DZNP 93.5 FM Radyo Kabinnadang

09/03/2026

DAMAG | ISPSC NANGIPATUMPAL ITI COMPRESSED FOUR-DAY WORKWEEK KEN ENERGY CONSERVATION PROTOCOLS

Nagipablaak ti Ilocos Sur Polytechnic State College (ISPSC) iti maysa nga advisory maipanggep iti pannakaipatungpal ti Compressed Four-Day Workweek ken Energy Conservation Protocols a mangrugi inton Marso 10, 2026.

Daytoy ket kas panagtungpal iti Memorandum Circular No. 114, s. 2026 nga inruar ti Office of the President of the Philippines, a mangguyigiy kadagiti opisina ti gobyerno a mangipatungpal ti flexible work arrangements tapno mainut ken panangmanehar ti enerhiya iti nasayaat a wagas.

Segun iti pamalakad ti ISPSC nga inruar babaen iti memorandum manipud iti Opisina ti Presidente ti kolehiyo, agserbi dagiti opisina ti kolehiyo iti Lunes agingga Huwebes, manipud alas-7:00 iti bigat agingga alas-6:00 iti rabii babaen iti compressed work schedule.

Impakaammo ti administrasion ti ISPSC nga uray iti pannakaipatungpal daytoy a flexible work arrangement, agtultuloy latta ti pannakaited dagiti akademiko ken administratibo a serbisio iti entero a kolehiyo.

Para iti ad-adu pay a detalye, mabalin a basaen ti naan-anay a memorandum babaen iti daytoy a link:
https://drive.google.com/file/d/1uQvMyx6k2d8Jd69FPXHWOIrUEfxT-gGE/view. 📻

IlocosSur Polytechnic StateCollege

21/01/2026

𝗕𝗔𝗟𝗜𝗧𝗔 | 𝗥𝗔𝗗𝗬𝗢 𝗞𝗔𝗕𝗜𝗡𝗡𝗔𝗗𝗔𝗡𝗚

📢 ONLINE NA ANG BUSINESS PERMIT REGISTRATION PARA SA MGA BAGONG NEGOSYO SA CERVANTES

Ipinababatid ng Local Government Unit (LGU) ng Cervantes sa publiko na opisyal nang nagsimula ang Online Business Permit Registration para sa mga NEW BUSINESSES. Ang proseso ng aplikasyon ay isinasagawa na ngayon sa pamamagitan ng eLGU / eGov Application, bilang bahagi ng patuloy na digitalization ng mga serbisyo ng pamahalaang lokal.

📌 PAALALA NG LGU: Lahat ng aplikante ay kinakailangang lumikha muna ng account sa sistema bago makapagpatuloy sa aplikasyon ng business permit. Mahalaga ang account creation upang magkaroon ng access sa online platform at matagumpay na maisumite ang aplikasyon.

Hinihikayat ang mga aplikante na maingat na sundin ang step-by-step na proseso na ibinigay upang maiwasan ang pagkaantala at mga posibleng pagkakamali sa aplikasyon.

Ayon sa LGU Cervantes, ang bagong online system na ito ay naglalayong magbigay ng mas mabilis, mas ligtas, at mas episyenteng serbisyo publiko, kaya’t hinihiling ang pang-unawa at kooperasyon ng lahat habang unti-unting ipinapatupad ang bagong pamamaraan.

🆘 KAILANGAN NG TULONG? Para sa mga aplikanteng makararanas ng problema sa paggawa ng account, pag-login, o online application, maaaring personal na lumapit sa Business Permit and Licensing Officer (BPLO) sa Treasury Office ng LGU Cervantes para sa kaukulang tulong.

🌐 Maaaring i-access ang eLGU Portal sa: 👉 https://elgu-cervantes-ilocos-sur.e.gov.ph

Patuloy na makiisa at suportahan ang mga programang naglalayong mapabuti ang serbisyo ng pamahalaan sa bayan ng Cervantes.
Source: Local Government of Cervantes, Ilocos Sur

📻 Ito ang Radyo Kabinnadang — Naglilingkod, Nagbibigay-impormasyon, at Nakikiisa sa Kaunlaran ng Bayan.

Essentially providing the Filipino access to an online one-stop shop LGU System Automation

09/01/2026

𝗕𝗔𝗟𝗜𝗧𝗔 | 𝗥𝗮𝗱𝘆𝗼 𝗞𝗮𝗯𝗶𝗻𝗻𝗮𝗱𝗮𝗻𝗴

📌 Suspension ng Klase at Trabaho sa Ilocos Sur sa Enero 14, 2026

Ipinagbigay-alam ng Pamahalaang Panlalawigan ng Ilocos Sur ang paglalabas ng Executive Order No. 01, Series of 2026, na nagdedeklara ng pansamantalang suspensyon ng klase sa lahat ng antas ng pampubliko at pribadong paaralan, gayundin ang trabaho sa mga tanggapan ng pamahalaan sa buong lalawigan sa Enero 14, 2026.

Ang kautusan ay ipinatutupad kaugnay ng gaganaping Solemn Eucharistic Celebration, Canonical Possession, at Installation ng Kanyang Kabanalan, Most Reverend David William V. Antonio, D.D., S.Th.D., bilang Ikawalong Arsobispo ng Arkidiyosesis ng Nueva Segovia.

Layunin ng suspensyon na mabigyang-daan ang maayos at ligtas na pagdalo ng mamamayan sa nasabing makasaysayang okasyon na inaasahang dadaluhan ng maraming deboto at bisita mula sa iba’t ibang panig ng rehiyon.

Pinapayuhan ang publiko na manatiling updated sa mga opisyal na anunsyo ng Pamahalaang Panlalawigan at ng kani-kanilang lokal na pamahalaan para sa karagdagang impormasyon.

📄 Para sa kopya ng Executive Order, maaaring i-access ang PDF sa link na ito:
👉 https://tinyurl.com/PGISEONo01Seriesof2026

📻 Hatid sa inyo ng Radyo Kabinnadang, DZNP 93.5 FM – Impormasyon para ti Kaadwan.

SOURCE: Provincial Government of Ilocos Sur

23/12/2025

🎆 LGU Cervantes, nananawagan sa publiko na dumalo sa Fireworks Display ngayong bisperas ng Pasko 🎄

CERVANTES, Ilocos Sur — Inaanyayahan ng Local Government Unit (LGU) of Cervantes ang buong komunidad na makibahagi sa Fireworks Display na gaganapin ngayong Miyerkules, Disyembre 24, 2025, dakong 6:30 ng gabi, sa Municipal Plaza Park, bilang bahagi ng masayang pagsalubong sa Kapaskuhan.

Layunin ng aktibidad na bigyang-diin ang diwa ng Pasko sa pamamagitan ng isang sama-samang pagdiriwang na maghahatid ng saya, pag-asa, at pagkakaisa sa mga mamamayan ng bayan. Pinapayuhan ang publiko na magtungo sa lugar nang mas maaga at sundin ang mga itinakdang alituntunin upang matiyak ang kaayusan at kaligtasan ng lahat.

Hinikayat din ng LGU ang mga pamilya at kaibigan na sabay-sabay na saksihan ang makukulay na paputok na inaasahang magpapaliwanag sa kalangitan ng Cervantes sa bisperas ng Pasko.

Ang paanyayang ito ay bahagi ng patuloy na programa ng pamahalaang bayan sa ilalim ng adhikain ng .

📻 Ulat ng Radyo Kabinnadang
DZNP 93.5 FM Nutriskwela Radyo Kabinnadang

22/12/2025

22/12/2025

𝗕𝗔𝗟𝗜𝗧𝗔 | 𝗟𝗚𝗨 𝗖𝗲𝗿𝘃𝗮𝗻𝘁𝗲𝘀, 𝗠𝘂𝗹𝗶𝗻𝗴 𝗣𝗶𝗻𝗮𝗿𝗮𝗻𝗴𝗮𝗹𝗮𝗻 𝘀𝗮 𝗚𝗮𝘄𝗮𝗱 𝗞𝗔𝗟𝗔𝗦𝗔𝗚 🎉

Muling pinatunayan ng Pamahalaang Bayan ng Cervantes ang husay at dedikasyon nito sa larangan ng disaster preparedness at humanitarian assistance matapos itong tumanggap ng Seal and Special Awards for Excellence in Disaster Risk Reduction and Management and Humanitarian Assistance sa idinaos na Regional Gawad KALASAG Awarding Ceremony.

Personal na tinanggap ang prestihiyosong parangal ng Local Chief Executive, Hon. Atty. Mary Joyce P. Maggay, kasama si Local DRRMO II Officer Mr. Romeo Acyangan, bilang pagkilala sa patuloy at mahusay na pagpapatupad ng mga programa at inisyatiba ng LGU Cervantes sa disaster risk reduction, preparedness, response, at recovery.

Pinuri rin ang buong MDRRMO Cervantes Team, sa pangunguna nina DRRMO I Mr. Ller Edberg J. Ramos, at lahat ng katuwang na tanggapan at indibidwal na walang sawang naglilingkod upang matiyak ang kaligtasan, kahandaan, at kapakanan ng mamamayan.

Ang pagkilalang ito ay patunay ng sama-samang pagsisikap ng pamahalaang lokal at ng komunidad tungo sa isang mas ligtas, handa, at matatag na Cervantes.

👏 Mabuhay ang LGU Cervantes!
📻 Radyo Kabinnadang, ti Kabinnadangmo iti ragsak, rang-ay, dur-as ken nam-ay.

Source: Local Government of Cervantes, Ilocos Sur

18/12/2025

BALITA | ISPSC Cervantes Campus, Nagrehistro ng Napakahusay na Resulta sa Nobyembre 2025 LET

CERVANTES, ILOCOS SUR — Muling pinatunayan ng Ilocos Sur Polytechnic State College (ISPSC) Cervantes Campus ang kahusayan nito sa paghuhubog ng mga g**o matapos magtala ng mataas hanggang perpektong passing rates sa Nobyembre 2025 Licensure Examination for Teachers (LET), ayon sa opisyal na resulta na inilabas ng Professional Regulation Commission (PRC).

Sa Bachelor of Secondary Education (BSED), nakamit ng ISPSC Cervantes Campus ang 100 porsiyentong passing rate, patunay ng matatag na akademikong paghahanda ng mga magtatapos sa larangan ng sekondaryang edukasyon. Kabilang sa mga bagong lisensiyadong g**o ay ang mga sumusunod:

Para sa Major in Science:
Lesly Moreno Coaili, Jodeleine Bondad Lapic, Sidrac Bucasan Pacyaan, Vanessa Andaya Ramirez, at Braile Charmy Balabag Valdez.

Sa Major in English:
Ferlyn Bag-ayan Buelta, Joma Torres Sison, Josephine Claire Frilles Ugalino, Mayra Naveza Galao, Jhonalen Mateo Orteza, at Honnelette Gaburno.

Sa Major in Mathematics:
Yannah Paadioan at Eloisa Bonilla.

Samantala, muling namayagpag ang kampus sa Bachelor of Elementary Education (BEED) matapos makapagtala ng 100 porsiyentong passing rate, kung saan lahat ng kumuha ng pagsusulit ay matagumpay na pumasa. Ang mga bagong lisensiyadong g**o sa antas-elementarya ay sina Gabriel Bulalin, Aileen Tegan, Sunshine Rubang, at Jimmy Velasco.

Hindi rin nagpahuli ang Bachelor of Technical-Vocational Teacher Education (BTVTEd) na nagtala ng 91.67 porsiyentong passing rate. Kabilang sa mga pumasa sina John Vincent Pascasio, Evelyn Joy Sad-en, Mikaella S. Gacutan, at Yvonne Lachica.

Sa Bachelor of Technology and Livelihood Education (BTLEd), nakapagtala ang ISPSC Cervantes Campus ng 83.33 porsiyentong passing rate, sa pangunguna nina Jonathan Del Rosario at Manny Gin-om bilang mga bagong lisensiyadong g**o.

Ayon sa pamunuan ng ISPSC Cervantes Campus, ang mga resultang ito ay bunga ng disiplina, dedikasyon, at kolektibong pagsisikap ng mga mag-aaral, g**o, at administrador, gayundin ng masinsing review programs at academic mentoring na ipinatupad ng kampus.

Nagpaabot naman ng pagbati ang administrasyon ng ISPSC, sa pangunguna ng pamunuan ng kolehiyo, sa lahat ng bagong Licensed Professional Teachers, at hinikayat silang ipagpatuloy ang diwa ng serbisyo, kahusayan, at malasakit sa kanilang pagpasok sa propesyon ng pagtuturo.

Ang tagumpay na ito ay nagpapatibay sa posisyon ng ISPSC Cervantes Campus bilang isa sa mga nangungunang institusyon sa rehiyon sa larangan ng Teacher Education, alinsunod sa adhikaing Onwards to the University of Ilocos Philippines (UIP).

18/12/2025

BALITA | ISPSC Cervantes Campus, Namukod sa Mataas na Performance sa 2025 LET

ILOCOS SUR — Namukod-tangi ang Ilocos Sur Polytechnic State College (ISPSC) Cervantes Campus sa naging resulta ng Setyembre at Nobyembre 2025 Licensure Examination for Professional Teachers (LET) matapos magrehistro ng mataas at kapuri-puring passing rates sa parehong secondary at elementary levels.

Sa Bachelor of Secondary Education (BSED), nagtala ang ISPSC Cervantes Campus ng 90.48 porsiyentong passing rate (19 sa 21), na isa sa pinakamataas na naitalang marka sa buong ISPSC system at ikalawa lamang sa Santiago Campus na may perpektong passing rate. Ipinapakita nito ang matatag na akademikong paghahanda at epektibong mentoring ng kampus sa mga future secondary school teachers.

Samantala, lalo pang pinagtibay ng Bachelor of Elementary Education (BEED) ang husay ng Cervantes Campus matapos makamit ang 100 porsiyentong passing rate (5 sa 5), dahilan upang ito ang manguna sa lahat ng kampus ng ISPSC sa elementary level.

Ayon sa pamunuan ng kolehiyo, ang matibay na performance ng ISPSC Cervantes Campus ay bunga ng sama-samang pagsisikap ng mga mag-aaral, g**o, at administrador sa pagpapanatili ng mataas na pamantayan sa pagtuturo at review preparation.

Nagpaabot ng pagbati si ISPSC President Mario P. Obrero, kasama ang buong komunidad ng kolehiyo, sa mga pumasa sa licensure exam, at binigyang-diin na ang tagumpay kolehiyo ay patunay ng patuloy na pag-angat ng kalidad ng teacher education sa probinsya.

Ang naturang resulta ay nagpapatibay sa papel ng ISPSC Cervantes Campus bilang isa sa mga pangunahing haligi ng kahusayan sa paghuhubog ng mga g**ong Ilokano para sa bansa.

Source: IlocosSur Polytechnic StateCollege

17/12/2025

𝐁𝐀𝐋𝐈𝐓𝐀 | 𝐈𝐒𝐏𝐒𝐂 𝐂𝐞𝐫𝐯𝐚𝐧𝐭𝐞𝐬 𝐂𝐚𝐦𝐩𝐮𝐬, 𝐩𝐢𝐧𝐚𝐬𝐢𝐧𝐚𝐲𝐚𝐚𝐧 𝐚𝐧𝐠 𝐛𝐚𝐠𝐨𝐧𝐠 𝐚𝐜𝐚𝐝𝐞𝐦𝐢𝐜 𝐛𝐮𝐢𝐥𝐝𝐢𝐧𝐠

Minarkahan ng Ilocos Sur Polytechnic State College (ISPSC) Cervantes Campus ang isang mahalagang yugto sa kasaysayan nito sa pormal na paglulunsad at pagbabasbas ng bagong Academic Building noong Disyembre 17, 2025. Ang proyektong ito ay isang malaking hakbang sa imprastruktura na naglalayong palakasin ang kalidad ng edukasyon at suportahan ang transisyon ng kolehiyo patungo sa pagiging University of Ilocos Philippines (UIP).

Sa kanyang pagdalo, ipinahayag ni ISPSC President Mario P. Obrero ang kanyang buong suporta para sa Cervantes Campus. Binigyang-diin niya na ang bagong pasilidad ay dapat magsilbing sentro ng kahusayang akademiko, serbisyo, at paghubog sa mga mag-aaral. Ayon sa kanya, ang gusali ay hindi lamang pag-aari ng institusyon kundi isang patunay ng biyaya ng Diyos na ipinagkatiwala sa komunidad ng ISPSC.

Sa kanyang mensahe, binalikan ni Dr. Heidi Joy P. Bautista, Campus Director ng ISPSC Cervantes, ang naging paglalakbay ng paaralan sa gitna ng mga hamon at pag-unlad. Bilang pinakamatagal na kawani ng kampus, binigyang-pugay niya ang pagkakaisa at pagtutulungan na naging susi sa katuparan ng matagal nang hinahangad na proyektong ito.

Nakiisa rin sa okasyon ang mga opisyal ng Lokal na Pamahalaan ng Cervantes sa pangunguna nina Bise Mayor Pablito Benjamin D. Maggay II at Sangguniang Bayan Member Rolando Acyangan. Bilang isang proud alumnus ng Cervantes Campus Laboratory High School, hinikayat ni Bise Mayor Maggay ang mga mag-aaral na magpatuloy sa kabila ng mga pagsubok. Binigyang-diin din niya ang kahalagahan ng mental health awareness at ang paghingi ng tulong sa oras ng pangangailangan.

Dumalo rin si Dr. Jonathan L. Dela Cruz, Vice President for Administration and Finance, na nagpaabot ng pasasalamat sa lahat ng stakeholders na tumulong sa pagtatapos ng gusali. Hinamon niya ang mga estudyante na bigyang-halaga ang bagong pasilidad sa pamamagitan ng pagpapanatili ng disiplina, dangal, at kahusayan.

Nagbigay naman ng makasaysayang kabuluhan sa selebrasyon ang pagdalo ng mga retiradong opisyal at kawani na nangarap at naghintay sa gusaling ito. Kabilang sa kanila sina Dr. Danilo C. Abella (dating Supervising Administrative Officer) at ang kanyang asawa na si Dr. Helen C. Abella (dating Campus Dean); at si Dr. Renato A. Sawey (dating Campus Director). Naroon din ang mga retiradong g**o na sina Gng. Noemi S. Dongga-as, Gng. Marjorie p. Opolencia at Bb. Judith Robles, pati na ang mga dating kawani na sina G. Antonio Angligen at Gng. Shirlyn Neri.

Ang pagbabasbas ng gusali ay pinangunahan ni Rev. Fr. Ronilo Borja, Kura Paroko ng Sto. Niño de Praga sa Cervantes, Ilocos Sur. Saksi sa seremonya ang mga opisyal ng ISPSC na sina Hon. Lilia Angela Bambico (Faculty Regent), Dr. Dominador Ayson Jr., Engr. Ricky Molina, G. Jayson James Balbin, at Dr. Delia Casillan, kasama ang mga g**o, kawani, at mga mag-aaral.

Ang proyekto ay nagsimula noong 2022 sa ilalim ng termino ng dating SUC President Dr. Gilbert Arce, maingat na pinangasiwaan sa panahon ni Officer-in-Charge Dr. Christine N. Ferrer, at tuluyang natapos sa ilalim ng pamumuno ni Dr. Obrero.

Ulat ni: Thea Joe H. Estipular, STRATCOM Coordinator

Mga Larawan nina: Niño Del Rosario, Omar Guiling

17/12/2025

𝗜𝗦𝗣𝗦𝗖 𝗖𝗲𝗿𝘃𝗮𝗻𝘁𝗲𝘀 𝗖𝗮𝗺𝗽𝘂𝘀, 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝐓𝐢𝐧𝐚𝐩𝐨𝐬 𝗮𝗻𝗴 𝗔𝗬𝗗𝗞 𝗣𝗵𝗮𝘀𝗲 𝟮: 𝗔𝗱𝗼𝗽𝘁-𝗮-𝗦𝗰𝗵𝗼𝗼𝗹 𝗘𝘅𝘁𝗲𝗻𝘀𝗶𝗼𝗻 𝗣𝗿𝗼𝗴𝗿𝗮𝗺

CERVANTES, Ilocos Sur — Matagumpay na isinagawa ng Ilocos Sur Polytechnic State College (ISPSC) Cervantes Campus ang Culmination Program cm Expression of Commitment to the Sustainability Plan ng “Alay Yaman, Dunong at Kakayahan (AYDK) Phase 2: Adopt-a-School Extension Program” noong Disyembre 16, 2025 sa Cervantes Central School (CCS).

Layunin ng programa na tugunan ang iba’t ibang pangangailangang pang-edukasyon sa pamamagitan ng mga proyektong Alay Yaman, Dunong at Kakayahan para sa Bata, Alay Dunong at Kakayahan para sa G**o, Alay Dunong at Kakayahan para sa Magulang, at Alay Yaman para sa Paaralan.

Pinangunahan nina Ms. Rinbeth S. Riva ang daloy ng programa bilang Master of Ceremony. Nagsimula ang seremonya sa panalangin na pinangunahan ni Ms. Maricel Ramirez, sinundan ng pag-awit ng Pambansang Awit. Ibinigay ni Dr. Charisma N. Waggay, Principal IV ng CCS, ang panimulang pananalita, habang inilahad naman ni Dr. Geremy G. Sanchez, BEED Program Head at Co-Proponent, ang rationale ng programa.

Ipinresenta ni Mr. Severo B. Talipo, pangunahing proponent ng AYDK, ang kabuuang ulat ng programa at mga natamong accomplishments, pati na ang Sustainability Plan, kasabay ng pagbibigay ng mga sertipiko sa mga benepisyaryo ng Alay Dunong at Kakayahan para sa Magulang.

Nagbigay ng mga mensahe ng paninindigan sina Dr. Heidi Joy P. Bautista, Campus Director ng ISPSC Cervantes, at Dr. Charisma N. Waggay, na sinundan ng isang inspirasyonal na mensahe mula kay Hon. Mayor Atty. Mary Joyce P. Maggay, Punong Bayan ng Cervantes.

Sa pagtatapos ng programa, isinagawa ang paggawad ng Plaque of Recognition sa mga katuwang na ahensya na LGU Cervantes at Cervantes Central School, pati na rin sa implementing agency na ISPSC Cervantes Campus, at pamamahagi ng mga sertipiko sa mga implementers. Ibinigay ni Ms. Jenny Lyne S. Lisayen, Extension Coordinator, ang pabaong pananalita.

Nagpahayag ng taos-pusong pasasalamat si Dr. Waggay at ipinahayag ang pag-asa sa mga susunod pang extension projects para sa CCS, gayundin ang pasasalamat sa LGU Cervantes sa patuloy na suportang pinansyal. Samantala, pinuri ni Mayor Maggay ang programa at inilahad ang hangaring palawakin ito sa buong bayan sa pamamagitan ng pakikipag-ugnayan sa Local School Board.

Tiniyak naman ni Dr. Bautista ang patuloy na suporta ng ISPSC Cervantes Campus sa CCS at sa buong bayan ng Cervantes para sa mga programang magpapataas ng kalidad ng edukasyon. Nagpasalamat din si Mr. Talipo sa mga katuwang na institusyon, faculty, at mga mag-aaral na naging bahagi ng tagumpay ng programa.

10/12/2025

BALITA | MLGOO NG CERVANTES, KINILALA BILANG 2025 BEST C/MLGOO SA REGION 1

Ilocos Norte — Isang malaking karangalan ang iginawad sa Bayan ng Cervantes matapos tanghaling Best C/MLGOO si LGOO VI Narciso Edal, Municipal Local Government Operations Officer ng Cervantes, Ilocos Sur, sa 2025 DILG Region 1 Jewels of the North Awarding Ceremony na ginanap noong Disyembre 9, 2025 sa JLP Resort, Paoay, Ilocos Norte.

Ang prestihiyosong pagkilalang ito ay ibinibigay lamang sa mga nangingibabaw sa kahusayan, dedikasyon, at mataas na pamantayan ng pagseserbisyo publiko sa hanay ng mga City/Municipal Local Government Operations Officers sa buong Rehiyon 1.

Ayon sa DILG Ilocos Sur, ang tagumpay ni Edal ay patunay ng kanyang hindi matatawarang pagganap, matatag na pamumuno, at patuloy na suporta sa mga programa ng lokal na pamahalaan. Binigyang-diin ng tanggapan na ang kanyang propesyonalismo at sipag ay nag-aambag nang malaki sa pag-unlad ng Cervantes at sa pagpapalakas ng ugnayan nito sa DILG.

Nagpaabot din sila ng pagbati at pagmamalaki, na nagsasabing ang natamong parangal ay magsisilbing inspirasyon hindi lamang kay Edal, kundi sa lahat ng kawani na nagsusumikap para sa mas mahusay at mas responsableng pamamahala sa lokal na antas.

Mabuhay ang MLGOO ng Cervantes! Isang karangalan para sa Ilocos Sur.

07/12/2025

RADYO KABINNADANG NEWS | CERVANTES WEATHER UPDATE
08 December 2025 – 4:00 AM Forecast

CERVANTES, ILOCOS SUR – Patuloy na nakararanas ng maaliwalas ngunit mahamog na umaga ang malaking bahagi ng Ilocos Region, kabilang ang Cervantes at mga karatig-bayan gaya ng Quirino, Sigay, Suyo, at Mankayan, Benguet, habang nananatiling maingat ang mga otoridad sa posibleng epekto ng pabagu-bagong panahon dulot ng Shear Line, Low Pressure Area (LPA), at Northeast Monsoon (Amihan).

Epekto sa Cervantes at Ilocos Sur

Bagama't partly cloudy to cloudy skies with isolated light rains lamang ang inaasahan sa Ilocos Region, kabilang ang Cervantes, inaasahan pa rin ang paminsan-minsang ambon at malamig na temperatura dahil sa patuloy na pag-iral ng Amihan.

Walang malaking banta ng pagbaha o landslide, ngunit pinapayuhan ang mga residente, lalo na sa upland barangays at sa mga motoristang bumabagtas sa Bessang Pass at iba pang mataas na kalsada, na mag-ingat sa madulas na daan at limitadong visibility sa umaga dulot ng hamog.

Kalapit-Bayan sa Cordillera at Cagayan Valley

Samantala, ang Shear Line ay nagdudulot ng cloudy skies with scattered rains and isolated thunderstorms sa Cordillera Administrative Region (CAR), na maaaring makaapekto sa mga bayan ng Mankayan, Buguias, Bauko, at Abatan area kung saan kadalasang bumibiyahe ang mga taga-Cervantes.

May banta ng flash floods at landslides sa mga lugar na ito lalo na kung magpapatuloy ang katamtaman hanggang malalakas na pag-ulan.

LPA sa Kanlurang Kabisayaan

Ang Low Pressure Area na namataan sa coastal waters ng Culasi, Antique ay nagdudulot ng maulap na kalangitan na may thunderstorms sa Western Visayas at MIMAROPA. Bagama’t malayo ito sa Cervantes, posibleng umangat ang moisture at makaapekto sa kalangitan ng Ilocos Region sa mga susunod na oras.

Wind and Coastal Waters

Sa buong Luzon, kabilang ang Ilocos coast, umiiral ang moderate to strong winds na galing Northeast. Ang coastal waters ay moderate to rough, kaya’t pinapayuhan ang mga mangingisda mula Sta. Maria, Narvacan, Santiago at Sinait na mag-ingat sa paglalayag.

Temperatura

Minimum Temperature: 24.1°C

Maximum Temperature: 27.1°C
Malamig at preskong klima pa rin ang aasahan sa Cervantes, lalo na sa early morning at nighttime.

Astronomical Data

Sunrise: 6:09 AM

Sunset: 5:27 PM

Moonrise: 9:00 PM

Moonset: 9:22 AM

Moon Illumination: 82%

Para sa karagdagang impormasyon, bisitahin ang pagasa.dost.gov.ph o bagong.pagasa.dost.gov.ph.
📝 SBT