DXDM 99.5 Layag News FM Cotabato

14/10/2025

14/10/2025

14/10/2025

BARMM, nananatiling may pinakamababang inflation sa bansa sa loob ng anim na buwan

NANANATILI ang Bangsamoro Autonomous Region in Muslim Mindanao bilang rehiyong may pinakamababang inflation rate o ang bilis ng pagtaas ng presyo ng mga bilihin sa bansa matapos magtala ng -1.5% deflation nitong September 2025, ayon sa ulat ng Philippine Statistics Authority o PSA noong October 20.

Bahagyang bumaba ang bilang mula sa -1.3% noong Agosto, na lalong nagpapatibay sa deflationary trend ng rehiyon simula pa noong Abril.

Sa kabuuan ng bansa, tumaas naman sa 1.7% ang inflation mula 1.5% noong nakaraang buwan.

Ayon kay Edward Donald Eloja, hepe ng Statistical Operation and Coordination Division ng PSA-BARMM, pangunahing dahilan ng pagbaba ng presyo sa rehiyon ang pagmura ng pagkain, inumin, at serbisyo sa kainan at tuluyan. Kabilang sa mga produktong may pinakamalaking pagbaba sa presyo ay bigas, LPG, kuryente, kamatis, at asukal.

Dagdag pa ni Eloja, bahagyang bumaba rin ang presyo ng mga kagamitan sa bahay, komunikasyon, at libangan, habang bahagyang tumaas naman ang sa damit, kalusugan, transportasyon, at pabahay. Nanatiling mataas ang presyo ng alak, tabako, education, at financial services.

Ayon naman kay Camelia De Vera-Dacanay ng Bangsamoro Planning and Development Authority (BPDA), positibong senyales ito para sa mga mamimili.

Aniya, kapaki-pakinabang ang deflation dahil mas lumalakas ang kakayahang bumili ng mga Bangsamoro.

Dagdag niya, nagsisilbi ring ‘economic pulse’ ang ulat sa inflation upang gabayan ang mga mamimili at negosyante sa kanilang desisyon sa paggastos at pamumuhunan.

Sa mga lalawigan ng BARMM, Basilan ang nagtala ng pinakamababa na deflation na umabot sa -3.1%, sinundan ng Maguindanao (-2.8%) at Tawi-Tawi (-1.6%).

Sa Lanao del Sur, naitala ang pinakamababa na deflation sa -0.4%. Samantala, bumagal sa -2.3% mula -3.4% ang deflation sa Cotabato City.

14/10/2025

14/10/2025

Lalaki binaril sa Maguindanao del Sur, patay

Isang lalaking residente ng Parang, Maguindanao del Norte ang napatay sa pamamaril nitong gabi ng Lunes, October 13, sa Barangay Kidati sa Datu Anggal Midtimbang sa Maguindanao del Sur.

Nakilala ang biktimang si Bryan Mama sa isang identification card na kanyang dala-dala. Nakalagay sa naturang ID card na siya ay residente ng Parang, Maguindanao del Norte.

Sa inisyal na ulat ng Datu Anggal Municipal Police Station, nilapitan si Mama ng isang lalaki at agad na pinagbabaril na nagsanhi ng kanyang agarang kamatayan.

Mabilis na nakatakas ang bumaril kay Mama, iniwang siyang nakahandusay wala ng buhay. (October 14, 2025, Maguindanao del Sur, Bangsamoro Region)

(Contributed report)

14/10/2025

Magnitude 5.2 na lindol yumanig sa Manay Davao Oriental 10:19 ng umaga kanina.



Earthquake Information No.1
Date and Time: 14 October 2025 - 10:19 AM
Magnitude = 5.2
Depth = 010 km
Location = 07.30°N, 127.42°E - 097 km N 84° E of Manay (Davao Oriental)

Reported Intensities:

Instrumental Intensities:

Intensity I - Nabunturan, DAVAO DE ORO;

14/10/2025

₱7.8 MILLION WORTH NG SMUGGLED CI******ES, NASAMSAM NG PNP SA SULTAN KUDARAT

Nasamsam ng Regional Intelligence Division 12, Sultan Kudarat Police Provincial Office at Palimbang Municipal Police Station, ang abot sa 7.8 Million halaga ng smuggled ci******es matapos maka tanggap ng tip mula sa MNLF community sa bahagi ng Palimbang, Sultan Kudarat bandang alas-5:00 ng hapon kahapon. (September 13, 2025)

Base sa ulat ng kapulisan, takatanggap ng impormasyon ang PNP mula sa MNLF community kaugnay sa mga kahon-kahong mga smuggled ci******es na pinaniniwalang ihahatid pa sana sa coastal area ng Barangay Kraan, Palimbang.

Matapos na respondehan ang nasabing impormasyon ay nadatnan pa ng mga awtoridad ang dalawang hindi kilalang indibidwal na nagbabantay sa mga kontrabando na kumaripas ng takbo matapos na matunugan ang paparating na mga kapulisan.

Nakumpiska sa operasyon ang abot sa 177 master cases ng mga smuggled ci******es na kinabibilangan ng 50 reams ng F2, 19 boxes ng Tabaco, 62 reams ng Hero at 50 reams ng Canon Ci******es na may humigit-kumulang ₱7,800,000.00

Agad namang dinala sa Palimbang MPS ang mga nakumpiskang kontrabando para sa dokumentasyon at tamang disposisyon habang nakatakda itong ililipat sa Bureau of Customs Sub-Port sa General Santos City para sa kaukulang aksyon.

14/10/2025

All-In-One Surgical Mission ng MOH-BARMM sa SGA sinimulan ngayong araw

SINIMULAN na ngayong araw ng Ministry of Health–BARMM ang tatlong araw na “All-In-One Surgical Mission” para sa mga residente ng Montawal, Pagalungan, at Special Geographic Area (SGA) sa Deseret Surgimed Hospital Inc., Kabacan, North Cotabato.

Libreng operasyon at gamot ang hatid ng misyon para sa mga pasyenteng may hernia (loslos), goiter (beneg), myoma, cyst, cataract (katarata), cleft lip/palate (sungi o bingot), pterygium (kalyo sa mata), squint (duling), at iba pang kondisyon gaya ng uterine bleeding at TABHSO procedure.

Ayon kay Bangsamoro Health Minister at Parliament Member Dr. Kadil M. Sinolinding, Jr., layunin ng programa na maihatid nang direkta sa mga mamamayan ang serbisyong pangkalusugan ng BARMM.

Lahat aniya ng serbisyong hatid nila ay libre mula operasyon hanggang gamot.

Ang “All-In-One Surgical Mission: Alay sa Bangsamoro” ay bahagi ng Kamasa MOH sa Kalusugan Program at OPLAN SAM: Serbisyong Alay sa Mamamayan, katuwang ang MOH-SGA Field Office, Deseret Surgimed Hospital, at Deseret Ambulatory Referral Center Foundation.