ITV News Cebu, barangay bangbang, Cordova (2026)

11/12/2025

DUHA KA FISH CAGES NGA DUNAY 20,000 KA BANGUS FINGERLINGS GILUSAD SA AGUS, LAPULAPU

TAN-AWA : Gilusad sa Department of Labor and Employment (DOLE) sa region 7 ug sa Kagamhanan sa Siyudad sa Lapulapu ang duha ka fish cages dungan ang pagbuhi sa 20,000 ka bangus fingerlings sa kadagatan nga tipil nga bahin sa Barangay Agus kaganiha sa udto.

Ang fish cages gitanyag sa DOLE - 7 ngadto sa Kor Landa Employees Multi-Purpose Cooperative nga mga trabahante sa Mactan Export Zone nga mipahimulos sa DOLE Integrated livelihood program.

Si Jessica Uy, Supervising Labor and Employment Officer sa DOLE-7 miingon nga moabot sa kinatinuk-anh P1.3 milyones nga grant ngadto sa kooperatiba nga naglangkob sa duha ka fish cages, lawug sa bangus ug usa ka pumpboat ug dunay counterpart nga 20 porsento ang kooperatiba sama sa gastuhan sa mga nagtrabaho ug tiggbantay sa fish cages.

Matud ni Uy nga Bantayan nila ang operations sa livelihood sa kooperatiba ug mahimong ilang pun-an ug palapdan kun maayo ang pagpadagan niini.

Ang Hepe sa Public Employment Service Office (PESO) , Kim Francisco nag-ingon nga suportado sa Siyudad ug sa barangay ang programa sa DOLE tungod kay dako kini oo g tabang sa food security ug panginabuhian sa mga molopyo nga sagad molopyo sa Lapulapu.

Si Red Kintanar, chairman sa kooperatiba mibutyag nga ika-duha na kining livelihood grant nga ilang nadawat diin ang unang nitanyag mao ang Bureau of Fisheries and Aquatic Resources (BFAR-7) nga nakapatukod nila sa labing unang fish cages.

Matud ni Kintanar nga hamhawon nila ang mga bangus nga nahimo nang ibaligya sulod sa upat ngadto sa lima ka buwan diin prayoridad nila nga baligyaan ang ilang mga membro nga ubos kaayo ang presyo itande sa gibaligya sa Merkado ug ang sobra ilang ibaligya sa publiko.

Gipadayag ni Kintanar nga ilang gi promote ang fish cages ug ang programang pang agricultura arun pagdasig sa mga batan-on nga mosunod niini imbes magplano nga manarbaho sa gawas sa nasud.

| Chris A. Ligan

10/12/2025

𝐄𝐃𝐔𝐀𝐑𝐃𝐎 𝐅𝐋𝐎𝐑𝐄𝐒 𝐔𝐆 𝐌𝐘𝐑𝐄𝐋 𝐁𝐄𝐍𝐈𝐆𝐍𝐎𝐒, 𝐆𝐈𝐓𝐔𝐌𝐁𝐎𝐊 𝐍𝐆𝐀 𝟐𝟎𝟐𝟓 𝐌𝐈𝐋𝐎® 𝐌𝐀𝐑𝐀𝐓𝐇𝐎𝐍 𝐊𝐈𝐍𝐆 𝐔𝐆 𝐐𝐔𝐄𝐄𝐍

Nihatod ug makusganong kahumanan ang pinakadako ug pinakataas nga nagpadayon nga dagan sa nasud human gilangkoranan nila Eduardo Flores ug Myrel Benignos ang korona isip 2025 MILO® Marathon King ug Queen sa National MILO® Marathon Finals nga gipahigayon sa La Paz Plaza, Iloilo City.
Ang finals mao ang ika-25 nga karera sa tuig ug misangput sa kapin 24,000 ka runners gikan sa lain-laing bahin sa Pilipinas — nagtimaan sa mainiton nga pagsugod sa preparasyon alang sa golden anniversary sa MILO® Marathon sa 2026.

Bag-ong Hari ug Rayna sa MILO® Marathon
Si Eduardo Flores, 27 anyos gikan sa General Santos City, miangkon sa titulo human iyang mahuman ang 42K nga kategoriya sa usa ka impresibong oras nga 2:27:58.

Sa women's division, si Myrel Benignos, 22 anyos gikan sa Negros, misulat sa kasaysayan isip pinakabata nga MILO® Marathon Queen, human niya makompleto ang kursunada sa oras nga 3:15:21.

Ang duha ka kampyon nagpakita sa lagting nga gibati sa MILO® brand — kusog nga determinasyon, disiplina ug paningkamot — nga nagpatin-aw nga ang kalampusan sa dagan nag-agad sa tuig-tuig nga pag-andam ug kusganong pagsalig sa kaugalingon.

Gipadayon usab nila ang kadungganan sa nangaging mga kampyon nga sila Richard Salaño ug Christine Hallasgo, nga karon nagrepresentar sa Pilipinas sa 33rd Southeast Asian Games sa Thailand.

Lig-on nga Partisipasyon ug Kalambuan sa Komunidad
Ang Iloilo leg misangpot sa lig-on nga panag-uban tali sa Lokal nga Kagamhanan, mga safety teams, ug mga boluntaryo nga maoy panalipod sa hapsay ug luwas nga pagdagan sa kapin 25,000 ka partisipante — gikan sa Iloilo ug ubang probinsya.

Nagpadayon usab ang MILO® sa pagpalapad sa inklusibong partisipasyon pinaagi sa pagdawat sa mga runners gikan sa tanang background, lakip ang mga persons with disabilities, ug sa pagpalig-on sa grassroots sports programs ilawom sa MILO Active Pilipinas.

Pagtan-aw Paingon sa Golden Anniversary sa 2026
Samtang nag-andam ang MILO® para sa iyang 50th anniversary, gipaabot ang mas dagkong kalihokan, mas lig-on nga race-day experience, ug mga pasidungog alang sa mga atleta ug kaabag nga nagmugna sa kadungganan sa MILO® Marathon sa milabay nga katuigan.

Sa sunod tuig, adunay 50 ka karera nga nakahan-ay sa tibuok nasud, nga nagpadayon sa paglantaw sa MILO® Marathon isip pinakadako ug pinakataas nga tradisyon sa marathon sa Pilipinas.

03/06/2025

LANGYAW'NG INVESTOR DIREKTANG MAKIG PARTNER SA LGU DUMANJUG IMBES MOAGI SA KAPITOLYO

TAN-AWA : Ang usa ka Spanish Company nga magtukod og Solar Power Plants ubos sa hurisdiksyon sa Probinsya sa Sugbo mobakwi sa ilang pakig panertship sa Kagamhanan sa Probinsya sa Sugbo ug direkta na nga makig partner sa Lokal nga Kagamhanan sa Lungsod sa Dumanjug nga usa sa tukoran sa solar power plant.

Kini ang unod sa resolution nga gipasar sa Sangguniang Panlalawigan sa Sugbo atol sa ilang regular session kagahapon sa hapon.

Si outgoing Provincial Board Member ug Incoming Vice-Governor Glen Anthony Soco nga maoy nangamahan sa resolution miingon nga ang kompanita Acciona Energia mipadayag sa ilang tinguha nga direkta nalang nga makig partner sa LGU sa Dumanjug imbes sa Kapitolyo atol sa panagtigom nga gipatawag sa Provincial Economic Enterprise Council niadtong Mayo 20, 2025 kun human na nigawas ang resulta sa eleksyon diin si Givernor-Elect Pamela Baricuatro ang midaug.

Wala hinuon kahibawo si Soco sa ra*on sa kompanita pagbalhin og partnership apan iyang respetohan ang katungod niini unsaon pagpatuman ang ilang proyekto nga makahatag og dugang suplay sa kuryente sa Sugbo .

Basi sa tinguha sa investor, magtukod sila og solar power plants nga makamugna of 150 megawatts sa 187 hektarya nga luna sa Dumanjug apan way detalye nga nahatag sa probinsyal board asa ang tukma nga dapit sa Dumanjug nga tukoran niini.

Matud ni Soco nga ang resolution sa Hunts Provincial agig pagpakita sa suporta ngadto sa investor arun ipadayon ang proyekto bisan dunay bag-ong administrasyon nga mopuli.

Nasayran nga gihimo na ang groundbreaking sa susamamg proyekto sa kompaniya sa Lungsod sa Daanbantayan diin direkta kining makig partner sa Probinsya sa Sugbo ubos sa out-going Governor Gwendolyn Garcia.
| Chris A. Ligan

10/04/2025

SENATOR IMEE DISMAYADO NI SENATE PRESIDENT CHIZ ESCUDERO SA WALA PAGPIRMA SA CONTEMPT ORDER BATOK NI LACANILAO.

Gikadismaya ni Senator Imee Marcos ang wala pagpirma ni Senate President Chiz Escudero sa contempt order batok kang Ambassador Markus Lacanilao, bisan pa sa pag-apruba niini sa Senate Committee on Foreign Relations nga siya mismo ang namuno niini. Ang contempt order resulta sa giingong pagsulti og bakak ni Lacanilao sa ikatulong pagdungog bahin sa pag-aresto kang kanhi Pangulong Rodrigo Duterte.

"This decision by the Senate President is an insult to the Senate Committee on Foreign Relations and an affront to the integrity of the institution he leads." sabi pa ni Sen. Imee Marcos.

05/04/2025

KATORSE KA MGA PANIMALAY SA CORDOVA APEKTADO SA SUNOG

TAN-AWA : Napulo ka mga balay ang hingpit naugdaw ug laing upat ang nakan-an sa kayo sa sunog nga niigo sa Purok 6, Barangay San Miguel sa Lungsod sa Cordova Sabado sa hapon.

Nagsugod ang kayo sa panimalay ni Charisse Degamo nga nagtrabaho sa gawas sa nasud ug way nahabilin tungod kay ang live-in partner niini nagtrabaho isip security guard samtang ang mga anak ni Degamo gibilin sa iyang ginikanan nga silingam ra usab niini.

Ang inahan ni Charisse, Glenda Degamo miingon nga sa atop nagsugod ang kayo nga gituohan nga ang solar panel nga gigamit sa balay sa iyang anak maoy hinungdan sa sunog nga daling nikuyanap sa ubang kabalayan apil na ang ilang balay nga naugdaw.

Matud Niya nga wala gayud silay nahipos nga mga butang kay ilang giseguro pagpagawas ang mga bata nga anak ni Charisse.

Si FO2 Jeffrey Malingin , imbestigador sa Cordova Fire Station miingon nga nagsugod ang sunog alas 3:00 pasado sa hapon ug nakontrolar human sa 30 minutes ug gideklarar nga fire out alas 3:36 sa hapon.

Gibanqbana nga moabot sa P242,500 ang danyus sa sunog nga gipaubos lang sa second alarm diin apil sa nitubag sa alarma ang Lapulapu City Fire Station.

Sumala ni Malingin nga duha ka angulo ang ilang gitutukan nga posibleng hinungdan sa sunog diin naglakip sa solar lights nga gigamit nga suga sa balay ni Charisse ug ang posible nga dunay bata nga naglutoluto.

Kasamtangan nga gipahimutang sa barangay gym sa Barangay San Miguel ang mga nasunogan.

05/04/2025

𝟱𝟬𝟰𝘁𝗵 𝗞𝗔𝗗𝗔𝗨𝗚𝗔𝗡 𝗦𝗔 𝗠𝗔𝗖𝗧𝗔𝗡 𝗙𝗢𝗢𝗗, 𝗙𝗔𝗦𝗛𝗜𝗢𝗡 𝗨𝗚 𝗙𝗘𝗦𝗧𝗜𝗩𝗜𝗧𝗜𝗘𝗦 𝗚𝗜𝗕𝗨𝗞𝗦𝗔𝗡 𝗡𝗔

TAN-AWA : Gisugdan na ang 504th Kadaugan sa Mactan Food, Fashion ug Festivities sa siyudad sa Lapu-Lapu, Biyernes sa gabii, Abril 4, 2025.

Si Mayor Junard " Ahong " Chan uban sa pipila ka mga Konsehal mibukas sa kalihukan sa Liberty Shrine sa Barangay Mactan agig pagtimaan sa pormal nga pagsugod sa mga kalihokan sa kasauligan sa 504th Kadaugan sa Mactan.

Mga lamiang pagkaon , pabugnaw ug souvenir items ang giladlad sa kapin sa 50 ka temporary stalls sulod sa Liberty Shrine.

Sagad sa giladlad sa mga stall mga pagkaong Pinoy sama sa barbecue, adobo, inasal, dugodugo ug dunay refreshment ug pastries.

Gisugdan ug gipahigayon gilayon ang unang kalihokan sa gitukod nga temporary stage sa Liberty Shrine diin mga local band maoy nilingaw sa mga tawo.

Matag gabii na ang lainlaing kalihokan nga ipahigayon sa shrine sulod niining buwan sa Abril diin ang labing dakong kalihokan ang reenactment sa "Battle of Mactan o Kadaugan sa Mactan".

05/04/2025

𝗩𝗟𝗢𝗚𝗚𝗘𝗥 𝗨𝗚 𝗠𝗢𝗗𝗘𝗟 𝗦𝗛𝗔𝗨𝗡 𝗣𝗘𝗟𝗔𝗬𝗢 𝗠𝗢𝗗𝗔𝗟𝗔 𝗦𝗔 𝗣𝗔𝗣𝗘𝗟 𝗡𝗚𝗔 𝗟𝗔𝗣𝗨𝗟𝗔𝗣𝗨 𝗦𝗔 𝟱𝟬𝟰𝘁𝗵 𝗞𝗔𝗗𝗔𝗨𝗚𝗔𝗡 𝗦𝗔 𝗠𝗔𝗖𝗧𝗔𝗡

TAN-AWA : Ang sikat nga vlogger ug model nga si Shaun Pelayo maoy ihulip ni boxing legend Manny Pacquiao nga modala sa papel ni Lapu-Lapu atol sa reenactment sa Kadaugan sa Mactan sa Abril 27, 2025.

Gipahibawo kini kagabii ni Lapu-Lapu City Mayor Junard " Ahong" Chan atol sa pagsugod sa mga kalihokan sa 504th Kadaugan sa Mactan sa Liberty Shrine sa Barangay Mactan.

Giilisan si Pacquiao ni Pelayo tungod sa pagdagan niini isip Senador. Nilatid sa Fair Elections Act nga gidid-an ang tanang mga kandidato pag-apil sa stage plays o film showing sulod sa election period gawas kon makakuha kini'g exemption gikan sa Commission on Elections.

Ang partner ni Pelayo nga inila nga Pinoy vlogger ug negosyante nga si Crissa Liaging nga naila nga si Habibi ang modala sa papel nga Rayna Bulakna.

"Celebrating Victory, Honoring History" maoy tema karung tuiga sa pagsaulog sa Kadaugan sa Mactan.

| Photos: Habibi/ Facebook

10/03/2025

GITANGTANG ANG FB POST SA GIKAWATAN OG P5 MILYON SA SIYUDAD SA LAPULAPU

TAN-AWA : Gi post sa Facebook account sa usa ka context creator ang giingong paglungkab sa ilang panimalay nga gisulod sa usa ka kawatan nga nag brief lang nga nakadala og P5 milyones alas 3: 00 kaganiha sa kaadlawon.

Gibanqbana nga gipost ang video sa pagpangawat alas 6:00 ngadto sa alas 7:00 sa buntag apan dili na makita og balik ang post ala una karung hapon.

Ang tigpamaba sa Lapulapu City Police Office , Lt. Col. Christian Torres miingon nga wala gayud ma report sa lima ka Police station ang hitabong pagpangawat nga gipost sa social media.

Wala gani matino asa gayud mahitabo ang pagpangawat kay wala gibutyag sa nag post niini nga giingong maoy gikawatan.

Tungod sa pagtangtang sa post sa giingong kawat, nagduda si Torres nga pang content lang ang gihimo sa content creator arun daghan ang motan-aw sa iyang post.

Subay niini, matud ni Torres nga Ila nang gipa imvestigar ang hitabo ug gipasusi sa lima ka Police stations sa Lapulapu ang hutabo arun pagtino tinuod ba ang nahitabong KRIMEN apan kun nagtumotumo lang ang content creator mahimong mapasakaan kini og ka*o.

| Chris A. Ligan

03/03/2025

Mga bombero nga mikombati sa sunog sa Mantuyong, Mandaue City

03/03/2025

TAN-AWA : Mga molopyo nga nasunogan sa Barangay Mantuyong , Siyudad sa Mandaue nangilog og hose sa mga bombero ug maoy nangunay sa pagpasirit arun dili masunog ang ilang balay nga nakan-an na sa kayo.

03/03/2025

LABING MINUS 50 KA MGA BALAY NAUGDAW SA SUNOG SA MANTUYONG, MANDAUE

TAN-AWA : Gibanabana nga moabot og kapin sa 50 ka mga panimalay sa Barangay Mantuyong, Siyudad sa Mandaue ang apektado sa sunog nga niigo alas tres pasado sa hapon.

Si Barangay Kapitan Jukius Ceasar Areopagita nga na interview sa My TV Cebu miingon nga ang naigo sa sunog mao ang mga panimalay sa tulo ka blocks sa zone 7 sa ilang barangay diin dunay tag 20 ka mga panimay ang matag block.

Matud sa Kapitan nga halos tanang balay sa tulo ka blocks nga ginama sagad sa light materials ang hingpit nga naugdaw ug pipila lang ang partial damage.

Nagsugod ang sunog sa panimalay ni Teresita Garbo nga anaa sa tunga nga bahin sa zone 7.

Nagkanayon si Garbo nga siya ug ang iyang bana diha sa ground floor sa ilang duha ka andana nga panimalay nga nagtan-aw og salida sa television sa dihang nakapanimaho og sunog .

Tungod niini, nisaka sa taas ang iyang bana ug maoy nakita ang itom nga bagang a*o ug kayo.

Nag-iyahay sila sa paggawas sa ilang balay nga way dala nga butane samtang wala niadto sa ilang panimalay ang ilang mga anak nga dunay mga panginabuhian.

Kasamtangan nga gipahimutang sa gym sa barangay Mantuyong ang mga nasunogan diin gisusi ug giatiman sa pipila ka mga opisyal sa siyudad ug didto usab si kanhi Mayor Jonas Cortes.

ITV News Cebu

11/12/2025

10/12/2025

03/06/2025

10/04/2025

05/04/2025

05/04/2025

05/04/2025

10/03/2025

03/03/2025

03/03/2025

03/03/2025

Address

Telephone

Website

Alerts

Contact The Business

Shortcuts

Share

Category