Ang Bakawan

02/02/2026

21/01/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗠𝗔𝗦𝗧𝗘𝗥 𝗞𝗬!

Sa aming punong patnugot na tahimik lang pero isang utos mo lang, gumagalaw na ang buong pahayagan, isang masiglang pagbati sa iyong kaarawan!

Ikaw ang utak, direksyon, at minsan pati konsensya ng Ang Bakawan, lalo na kapag gusto na naming magpasa “mamaya na po.”

Nawa’y maging mas maiksi ang meetings, mas mabait ang deadlines, at mas marami ang panahong para sa pahinga, kahit alam naming ikaw pa rin ang huling gising kapag press time na.

Maraming salamat sa iyong pamumuno, dedikasyon, at tiwalang patuloy mong ibinibigay sa amin.

Mabuhay ka, Master Ky! ❤️

08/01/2026

𝗛𝗔𝗣𝗣𝗬 𝗦𝗨𝗣𝗘𝗥 𝗕𝗘𝗟𝗔𝗧𝗘𝗗 𝗕𝗜𝗥𝗧𝗛𝗗𝗔𝗬, 𝙈𝘼𝙎𝙏𝙀𝙍 𝘿𝘼𝘿𝘼𝙔!

Sa aming Tagapamahalang Patnugot na mukhang kalmado at laging composed, maligayang kaarawan!

Noong Enero 2 pa ang birthday niya, pero gaya ng mga deadline namin, late rin po ang bati.

Nawa’y maging mas mabait ang buhay, mas konti ang revisions, at mas mahaba ang pasensya sa amin ngayong taon kahit alam naming hindi rin namin ‘yan maipapangako.

Mahal ka namin bilang editor ng Ang Bakawan. 🧡

Mabuhay ka, Master Daday!

05/01/2026

Kasabay ng pagbabalik ng klase matapos ang Christmas break, nagsagawa ng sama-samang paglilinis ang mga mag-aaral sa paaralan ngayong umaga, ika-5 ng Enero 2026 bilang paghahanda sa pagpapatuloy ng mga gawain sa ikalawang bahagi ng school year.

Ang aktibidad ay naglalayong mapanatili ang malinis at maayos na kapaligiran na angkop sa pagkatuto.

Samantala, opisyal namang nagsimula ang klase matapos ang naturang paglilinis.

Mga larawang kuha nina: Kristine Joy S. Carreon at Ma. Eureka Karla R. Etcobanez
Kapsyon ni: Kyla B. Batuhan

16/12/2025

𝐏𝐀𝐆-𝐔𝐒𝐁𝐀𝐖 2.0
[Introduction to Journalism at Pagsulat ng Balita]

Inilunsad ngayong Disyembre 16, 2025 ang Pag-Usbaw 2.0: Training-Workshop para sa mga estudyanteng mamamahayag ng Cawayan National High School.

Layunin ng pagsasanay na hasain ang kasanayan sa pamamahayag ng mga mag-aaral upang maging handa silang pamahalaan ang pahayagan.

Tinalakay ni Benedict R. Urot, tagapayo ng Ang Bakawan, ang Introduction to Journalism na nakatuon sa mga batayang prinsipyo at etika ng pamamahayag.

Nagbigay naman si Kyla B. Batuhan, Punong Patnugot, ng talakayan sa pagsulat ng balita alinsunod sa pamantayan ng DSPC.

Samantala, sumailalim naman ang mga kalahok sa isang hands-on workshop upang maisagawa ang aktuwal na pagsulat ng balita matapos ang mga talakayan.

Mga larawang kuha ni: Kristine Joy Carreon

05/12/2025

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗠𝗔𝗦𝗧𝗘𝗥 𝗝𝗔𝗜!

Sa aming pangalawang patnugot na laging chill pero mysteriously laging may natatapos na trabaho kahit hindi namin nakikitang nagpa-panic, isang maligayang kaarawan!

Nawa’y maging mas mabait sa’yo ang mga deadlines ngayong taon kasi kami, hindi namin sila mapapangako.

Patuloy kang maging inspirasyon at haligi ng Ang Bakawan. ❤️

Mabuhay ka, Jyro!

06/11/2025

𝐄𝐱𝐚𝐦 𝐬𝐞𝐚𝐬𝐨𝐧 𝐧𝐚 𝐧𝐚𝐦𝐚𝐧 𝐦𝐠𝐚 𝐤𝐚𝐢𝐛𝐢𝐠𝐚𝐧! 𝐒𝐚𝐧𝐚 𝐦𝐚𝐚𝐥𝐚𝐥𝐚 𝐧’𝐲𝐨 𝐥𝐚𝐡𝐚𝐭 𝐧𝐠 𝐧𝐨𝐭𝐞𝐬 𝐧𝐚 𝐡𝐢𝐧𝐝𝐢 𝐧’𝐲𝐨 𝐛𝐢𝐧𝐚𝐬𝐚!

Good luck sa 2nd Quarter Exams!

30/10/2025

𝐌𝐮𝐥𝐢𝐧𝐠 𝐩𝐚𝐠-𝐮𝐬𝐛𝐚𝐰 𝐩𝐚𝐫𝐚 𝐬𝐚 𝐤𝐚𝐭𝐨𝐭𝐨𝐡𝐚𝐧𝐚𝐧!

Sa ikalawang pagkakataon, muling magtatagpo ang mga mamamahayag para sa Pag-Usbaw 2.0: Pagsasanay-Workshop ng mga Mamamahayag ng Ang Bakawan!

Buwan-buwan, tayo’y maglalakbay tungo sa patuloy na pagyabong ng kasanayan sa pagsusulat sa larangan ng pamamahayag.

Patuloy tayong uusbaw para sa totoo, makabuluhan, at makataong pamamahayag. 💚

15/07/2025

𝐌𝐀𝐑𝐊𝐀𝐃𝐎𝐍𝐆 𝐊𝐀𝐑𝐀𝐇𝐀𝐒𝐀𝐍
Ni: Angela A. Negro

Layunin ng Republic Act No. 11053 o mas kilala bilang “The Anti-Hazing Act of 2018” na ipagbawal ang hazing at anumang uri ng pisikal o sikolohikal na pananakit bilang bahagi ng pagtanggap o initiation sa mga fraternity o sorority, lalo na sa mga paaralan at pamantasan. Ngunit nitong ika-12 ng Hulyo sa isang publikong Facebook post ng isang mataas na paaralan sa Claveria North District ay nagimbal ang lahat sa mga kahindik-hindik na larawan ng mga kamay na may pabilog na sugat na maaring sinunog ng sigarilyo. Hindi guhit. Hindi arte, ngunit klaradong senyales ng pagkakasangkot ng mga estudyante sa hindi kilala at awtorisadong fraternity o sorority.

Isang malaking pagkabahala hindi lamang sa ating mga magulang kundi sa mga kapuwa natin estudyante ang ganitong pangyayari. Hindi natin alam,baka sa makalawa, tadtad na ng sugat o bugbog ang ating kaklase upang mapatunayan lamang na matapang siya.

Kung susumahin ang datos ng ABS-CBN mula 1954 hanggang 2023, mayroong 58 na naitalang hazing deaths sa Pilipinas. Dagdag pa rito ang 207 kaso ng hazing sa datos ng Senado noong 2017. Kung gusto nating mapabilang, ay hindi sagot ang pagsali sa fraternity o sorority dahil dagok lamang ito sa ating personalidad. Hindi na natin kayang dumagdag pa sa nakakapangilabot na bilang.

Mahigpit na kinokondena ng pahayagan ang ganitong uri ng markadong karahasan sa mga estudyante. Ito’y hudyat sa lahat ng estudyante na kakaharapin nila ang pangil ng batas sa oras na sila ay sumapi sa fraternity. Nakasaad sa naturang batas na kung may mamatay man sa nasabing insidente, ay habambuhay na makukulong ang mga kasangkot.

Ang ganitong isyu ay isa ring paalala sa mga magulang na maiging bantayan ang kanilang mga anak upang higit na mailayo nila ang mga ito sa mga hindi kaaya-ayang kilusan. Mas mabuti ring ipagbigay-alam agad ito sa pamunuan ng paaralan upang mabigyan ng agarang aksyon, alinsunod sa Child Protection Policy.

Ang mga estudyante ay inaasahang magtulungan sa paghubog ng mas ligtas at makataong kapaligiran sa loob ng paaralan. Hindi marahas na ritwal ang batayan ng katapangan o pagkakaibigan. Ang tunay na samahan ay hindi nasusukat sa lakas ng palo, kundi sa lalim ng malasakit sa kapuwa.

Hindi ka “cool” kung puno ka ng mga bukol. Hindi ka rin “astig” kung sa fraternity ka aanib.