Bangsamoro Media Productions

Home
Bangsamoro Media Productions

The Official page of Bangsamoro Media Productions Services Coop.
(2)

25/07/2025

𝐁𝐘𝐂 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐌&𝐄 𝐋𝐄𝐀𝐑𝐍𝐈𝐍𝐆 𝐒𝐄𝐒𝐒𝐈𝐎𝐍 𝐊𝐀𝐒𝐀𝐌𝐀 𝐀𝐍𝐆 𝐍𝐘𝐂 𝐏𝐀𝐑𝐀 𝐒𝐀 𝐌𝐀𝐒 𝐌𝐀𝐓𝐈𝐁𝐀𝐘 𝐍𝐀 𝐘𝐎𝐔𝐓𝐇 𝐏𝐑𝐎𝐆𝐑𝐀𝐌 𝐓𝐑𝐀𝐂𝐊𝐈𝐍𝐆

Bilang bahagi ng layunin nitong mas mapahusay ang mga programa para sa kabataan sa rehiyon, nagsagawa ng Monitoring and Evaluation (M&E) Learning Session ang Bangsamoro Youth Commission (BYC) katuwang ang National Youth Commission (NYC) upang palalimin ang kaalaman ng kanilang mga kawani sa pagsubaybay, pagsusuri, at paggabay sa mga youth development initiatives sa Bangsamoro region.

Ang dalawang araw na pagsasanay ay isinagawa sa Quezon City at nakatuon sa pagbibigay ng teknikal na kaalaman sa paggawa at pagpapatakbo ng mga M&E systems, na inangkop mula sa karanasan ng NYC sa pagpapatupad ng Philippine Youth Development Plan (PYDP).

Sa pamamagitan ng mga lecture at interactive discussions, natutunan ng mga kalahok kung paano bumuo ng measurable indicators, results-based frameworks, at kung paano iaakma ang mga ito sa Bangsamoro Youth Development Plan (BYDP).

Kabilang sa mga tinutukan sa training ang paggamit ng logic model, pagtatakda ng baseline data at performance targets, pagtiyak ng agency compliance sa reporting, at integrasyon ng M&E sa mas malawak na implementasyon ng mga youth policies sa rehiyon.

Ayon sa BYC, ang naturang hakbang ay mahalaga upang masigurong ang mga programa ng pamahalaan para sa kabataan sa BARMM ay nakabatay sa datos, masusukat ang tagumpay, at tunay na tumutugon sa pangangailangan ng kabataang Bangsamoro.

Photos| Bangsamoro Youth Commission

25/07/2025

11-𝐇𝐎𝐔𝐑 𝐏𝐎𝐖𝐄𝐑 𝐎𝐔𝐓𝐀𝐆𝐄 𝐓𝐎 𝐀𝐅𝐅𝐄𝐂𝐓 𝐏𝐀𝐑𝐓𝐒 𝐎𝐅 𝐌𝐀𝐆𝐄𝐋𝐂𝐎 𝐒𝐄𝐑𝐕𝐈𝐂𝐄 𝐀𝐑𝐄𝐀 𝐎𝐍 𝐉𝐔𝐋𝐘 27

Inaabisuhan ang mga residente ng Maguindanao na makararanas ng 11-oras na pagkawala ng kuryente sa darating na Linggo, Hulyo 27, 2025, mula alas-7 ng umaga hanggang alas-6 ng gabi.

Apektado ang mga sumusunod na substations: M2 Salbu, M5 RSK, at M6 Talayan. Ang naturang power interruption ay bunsod ng isinasagawang maintenance ng NGCP.

Source| Maguindanao Electric Cooperative, Inc.

25/07/2025

𝐊𝐎𝐑𝐓𝐄 𝐒𝐔𝐏𝐑𝐄𝐌𝐀, 𝐈𝐃𝐈𝐍𝐄𝐊𝐋𝐀𝐑𝐀𝐍𝐆 𝐋𝐀𝐁𝐀𝐆 𝐒𝐀 𝐊𝐎𝐍𝐒𝐓𝐈𝐓𝐔𝐒𝐘𝐎𝐍 𝐀𝐍𝐆 𝐈𝐌𝐏𝐄𝐀𝐂𝐇𝐌𝐄𝐍𝐓 𝐊𝐀𝐘 𝐕𝐏 𝐒𝐀𝐑𝐀 𝐃𝐔𝐓𝐄𝐑𝐓𝐄

Sa isang makasaysayang desisyon na pinagkaisahan ng lahat ng mahistrado, idineklara ngayong Hulyo 25, 2025 ng Korte Suprema na labag sa Saligang Batas ang mga artikulo ng impeachment laban kay Bise Presidente Sara Duterte.

Batay sa desisyong isinulat ni Senior Associate Justice Marvic Leonen, nilabag ng impeachment ang “one-year bar rule” na itinatakda ng Artikulo XI, Seksyon 3, Talata 5 ng Konstitusyon, at tinapak-tapakan ang karapatan sa due process na nakasaad sa Bill of Rights. Dahil dito, walang hurisdiksyon ang Senado para ituloy ang nasabing proseso.

Ngunit nilinaw ng Korte Suprema na hindi pa lubusang absuwelto si VP Duterte sa mga paratang—maari pa rin siyang harapin sa susunod na reklamo pagkatapos ng Pebrero 6, 2026.

Ang kaso ay nag-ugat sa apat na magkakahiwalay na reklamo laban sa Bise Presidente. Tatlo sa mga ito ay inihain ng mga pribadong indibidwal noong Disyembre 2024, habang ang ikaapat ay inendorso ng mahigit isang-katlo ng mga miyembro ng Mababang Kapulungan noong Pebrero 5, 2025.

Sa desisyon, iginiit ng Korte na ang impeachment ay hindi lamang isang prosesong pampulitika, kundi isang prosesong konstitusyonal at legal na kailangang tumalima sa prinsipyo ng patas na paglilitis. Ipinunto rin nito na ang anumang reklamo laban sa halal na opisyal ay dapat may sapat na batayan at ebidensiya, at dapat bigyan ng pagkakataong sagutin ng inaakusahan bago pa ito dalhin sa Senado.

Naglatag ang Korte Suprema ng malinaw na pamantayan ng “due process” sa impeachment, kabilang ang:

Pagpapakita ng ebidensiya sa lahat ng miyembro ng Kongreso, hindi lang sa mga tagasuporta ng reklamo

Pagbibigay ng pagkakataon sa respondent na sagutin ang mga paratang bago ito isalang sa Senado

Dapat may sapat na panahon ang mga miyembro ng Mababang Kapulungan para suriin ang reklamo

Dapat may deliberasyon at boto mula sa buong Kamara, hindi lang mula sa one-third ng miyembro

Sa huling bahagi ng desisyon, iginiit ng Korte Suprema:

“Hindi namin tungkulin ang kumampi sa anumang resulta ng pulitika. Ang aming papel ay tiyaking ang pulitika ay nakaangkla sa alituntunin ng makatarungang batas… Hindi namin hahayaang ang panandaliang kagustuhan ay gamitin upang balewalain ang batas para sa pansariling interes.”

25/07/2025

𝐁𝐀𝐍𝐆𝐒𝐀𝐌𝐎𝐑𝐎 𝐃𝐀𝐑𝐔𝐋-𝐈𝐅𝐓𝐀’ 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐍𝐀𝐆𝐓𝐈𝐏𝐎𝐍 𝐍𝐆 𝐌𝐆𝐀 𝐔𝐋𝐀𝐌𝐀 𝐒𝐀 𝐑𝐄𝐆𝐈𝐎𝐍𝐀𝐋 𝐂𝐎𝐍𝐅𝐄𝐑𝐄𝐍𝐂𝐄 2025

Sa isang makasaysayang pagtitipon ng pananampalataya at pamumuno, matagumpay na isinagawa ng Bangsamoro Darul-Ifta’ ang Regional Ulama Conference 2025 noong 27–28 Muharram 1447 AH o July 22–23, 2025, na nilahukan ng mga kilalang Ulama, khatib, at mga lider-relihiyoso mula sa iba’t ibang bahagi ng BARMM at Mindanao.

May temang “Ang Papel ng Ulama sa Pagtataguyod ng Kapayapaan at Pagkakaisa sa Kabila ng Pagkakaiba-iba,” layunin ng nasabing kumperensya na pagtibayin ang papel ng mga Ulama bilang moral compass at tagapagtaguyod ng mapayapang lipunan sa Bangsamoro.

Sa pagtatapos ng dalawang araw na programa, inilabas ang isang Joint Final Statement na muling pinagtibay ang mahigpit na paninindigan ng mga Ulama sa:

Pagsulong ng inclusive religious discourse;
Paglikha ng Coordinating Scholarly Council;
Pagkilala sa Bangsamoro Darul-Ifta’ bilang opisyal na relihiyosong awtoridad ng rehiyon.

Binigyang-diin din sa pahayag ang kahalagahan ng pagtutol sa anumang uri ng extremism, ang pagtaguyod ng Shāfi’i madhhab at ng Ahl as-Sunnah wal Jama’ah na paniniwala, at mas malalim na ugnayan sa pagitan ng mga institusyong relihiyoso at mga istruktura ng pamahalaang rehiyonal.

Ang Regional Ulama Conference ay isa na namang patunay na ang Bangsamoro ay nagsusulong ng pananampalatayang nakaugat sa kapayapaan, pagkakaisa, at moral na pamumuno tungo sa makatarungan at inklusibong lipunan.

Source| Bangsamoro Darul-Ifta' BARMM

25/07/2025

Repost

"Ang ating M**F ngayon, ma-remember ko noong pagkamatay ng aking father (Late M**F Founding Chairman Salamat Hashim) nag-meeting ang central committee for how many months to determine who will be the successors, at ang na-determine nila ay si Chairman Al-Hadj Murad Ebrahim, na-mention rin niya ang mga tao na trusted niya na hanggang ngayon ay nandito pa rin sa M**F, na-mentioned niya si Ustadz Lucman Sultan, at sabi ng aking ama sa kanya, huwag na huwag kayong aalis sa pag-support kay Al-Hadj Murad Ebrahim after sa kanya"

MP Abdullah Hashim during the exclusive interview on the issue of the creation of an alleged M**F-Salamat Wing

July 25, 2022 I Cotabato City

Mag-subscribe sa aming youtube channel sa link na ito: bit.ly/2TGrmgV

25/07/2025

July 25, 2025 (Friday)

LIVE | EPISODE 45 OF TALAKAYAN CSO: Support to Bangsamoro Transition Season 4

A radio, TV and online talk show program of Consortium of Bangsamoro Civil Society-Support to Bangsamoro Transition: Enhancing CSO’s Capacity for Empowering the Communities towards Bangsamoro Transition.

Topic: CBCS-SUBATRA Project Milestones: its impact in the Bangsamoro transition period.
--------------------------------------------------------------------
Enhancing CSO’s Capacity for Empowering the Communities towards Bangsamoro Transition" Project is supported by the European Union through the Spanish Agency for International Development Cooperation (AECID) and the United Nations Office for Project Services (UNOPS) through an Agreement with the Government of the Republic of the Philippines and the BARMM.

24/07/2025

17,100 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍𝐒 𝐒𝐀 𝐁𝐀𝐒𝐈𝐋𝐀𝐍, 𝐌𝐀𝐊𝐀𝐊𝐀𝐓𝐀𝐍𝐆𝐆𝐀𝐏 𝐍𝐆 𝐒𝐎𝐂𝐈𝐀𝐋 𝐏𝐄𝐍𝐒𝐈𝐎𝐍

Pormal nang sinimulan ng Ministry of Social Services and Development (MSSD) ang payout para sa 1st semester ng Social Pension for Indigent Senior Citizens (SocPen) program sa lalawigan ng Basilan.

Mula Hunyo 20 hanggang Agosto 5, 2025, iikot ang MSSD sa 12 munisipyo ng probinsya upang maipamahagi ang tulong pinansyal sa tinatayang 17,100 senior citizens na kwalipikado sa programa.

Sa ilalim ng SocPen, bawat benepisyaryo ay makakatanggap ng ₱1,000 kada buwan, na layong suportahan ang kanilang pangkain at medikal na pangangailangan, lalo na ang mga matandang wala nang kakayahang magtrabaho o walang natatanggap na regular na pensyon.

Photos | Ministry of Social Services and Development

24/07/2025

𝐋𝐎𝐂𝐀𝐋 𝐋𝐄𝐆𝐈𝐒𝐋𝐀𝐓𝐈𝐎𝐍 𝐓𝐑𝐀𝐈𝐍𝐈𝐍𝐆 𝐒𝐀 𝐌𝐀𝐆𝐔𝐈𝐍𝐃𝐀𝐍𝐀𝐎 𝐃𝐄𝐋 𝐒𝐔𝐑, 𝐏𝐀𝐓𝐔𝐋𝐎𝐘 𝐍𝐀 𝐏𝐈𝐍𝐀𝐆-𝐈𝐈𝐆𝐈

Patuloy ang ikatlong araw ng "Capacity Enhancement Training on Local Legislation" para sa mga miyembro ng Sangguniang Panlalawigan ng Maguindanao del Sur.

Dumalo at nakiisa si Vice Governor Uztad Hisham Nando sa nasabing aktibidad upang ipakita ang kanyang buong suporta sa layunin nitong mapalawak ang kaalaman ng mga opisyal sa epektibong paggawa ng mga lokal na batas.

Layunin ng naturang training na palakasin ang kakayahan ng mga halal na opisyal sa larangan ng legislative process, policy formulation, at good governance—na siyang mahalaga sa ikauunlad ng lalawigan.

24/07/2025

𝐀𝐋 𝐇𝐀𝐉 𝐌𝐔𝐑𝐀𝐃, 𝐏𝐈𝐍𝐀𝐍𝐆𝐔𝐍𝐀𝐇𝐀𝐍 𝐀𝐍𝐆 𝐔𝐍𝐀𝐍𝐆 𝐒𝐓𝐑𝐀𝐓𝐄𝐆𝐘 𝐌𝐄𝐄𝐓𝐈𝐍𝐆 𝐍𝐆 𝐔𝐁𝐉𝐏 𝐏𝐀𝐑𝐀 𝐒𝐀 𝐇𝐀𝐋𝐀𝐋𝐀𝐍

Sinimulan na ng United Bangsamoro Justice Party (UBJP) ang kanilang mga hakbang para sa nalalapit na unang BARMM Parliamentary Elections ngayong Oktubre. Pinangunahan ni Party President Ahod “Al Haj Murad” Ebrahim ang isang pulong kasama ang mga Vice Presidents at party nominees upang buuin ang mga plano ng partido.

Bilang panimulang aksyon, muling sinuri ng UBJP ang mga naging resulta ng nakaraang halalan noong Mayo upang pagbatayan ng kanilang roadmap. Sa mensahe ni Ebrahim, binigyang-diin niya ang kahalagahan ng maayos na pagsusuri at paghahanda para matupad ang layunin ng partido.

Nagpaalala rin si Party Vice President Mohagher Iqbal sa kahalagahan ng dedikasyon at pagsusumikap ng bawat isa, aniya, hindi sapat ang tsamba—kailangan ng masigasig na pagkilos para maisulong ang mga adbokasiya ng Bangsamoro.

Tiwala ang UBJP na sa tulong ng kolektibong pagkilos ng buong partido, mapapalakas nila ang kanilang kampanya at representasyon sa nalalapit na halalan. Nakatakda rin ang mga susunod na pulong kasama ang Central Party Committee, mga district representatives at sectoral candidates.

24/07/2025

𝐏𝐑𝐎𝐉𝐄𝐂𝐓 𝐓𝐀𝐁𝐀𝐍𝐆, 𝐀𝐆𝐀𝐑𝐀𝐍𝐆 𝐍𝐀𝐆𝐇𝐀𝐓𝐈𝐃 𝐍𝐆 𝐓𝐔𝐋𝐎𝐍𝐆 𝐒𝐀 𝐌𝐆𝐀 𝐍𝐀𝐒𝐔𝐍𝐔𝐆𝐀𝐍 𝐒𝐀 𝐓𝐀𝐋𝐈𝐓𝐀𝐘

Namahagi ang Project TABANG ng food packs, bigas, hygiene kits, shelter kits, at kitchenwares sa 11 pamilyang naapektuhan ng sunog sa Barangay Poblacion, Talitay, Maguindanao del Norte noong Hulyo 24, 2025.

Ang nasabing sunog ay naganap gabi ng Hulyo 23, at ikinasawi ng isang walong taong gulang na bata. Bilang agarang tugon, isinagawa ng Office of the Chief Minister Abdulraof “Sammy Gambar” Macacua, sa pamamagitan ng Project TABANG Project Management Office, ang relief distribution para sa mga biktima.

Ito ay patunay ng matatag na pangako ng pamahalaang Bangsamoro sa makataong serbisyo at mabilis na pagtugon sa pangangailangan ng mga mamamayan sa oras ng sakuna.

Photos | Tulong Alay sa Bangsamorong Nangangailangan

24/07/2025

LIVE | PRIMERANG BALITA BANGSAMORO 🎙
𝗣𝗥𝗜𝗠𝗘𝗥𝗔𝗡𝗚 𝗕𝗔𝗟𝗜𝗧𝗔 𝗕𝗔𝗡𝗚𝗦𝗔𝗠𝗢𝗥𝗢 🎙
Ang News and Public Affairs Program ng Bangsamoro Media Productions.
Maghahatid ng balita para sa mamamayang Bangsamoro. Maiinit na isyu at diskurso sa lipunan, tatalakayin.
Mapapanood niyo ang aming programa LIVE tuwing Martes at Huwebes, 3:30 - 4:30 PM sa page ng 𝐁𝐚𝐧𝐠𝐬𝐚𝐦𝐨𝐫𝐨 𝐌𝐞𝐝𝐢𝐚 𝐏𝐫𝐨𝐝𝐮𝐜𝐭𝐢𝐨𝐧𝐬 at sabay rin mapapakinggan sa 𝐁𝐌𝐏 𝟗𝟕.𝟕 𝐅𝐌 𝐆𝐀𝐁𝐀𝐘 𝐫𝐚𝐝𝐢𝐨.
#97.7FMGABAYRADIO

DISCLAIMER : No Copyright Infringement intended, Music belongs to the rightful owners

24/07/2025

𝐋𝐀𝐇𝐀𝐓 𝐍𝐆 𝐁𝐀𝐑𝐀𝐍𝐆𝐀𝐘 𝐒𝐀 𝐂𝐎𝐓𝐀𝐁𝐀𝐓𝐎 𝐂𝐈𝐓𝐘 𝐈𝐍𝐀𝐓𝐀𝐒𝐀𝐍𝐆 𝐌𝐀𝐆𝐋𝐈𝐍𝐈𝐒 𝐍𝐆 𝐌𝐆𝐀 𝐊𝐀𝐋𝐒𝐀𝐃𝐀 𝐀𝐓 𝐖𝐀𝐓𝐄𝐑𝐖𝐀𝐘𝐒

Alinsunod sa DILG Memorandum Circular No. 2024-053, inaatasan ang lahat ng Barangay sa Cotabato City na agarang ipatupad at isakatuparan ang Barangay Road Clearing Operations bilang bahagi ng pambansang direktiba.

Lahat ng Barangay ay inaasahang gawin ang mga sumusunod:

Alisin ang mga ilegal na tindero na nakaharang sa mga pampublikong kalsada, bangketa, at lansangan;

Paalisin ang mga taong naninirahan at estrukturang ilegal na nakatayo sa mga ilog, sapa, at water easement zones;

Alisin ang lahat ng hadlang sa malayang daloy ng mga sasakyan at pedestrian;

Gibain ang mga encroachment at ilegal na estruktura sa loob ng mga easement areas, ayon sa Philippine Water Code (PD 1067, Artikulo 51):

3 metro sa mga urban areas
20 metro sa mga agricultural areas
40 metro sa mga forest areas

Ang hakbang na ito ay naglalayong ibalik ang kaayusan at kaligtasan sa mga pampublikong kalsada, isulong ang maayos na daloy ng trapiko, at hikayatin ang aktibong pamumuhay at kalusugan ng mga mamamayan.

Ang Office of the City Mayor ay magsasagawa ng monitoring tuwing ikalawang linggo (every 2 weeks).
Inaasahan din ang pagsusumite ng ulat ng bawat barangay, kalakip ang mga larawan, logbook, at sertipikasyon ng kanilang mga clearing activities.

Agad na ipatutupad ang kautusang ito. Ang sinumang barangay na hindi susunod ay maaaring maharap sa kaparusahan alinsunod sa umiiral na batas at regulasyon.

Magtulungan tayo upang makamit ang isang ligtas, maayos, at mas kaaya-ayang Cotabato City.

Photos | Bruce "BM" Matabalao

Address

Website

https://bmp.com.ph/

Alerts

Be the first to know and let us send you an email when Bangsamoro Media Productions posts news and promotions. Your email address will not be used for any other purpose, and you can unsubscribe at any time.

Shortcuts

Address
Alerts
Claim ownership or report listing
Want your business to be the top-listed Media Company?

Country:

City: