17/02/2026
๐๐ฎ๐ฉ๐๐ซ๐ฆ๐๐งโ ๐ซ๐ข๐๐๐ซ ๐ฌ๐ ๐๐๐ ๐ง๐ ๐ ๐ง๐ข๐ฏ๐ข๐ซ๐๐ฅ ๐ฎ๐ ๐ง๐๐๐๐ฌ๐ฆ๐๐ , ๐ ๐ข ๐ข๐ฌ๐ฒ๐ฎ๐ก๐๐ง ๐จ๐ ๐๐ก๐จ๐ฐ ๐๐๐ฎ๐ฌ๐ ๐๐ซ๐๐๐ซ ๐ฌ๐ ๐๐๐๐. ๐๐จ๐ฌ๐ข๐๐ฅ๐๐ง๐ ๐ฆ๐๐ซ๐๐ฏ๐จ๐ค๐ ๐๐ง๐ ๐ฅ๐ข๐ฌ๐๐ง๐ฌ๐ฒ๐.
Ang Land Transportation Office (LTO) 7 nag-isyu og Show Cause Order (SCO) ngadto sa motorcycle driver nga si Kyle Econas, ang rehistradong tag-iya sa motorsiklo nga adunay plate number G953JZ. Kini human sa pag-viral sa usa ka video sa social media nga nagpakita sa delikadong mga stunt sa motorsiklo sa publikong dalan, gihimo sa maong rider didto sa dalan sa TCH.
Ang Show Cause Order nagtumong sa viral video nga naglibot sa nagkalain-laing social media platforms, diin makita ang rider nga naghimo og reckless driving o peligroso nga mga stunt, lakip na ang pagsundog og โSupermanโ samtang naghigda siya sa lingkoranan sa motorsiklo samtang nagmaneho.
Sumala sa LTO 7, ang mga buhat nga makita sa video nagbutang sa kakuyaw sa kinabuhi ug kabtangan sa ubang mga motorista ug pedestrian. Dugang pa, ang iyang gibuhat nagpakita og kinaiya nga walay pagtagad sa hustong pamatasan nga gilauman sa mga drayber.
Ang insidente miresulta sa bangga sa laing motorsiklo didto sa Transcentral Highway, Cebu.
Ang drayber nag-atubang og kaso ubos sa mosunod nga mga probisyon: Section 48 (Reckless Driving) sa Republic Act 4136 ug Section 27 sa RA 4136, nga nailhan usab isip Land Transportation and Traffic Code.
Tungod sa kabug-at ug kaseryoso sa iyang gihimo, ang lisensya sa drayber preventively suspended sulod sa 90 ka adlaw ug gibutang sa alarm status nga epektibo dayon sa pagdawat sa order.
Ang LTO 7, pinaagi sa direktiba sa Officer-in-Charge Regional Director nga si Francisco โFranzโ Ranches Jr., kusganong girekomenda ang pag-revoke o pagkuha sa lisensya sa drayber kalabot sa maong insidente.
Gidirektahan ang drayber nga motungha personal ug mosumite og sinulat nga tubag o pasabot ngadto sa LTO 7 Operations Division, N. Bacalso Avenue, Cebu City, sa Miyerkules, Pebrero 18, 2026.
Kinahanglan niyang ipakita ang hinungdan nganong dili dapat suspendihon o kuhaon ang iyang lisensya kalabot sa insidente. Kung mapakyas siya sa pagtungha ug pagsumite sa gikinahanglan nga pasabot sa gitudlong oras ug lugar, isipon kini nga waiver sa iyang katungod nga madungog, ug ang LTO mopadayon sa pagdesisyon base sa mga rekord nga anaa ug sa mga alegasyon batok sa motorista.
