http://bignewsngayon.mindanao.com/

BigNews Ngayon Mindanao, Cotabato City (2025)

13/10/2025

PANAWAGAN📢📢📢

KUNG sino man ang nakapulot ng mobile phone, isang iPhone 15, sa pagitan ng pamilihan bayan ng parang at sa Bacolod sa Barangay Poblacion Uno, bandang alas-11 ng umaga sa bayan ng Parang, Maguindanao Del Norte.

Kung sino man ang nakakita o nakapulot, mangyaring makipag-ugnayan sa numerong 09651154003 o sa aming FB page.

Maraming salamat po mga KaBIGNews.

BigNews Ngayon Mindanao

13/10/2025

LOOK|| Naglabas na ng pinal na presyo ang ilang kumpanya ng langis hinggil sa dagdag-bawas sa presyo ng produktong petrolyo na ipatutupad bukas araw ng martes

BigNews Ngayon Mindanao

13/10/2025

MUNICIPALITY OF SULTAN MASTURA, MATAGUMPAY ANG FOOD REDEMPTION NG "WALANG GUTOM PROGRAM"

ISANG makabuluhang araw ang nagbigay sa mga residente ng Sultan Mastura nitong araw ng lunes Oktubre 13, 2025, sa matagumpay na isinagawang Food Redemption Activity sa ilalim ng "Walang Gutom Program (WGP)" ng Department of Social Welfare and Development (DSWD).

Ang aktibidad na ito ay naging posible sa pakikipagtulungan ng Pamahalaang Bayan ng Sultan Mastura, na nagpapakita ng kanilang dedikasyon sa pagtugon sa problema ng kagutuman sa nasabing bayan.

Ang aktibidad ay pinangunahan ni Regional Program Coordinator Hajiara T. Pandi ng DSWD Walang Gutom Program. Personal niyang binantayan ang monitoring at assessment upang masiguro na ang lahat ng pagkain na ipinamahagi ay ligtas, de-kalidad, at sumusunod sa mga pamantayan ng kagawaran.

Kaagapay niya sa gawaing ito si Municipal Social Welfare Officer Elena B. Toribio, na siyang naging tulay sa pagitan ng DSWD at ng lokal na pamahalaan para sa maayos na implementasyon ng programa.

Sa isinagawang Food Redemption Activity, masayang tinanggap ng mga benepisyaryo ang iba't ibang uri ng masustansyang pagkain. Kabilang dito ang bigas, manok, isda, itlog, sariwang gulay, at prutas.

Ang mga pagkaing ito ay naglalayong magbigay ng sapat na nutrisyon at lakas sa mga pamilya upang harapin ang kanilang pang-araw-araw na gawain.

Ang programang ito ay may layuning wakasan ang kagutuman at tiyakin na ang bawat pamilyang Pilipino ay may access sa sapat at masustansyang pagkain.

Bukod pa rito, nagkaroon din ng courtesy visit si Coordinator Hajiara T. Pandi at ang kanyang mga kasamahan mula sa DSWD sa tanggapan ni Sultan Mastura Mayor Hon. Mayor Datu Armando T. Mastura, Al-Hadj. Sa kanilang pagpupulong, tinalakay nila ang mga mahahalagang usapin tungkol sa pagpapatuloy ng Walang Gutom Program, kasama na ang pagpapalakas ng mga inisyatibang Glow Foods at Grow Foods, na naglalayong magbigay ng tamang nutrisyon sa mga bata at pamilya.

Sa ilalim ng pamumuno ni Mayor Mastura, ipinapakita ng Pamahalaang Bayan ng Sultan Mastura ang kanilang buong suporta sa DSWD at iba pang ahensya ng pamahalaan upang maisakatuparan ang adhikain na "Sa Bagong Pilipinas, Wala Nang Gutom." Ang kanilang pagtutulungan ay nagbibigay pag-asa sa mga mamamayan na malampasan ang hamon ng kagutuman at magkaroon ng mas magandang kinabukasan.

via|| Kasangga Jomar Abdul BigNews Ngayon Mindanao

13/10/2025

LALAKI NATAGPUANG NALILIGO NA SA SARILI NITONG DUGO SA BAYAN NG DATU ANGGAL MIDTIMBANG!

ISANG lalaki ang natagpuang naliligo na sa sarili nitong dugo na pinaniniwalaang binaril ito sa Barangay Kidati, Datu Anggal Midtimbang ngayong gabi base sa nakuha nitong ID sa biktima kinilala itong si Brayan U. Mama na residente ng Barangay Poblacion sa bayan ng Parang Maguindanao Del Norte

BigNews Ngayon Mindanao

13/10/2025

MNLF COMMANDER AT ANAK NITO, BIKTIMA NG PAMAMARIL SA BAYAN NG AMPATUAN, MAGUINDANAO DEL SUR!

PATAY sa pamamaril ang isang Opisyal ng Moro National Liberation Front (MNLF) kasama ang anak nito matapos pagbabarilin ng mga hindi pa nakikilalang salarin, na naganap sa Barangay Kapimpilan, sa bayan ng Ampatuan, Maguindanao Del Sur ngayon araw ng lunes.

Ang mga biktima ay kinilalang sina Abusama Agao, na mas kilala sa alyas na “Commander Boy Negro,” isang kilalang lider ng MNLF-Sema Faction, at ang kanyang anak na si Norodin Agao.

Kasama rin sa insidente ang isa pang anak ni Commander Agao na si Jahara Agao, na ngayon ay nasa kritikal na kondisyon matapos tamaan din ng bala.

Ayon sa salaysay ni PCPT. Guiseppe Tamayo, hepe ng Ampatuan MPS, ang mag-ama ay lulan ng isang Payong-Payong o tricycle, habang naglalakbay mula sa Barangay Matagabong patungo sa isang mahalagang pagtitipon.

Sa kasamaang palad, habang nasa daan, bigla silang hinarang ng dalawang lalaking sakay ng motorsiklo. Dito na, pinaputukan ng mga suspek ang mga biktima, na nagresulta sa agarang pagkamatay ni Commander Agao at ng kanyang anak na si Norodin.

Matapos ang karumal-dumal na krimen, mabilis na tumakas ang mga salarin.

Sa kasalukuyan, palaisipan parin ang motibo sa likod ng pamamaril sa mga biktima. Gayunpaman, sinabi ni PCPT. Tamayo na ang mga awtoridad ay nagsasagawa na ng masusing imbestigasyon upang matukoy kung ang insidente ay may kaugnayan sa mga alitan sa loob ng MNLF o posibleng may kinalaman sa pulitika.

Nanawagan din ang mga awtoridad sa sinumang may impormasyon tungkol sa insidente na makipagtulungan sa imbestigasyon.

Kasabay nito, pinaalalahanan ang publiko na maging mapagmatyag at agad na iulat sa pulisya ang anumang kahina-hinalang aktibidad sa kanilang lugar.

BigNews Ngayon Mindanao
photo|| ccto

13/10/2025

Malakas na Lindol muling Yumanig sa Cebu!

Isang malakas na lindol na may magnitude 5.8 ang yumanig sa Bogo City, Cebu, na naitala ng CCTV bandang 1:06 ng madaling araw, nitong Lunes, Oktubre 13.

Ang pagyanig ay naramdaman din sa mga kalapit na probinsya, maging sa ilang bahagi ng Bicol Region.

Makikita sa mga kuha ng CCTV ang pagyanig ng mga gusali at iba pang imprastraktura sa Bogo City. Dahil sa lakas ng lindol, agad na naglabasan ang mga residente mula sa kanilang mga tahanan.

Sa ngayon, inaasahan pa rin ang mga aftershocks.

Nagbabala ang mga awtoridad sa publiko na maging alerto at mag-ingat sa posibleng pagguho ng mga nasirang istruktura.

BigNews Ngayon Mindanao
🎥 Mrwl Smith

13/10/2025

LALAKI, PATAY MATAPOS PAGBABARILIN SA BAYAN NG MATANOG, MAGUINDANAO DEL NORTE!

PATAY ang isang lalaki matapos pagbabarilin ng mga hindi pa nakikilalang suspek sa bahagi ng Barangay Bugasan Norte, sa bayan ng Matanog, Maguindanao Del Norte, alas-7:45 ng gabi nitong linggo Oktubre 12, 2025.

Kinilala ang biktimang si Pao Adam, nasa hustong gulang na residente ng Parang, Maguindanao Del Norte.

Habang maswerteng di tinamaan ang kasama nitong si Pangalian Casim Bara, na maswerteng nakaligtas sa pamamaril.

Ayon sa inisyal na imbestigasyon, ang biktima at ang kanyang kasama ay sakay ng isang payong-payong mula Barangay Gadungan, sa bayan ng Parang, Maguindanao Del Norte, patungo sana sa Barangay Poblacion 1. Pagdating sa junction ng Barira–Parang, hinarang sila ng mga armadong suspek at sapilitang pinapatungo sa direksyon ng Matanog.

Sa nasabing lugar sa bayan ng Matanog, walang awang pinaputukan ng mga suspek si Adam, na tinamaan sa kanyang ulo, na nagresulta sa kanyang agarang kamatayan.

Sa kabutihang palad Si Bara ay nakatakas at nakaligtas sa pamamaril.

Matapos ang ginawang insidente, agad na tumakas ang mga suspek.

Sa kasalukuyan, nagpapatuloy pa ang hot pursuit operation ng Matanog Municipal Police Station para sa pagkakakilanlan at pagkaka-aresto sa mga salarin.

Patuloy ang imbestigasyon upang matukoy ang motibo sa likod ng pamamaril at upang mapanagot ang mga responsable sa krimen.

BigNews Ngayon Mindanao

12/10/2025

Muling Harassment sa West Philippine Sea: Barko ng BFAR, Binomba ng Tubig at Sinagasa ng China Coast Guard!

Muling naganap ang panibagong insidente ng pambu-bully at harassment ng China Coast Guard (CCG) matapos nilang habulin, bombahin ng tubig, at sinadyang salpukin ang isang barko ng Bureau of Fisheries and Aquatic Resources (BFAR) malapit sa Pag-asa Island ngayong umaga, Oktubre 12.

Ayon sa ulat, nagtamo ng pinsala ang sasakyang pandagat ng BFAR matapos ang insidente, bagama't wala namang naitalang sugatan sa mga tripulante.

Ang pangyayari ito ay nagpapakita ng patuloy na tensyon sa pinag-aagawang teritoryo.

Mariin namang ipinagtanggol ng China ang kanilang aksyon, iginiit na lehitimo at legal ang kanilang ginawang pagtaboy sa barko ng Pilipinas dahil anila, nasa loob ito ng kanilang teritoryo.

Subalit, mabilis itong pinabulaanan ng Philippine Coast Guard (PCG).

Binigyang-diin ng PCG na ilegal ang pangha-harass na ginawa ng China, dahil ang Pag-asa Island ay malinaw na bahagi ng teritoryo ng Pilipinas, batay sa mga internasyonal na batas at desisyon ng arbitral tribunal.

Ang insidenteng ito ay inaasahang magpapainit muli sa diplomatikong tensyon sa pagitan ng Pilipinas at China hinggil sa soberanya sa West Philippine Sea.

Patuloy na naninindigan ang Pilipinas sa karapatan nito sa mga teritoryong sakop ng Exclusive Economic Zone (EEZ) nito.

BigNews Ngayon Mindanao

12/10/2025

LALAKI, PATAY SA PAMAMARIL SA BAYAN NG TALAYAN, MAGUINDANAO DEL SUR!

PATAY ang isang lalaki matapos pagbabarilin ng hindi pa nakikilalang mga suspek sa Barangay Katibpuan, sa bayan ng Talayan, ganap na 11:40 ng gabi.

Kinilala ang biktima na si Mahdi Pal Tanton, residente rin ng nasabing barangay.

Base sa inisyal na report ng pulisya, patungo na sana sa kanyang bahay ang biktima matapos bumili ng sigarilyo nang bigla na lamang itong paulanan ng bala ng mga suspek.

Narekober ng mga tauhan ng PNP sa crime scene ang 12 basyo ng bala na pinaniniwalaang mula sa isang 5.56mm caliber na baril.

Sa kasalukuyan, patuloy pa rin ang isinasagawang imbestigasyon ng Talayan PNP upang matukoy ang motibo at mga responsable sa pamamaril.

Inaalam din kung mayroon bang natatanggap na banta sa buhay ng biktima bago ang insidente.

Ang mga awtoridad ay nanawagan sa mga residente na may anumang impormasyon na makakatulong sa paglutas ng kaso na makipag-ugnayan lamang sa Talayan MPS upang agarang malaman at maresolba ang karumal dumal na krimen.

BigNews Ngayon Mindanao

12/10/2025

Operasyon Kontra Droga sa bayan ng Sultan Mastura, Nagresulta sa Pagkaka-aresto sa isang lalaki na Drug suspek!

Sultan Mastura, MDN – ARESTADO ang isang lalaki sa Isang matagumpay na operasyon kontra iligal na droga na ikinasa ng mga tauhan ng Sultan Mastura Municipal Police Station alas:8:30 ng gabi kahapon Oktubre 11, 2025, sa Barangay Tambo, Sultan Mastura, Maguindanao del Norte.

Ang ikinasang operasyong ay pinangunahan ni PCMS. Yasser E. Gumander, bilang Team Leader, sa ilalim ng superbisyon ni PMAJ. Fhaeyd C. Cana, ang Chief of Police ng Sultan Mastura MPS, na nagbunga ng pagkakaaresto sa isang indibidwal na kabilang sa listahan ng mga bagong tukoy na sangkot sa iligal na droga.

Ang nahuling suspek ay kinilalang si Soraimen Konser Macaraid, lalaki, separated, 31-anyos, jobless, residente ng Barangay Tambo, Sultan Mastura MDN.

Nakumpiska mula sa pag-iingat at kontrol ng suspek ang:

- Isang (1) maliit na sachet ng transparent na plastic na heat-sealed, naglalaman ng hinihinalang shabu na may bigat na tinatayang 0.05 gramo, na may tinatayang halaga sa merkado na ₱340.00;
- Dalawang (2) piraso ng gamit nang aluminum foil na may iba't ibang laki;
- Isang (1) disposable lighter na kulay berde na walang flame guard.

Ayon sa ulat ng Sultan Mastura MPS, agad na ipinaalam sa suspek ang kanyang mga karapatang konstitusyonal alinsunod sa Miranda Doctrine at Anti-Torture Act, sa isang diyalekto na kanyang lubos na nauunawaan.

Kasalukuyang sumasailalim sa mandatory booking at drug testing ang suspek, habang ang mga nakumpiskang ebidensya ay agad na ipapadala sa Regional Forensic Unit–BAR para sa masusing qualitative at quantitative examination.

Inihahanda na rin ang kasong paglabag sa Republic Act 9165, o ang Comprehensive Dangerous Drugs Act of 2002, laban sa suspek na naaresto.

Muling nananawagan ang Sultan Mastura MPS sa lahat ng mamamayan na patuloy na makipagtulungan at magbigay ng impormasyon na makakatulong sa pagpapanatili ng kapayapaan at kaayusan sa komunidad.

via|| Kasangga Jomar BigNews Ngayon Mindanao

12/10/2025

LOOK|| HINATUAN ISLAND SA SURIGAO DEL NORTE, HALOS MAKALBO AT MABURA NA SA MAPA DAHIL SA PAGMIMINA

Tanaw sa mga kuhang ito mula sa Google Maps ang malawakang pagkakalbo ng Hinatuan Island sa bayan ng Tagana-an, .

Mayroong isang malaking minahan ng nickel na matatagpuan sa Hinatuan Island, Tagana-an, Surigao del Norte. Ito ang Tagana-an Nickel Project na pinapatakbo ng Hinatuan Mining Corporation (HMC), isang subsidiary ng Nickel Asia Corporation (NAC).

via//PWS/PSU
photo|| Google Maps

BigNews Ngayon Mindanao

13/10/2025

13/10/2025

13/10/2025

13/10/2025

13/10/2025

13/10/2025

13/10/2025

12/10/2025

12/10/2025

12/10/2025

12/10/2025

Address

Telephone

Website

Alerts

Contact The Business

Shortcuts

Share

Category