DYUR

02/05/2022

LOOK| Exactly a week before the well-awaited Philippine National Elections, the results of the Presidential and Vice Presidential ComMock elections are finally made public. It is participated by students from the Communication and Media Studies Department of Cebu Normal University-Main Campus.

The activity is in collaboration with all the organizations under the Department of Communication and Media Studies.

16/01/2021

Visperas... Viva Pit Señor!

16/01/2021

14/01/2021

18/12/2020

NAGPUYO DAPLIN SA SAPA MAY AYUDA

Nakadawat og financial assistance ang mga pamilya nga mihawa sa ilang pinuy-anan
kilid sa sapa niadtong Disyemre 17,2020.

Base sa Facebook post sa Cebu City Public Information Office, kapin sa 100 ka mga informal settler nga nagpuyo daplin sa sapa sa upat ka barangay sa dakbayan sa Sugbo.

Tinguha ni Mayor Edgar Labella nga malimpyo gyod ang mga easement zone sa mga sapa gikan sa mga illegal structures.

Gibutyag ni Konsehal Jerry Guardo, chairman sa Committee on Infrastructure sa konseho sa Dakbayan sa Sugbo nga 22 ka informal settlers sa Tejero, 48 sa Tinago, 20 sa Pasil ug 18 sa Barangay Mambaling.

Ang financial assistance gikan sa Department of Public Works and Highways (DPWH) ug gipaagi sa Cebu City Government sanglit dili makasugod ang buhatan sa ilang flood control project kun dili mahawan ang daplin sa sapa.

Ang kapin 100 ka pamilya diin ang mga balay niini nasulod sa 3 meter easement zone ug naapiktahan kini sa proyekto sa DPWH. (Lovely Depositario, BAComm4)

18/12/2020

MGA TINUN-AN SA TOLEDO NAKADAWAT OG AYUDA

Gipangulohan ni Mayor Joie Piczon-Perales ang pagpanghatag sa educational assistance sa Toledo City Government Scholars alang sa ilang tution fees ug allowance.

Base sa Facebook post sa Toledo City Public Information Office, dul-an sa 43 ka estudyante ang nakadawat sa hinabang gikan sa dakbayan.

"Dili kini mahimong posible kung wala magkahiusa ang mga opisyales sa dakbayan. Busa, padayon sa pagkugi kay ang inyong gobyerno kanunay moabag kaninyo,” nagkanayon si Perales sa iyang mensahe sa mga tinun-an. (SHERLY MAE SABAL, Comm4)

18/12/2020

MANIPIS ROAD GISIRAD-AN NUNOT SA BAGYONG VICKY

Gisirad-an sa dakbayan sa Talisay ang Manipis sugod alas 8:00 sa gabii niadtong Disyembre 18, 2020 nunot sa Bagyong Vicky nga miigo sa Sugbo.

Kini ang gipahibawo sa page ni Mayor Samsam Gullas nunot sa di maayong panahon nga gitagamtam sa Sugbo ug paglikay sa landslide nga moigo sa dapit.

Hangyo ni Gullas sa mga motorista nga mag-agian sa Manipis Road nga likayan lang usa ang pag-agi sa pagkakaron tungod sa nakitang presensya sa mga lapok ug bato nga anaa sa karsada. (Mary Grace Timtim, BA Comm4)

18/12/2020

CARBON GIHAWANAN

Padayon ang paghawan sa mga dagkong kadalanan dinhi sa dakbayan sa Sugbo niadtong Disyembre 17, 2020, subay sa kamanduan sa Department of Interior and Local Government (DILG).

Sa Facebook post sa Cebu City Public Information office ang mga sakop sa Prevention Restoration Order Beautification Enhancement (PROBE), Market Operations Division, Cebu City Transportation Office, Cebu City Environmental Sanitation Enforcement Team Department of Public Works and Highways (DPWH) ug mga sakop sa Police Station 5 mipahigayon og road clearing operation sa Carbon area sa Barangay Ermita.

Si Jonathan Villas, team Leader sa PROBE mibutyag nga mipahigayon na silag rekorida uban si Ermita Barangay Kapitan Mark Miral ug niadtong Disyembre 14 alang sa pagpahibawo sa pagahimuon nga road clearing operation hinungdan nga wala nisupak bisan usa ka manindahay nga gipang-imbargo ang ilang mga butang.

Matod ni Villas tumong sa road clearing nga mabalik sa normal ang sidewalk nga wala nay magbabag sa agianan sa mga tawo.

Human sa road clearing operation, moduso sila og report ngadto sa DILG.

Si Erwin Navales, chief operation sa CCTO mibutyag nga duna silay na-clamp mga sakyanan ug naa silay na tikitan human nahisupak sa City Ordinance 801 kun illegal parking sa sidewalk. (ALLADEN LAZAGA, BAComm4)

Hulagway: Cebu City Public Information Office

18/12/2020

HEALTH CENTER, AMBULANSIYA GIHATAG SA TOLEDO

Gihimo niadtong Disyembre 18, 2020 ang turn-over sa Health Center ug Lying-In Clinic uban sa Community Ambulance sa Barangay Loay, Dakbayan sa Toledo nga gihatag sa Carmen Copper Corporation.

Sa post sa Toledo City Public Information Office, mapasalamaton si Toledo Mayor Joie Piczon- Peralta sa Carmen Copper Corporation ug iyang gipasidunggan ang mga mahinungdanon nga tampo niini alang sa dakbayan

Anaa usab sa sa kalihukan si Kapitan Junalyn Alicaba, Konsehal Eric Espinosa, Konsehal Louie Espinosa, Konsehal Ian Zambo ug ang mga kadagkuan sa Carmen Copper Corporation nga sila si Joemar Pritos, Community Relations Department Head ug Sofia Picardal, Corporate Communication Department Head. (Mary Grace Timtim, BA Comm4)

18/12/2020

50 NA-STRANDED NUNOT SA BAGYONG VICKY

Mosobra sa 50 ka mga tawo ang na-stranded sa pier sa dakbayan sa Danao niadtong Disyembre 18 nga alang sa Camotes Island kay gikanselar ang biyahe nunot sa bagyong Vicky.

Sumala sa Coast Guard, nga alas 5:30 am ang katapusang biyahe padung Camotes.

Wala pay insakto nga oras kon kanus-a ibalik ang byahe og magdepende kini sa panahon, pahibawo sa Danao City Government Page.

Gimonitor ug giabagan na sa CDDRRMO/RESCUE211 ang kahimtang sa mga stranded aron masuta ug unsa pay dugang aksyon sama sa pagpahimutang kanila sa usa ka temporary shelter. (Mary Grace Timtim, BAComm4)

Hulagway: CDRRMO DANAO CITY PAGE

18/12/2020

PAGDAGSA SAA MANIMBAHAY SA MISA DE GALLO SULBARON

Problema sa kadaghang manimbahay sa Basilica Minore del Sto. Niño atol sa Misa de Gallo, gipangitaan og solusyon sa mga tinugyanan sa Cebu City Government, barangay, kapulisan ug kaparian atol sa usa ka tigom niadtong Disyembre 17, 2020.

Base sa facebook post sa Cebu City Public Information Office, si Mayor Edgar Labella nimando sa hugot nga pagpatuman sa minimum health protocol atol sa Misa de Gallo sama sa social distancing ug pagsul-ob og face mask ug face shield aron magpabilin nga luwas sa COVID-19.

Nakigtagbo silang Harold Alcontin sa Cebu City Disaster Risk Reduction Management Office, Raquel Arce sa Prevention Restoration Order Beautification and Enhancement ug Grace Luardo sa Cebu City Environmental Sanitation Enforcement Team sa kaparian sa Sto. Niño aron pangitaan og paagi nga adunay social distancing sa gawas sa simbahan atol sa Misa de Gallo.

Lakip sa mitambong sa tigom ang representante sa Cebu City Police Office ug si Sto. Niño Barangay Kapitan Lulu Ramirez. (SHERLY MAE SABAL, BAComm4)

Hulagway: Cebu City Public Information Office

18/12/2020

HEALTH CARE WORKERS MAKADAWAT OG P10,000

Sugdan na sa pagpanghatag sunod semana ang tag P10,000 nga financial incentive alang sa mga private health care workers sa Cebu City subay sa gisaad kanila ni Mayor Edgar Labella nunot sa ilang pagserbisyo isip frontliners sa COVID-19 response.

Nalatid sa Facebook post sa Cebu City Public Information Office, niadtong Disyembre, 17,2020 nga gipirmahan na ni City Administrator Floro Casas Jr.

Ang mga makadawat sa financial incentive mao ang mga doktor, nurse, medical technologist ug ubang mga health care worker. (SHERLY MAE SABAL, BAComm4)