16/07/2025
CRMC Chief Dimaren, kandidato sa 2025 Gawad Lingkod Bayan ng Pangulo!
Nominated bilang isa sa mga national semi-finalist si Cotabato Regional and Medical Center (CRMC) Chief, Dr. Ishmael R. Dimaren, para sa 2025 Gawad Lingkod Bayan ng Pangulo.
Ang Gawad Lingkod Bayan ng Pangulo, ay isang prestihiyosong pagkilala na ipinagkakaloob ng Civil Service Commission (CSC).
Nagmula sa bisa ng Executive Order No. 508, series of 1992 ang parangal na may layuning kumikilala sa serbisyo publiko ng mga natatanging lingkod bayan sa bansa, kabilang na ang mga tagumpay na nagpapalawak ng interes ng publiko, nagpapalakas ng seguridad, at nagsusulong ng pambansang yaman.
Kaugnay nito, ikinararangal ng CRMC ang pagkilalang ito kay Dr. Dimaren, na nagsilbi nang may dedikasyon sa serbisyong medikal, partikular sa mga layuning mapabuti ang kalusugan ng mga nasa laylayan ng lipunan.
Sa katunayan, magmula nang pamunuan nito ang CRMC, pinaganda nito ang healthcare services na nagbunga ito ng iba’t ibang institutional achievements mula sa iba’t ibang pambansa at pandaigdigang ahensya.
Ang nominasyong ito ay hindi lamang pagkilala sa kanyang tagumpay kundi sa sama-samang pagsisikap ng buong institusyon sa pagbibigay ng dekalidad at makataong serbisyong pangkalusugan sa mamamayan.
Roy Holgado
