10/07/2025
Kani maoy Governor, salute to you, Madam Governor
π
ππππππ ππ
πππ
ππππππππ πππππππ ππ πππ. πππ ππππππππππ ππ πππ πππππππππππ ππππ ππ πππππππππ πππππ πππ πππ πππππππππ πππ ππππππππ ππ πππππππππ
Kabahin sa tinguha nga transparency ubos sa iyang pamunoan, gimandoan ni Cebu Governor Pamela Baricuatro ang tanang departments, opisina sa kapitolyo lakip ang mga hospitals ug uban pa'ng opisina ubos sa pagduma sa kagamhanan sa lalawigan sa Sugbo sa paghatag og access sa impormasyon nga gikinahanglan niini.
Naglakip na niana ang access sa official records, research data nga gigamit sa policy development ug government transactions gawas lang sa gitugot sa balaod nga mga limitasyon.
Ang Executive Order No. 3 S.2025 nga ginganlang 'Cebu Freedom Information' nagmando usab sa tanan nga departments sa kapitolyo sa pag-muntar og Freedom of Information (FOI) desk nga maoy modawat ug mo proseso sa mga requests sa gikinahanglang impormasyon o dokumento.
Gidugang niini nga kinahanglan usab nga may itagana nga FOI receiving officer sa matag Department head.
Apil sa proseso sa pagkuha og dokumento o pagpangayo og impormasyon ang paghatag usab sa kinatibuk-ang pangalan ug contact details sa requesting party.
Kinahanglan usab ang valid government issued ID isip proof of identity ug specific nga description sa impormasyon nga gi-request.
Mahimo nga moproseso ang matag opisina sulod sa seven working days ug extension nga 20 ka adlaw gawas lang sa mga kaso nga dinalian.
Ugaling denied ang request, gikinahanglan usab nga moluwat og pamahayag ang opisina nga nagsaysay sa hinungdan nganong gi-deny ang request ug unsay mga alibyo nga mahimong himuon sa requesting party.
Subay sa mando, mahimo lamang ma-deny ang access sa impormasyon kon nahisubay kini sa exceptions sa konstitusyon, balaod, jurisprudence o sa EO No. 2,s. 2016.
Hinungdan nga gimandoan usab ang Provincial Legal Office inabagan sa PIO sa paghimo og draft ug pag-release sa Cebu Province FOI Manual sulod sa 30 ka adlaw diin ilatid ang mga request forms, directory sa FOI Receiving officers; procedures ug protection measures alang sa mga sensitibong impormasyon.
πΈ Cebu Province/File Photo
