18/06/2023
Happy Father's day to my father, papa Inyong. Saksi jud ko sa imong mga sakripisyo ug pag paningkamot para sa atong pamilya...
Kahinundom pa ko, mangopras pka sauna sa bukid, kadlawon pa 2am maglukdo naka ug sinakong kopras gikan sa bungtod padulong sa ubos mga 3 kilometers para lang naay mapadala allowance sa imong unica hija nga nag skwela ug college sa syudad. Daghan kaayo ta memories sa atong kalisud sauna pa uy...
Ikaw nag tudlo sa akua mubaktas ug ako ra isa sa kalsada pauli sa balay 5 years old pa lang ko. Imong ingun, paminaw sa instruction ni papa ha, ayaw ug lingi2, ayaw ug tabok. Padaplin rjud ka hantod maabot ka ila Angkol Uloy nimu. Haha. Kaluy.an wa man pud ko naligsan. 😂 Sa kalayo sa atong gina baktas sauna gikan Poblacion padulong sa baryo, makatulog na lang ko nag baktas 🤣 hangtod sung.ayon na lang ko nimu pauli. 😁 While gisung.ay ko nimu nag damgo ko nakapalit na daw ta ug bike. 😂
Mag dungan tag study duha ta tudluan ni mama sauna ug basa. Hantud nahimu kang kaabag sa simbahan. Ako imong reader usahay ako pud imong sakristana. Ug kung kulang ang mukanta sa choir, ako imong pang bato sa ka nindot ug tingog. 🤣🤣 Always baya jud ka proud sa akua pa gikan bata pa ko. Bisan feeling naku yabag kog tingog, muingon jud mong duha ni mama, dili uy, singer jud ka. 🤣😂
Mag uban2 jud ko nimu sauna... Mang hurnal ta, apil ko pang hagbas... Mag tanom tag mais nga napalong na akong panan.aw sa ka init, pero ang ingun nimu "lingkod kadali, unya pugas napud di ta muundang hantod di ni mahuman!". Mang hagdaw ta. Mamukot. Mag trabaho planta sa saging, ako tig insert mga karton. Ikaw nag tudlo sa akua mag luto ug udong, nga ang sabaw himabaw sa kaldero unya ang odong 10 ra kabuok ug isa ra ka tinapa. 🤣😂
Sa atong kalisod sauna, nangarap ko pirmi. Unta maka palit kag motor para di na ka mag hago drive ug trysikad. Unta maka palit kag yuta nga daku2 para dili na ka manarbaho sa sagingan. Ug unta inig dako naku, makapalit kog mga sakyanan, balay nga naay swimming pool... Imo kong gi tudluan pa nga mag damgo!
Ug karon, sa ka maayo sa Ginoo natuman jud ang tanan nkung gi damgo sauna para sa atua pa. Wala may swimming pool akong balay okay ra, maka bayad man hinoon ug entrance fee sa mga hotel didto nlng ko maligo sa swimming pool. 🤣
Kung naa may next life. Ikaw gihapun akong gusto nga mahimong Papa. Dili taka ikambyo sa mga professional, mga abogado, ug mga engineer nga papa. Ikaw ra akong gusto, kanang pa lukduhon kog isa ka sakong mais kaya daku imong pagsalig sa akong kusog. 😂
I love you pa. Ako ning ipabasa sa imoha unya inig uli namu. 😁
*some pics credit to RasTV.
