19/05/2025
GI-ILA NGA BOOTAN SA ILANG LUGAR, NAPALITAN UG SHABU!..
CLARIN, MISAMIS OCCIDENTAL - Sikop ang usa (1) ka Robert Dela Cruz Y Magtortor, Traynta Y Dos (32) Anyos, taga Purok 2, Barangay Dela Paz, Clarin Misamis Occidental. Kini pinaagi sa Drug Buybust Operation nga gihimo batok sa nasangpit nga Suspetsado Ala Una Singkuwenta (1:50PM) sa hapon, Petea Dese Otso (18) Bulan sa Mayo 2025.
Ang Suspek napalitan ug balor Kinyentos Pesos (500.00Php) nga gitoohan nga Methamphetamine Hydrochloride (Shabu) sa nagtakuban nga sakop sa Kapulisan sa may Purok 4 sa nahisgutan nga Barangay sa nahisulat nga Takna.
Samtang sa pag rekisa kaniya, nakuhaan na usab kini ug lain pa nga upat (4) ka mga heat-sealed transparent sachets nga adunay lamang gihapo'y mga sulod nga gikatoohan nga Shabu. Samtang uban usab sa na rekisa sa iyang posisyon mao ang "Buybust Money" ug lighter.
Nagmalampuson ang Joint Police Operation sa Clarin Municipal Police Station (MPS) ubos sa Superbisyon ni sa Hepe sa Kwerpo, PMaj Alvin Tamayo ug sa Provincial Drug Enforcement Unit - Misamis Occidental Police Provincial Office (PDEU-MOCPPO) ubos sa Liderato ni PCapt Roland Cagas pinaagi usab sa pagsubay niini sa saktong reglamento sa maong Operasyon diin aduna gayu'y mga Lehitimo nga mga Saksi sama sa Prensa sa Media ug Binotaran nga mga Opsiyales.
Samtang sa pakig hinabi sa mga sakop sa Media ngadto kang Brgy Dela Paz Kagawad Fe Sagrado Pacto, gipamahayag niini nga dili siya katoo nga ang nasangpit nga Suspek nagpamaligya ug ilegal nga Droga diin, naila kini niya nga bootan sa ilang Lugar. Samtang, wala namakak ang mga recorded videos ug mga nasakmit nga mga Ibdensiya ngadto sa maong Suspetsado.
Anaa na karon sa Temporaryo nga Selda sa Clarin MPS ang hinganlan nga dinakpan nga Supek.
Via | Migz Nuñez - TriMedia Broadcasting
🎥 Eric Son Mahinay
