26/08/2026
ππππππππ πππ, πππππππ πππ πππππππππππππ ππ πππππππππ ππ πππππ 53-πππππ ππ ππππππππππ
π£ππ₯πππππ, πππ ππ₯ππ‘ππ¦ π‘π’π₯π§π β β Patuloy ang isinasagawang imbestigasyon ng Paracale Municipal Police Station (MPS) kaugnay ng pamamaril sa isang 53-anyos na negosyante na naganap sa Purok 3, Barangay Casalugan, Paracale, Camarines Norte, dakong alas-2:38 ng hapon nitong Agosto 24, 2026.
Batay sa inisyal na imbestigasyon, ang biktima ay kasama ang kanyang asawa at kagagaling lamang sa Daet. Pagdating sa lugar, nauna nang naglakad ang kanyang asawa habang naiwan ang biktima upang maayos na iparada ang kanilang sasakyan bago tumuloy patungo sa kanilang mining site.
Habang papalapit sa gate ng lugar, bigla siyang pinaputukan nang ilang beses ng dalawang hindi pa nakikilalang armadong lalaki gamit ang hindi pa matukoy na kalibre ng baril. Tinamaan ang biktima sa iba't ibang bahagi ng katawan na naging sanhi ng kanyang pagkamatay.
Matapos ang pamamaril, mabilis na tumakas ang mga suspek patungo sa hindi pa matukoy na direksyon.
Agad na nagsagawa ng follow-up investigation ang mga tauhan ng Paracale MPS, kabilang ang backtracking at forward tracking sa mga CCTV footage sa paligid ng pinangyarihan upang matukoy ang pagkakakilanlan at kinaroroonan ng mga suspek.
Nakipag-ugnayan din ang Paracale MPS sa Camarines Norte Forensic Unit para sa crime scene processing, gayundin sa mga kalapit na himpilan at yunit ng pulisya para sa pagsasagawa ng dragnet, checkpoint, at chokepoint operations.
Patuloy rin ang tracking at hot pursuit operations ng mga tauhan ng Paracale MPS upang matukoy at maaresto ang mga suspek.
Patuloy ang imbestigasyon upang matukoy ang pagkakakilanlan, motibo, at pananagutan ng mga nasa likod ng insidente, habang patuloy na pinaiigting ng pulisya ang mga hakbang upang agad na maaresto ang mga responsable.
