DK-Core News

30/09/2025

HINDI SAPAT NA TIMBANG AT MABABANG KLASE NG BIGAS SA HALAGANG 1,500pesos NADISKUBRE NI MAYOR ABDULMAIN ABAS

DOS-MDN |: Ikinagalit ni Mayor Abdulmain Abas ang pagkadiskubre nito sa hindi sapat na timbang at mababang klase ng bigas na syang ipapamahagi sa mga benepisyaryo sa pamamagitan ng Walang Gutom Program sa kanilang Redemption Day ngayong araw September 30, 2025 sa Municipal Covered Court.

Sa kanyang regular na pagmomonitor tuwing redemption day ng Walang Gutom Program sa bayan ng Datu Odin Sinsuat, nadiskubre ni Mayor Abdulmain Abas at Councilor Sorab Lumanggal ang hindi sapat na timbang ng bigas. Mula sa napagkasunduang 25Kilos ay 21kilos lamang ito. Mismong ang alkalde ang nanguna sa pagtimbang hindi lang isang sako kundi tatlong sako ng bigas ang sinuri ng alkalde.

Pangalawa, ang mababang klase o kalidad ng bigas na nagkakahalaga umano ng 1,500pesos. Ipinarating nito sa supplier ng bigas na palitan ang lahat ng mga bigas.

Tahasang sinabi ni Mayor Abas na sa kanya administrasyon, hinding-hindi nito palalampasin ang ganitong gawaing panloloko sa kanyang mga kababayan.

Ang bayan ng Datu Odin Sinsuat ay tunay na pinagpala na magkaroon ng isang lider na may puso para sa bayan at handang magsilbi sa kanyang mga kababayan.

SOURCE: Municipal Information Office - Datu Odin Sinsuat

30/09/2025

MAYOR ABAS ,PINANGUNAHAN ANG JOINT MEETING NG LOCAL SPECIAL BODIES

PINANGUNAHAN nina Mayor Abdulmain Abas at Vice-Mayor Bobsteel Sinsuat ang matagumpay na pagbubukas ng Joint Council Meeting of the Local Special Bodies kahapon September 29, 2025 na ginanap sa Sangguniang Bayan Session Hall.

Umalalay upang maipagpatuloy ang pagpupulong sina Municipal Administrator Atty. Datu Hamad Abas,RSW, MAPDS at MLGOO Zacarnain Acmad.

Dito, binibigyang-diin ang mahalagang papel at matibay na suporta at pagtutulungan ng lahat ng Local Special Bodies. Tinalakay at naiprisenta ang ibat-ibang usapin patungkol sa mga accomplishments at issues and concerns ng bawat konseho at komite.

Layon nito na higit pang mapagtibay ang partisipasyon ng Local Special Bodies sa pagbuo ng mga polisiya at programang makatutugon sa pangangailangan ng mga mamamayan ng Datu Odin Sinsuat. Ito ay sa pamamagitan ng iba't-ibang proposed resolution upang matugunan ang mga issues and concern na bawat konseho at komite.

Sa pamamagitan ng pagtutulungan ng iba't-ibang konseho at komite, mas mapagtibay ng Lokal na Pamahalaan na maging ligtas at maunlad ang ating bayan.

Ang aktibidad ay bahagi ng pagpapatuloy ng agenda tungo sa isang mas progresibo at inklusibo na bayan.

30/09/2025

PAGSASAKATUPARAN NG COMPREHENSIVE AGREEMENT ON THE BANGSAMORO (CAB) ,NAKASALALAY MABUTING-LOOB NA PAGPAPATUPAD.

Sa ika-10 taon ng paglagda ng Comprehensive Agreement on the Bangsamoro (CAB) noong Marso 27, 2014, patuloy na tinututukan ng gobyerno ng Pilipinas at ng Moro Islamic Liberation Front (M**F) ang pagsasakatuparan ng mga probisyon nito, partikular sa Annex on Normalization.

Ang makasaysayang kasunduang ito ay nagmarka sa pagtatapos ng matagal nang pagtugis ng isang makatarungan at marangal na resolusyon sa tanong ng Bangsamoro.

Ayon sa mga ulat, nakumpleto na ang third phase ng decommissioning ng mga mandirigma ng M**F, kung saan 26,145 combatants at 4,625 armas ang na-dekomisyon.

Matatandaan nitong nakaraang ilang buwan lamang ang M**F ay nagbasag ng katahimikan sa pamamagitan ng isang resolusyon na inilabas noong Hulyo 19, 2025, na binibigyang-diin na habang ito ay sumang-ayon sa mga kahilingan ng GPH na magpatuloy sa phased decommissioning ng mga puwersa at sandata nito, ang M**F ay patuloy na nagpaalala sa GPH na ang decommissioning ay dapat na unti-unti, at dapat magpatuloy "parallel at commensurate sa pagpapatupad ng lahat ng mga kasunduan ng mga Partido."

Sa plenaryong debate sa Kamara ng mga Representative, pinag-usapan ang umano'y "mga nagawa na hindi totoo" sa badyet ng Office of the Presidential Adviser on Peace,Recociliation,and Unity (OPAPRU).

Tinanong ng isang mambabatas, "Kong Paano inaasahang matutupad ang mga target kung hindi maibigay ang aktwal na datos ng mga nagawa"?

"Paano mapapatunayan ang karagdagang pagpopondo kung napremature at sinasabing kumpleto na ang mga programa"?

Tinawag ito ni representative Fernando na ang nagawa ng OPAPRU ay isang "gost accomplishment"

Inilarawan pa ni Representative Elijah San Fernando ng Kamanggagawa Partylist si Secretary Galvez bilang isang "saboteador ng kapayapaan," na binabanggit kung paano ang proseso ng kapayapaan sa BARMM ay nasa gilid na ng pagbagsak dahil sa paulit-ulit na kabiguan ng gobyerno na tuparin ang mga pangako nito.

Dapat umanong bigyang-diin na ang kasunduan sa pagitan ng M**F at ng GPH ay dapat ipatupad nang may mabuting loob.

Ang ahensya ay nabigo umanong magbigay ng kumpletong datos tungkol sa kanilang mga nagawa sa Programa ng Normalisasyon ng M**F.

Sa gitna ng mga kontrobersiya, patuloy na nakikipag-usap ang gobyerno ng Pilipinas at ng M**F upang matiyak ang matagumpay na implementasyon ng CAB at ang paghahatid ng kapayapaan at kaunlaran sa rehiyon ng Bangsamoro.

Ang mga tagapagtaguyod ng kapayapaan ay nananawagan sa mga partido na tuparin ang kanilang mga pangako at magtulungan upang makamit ang tunay na kapayapaan at katarungan para sa mga mamamayan ng Bangsamoro.

29/09/2025

TIGNAN: Ang Opisina ng Punong Ministro ay naglabas ng Memorandum Circular No. 0134 na opisyal na nag-aampon sa BAP-YPS at BYAS ng BYC.

Ang nasabing Memorandum ay nagdidirekta sa mga ministri, tanggapan, at ahensya ng BARMM na isama ang BAP-YPS at BYAS sa kanilang pagpaplano, pagproprograma, at pagpapatupad ng mga aktibidad, partikular sa pagtatasa ng mga pangangailangan ng kabataan at disenyo ng programa.

29/09/2025

BANGKAY NG LALAKI, NATAGPUAN SA ISANG BANGKA SA BONGO ISLAND, PARANG, MDN

Natagpuan nitong Lunes, September 29 ng mga residente ang bangkay isang hindi pa nakikilalang lalaki sa loob ng isang bangka na nakadaong sa bahagi ng Bongo Island, Barangay Tucamaror.

Ayon sa impormasyon, napansin nila ang matapang na amoy mula sa bangka at nang silipin ay doon nila nadiskubre ang bangkay na nakatakip ng asul na trapal.

Kasalukuyan pang inaalam ng mga awtoridad ang pagkakakilanlan ng biktima.

Nanawagan ang Parang Municipal Police Station sa sinumang nawawalan ng kaanak na makipag-ugnayan sa kanilang tanggapan para sa agarang beripikasyon at imbestigasyon.

Patuloy na iniimbestigahan ng pulisya ang insidente upang matukoy ang sanhi ng pagkamatay at kung may foul play na sangkot dito.

29/09/2025

𝐌𝐏 𝐀𝐋𝐈: ‘𝐌𝐀𝐑𝐀𝐌𝐈 𝐍𝐀𝐍𝐆 𝐍𝐀𝐍𝐈𝐍𝐈𝐑𝐀 𝐊𝐀𝐘 𝐂𝐇𝐀𝐈𝐑𝐌𝐀𝐍 𝐌𝐔𝐑𝐀𝐃, 𝐁𝐀𝐊𝐈𝐓 𝐖𝐀𝐋𝐀𝐍𝐆 𝐑𝐄𝐀𝐊𝐒𝐘𝐎𝐍?’

Nagbigay ng reaksyon sa kanyang Official Facebook post si Majority Floor Leader MP Atty. Lanang Ali kaugnay sa panawagan ng ilang M**F-BIAF base commanders na humihingi ng public apology mula kay MBHTE Deputy Minister Haron S. Meling.

Ayon kay Ali, bagama’t iginagalang niya ang mga lumagda sa joint statement, dapat din umanong maging balanse ang pagtindig ng mga M**F commanders. Iginiit niya na sa kabila ng mga paulit-ulit na paninira laban kay M**F Chairman Ahod “Kagi Murad” Ebrahim at sa M**F Central Committee sa social media, wala umanong opisyal na pahayag ng suporta na inilalabas mula sa kanilang hanay.

“With due respect sa lahat ng base commanders na pumirma dito, marami na rin masyado ang mga paninira na lumabas kay Chairman Murad Ebrahim at M**F Central Committee sa Facebook. Sana maglabas na rin kayo ng written statements sa Facebook na fully support kayo sa M**F Central Committee sa pamumuno ni Chairman Ahod ‘Kagi Murad’ Ebrahim bilang Commander in Chief ng M**F,” giit ni MP Lanang Ali.

Dagdag pa niya, tila naging mabilis ang reaksyon ng mga commanders sa isang post ni Deputy Minister Meling, ngunit nananatiling tahimik sa mas marami pang negatibong komento laban sa pamunuan ng M**F.

Ang panawagan ni Ali ay naglalayong ipakita ang matatag at nagkakaisang suporta ng lahat ng hanay ng M**F sa pamumuno ni Chairman Murad Ebrahim, lalo na sa gitna ng mga isyung nagbabantang magdulot ng pagkakawatak-watak sa organisasyon.

Via |: BMP

29/09/2025

29/09/2025

𝗠𝗮𝘀𝗷𝗶𝗱 𝗮𝘁 𝗗𝗮’𝘄𝗮𝗵, 𝗣𝘂𝗻𝗱𝗮𝘀𝘆𝗼𝗻 𝗻𝗴 𝗜𝘀𝗮𝗻𝗴 𝗣𝗶𝗻𝗮𝗴𝗽𝗮𝗹𝗮𝗻𝗴 𝗕𝗮𝗻𝗴𝘀𝗮𝗺𝗼𝗿𝗼

Sa ginanap na Da’wah Committee Annual General Assembly na may temang “Unity is Strength (Su Kasumpong na Bag’l)” sa Camp Darapanan, ipinamalas ng libo-libong miyembro at opisyal ng Committee on Da’wah and Masajid Affairs ang kanilang matatag na paninindigan sa pananampalataya at tapat na paglilingkod. Kasabay nito, buong puso rin nilang ipinakita ang kanilang mainit na suporta kay United Bangsamoro Justice Party (UBJP) President at M**F Chairman Al Haj Murad Ebrahim bilang gabay at lider sa pagpapatatag ng Bangsamoro.

28/09/2025

TINGNAN |: KOMENTO NG UNITED BANGSAMORO JUSTICE PARTY [UBJP] ISINUMITI NA SA COMELEC PARA SA MINUTES RESOLUTION SA POSIBLENG POSTPONEMENT NG 1ST BARMM PARLIAMENTARY ELECTION SA October 13, 2025.

Matatandaan na inaanyayahan ng COMELEC sa loob ng 48 Hours ang lahat ng political parties, candidates, sectoral party groups, election stakeholders, citizens' arms, o ang lahat ng stakeholders sa BARMM.

Layunin nito na personal na magbigay ng kanilang komento at mapakinggan ng COMELEC ukol sa posibilidad ng pagpapaliban ng BARMM Parliamentary Elections.

27/09/2025

TINGNAN |: Mga supporters ng UBJP patuloy ang pagdagsa sa Kasalukuyang Campaign Rally ngayong araw sa bayan ng Talitay Gymnasium

27/09/2025

TINGNAN |: Mga supporters ng UBJP patuloy ang pagdagsa sa Kasalukuyang Campaign Rally ngayong araw sa bayan ng Talayan Municipality Gymnasium,Sept. 27,2025