𝐀𝐓𝐀𝐖𝐎

By PAUL LAURO
Senior Correspondent

CEBU CITY- Tingkagol karun sa presohan ang usa ka seaman nga Bol-anon human siya gidakop kay iyang gikamang ug “gi-fi@ger” ang kinatawo sa usa ka dalagita didto sa Barangay Mabolo ning siyudad.

Ang suspek nga si alias “Rome,” 30 anyos, lumad nga taga Brgy. Bugaong, Buenavista, Bohol, nangatulog nga dug-ol ra ug ang biktima nga 16-anyos kinsa Grade 8 student sa Mandaue City nga nibisita ra sa giabangan nga kwarto sa iyang maguwang didto sa Mabolo.

Segun sa report nagkainom sila sa wala pa ang hitabo pasado alas 6:00 sa buntag niadtong Sabado, Agosto 22, diin naatul nga nilakaw ang maguwang sa biktima uban ang ka-live-in niini kinsa ig-agaw sa suspek nga maoy ilang kauban sa pag-inom sa nilabayng gabii.

Sanglit sila rang duha ang nahabilin didto na nahitabo ang pagpahimulos sa suspek ngadto sa biktima diin nagtuo ang suspek nga nisugot ra sab ang biktima kay wala man kini musyagit ug nangayo ug pakitabang bisan pa ug iya na kining gihuboan sa iyang “undergarments” human gigakos ug gihawkan.

Apan asoy sa biktima nga nahadlok ra gyud siya sa suspek hinungdan nga wala siya mupalag maong dihang nibalik na ang iyang maguwang nisumbong siya sa nahitabo.

Niaksyon dayon ang maguwang sa biktima ug gipatuman ang Citizen’s Arrest (CITAR) ngadto sa suspek ug kuyog silang managsoon ilang gi-turn over ang suspek sa Mabolo Police Station.

Sumbong “sexual assault” basi sa Republic Act 7610 (Special Protection of Children Against Abuse, Exploitation and Discrimination Act) ang ipasaka batok sa suspetsado. /with CCO

📷 via Paul Lauro

22/08/2026

‘𝐒𝐏𝐈𝐃𝐄𝐑𝐌𝐀𝐍’ 𝐍𝐀𝐃𝐀𝐊𝐏𝐀𝐍 𝐒𝐀 𝐒𝐇𝐀𝐁𝐔 𝐃𝐈𝐃𝐓𝐎 𝐒𝐀 𝐓𝐎𝐋𝐄𝐃𝐎

Walay bawot sa maabtik nga mga kapolisan ang gillang Spiderman didto sa Toledo City human siya madakpan sa usa ka buy-bust operation.

Ang suspek nga si Junmar Diano Mago, 39, alias Oman a.k.a. “Spiderman” giingong nitago pa sa kisame sa balay diin didto siya nidagan atul sa gipahigayun ang anti-illegal drug operation sa Barangay Calong-calong, Toledo City niadtong Myerkules sa hapon, Agosto 19, 2026.

Mubalor ra hinoon ug P3,808 ang nasakmit nga shabu sa suspek kay nitimbang ra kini ug .056 grams nga ubos sa P6, 800 nga Standard Drug Price (SDP) sa Dangerous Drugs Board (DDB).

Ang sirkumstansya sa pagkadakop daw usa ka tanhaga sanglit kun buy-bust operation nganong nakalighot pa gyud ang suspek ug wala dayon maguniti sa mga nipahigayun sa naasuyng police operation sanglit gikatahu nga nakatago pa kini sa kisame sa usa ka balay.

Tukmang sumbong kriminal basi sa Republic Act No. 9165 o Comprehensive Dangerous Drugs Act of 2002 ang ipasaka batok sa suspek./CCO

📷 ctto

NewStar Phil

06/09/2026

05/09/2026

03/09/2026

02/09/2026

01/09/2026

30/08/2026

27/08/2026

26/08/2026

24/08/2026

22/08/2026

Address

Website

Alerts

Shortcuts

Share

Category

Listing takedown request