Chris Ligan, Cordova (2026)

10/12/2025

𝐄𝐃𝐔𝐀𝐑𝐃𝐎 𝐅𝐋𝐎𝐑𝐄𝐒 𝐔𝐆 𝐌𝐘𝐑𝐄𝐋 𝐁𝐄𝐍𝐈𝐆𝐍𝐎𝐒, 𝐆𝐈𝐓𝐔𝐌𝐁𝐎𝐊 𝐍𝐆𝐀 𝟐𝟎𝟐𝟓 𝐌𝐈𝐋𝐎® 𝐌𝐀𝐑𝐀𝐓𝐇𝐎𝐍 𝐊𝐈𝐍𝐆 𝐔𝐆 𝐐𝐔𝐄𝐄𝐍

Nihatod ug makusganong kahumanan ang pinakadako ug pinakataas nga nagpadayon nga dagan sa nasud human gilangkoranan nila Eduardo Flores ug Myrel Benignos ang korona isip 2025 MILO® Marathon King ug Queen sa National MILO® Marathon Finals nga gipahigayon sa La Paz Plaza, Iloilo City.
Ang finals mao ang ika-25 nga karera sa tuig ug misangput sa kapin 24,000 ka runners gikan sa lain-laing bahin sa Pilipinas — nagtimaan sa mainiton nga pagsugod sa preparasyon alang sa golden anniversary sa MILO® Marathon sa 2026.

Bag-ong Hari ug Rayna sa MILO® Marathon
Si Eduardo Flores, 27 anyos gikan sa General Santos City, miangkon sa titulo human iyang mahuman ang 42K nga kategoriya sa usa ka impresibong oras nga 2:27:58.

Sa women's division, si Myrel Benignos, 22 anyos gikan sa Negros, misulat sa kasaysayan isip pinakabata nga MILO® Marathon Queen, human niya makompleto ang kursunada sa oras nga 3:15:21.

Ang duha ka kampyon nagpakita sa lagting nga gibati sa MILO® brand — kusog nga determinasyon, disiplina ug paningkamot — nga nagpatin-aw nga ang kalampusan sa dagan nag-agad sa tuig-tuig nga pag-andam ug kusganong pagsalig sa kaugalingon.

Gipadayon usab nila ang kadungganan sa nangaging mga kampyon nga sila Richard Salaño ug Christine Hallasgo, nga karon nagrepresentar sa Pilipinas sa 33rd Southeast Asian Games sa Thailand.

Lig-on nga Partisipasyon ug Kalambuan sa Komunidad
Ang Iloilo leg misangpot sa lig-on nga panag-uban tali sa Lokal nga Kagamhanan, mga safety teams, ug mga boluntaryo nga maoy panalipod sa hapsay ug luwas nga pagdagan sa kapin 25,000 ka partisipante — gikan sa Iloilo ug ubang probinsya.

Nagpadayon usab ang MILO® sa pagpalapad sa inklusibong partisipasyon pinaagi sa pagdawat sa mga runners gikan sa tanang background, lakip ang mga persons with disabilities, ug sa pagpalig-on sa grassroots sports programs ilawom sa MILO Active Pilipinas.

Pagtan-aw Paingon sa Golden Anniversary sa 2026
Samtang nag-andam ang MILO® para sa iyang 50th anniversary, gipaabot ang mas dagkong kalihokan, mas lig-on nga race-day experience, ug mga pasidungog alang sa mga atleta ug kaabag nga nagmugna sa kadungganan sa MILO® Marathon sa milabay nga katuigan.

Sa sunod tuig, adunay 50 ka karera nga nakahan-ay sa tibuok nasud, nga nagpadayon sa paglantaw sa MILO® Marathon isip pinakadako ug pinakataas nga tradisyon sa marathon sa Pilipinas.

25/08/2024

PASIGARBO SA SUGBO 2024 GRAND RITUAL SHOWDOWN WINNERS

CHAMPION: Dagitab Festival of Naga City

2. Minglanilla- Kabanhawan Festival
3. Lapu-Lapu City- Garbo sa Lapulapu Festival
4. City of Carcar - Kabkaban Festival
5. Madridejos - Isda Festival
6. Mandaue City - Panagtagbo Festival
7. Borbon - Tuba Festival
8. San Fernando - Sikoy Sikoy Festival
9. Liloan and Toledo City
10. Argao
11. Moalboal
12. Consolacion
13. Tudela and Alegria
14. Badian
15. Tuburan and Sibonga

Other winners:

BEST IN DECORATED FLOAT:
5th: Municipality of Balamban, Lingaw Sadya Festival
4th: Municipality of Bantayan, Palawod Festival
3rd: Municipality of Carmen, Sinuloh sa Carmen Festival
2nd: Municipality of Sogod, Panagsogod Festival
1st: Municipality of Consolacion, Sarok Festival

BEST IN CARROZA DESIGN: Municipality of Bantayan, Palawod Festival

BEST FESTIVAL JINGLE: Municipality of Consolacion, Sarok Festival

BEST IN STREET DANCING
1st: City Of Carcar, Kabkaban Festival
2nd: Municipality of Liloan, Rosquillos Festival
3rd: Municipality of Barili, Panumod Festival
4th: Municipality Of Consolacion, Sarok Festival
5th: Municipality Poro, Panagbagat Festival

BEST FESTIVAL COSTUME: Municipality of Madridejos, Isda Festival

BEST MAYOR'S INTRODUCTION VIDEO:
5th: Municipality of Alegria, Que Alegre Festival
4th: Municipality of Samboan, Dagayday Festival
3rd: Municipality of Santander, Tostado Festival
2nd: City of Lapu-Lapu, Garbo sa Lapu-Lapu Festival
1st: Municipality of Madridejos, Isda Festival (Mayor Romeo Villaceran)

FESTIVAL QUEEN COSTUME (to be given to the designer): Municipality of Carmen, Sinulog sa Carmen Festival (Eden Grace Mendez)

MISS PHOTOGENIC: Municipality of Poro's Mary Love Lopez (Panagbagat Festival)

PASIGARBO SA SUGBO FESTIVAL QUEEN WINNER
4th: Municipality of Liloan's Qatari Semblante
3rd: Municipality of Argao, Britanny Noynay Verleysen
2nd: Municipality of Minglanilla's Kyra Rei Hopkins
1st: Lapu-Lapu City's Sofi Maxim Margareta Grenmo

PASIGARBO FESTIVAL QUEEN 2024: Marie Yasmin Fabian of Carcar City's Kabkaban Festival

19/06/2024

RIDING-IN-TANDEM NAKAPUSIL PATAY ANG BIKTIMA

TAN-AWA: 30 anyus nga ulitawo nga nagbarug lang sa ilang junk shop sa Purok Tambis, Barangay Umapad, Siyudad sa Mandaue ang gipusil sa nag-anggkas sa motorsikllo kagahapon sa hapon.

Sa report nga gipadangat sa tigpamaba sa Mandaue City Police Office, Lt. Col. Mercy Villaro, nasayran nga ang biktima mao si Marlon Lañuza , dunay kapuyo nga molopyo ug molopyo ra usab sa Purok Tambis.

Basi sa imbestigasyon sa Kapulisan, ang biktima igo ra nagbarug-barug sa junk shop nga gipanag-iya sa ilang pamilya sa dihang niabot ang usa ka motorsikllo ug nanaug ang nag-angkas nga kalit nga namusil sa makadaghang higayon.

Nisibat gilayon ang riding-in-tandem human sa pagpamusil samtang gidali pagdala sa duol nga pribadong tambalanan ang biktima apan gideklarar sa doktor nga patay nang paghiabot.

Gilusad gilayon sa Kapulisan sa Mandaue ang Oplan Universe kun pag-atang sa mga karsada nga posible maagian sa namusil.

Mopahigayon og dugang imbestigasyon ang Kapulisan arun matino ang motibo sa pagpatay ug mailhan ang namusil.

27/03/2024

DUHA KA HIGH VALUE DRUG PERSONALITIES SIKOP SA KAPULISAN SA MANDAUE

TAN-AWA: Nadakpan sa Kapulisan sa Siyudad sa Mandaue ang duha ka drug pushers nga giisip nga High Value Individuals atol sa magkalahi nga anti-drug operations diin nakuhaan sa kinatibuk-ang dul-an sa P1,000,000 balor nga shabu.

Unang nadakpan didto sa Zuellig Street, Barangay Subangdako niadtong Lunes sa tungang gabii mao ang naila sa angga nga "Inggoy" , 34 anyus nga molupyo sa Sitio Malibu, Subangdako.

Nakuhaan og daghang pakite sa gituohang shabu nga motimbang og 55 gramus nga Gibanabana mobalor og P374,000 diin giingon nga kontak niini nga tinubdan sa shabu gikan sa usa ka piniriso sa prisohan sa Siyudad sa Sugbo.

Mahibaw-an sa Kapulisan ang ilegal nga kalihokan niini human unang nasikop ang iyang kapuyo niadtong Marso 11 tungod gihapon sa pagpamaligya sa ilegal nga drugas.

Ikaduhang nasikop mao ang angga nga " Toper" 45 anyus nga molopyo sa Poblacion, Siyudad sa Talisay nga apil sa listahan sa high value Individuals city level.

Nadakpan si Toper sa mga sakop sa City Intelligence Unit ug City Drug Enforcement Unit didto sa North Reclamation Area sa Barangay Subangdako kaganiha sa kaadlawon nga nakuhaan og 70 gramus nga shabu nga mobalor og dul-an sa P500,000.

Giingong gikan sa usa ka "Janjan" nga taga Pardo, Siyudad sa Sugbo ang shabu nga gikompra niini.

Konektado kini sa usa ka "Rack-Rack" nga nadakpan sa Kapulisan sa Mandaue niadtong Pebrero 16, 2024 nga nakuhaan og usa ka kilong shabu.

Ang grupo gitumbok nga naglihuk sa ilang ilegal nga kalihokan sa mga Siyudad sa Sugbo, Talisay, Carcar ug Lungsod sa Malabuyoc, sa Lalawigan sa Sugbo.

Ang tigpamaba sa Kapulisan sa Mandaue, Lt. Col. Mercy Villaro malaumon nga maminusan na ang ilegal nga kalihokan sa Subangdako nunut sa pagkasikop sa duha ka HVI.

Photos: MCPO

23/06/2023

KASO SA LUGOS SA LAPULAPU NISAKA

TAN-AWA : Taas ang pagsaka sa kaso sa pagpanglugos sa Siyudad sa Lapulapu gikan sa Abril hangtud sa Hunyo niining tuiga itande sa susamang mga buwan sa niaging tuig.

Ang Hepe sa Women and Children Protection Desk (WCPD) sa Lapulapu City Police Office, Capt. Rowena Peñaflor mibutyag nga niabot og napulo ka mga kaso sa pagpanglugos ang nidangoo sa iyang buhatan gikan sa Abril ug sa unang duha ka semana sa Hunyo samtang upat lang sa niaging tuig

Matud ni Peñaflor nga sagad sa mga biktima mga tinun-an nga mokuyog ug moapil of inum sa Ilang kaklase nga lalake. apan ubang suspek kabanay lang sa biktima.

Pulos na hinuon nailhan ang suspek sa kasong r**e ug gipasakaan na og mga kaso .

Nunut niini, gihugtan sa Kapulisan sa Lapulapu ang kampanya arun malikay nga mabiktima sa pagpanglugos ang mga tinun-an ug ubang Kababayen-an ilabi na mga minor de edad

Nagbutang na og tarpaulin ang Kapulisan nga nagpahimangno sa Kababayen-an ilabi na mga tinun-an arun malikay nga mabiktima sa pagpanglugos.

23/06/2023

BAG-ONG DRUG PERSONALITIES ANG MGA NADAKPAN NGA NISULOD SA LAPULAPU

TAN-AWA : Sagad sa nadakpan nga nahilambigit sa pagpamaligya sa ginadiling drugas nga naglihok sa Siyudad sa Lapulapu mga bag-ong drug personalities.

Ang Hepe sa City Drug Enforcement Unit (CDEU), Major Aibert Jay Samson miingon nga wala maapil sa listahan sa drug personalities sa Lapulapu ang ilang ulahing mga nadakpan nga nakuhaan og daghan bulto ug pakite sa shabu nga mobalor og minilyon ka pisos.

Matud ni Major Samson nga gikan sa mainland Cebu ang suplay sa shabu nga nasakmit sa Kapulisan sa Lapulapu apan dunay ubang mga dinakpan nga dunay kontak sulod sa prisohan .

Gisusi sa Kapulisan sa Lapulapu kun dunay koneksyon o susama ba og tinubdan sa ilegal nga drugas ang ilang mga dinakpan.

Gawas hinuon sa Lapulapu, sumala ni Major Samson nga naglihok usab sa negusyo sa ilegal nga drugas ang ilang pipila ka mga nadakpan sa ubang Siyudad sa Sugbo.

Nasayran nga ang ulahing nadakpan sa Kapulisan sa Lapulapu nakuhaan og shabu nga mobalor og kapin sa P3.7 milyones.

11/06/2023

KAALYADO MAG-ATBANG MANAGAN SA BARANGAY ELEKSYON DILI PUGNGAN

TAN-AWA : Pasagdan ni Mayor Junard "Ahong" Chan ang iyang mga tigpaluyo nga interesado nga managan bisan mag-atbang sa umaabot nga Barangay ug Sanguniang Kabataan eleksyon sa Oktobre 30, 2023.

Matud sa Mayor nga katungod nila ang pagpili pagka barangay opisyal ug anaa na sa mga molopyo kinsay angayan nga ilang butaran.

Apan gipadayag sa Mayor nga kinahanglan nga dili babag sa kalamboan sa Siyudad sa Lapulapu ang pilion sa katawhan.

Wala hinuon isalikway sa Mayor nga posible nga dunay siya pakuyohan sa mga managan apan kun magkasabot ang iyang mga kaalyado mas maayo arun dakog kahigayonan nga modaug kay dili mabahin ang ilang boto.

" If they can settle, magsabotsabot, mas maayo kay kauban ra ta as one family," nagkanayon si Mayor Chan.

29/05/2023

LABING UNANG MEDIA CENTER GITUKOD SA KAPULISAN SA LAPULAPU

TAN-AWA : Gitukod sa Kapulisan sa Siyudad sa Lapulapu ang Media Center alang sa mga tigbalita ug magsusuwat sa lainlaing media outlets sa Sugbo.

Si City Police Director, Coronel Elmer Lim miingon nga usa Kini sa iyang proyekto nga gisaad nga magtukod og media center sa dihang nilingkod isip mangulo sa Kapulisan sa Lapulapu niadtong Oktobre sa niaging tuig.

Matud ni Lim, ang tumong niini arun madali sa pagpagawas sa mga sakop sa media ang mga panghitabo, kalihokan ug kalamboan sa Kapulusan sa Lapulapu sanglit anaa gitukod ang media center sulod sa LCPO Headquarters diin ikauban ang mga sakop sa iyang Public Information Office.

Tinguha ni Col. Lim nga dunay transparency ang iyang pagdumala sa Lapulapu City Police Office arun mosalmot ang dakong pagsalig sa mga Oponganon ngadto sa mga pulis.

Way gasto ang gobiyerno sa pagtukod sa media center kay ang iyang asawa nga presidente sa ilang group of companies ang niabaga niini ug dunay ubang nga gustong motabang ilabi na sa mga gamit nga ginahanglan niini.

14/05/2023

HUGOT NGA SEGURIDAD GIPATUMAN SA MACTAN AIRPORT NUNUT SA PAGDAGSA SA MGA TURISTA

TAN-AWA : Mas hugot nga seguridad ang gipatuman sa Mactan Cebu International Airport (MCIA) tungod sa pagdagsang pagbalik sa mga Lokal ug langyaw'ng turista sa Sugbo.

Ang bag-ong Hepe sa MCIA Police Station, Major Jerome Villegas miingon nga kanunay nga ilang gipatuman ang hugot nga seguridad arun malikayan ang krimen nga nahitabo sulod sa airport.

Nagbutang na sila og Police desk sa Arrival ug Departure areas lakip na sa parking area ug huwatan sa mga taxi.

Hinuon, matud ni Major Villegas nga way nadawat nga hulga sa seguridad sa airport ug dili mabalaka ang katawhan.

Dugang ni Major Villegas nga hugot ang ilang pakig-alayon sa lainlaing ahensya sa gobiyerno nga anaa sa airport.

Si Villegas maoy gipuli ni Major Marvin Bolic nga gidistino na sa Rehiyonal nga buhatan sa Aviation Security Unit (AVSEU-7)

11/04/2023

TAG P5,000 EDUCATIONAL ASSISTANCE NADAWAT SA 63 KA SAKOP SA URBAN POOR

TAN-AWA : Nakadawat og tag singko.mil pisos (P5,000) isip Educational Assistance ang 63 ka mga membro sa urban poor groups gikan sa lainlaing barangay sa Siyudad sa Lapulapu didto sa session hall sa Konseho kaganiha sa udto.

Si Konsehal Annabeth Cuizon, Chairperson sa Committee on Social Services sa Konseho miingon nga ang nadawat nga Education Assistance sa mga membro sa urban poor gikan sa pundo ni Senador Risa Hontiveros nga gipaagi sa DSWD sa region 7.

Matud ni Cuizon nga siya maoy nihangyo sa opisina sa Senadora arun matabangan ang mga membro sa urban poor nga makapadayon sa ilang pagpaeskwela sa ilang mga anak.

Subay niini, giawhag ni Cuizon ang mga membro sa urban poor sa pagduso sa mga rekisitos tungod kay nangayo siya og dugang pundo sa opisina ni Senador Hontiveros arun daghang urban poor nga mga Oponganon makapahimulos niini.

Gawas sa pundo sa Senadora, matud ni Cuizon nga dunay lahi nga educational assistance si Lapulapu City Lone District Congresswoman Cindi Chan nga mapahimuslan sa mga Oponganon.

11/04/2023

3 KA DRUG ADVOCATES NIAGI NA SA 6 KA BUWAN DRUG REHAB POSITIBO SA DRUG TEST

TAN-AWA : Tulo sa 105 ka drug advocates nga nakahuman na sa unom ka buwan nga Community Drug Rehabilitation Program sa Siyudad sa Lapulapu nagpositibo atol sa kinalit nga drug test kaganiha sa buntag.

Gitigom sulod sa Lapulapu City Sports Complex ang 105 ka drug advocates arun modawat sa ilang livelihood assistance nga tag P5,000, apan gipaagi una sila sa surprised drug test sa City of Lapulapu Office for Substance Abuse Prevention diin tulo ang nagpositibo nga nigamit sa ilegal nga drugas.

Si Gary Lao, pangulo sa CLOSAP miingon nga iyang gitangtang sa After Care program sa Siyudad ang tulo ka drug advocates nga nagpositibo sa drug test.

Matud ni Lao nga iyang ipa-imbestigar una sa Kapulisan ang tulo arun mahibaw-an kun padayon gihapon sa ilang bisyo ang tulo ug mahibaw-an asa gikan ang suplay sa ilegal nga drugas nga ilang gigamit .

Ingon man, ipaagi usab og counselling sa City Social Welfare Services ang tulo ka drug advocates.

Samtang gipugngan usab ang ilang madawat nga tag P5,000 nga livelihood assistance tungod sa kapakyas pagpasar sa kalagdaan nga mohunong na sa hingpit sa ilang bisyo sa drugas.

11/04/2023

KORYANO NIAMBAK SA 16TH FLOOR SA HOTEL SA MANDAUE PATAY

TAN-AWA : Patay ang usa ka Korean National nga gituohang naghikog pinaagi sa pag-ambak sa iyang lawak sa hotel sa 16 floor sa Barangay Bakilid, Siyudad sa Mandaue sayo kaganiha sa buntag.

Sa spot report nga gihatag ni Mandaue City Police Office Deputy City Director for Operations, Lt. Col. Franc Rodulf Oriol nasayran nga ang front desk personnel sa hotel miasoy nga alas 3;00 kaganiha sa buntag, nakadungog siya nga dunay natagak gikan sa ibabaw sa ilang edipisyo.

Gipasusi sa desk personnel sa ilang security guard nga diha sa groundfloor ang nihagsa gikan sa ibabaw apan wala kini nakit-an nga nahulog gikan sa taas.

Pag-abot sa alas 6:30 sa buntag dunay laing kliyente sa hotel ang niabot ug mibutyag nga dunay tawo nga way sapot nga naghayang nga wala nay kinabuhi diha sa may bentana sa 6th floor.

Laing Koreano nga nagtrabaho sa nahisgutang edipisyo mibutyag nga nakadawat kini og mensahe sa ig-agaw sa gituohang niambak sa 16th floor nga Koryano diin nagpadala kaniya og su***de note.

Wala na hinuon isulti sa Koreano ang unod sa su***de note sa gituohang naghikog nga Koryano.

Ang mga sakop sa ERUF ug City Disaster Risk Reduction and Management Office sa Mandaue nga niresponde sa hitabo maoy nideklarar nga patay na ang Koryano.

Photo: MCPO

Chris Ligan

10/12/2025

25/08/2024

19/06/2024

27/03/2024

23/06/2023

23/06/2023

11/06/2023

29/05/2023

14/05/2023

11/04/2023

11/04/2023

11/04/2023

Address

Telephone

Website

Alerts

Contact The Business

Shortcuts

Share

Category