Pan de Azucar-EYESHOT

28/05/2026

𝗕𝗥𝗘𝗔𝗞𝗜𝗡𝗚 𝗡𝗘𝗪𝗦 || 🟡 𝗥𝗲𝗴𝗶𝗼𝗻 𝟲 𝗘𝗹𝗲𝗺𝗲𝗻𝘁𝗮𝗿𝘆 𝗚𝗶𝗿𝗹𝘀, 𝗕𝗮𝗴-𝗼 𝗻𝗴𝗮 𝗥𝗲𝗰𝗼𝗿𝗱 𝗛𝗼𝗹𝗱𝗲𝗿 𝘀𝗮 𝟰𝘅𝟭𝟬𝟬 𝗥𝗲𝗹𝗮𝘆

Isa ka makasaysayan nga kadalag-an ang nakuha sang Region 6 matapos ginproklamar ang ila elementary girls relay team bilang bag-o nga record holder sa 4x100 meters relay sa Palarong Pambansa 2026.

Ang ginatawag nga “Flash Girls” sang Western Visayas nagpakita sang tumalagsahon nga kadasig kag disiplina sang ila ginrekord ang 51.79 segundos, nga nagguba sa daan nga record nga 52.44 segundos halin pa sang 2015.

Tungod sini, ang team opisyal na nga ginakilala bilang record holder sa amo nga event, isa ka kadungganan nga nagbutang sa Region 6 sa madalom nga pagtan-aw sang national sports scene.

Ang nagdala sang ini nga kadalag-an amo sanday:

Trixia Anne Arellano sang Concepcion
Maria Athena de Guiño
Norlyn Bedo
Princesa Lyn Yanson sang Carles

Ginpahayag sang mga officials nga nakibot gid ang madamo nga spectators kag kapareho nga atleta matapos makita ang kadasig sang grupo kag ang ila limpyo nga batonay sa baton, nga amo ang isa sa mga factors sang ila record-breaking run.

Sa likod sang ila kadalag-an amo ang ila mga coaches nga sanday Rey John delos Reyes, Leone Tiosayco, kag Benedicto Prasas, nga naghatag sang husto nga training, disiplina kag preparasyon sa team antes ang kompetisyon.

Ang ini nga bag-o nga record indi lamang personal nga kadalag-an sang team, kundi isa man ka dako nga kontribusyon sa bug-os nga Region 6 sa Palarong Pambansa 2026. Ginapaabot pa nga mahimo ini nga inspirasyon sa iban pa nga atletang kabataan sa rehiyon.

Via: Ray Cabarles

゚viralfbreelsfypシ゚viral

28/05/2026

𝗠𝗢𝗨𝗡𝗧𝗔𝗜𝗡 𝗤𝗨𝗔𝗥𝗥𝗬 𝗦𝗔 𝗡𝗜𝗣𝗔, 𝗖𝗢𝗡𝗖𝗘𝗣𝗖𝗜𝗢𝗡 𝗠𝗔𝗬 𝗕𝗔𝗟𝗜𝗗𝗢 𝗡𝗚𝗔 𝗣𝗘𝗥𝗠𝗜𝗧 – 𝗣𝗘𝗡𝗥𝗢

Gin pahayag sang Provincial Environment and Natural Resources Office (PENRO) nga may nagakaigo kag balido nga permit ang ginapatigayon nga mountain quarry sa Barangay Nipa, Concepcion, Iloilo.

Suno kay Atty. Cesar Emmanuelle Buyco, hepe sang PENRO, nagasunod sa mga regulasyon sang gobyerno ang mga permittees matapos makakuha sang kinahanglan nga clearances halin sa Department of Environment and Natural Resources (DENR) kag Environmental Management Bureau (EMB).

Ginpahayag man niya nga ang ginakabkaban nga bahin sang bukid isa ka pribado nga duta, kag plano sang tag-iya nga i-convert ini bilang housing kag commercial complex nga makita sa likod sang Palm Concepcion and Power Corporation (PCPC).

Amo ini ang mga indibidwal nga may quarry operation sang basalt sa lugar:
Carlo Jalandoni – 53,000 cu/year (tubtob 2027)
Jocelyn Perez – 30,000 cu/year (tubtob 2029)
Ferdinand Jesus Pecson – 30,000 cu/year (tubtob 2030)
Francis Felizardo – 30,000 cu/year (tubtob 2030)

Dugang pa ni Buyco, bukas ang ila opisina sa pag-imbestigar kun may mareklamo nga may kaangtanan sa quarry operations.

Ginsiling man sini nga ginatugutan ang mountain quarry sa probinsya sang Iloilo basta masunod ang tanan nga requirements kag may insakto nga permit.

Via: RMN ILOILO/By: AS

28/05/2026

𝗣𝗔𝗟𝗔𝗥𝗢𝗡𝗚 𝗣𝗔𝗠𝗕𝗔𝗡𝗦𝗔 𝟮𝟬𝟮𝟲 𝗨𝗣𝗗𝗔𝗧𝗘 || SUPER TIKYA MAY 3 NA KA GOLD MEDAL MATAPOS MAGDAUG SA 4X100M RELAY ELEMENTARY GIRLS

Ginkilala ang mga upod sini nga sanday Maria Athena De Guiño (First runner), Princess Lin Yanson, Norlyn Abedo, kag Trixia Anne Arellano (Finisher)

🎥Reymond Stiel Delos Reyes
゚viralfbreelsfypシ゚viral

28/05/2026

DAW LAIN GID ANG DISCO PARTY SA MALANGABANG FIESTA 2026

27/05/2026

𝘾𝙤𝙣𝙘𝙚𝙥𝙘𝙞𝙤𝙣: 𝘼𝙣𝙜 𝙇𝙪𝙝𝙖 𝙨𝙖 𝙏𝙪𝙣𝙜𝙖 𝙨𝙖𝙣𝙜 𝙄𝙨𝙖 𝙠𝙖 𝙋𝙖𝙧𝙖𝙞𝙨𝙤

📍 Ang Quarry Site sa Brgy. Nipa (Sitio Puntales), Concepcion, Iloilo

May mga lugar sa kalibutan nga ginatawag naton “paraiso”—mga lugar nga daw wala sang pilas, puno sang katahum kag kahayag. Para sa madamo, isa na diri ang Concepcion. Ang iya malimpyo nga dagat, malinong nga hangin, kag malinonh nga mga isla nagahatag sang kahulugan sa pulong nga katahum.

Apang kon pamatian ta sing maayo, indi lang balod sang dagat ang aton mabatian.

May yara man sing isa ka hutik nga panawagan—ang tingog sang palibot ukon environment nga daw nagapangayo sang tabang.

Kay samtang ginadayaw naton ang Concepcion bilang paraiso, may yara man sang kabukiran nga ginakalbo, duta nga ginabungkag, kag palibot nga ginapabay-an. Ang bukid nga anay berde kag buhi, subong daw kaangan nga ginhublasan. Ang palibot nga ginhalungan sang madugay nga tunion, subong may mga pilas nga padayon nga nagadalum.

Ini indi lamang mga isyu—ini mga luha sang palibot nga wala sing tingog apang mabatyagan.

Masakit nga kamatuoran nga ang ginatawag naton nga kauswagan mahimo mangin kabaylo sang pagkasamad sang aton palibot. Ang quarrying kag pagkalbo sang kabukiran nagahatag bulig sa ekonomiya, pero kun wala kontrol, ginabayaran ini sang mas mahal—ang aton palibot nga indi na mabalik sa dati.

Pila bala ka bukid ang dapat madula antes naton masiling nga “sobra na”?

Pila bala ka pilas ang dapat makita antes naton mabatyagan nga kinahanglan naton makareyalisar?

Sa panahon sang social media, ang tanan nagaguwa. Indi na naton mahimo nga ipakita lang ang matahum kag tabunan ang masakit nga realidad. Ang mga litrato kag video nagapamatuod nga ang Concepcion indi lang paraiso—kundi isa man ka lugar nga nagakinahanglan proteksyon.

Apang basi ini ang kinahanglan naton—indi pagpanago, kundi pag-atubang sang kamatuoran.

Kay ang matuod nga pagpalangga sa lugar indi nagaumpisa sa pagdayaw—nagaumpisa ini sa responsibilidad.

Ini nga isyu indi dapat ibilin sa gobyerno lamang, ukon sa pila ka sektor. Ini panawagan sa tanan—sa komunidad, sa mga lider, kag sa tagsa ka pumuluyo.

Ang mga programa pareho sang “Tanum Iloilo” nagahatag sang paglaum. Apang ang paglaum indi bastante kun wala sing pagbuhat. Ang mga patakaran kinahanglan ginapatuman, ang palibot kinahanglan ginaprotektahan, kag ang katawhan kinahanglan mangin aktibo nga kabahin sang solusyon.

Kay sa ulihi, kita man gihapon ang una nga mabatyag sang epekto kun madula ang aton ginapangabuhi nga palibot.

Sa Concepcion Hymn, ginatawag naton ang aton lugar bilang:

“Paraiso…
bahandi halin sa kalangitan…
kag puluy-an sang mga bulahan…”

Apang mga pumuluyo sang Concepcion, pamangkoton ta ang aton kaugalingon:

Ano bala ang kahulugan sang “paraiso”
kun ang kabukiran ginakalbo kag ang palibot ginapasipalahan?

Kay ang pag-kanta sang—
“Concepcion, dayawon ka…”
indi lang dapat yara sa tingog.

Kay ang isa ka paraiso indi ginahatag lang—ini ginabantayan, ginaprotektahan, kag ginapalangga adlaw-adlaw.

Ang Concepcion indi lang dapat matahum sa litrato—dapat ini matahum sa kamatuoran.

Busa samtang yara pa ini sa aton mga kamot,
bantayan ta ini…
preserbaron ta ini…
kag higugmaon ta ini.

Kay sa ulihi,
ang matuod nga kahulugan sang aton ginakanta nga paghigugma

wala lang sa himno—

kundi sa responsibilidad nga ginatuman sang iya katawhan.

Screengrab: RL Vlogs

゚viralfbreelsfypシ゚viral

27/05/2026

𝗕𝗥𝗘𝗔𝗞𝗜𝗡𝗚 || 𝗚𝗼𝗹𝗱𝗲𝗻 𝗕𝗶𝗿𝘁𝗵𝗱𝗮𝘆 𝗴𝗶𝗱! 𝗦𝘂𝗽𝗲𝗿 𝗧𝗶𝗸𝘆𝗮, 𝗗𝗼𝘂𝗯𝗹𝗲 𝗚𝗼𝗹𝗱 𝗻𝗮 𝘀𝗮 𝗧𝗿𝗮𝗰𝗸 𝗘𝘃𝗲𝗻𝘁

Liwat nga nagpangibabaw kag nagpabilib si “Super Tikya” sa mga tumalan-aw matapos niya makuha ang iya ikaduha nga bulawan nga medalya sa 100m dash (Elementary Girls), nga ginhiwat gid sa adlaw sang iya kaadlawan.

Madumduman nga sang Martes sang hapon, si Trixia Anne Arellano—nga mas kilala bilang “Super Tikya”—nakaangkon man sang una niya nga gold medal sa 200m dash (Elementary Girls).

📸 Photo courtesy: Jetlee-jr Aragon Diaz

27/05/2026

27/05/2026

Happy Birthday, Super Tikya! 🎂🥇

A golden win to match your special day!
We are beyond proud of you! 💙

26/05/2026

𝙋𝙖𝙣𝙜𝙞𝙣𝙗𝙪𝙡𝙖𝙝𝙖𝙣!

𝙈𝙤𝙧𝙚𝙣𝙤 𝙨𝙖𝙣𝙜 𝘾𝙖𝙧𝙡𝙚𝙨, 𝙉𝙖𝙖𝙣𝙜𝙠𝙤𝙣 𝙖𝙣𝙜 𝘽𝙪𝙡𝙖𝙬𝙖𝙣 𝙣𝙜𝙖 𝙈𝙚𝙙𝙖𝙡𝙮𝙖 𝙨𝙖 𝙎𝙝𝙤𝙩 𝙋𝙪𝙩 𝙨𝙖 𝙋𝙖𝙡𝙖𝙧𝙤𝙣𝙜 𝙋𝙖𝙢𝙗𝙖𝙣𝙨𝙖 2026

Antes matapos ang kompetisyon subong nga adlaw, nakuha ni Rheannah Moreno sang Carles Central School ang bulawan nga medalya sa shot put para sa elementary girls.

Napierdi ni Moreno ang iban nga mga atleta matapos niya malab-ot ang 11.7 metros sa iya paglabay, nga amo ang pinakamataas nga record sa amo nga event.

Bangod sang iya kadalag-an, si Moreno amo na ang ikaduha nga atleta halin sa probinsya sang Iloilo nga nakahatag sang bulawan nga medalya sa Palaro 2026.

Siling sang iya coach nga si Leone Tiosayco:�"May pagsalig kami nga makakuha gid siya sang medalya, pero wala gid namon ginpaabot nga mangin bulawan ini."

Si Moreno ginhanas naman ni Mr. Benedicto Prasas, nga nangin dako nga bulig sa iya maayo nga performance sa shot put.

Via: Ray Cabarles

26/05/2026

Golden afternoons and calm seas at Concepcion, Iloilo 🌅⛵

📸Fe Mae Lagatano
゚