Radyo Pilipinas 96.9FM Camarines Norte

15/10/2026

NIGHT JAM
HOST: ATE FRIA

15/10/2026

15/10/2026

𝐁𝐀𝐆𝐎𝐍𝐆 𝐒𝐈𝐆𝐍𝐀𝐆𝐄𝐒, 𝐈𝐊𝐈𝐍𝐀𝐊𝐀𝐁𝐈𝐓 𝐍𝐀 𝐒𝐀 𝐋𝐀𝐁𝐎 𝐏𝐔𝐁𝐋𝐈𝐂 𝐌𝐀𝐑𝐊𝐄𝐓

Kasalukuyan nang ikinakabit ang mga bagong signage sa Labo Public Market upang mapadali ang paghahanap ng mga puwesto at mapabuti ang kaayusan ng pamilihan para sa mga mamimili at manininda.

Ang proyekto ay nagmula sa isang resolusyong inihain ni Konsehal Carlo G. Pardo, katuwang ang konseho, at inaprubahan ni Mayor Jojo Francisco. Isinagawa rin ito sa pakikipag-ugnayan sa Unahco Corporation at sa tulong ni Doc Liem.

Layunin ng paglalagay ng mga signage na magkaroon ng mas organisado at maayos na pamilihan, kung saan mas magiging maginhawa ang pamamalengke ng mga mamamayan at mas madaling matutukoy ang mga puwesto sa loob ng palengke.

Bahagi rin ang proyektong ito ng patuloy na pagsisikap ng lokal na pamahalaan at mga katuwang nito na mapaganda ang pasilidad ng Labo Public Market at masuportahan ang kabuhayan ng mga lokal na manininda.

Sa pamamagitan ng pagtutulungan ng pamahalaang lokal at pribadong sektor, inaasahang makatutulong ang inisyatibang ito sa pagpapanatili ng isang mas maayos, malinis, at organisadong pamilihan para sa mga Laboeño.

✍️ | Pastor Jhun Villaraza
📷 | Konsehal Carlo G. Pardo
🎨 | Kristine Filio

​

15/10/2026

15/10/2026

On this day, we remember the babies gone too soon and hold space for the parents who carry them in their hearts forever.

Your baby mattered and you also matter. You may not be blessed with the life you imagined, but that little angel will always be with you. 🤍

✍️ | Marifel Fernandez
🎨 | Kristine Filio


​

15/10/2026

𝐌𝐈𝐒𝐒 𝐈𝐑𝐈𝐒 𝐎𝐑𝐄𝐒𝐂𝐀, 𝐍𝐀𝐒𝐔𝐍𝐆𝐊𝐈𝐓 𝐀𝐍𝐆 𝐊𝐎𝐑𝐎𝐍𝐀𝐍𝐆 𝐌𝐔𝐓𝐘𝐀 𝐍𝐆 𝐏𝐈𝐋𝐈𝐏𝐈𝐍𝐀𝐒 𝐂𝐇𝐀𝐑𝐈𝐓𝐘 𝟐𝟎𝟐𝟔! 👑

Muli nanamang pinatunayan ni Miss Iris Oresca ang kanyang nakakamangha at walang-kupas na pagtatanghal sa naganap na Grand Coronation Night ng Mutya ng Pilipinas 2026 nitong Oktubre 14, 2026 sa Metro Manila. Hindi niya lamang taglay ang angking ganda, katalinuhan at kumpyansa sa sarili, kundi maging ang pusong handang maglingkod sa kapwa - na kumakatawan sa kanyang adbokasiya.

Si Miss Iris Oresca ay isang CamNorteña na ikinatawan ang lalawigan ng Camarines Sur sa National Pageant - at ito ay isang patunay na ang dugong Bicolana ay uragon at hindi nagpapatalo sa anumang laban sa buhay. Sa kanyang pagsungkit ng koronang Mutya ng Pilipinas 2026 - Charity, inaasahang higit pang mapapalawak ang kamalayan sa kahalagahan ng pagkakawanggawa, pagmamalasakit at pagmamahal sa kapwa.

Mula sa buong lalawigan ng Camarines Norte, isang mainit na pagbati Miss Iris! Ang iyong kwento sa paglalakbay tungo sa tagumpay na ito ay isang inspirasyon sa mga kabataan na gamitin ang kanilang kakayahan at impluwensya sa pagbuo ng isang mas makatao at masayang lipunan para sa bawat isa.

Congratulations, Miss Iris Oresca!

✍️ | Marifel Fernandez
🎨 | Piolo Abrera

​

15/10/2026

𝐌𝐆𝐀 𝐎𝐏𝐈𝐒𝐘𝐀𝐋 𝐀𝐓 𝐓𝐀𝐍𝐆𝐆𝐀𝐏𝐀𝐍 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍 𝐍𝐆 𝐂𝐀𝐌𝐀𝐑𝐈𝐍𝐄𝐒 𝐍𝐎𝐑𝐓𝐄, 𝐊𝐈𝐍𝐈𝐋𝐀𝐋𝐀 𝐒𝐀 𝐏𝐇𝐈𝐋𝐈𝐏𝐏𝐈𝐍𝐄 𝐂𝐎𝐀𝐒𝐓 𝐆𝐔𝐀𝐑𝐃 𝐒𝐓𝐀𝐊𝐄𝐇𝐎𝐋𝐃𝐄𝐑𝐒’ 𝐍𝐈𝐆𝐇𝐓 𝟐𝟎𝟐𝟔

Pinarangalan ng Philippine Coast Guard (PCG) ang mga opisyal at tanggapan ng Pamahalaang Panlalawigan ng Camarines Norte bilang pagkilala sa kanilang suporta at kontribusyon sa pagpapalakas ng ugnayan at pagtutulungan para sa kaligtasan at kapakanan ng publiko sa ginanap na Philippine Coast Guard Stakeholders’ Night 2026.

Kabilang sa mga kinilala sina Governor Ricarte “Dong” Padilla, 2nd District Representative Rosemarie C. Panotes, Vice Governor Engr. Joseph V. Ascutia, at Mr. Jorge Avila Chavez Dayaon ng Radyo Pilipinas. Kinilala rin ang Provincial Information Office (PIO) sa pamumuno ni Dr. Sarah Marie Pante-Aviado, Provincial Engineering Office sa pangunguna ni Engr. John Marvil S. Tobias, at Provincial Motorpool Office sa pangunguna nina Engr. Alfredo S. Quibral Jr. at Engr. Allan S. Gabo.

Layunin ng PCG Stakeholders’ Night na kilalanin ang mahalagang papel ng mga katuwang mula sa pampubliko at pribadong sektor sa pagsuporta sa mga programa at inisyatiba ng Philippine Coast Guard. Binibigyang-diin din ng okasyon ang kahalagahan ng matibay na ugnayan ng mga institusyon upang higit na mapahusay ang paglilingkod sa mamamayan.

Nagpahayag naman ng pasasalamat ang Pamahalaang Panlalawigan sa Philippine Coast Guard para sa pagkilalang ipinagkaloob. Itinuturing ang parangal bilang inspirasyon upang higit pang pag-ibayuhin ang paglilingkod-bayan at patatagin ang pakikipagtulungan sa iba't ibang ahensya at organisasyon.

Sa pamamagitan ng patuloy na pagkakaisa at pagtutulungan, layunin ng pamahalaang panlalawigan at ng mga katuwang nitong institusyon na maisulong ang isang ligtas, maayos, at maunlad na Camarines Norte.

✍️ & 🎨 | Kristine Filio

​