Camarines Norte Provincial Information Office

08/10/2026

𝐀𝐌𝐘𝐄𝐍𝐃𝐀 𝐒𝐀 𝐌𝐔𝐍𝐈𝐂𝐈𝐏𝐀𝐋 𝐂𝐎𝐂𝐎𝐍𝐔𝐓 𝐈𝐍𝐃𝐔𝐒𝐓𝐑𝐘 𝐃𝐄𝐕𝐄𝐋𝐎𝐏𝐌𝐄𝐍𝐓 𝐂𝐎𝐔𝐍𝐂𝐈𝐋 𝐎𝐑𝐃𝐈𝐍𝐀𝐍𝐂𝐄 𝐒𝐀 𝐁𝐀𝐘𝐀𝐍 𝐍𝐆 𝐋𝐀𝐁𝐎, 𝐀𝐏𝐑𝐔𝐁𝐀𝐃𝐎 𝐒𝐀 𝐈𝐊𝐀𝐓𝐋𝐎 𝐀𝐓 𝐇𝐔𝐋𝐈𝐍𝐆 𝐏𝐀𝐆𝐁𝐀𝐒𝐀

Inaprubahan sa ikatlo at huling pagbasa ang Amendment to Municipal Coconut Industry Development Council Ordinance sa Bayan ng Labo, na naglalayong higit na maisaayos at mapalakas ang organisasyon at mga programa para sa mga magsasaka ng niyog at sa industriya ng niyog sa bayan.

Ang panukalang amyenda ay inakda ni Konsehal Carlo Gayo Pardo bilang bahagi ng mga hakbang upang higit na mapalakas ang suporta ng lokal na pamahalaan sa mga coconut farmer at sa sektor ng niyog.

Isa sa mahahalagang probisyon ng ordinansa ang pagbibigay ng nararapat na honorarium sa mga miyembro ng Municipal Coconut Industry Development Council, bilang pagkilala sa kanilang oras, serbisyo at mahalagang ambag sa pagpapaunlad ng industriya ng niyog sa Bayan ng Labo.

Layunin ng ordinansa na magkaroon ng mas organisado at koordinadong pagpapatupad ng mga programa at aktibidad na tutugon sa mga pangangailangan ng mga magsasaka at makatutulong sa pagpapaunlad ng coconut industry sa bayan.

Inaasahan ding magsisilbing dagdag na mekanismo ang Council upang mapalakas ang koordinasyon sa pagitan ng mga magsasaka, lokal na pamahalaan at iba pang sektor na may mahalagang papel sa industriya ng niyog.

Ang pag-apruba sa ikatlo at huling pagbasa ay isang mahalagang hakbang sa pagsusulong ng mga programang nakatuon sa kapakanan ng mga coconut farmer at sa pagpapalakas ng agrikultura sa Bayan ng Labo.

Patuloy na isinusulong ng lokal na Pamahalaang Bayan ng Labo sa pamumuno ni Mayor Jojo Francisco, katuwang ang mga miyembro ng Sanguniang Bayan sa pangunguna ni Vice Mayor Alvin Bardon ang mga hakbang na naglalayong mapabuti ang kabuhayan ng mga magsasaka, mapalakas ang sektor ng agrikultura, at mapaunlad ang industriya ng niyog sa bayan.

✍️ | Pastor Jhun Villaraza
📷 | Konsehal Carlo G. Pardo
🎨 | Kristine Filio

​

08/10/2026

𝐃𝐒𝐖𝐃 𝐒𝐄𝐂𝐑𝐄𝐓𝐀𝐑𝐘 𝐑𝐄𝐗 𝐆𝐀𝐓𝐂𝐇𝐀𝐋𝐈𝐀𝐍, 𝐁𝐔𝐌𝐈𝐒𝐈𝐓𝐀 𝐒𝐀 𝐊𝐀𝐋𝐀𝐇𝐈-𝐂𝐈𝐃𝐒𝐒 𝐁𝐀𝐑𝐀𝐍𝐆𝐀𝐘 𝐇𝐄𝐀𝐋𝐓𝐇 𝐒𝐓𝐀𝐓𝐈𝐎𝐍 𝐒𝐀 𝐕𝐈𝐍𝐙𝐎𝐍𝐒

Bumisita nitong Oktubre 7 si Department of Social Welfare and Development (DSWD) Secretary Rex Gatchalian sa Barangay Health Station ng Barangay Calangcawan Sur, Vinzons, Camarines Norte, kasama sina Governor Ricarte “D**g” Padilla at Vinzons Mayor Agnes D. Ang. Bahagi ito ng kanyang pagbisita sa lalawigan upang makita ang mga programang inilalapit ng pamahalaan sa mga komunidad.

Itinayo ang naturang pasilidad sa ilalim ng KALAHI-CIDSS, o Kapit-Bisig Laban sa Kahirapan-Comprehensive and Integrated Delivery of Social Services, isang programa ng DSWD na gumagamit ng Community-Driven Development approach. Sa ilalim nito, aktibong nakikilahok ang mga mamamayan sa pagtukoy ng kanilang pangangailangan, pagpaplano at pagpapatupad ng mga proyektong makatutugon sa mga ito. Sa Calangcawan Sur, naisakatuparan ang Barangay Health Station sa pagtutulungan ng komunidad, Barangay Development Council-Technical Working Group, Pamahalaang Bayan ng Vinzons at DSWD.

Umabot sa ₱1,246,873 ang halaga ng pasilidad, kabilang ang ₱990,873 na KALAHI-CIDSS grant at ₱256,000 na counterpart ng Municipal Government of Vinzons. Sinimulan ang konstruksyon noong Mayo 16, 2022 at natapos noong Oktubre 10, 2022. Sa pagkakaroon nito, mas nailalapit sa mga residente ang pangunahing serbisyong pangkalusugan at nababawasan ang oras, gastos at hirap sa pagpunta sa mas malalayong pasilidad.

Nagpasalamat naman si Barangay Captain Samuel G. Pajarillo sa DSWD, Pamahalaang Bayan ng Vinzons at iba pang katuwang sa pagkakaroon ng pasilidad sa kanilang komunidad. Aniya, malaking ginhawa ito sa mga mamamayan dahil may mas malapit na lugar para sa kanilang pangunahing pangangailangang pangkalusugan. Ipinapakita rin ng proyekto kung paano nagiging konkretong serbisyo sa komunidad ang pagtutulungan ng mamamayan at pamahalaan, mula sa pagtukoy ng pangangailangan hanggang sa pagkakaroon ng pasilidad na direktang ginagamit ng mga residente.

✍️ & 📷 | Piolo Abrera

​

08/10/2026

08/10/2026

₱𝟒,𝟐𝟐𝟓,𝟎𝟎𝟎.𝟎𝟎 𝐍𝐀 𝐇𝐀𝐋𝐀𝐆𝐀 𝐍𝐆 𝐌𝐆𝐀 𝐋𝐈𝐕𝐄𝐋𝐈𝐇𝐎𝐎𝐃 𝐏𝐑𝐎𝐉𝐄𝐂𝐓 𝐆𝐑𝐀𝐍𝐓, 𝐈𝐏𝐈𝐍𝐀𝐆𝐊𝐀𝐋𝐎𝐎𝐁 𝐍𝐀𝐍𝐆 𝐏𝐄𝐑𝐒𝐎𝐍𝐀𝐋 𝐍𝐈 𝐃𝐒𝐖𝐃 𝐒𝐄𝐂𝐑𝐄𝐓𝐀𝐑𝐘 𝐑𝐄𝐗 𝐆𝐀𝐓𝐂𝐇𝐀𝐋𝐈𝐀𝐍 𝐒𝐀 𝐌𝐆𝐀 𝐋𝐎𝐊𝐀𝐋 𝐀𝐓 𝐎𝐑𝐆𝐀𝐍𝐈𝐒𝐀𝐃𝐎𝐍𝐆 𝐌𝐆𝐀 𝐀𝐒𝐎𝐒𝐀𝐒𝐘𝐎𝐍 𝐒𝐀 𝐏𝐑𝐎𝐁𝐈𝐍𝐒𝐘𝐀

Bahagi ng makabuluhang pagbisita ni Department of Social Welfare and Development (DSWD) Secretary Rexlon "Rex" Gatchalian sa Camarines Norte nitong ika-7 ng Oktubre, 2026 ang naganap na Ceremonial Turnover of Cheques sa mga benepisyaryo ng Pamana Livelihood Project Associations (PLPAs) at Sustainable Livelihood Project Associations (SLPAs) sa probinsya.

Ang pormal na pagkakaloob at pamamahagi ng mga tseke na naglalaman ng tulong pangkabuhayan sa mga lokal na organisadong mga asosasyon ay naganap nitong October 7 araw ng Martes sa Municipal Town Kiosk, Vinzons, Camarines Norte.

Kabilang sa tumanggap ng tulong pinansyal at mga tseke nito, ang mga sumusunod:

Sustainable Livelihood Project Associations (SLPAs)

1. Bakiad Greenery SLPA (Hog Raising Cum Hog Breeding) – ₱100,000.00
2. Poblacion II Luntian SLPA (Hog Raising Cum Hog Breeding) – ₱225,000.00

Pamana Livelihood Project Associations (PLPAs)

1. Guinacutan Women's Choice PLPA (Meat Processing) – ₱300,000.00
2. Mangcawayan Swine Producers PLPA (Swine Production) – ₱300,000.00
3. Matango Party Needs & Rental PLPA (Rental Services) – ₱300,000.00
4. Aguit-It Agrimart PLPA (Rice & AgriVet Supply) – ₱300,000.00
5. Santo Domingo Farmer (Egg Production) – ₱300,000.00
6. Pusya Ladies Event Services PLPA (Rental Services) – ₱300,000.00
7. Luksaran Farmers PLPA (Buying) – ₱300,000.00
8. Sikap Uno Komunidad PLPA (AgriVet Commodity Trading) – ₱300,000.00
9. Cal. Norte Stitch Queens PLPA (AgriVet Commodity Trading) – ₱300,000.00
10. Calabaca Livestock Farmers PLPA (Egg Trading RTL) – ₱300,000.00
11. Tuaca Rice Retailers PLPA (Rice Retailing) – ₱300,000.00
12. Tuaca Garment Producers PLPA (Garments Production) – ₱300,000.00
13. Tuaca Handicraft Makers PLPA – ₱300,000.00

Ang pamamahagi ng tulong ay ipinagkaloob mismo ni DSWD Secretary Rex Gatchalian katuwang sina Governor Ricarte "D**g" Padilla at Mayor Agnes Ang ng Vinzons pati na sina DSWD Assistant Secretary Irene Dumlao at DSWD Bicol Regional Director Norman Laurio. Aabot sa ₱4,225,000.00 ang kabuuang halaga ng tulong pangkabuhayan na natanggap ng mga asosyang mula sa mga bayan ng Capalonga, Basud, Vinzons, Mercedes at Labo Camarines Norte mula sa DSWD.

Sa makahulugang mensahe na ipinaabot ni Secretary Rex Gatchalian, pinasalamatan niya ang mainit na pagtanggap ng Camarines Norte at bayan ng Vinzons sa pangunguna ni Governor D**g Padilla at Mayor Agnes Ang. Binigyang-diin niya sa kaniyang pahayag na ang DSWD ay hindi lamang basta nagkakaloob ng tulong pinansyal, ang tanggapan din umano ay nagkakaloob ng mga tulong na pangmatagalan kung saan bahagi ang mga ipinagkaloob na tseke tulong pangkabuhayan. Mahigpit niyang bilin at mula sa pamahalaan na, nawa'y mapalago ito, mapaunlad at mapagyaman itong bilang tungtungan bilang kabuhayan.

Sa huli, mababatid na sa pamamagitan ng pagbisitang ito ni DSWD Secretary Rex Gatchalian – ang Camarines Norte ay hindi nakakalimutan at hindi pababayaan ng DSWD at ng kasalukuyang administrasyon partikular sa mga social services na inihahatid ng nasabing tanggapan.

✍️ | Arjay J. Efondo
📸 | Ramford Manarang

​

08/10/2026

Maligayang Kapistahan sa barangay ng Iraya Sur sa bayan ng San Vicente, Camarines Norte! Nawa’y ang araw na ito ay mapuno ng kasiyahan at pagtitipon para sa lahat.

Pagbati mula sa Pamahalaang Panlalawigan ng Camarines Norte.

08/10/2026

HIMAY-HIMAY, HINAY-HINAY
Every Tuesday/7:30am to 9:00am
Program Host:
MAFEL FERNANDEZ
PASTOR JHUN VILLARAZA

[10/08/2026]

08/10/2026

₱𝟏𝟏𝟎,𝟎𝟎𝟎.𝟎𝟎 𝐓𝐔𝐋𝐎𝐍𝐆 𝐊𝐀𝐏𝐈𝐓𝐀𝐋 𝐌𝐔𝐋𝐀 𝐃𝐒𝐖𝐃 𝐒𝐋𝐏 𝐍𝐎𝐎𝐍𝐆 𝟐𝟎𝟏𝟗, 𝐍𝐀𝐆𝐈𝐍𝐆 𝐏𝐔𝐍𝐃𝐀𝐒𝐘𝐎𝐍 𝐍𝐆 𝐏𝐀𝐆-𝐔𝐍𝐋𝐀𝐃 𝐍𝐆 𝐕𝐈𝐍𝐙𝐎𝐍𝐒 𝐊𝐀𝐊𝐀𝐍𝐈𝐍 𝐌𝐀𝐊𝐄𝐑𝐒 𝐀𝐒𝐒𝐎𝐂𝐈𝐀𝐓𝐈𝐎𝐍

‎Sa bawat kakaning nililikha, sumasalamin ang sipag at patuloy na pagsusumikap ng mga lokal na negosyante na mapalago ang sariling produkto at kabuhayan sa Camarines Norte. Kabilang dito ang Vinzons Kakanin Makers Association, na personal na binisita ni DSWD Secretary Rexlon "Rex" T. Gatchalian upang makilala ang kanilang mga produktong patuloy na ipinagmamalaki at ipinakikilala maging sa labas ng lalawigan.
‎
‎Naging mahalagang puhunan sa pag-unlad ng samahan ang ₱110,000 na livelihood assistance na ipinagkaloob sa kanila noong 2019 sa ilalim ng DSWD Sustainable Livelihood Program, na nagsilbing kapital para sa pagpapaunlad at pagpapatuloy ng kanilang kabuhayan. Kasama ni Secretary Gatchalian sa pagbisita sina DSWD Regional Director Norman S. Laurio, Governor Ricarte “D**g” Padilla, Vinzons Mayor Agnes Ang, at iba pang kawani ng DSWD.
‎
‎Ayon sa samahan, naipamamahagi na ang kanilang mga produkto sa iba’t ibang lugar, kabilang ang Maynila, habang ang kanilang Angko ay nakararating na rin sa ibang bansa. Binigyang-diin ng mga miyembro na naging mahalagang panimula sa pagpapatuloy at pag-unlad ng kanilang kabuhayan ang ipinagkaloob na puhunan.
‎
‎Bilang bahagi ng pagbisita, ipinakita rin ng mga miyembro ang aktuwal na paggawa ng Angko. Mismong sina Secretary Gatchalian at Governor Padilla ay nakibahagi at sinubukang gumawa ng naturang produkto, na nagbigay ng mas personal na pakikipag-ugnayan sa mga miyembro ng samahan.
‎
‎Samantala, nagpahayag ng suporta sina Secretary Gatchalian at Governor Padilla sa layunin ng asosasyong higit pang mapalago ang kanilang kabuhayan. Hinikayat ang Vinzons Kakanin Makers na mag-apply para sa karagdagang kapital na maaaring gamitin sa pagpapalawak ng produksyon, pagdagdag ng mga miyembro,pagbili ng makinarya, at pag-aaral sa branding ng kanilang mga produkto.
‎
‎Sa patuloy na pagtutulungan ng pamahalaan at mga lokal na samahan, nananatiling mahalagang bahagi ng pagpapaunlad ng kabuhayan ang pagbibigay ng puhunan, suporta at mga oportunidad sa mga maliliit na negosyante upang ang mga produktong likha sa Camarines Norte ay patuloy na makilala, mapalago at maihatid sa mas maraming Pilipino at maging sa ibang bahagi ng mundo.
‎
‎✍️ | Shannel Golimlim
‎📷 | Fiel Angelo Solares

07/10/2026

Verse of the Day

Thursday morning | October 8, 2026

Ang alaala sa ganap ay pinagpapala: nguni't ang pangalan ng masama ay mapaparam.

Mga Kawikaan 10:7 TAB

07/10/2026

“Layunin namin (ng DSWD) ay makatulong sa mga indibidwal na may krisis na pinagdadaanan. Hindi importante kung mayaman ka, mahirap ka, basta may krisis ka na pinagdadaanan.”

Sec. Rex Gatchalian
Department of Social Welfare and Development

October 7, 2026 | During the Radyo Pilipinas Special Interview

​

07/10/2026

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐄𝐏𝐈𝐒𝐎𝐃𝐄 𝟐𝟓 𝐖𝐈𝐍𝐍𝐄𝐑𝐒!

Narito po ang listahan ng mga nanalo sa 𝐢𝐤𝐚-𝐝𝐚𝐥𝐚𝐰𝐚𝐦𝐩𝐮𝐭 𝐥𝐢𝐦𝐚𝐧𝐠 𝐞𝐩𝐢𝐬𝐨𝐝𝐞 (September 30, 2026) ng "GADTalks!". Ang mga sumusunod na winners ay tumutok sa programang GADTalks kung saan tampok ang talakayan tungkol sa kasarian at pag-unlad.

Ang mga nanalo ay maaari nang i-claim ang kanilang premyo simula bukas, 𝐎𝐜𝐭𝐨𝐛𝐞𝐫 𝟖, 𝟐𝟎𝟐𝟔, 𝐇𝐮𝐰𝐞𝐛𝐞𝐬 (𝟖𝐚𝐦 𝐭𝐨 𝟓𝐩𝐦) sa 𝐏𝐫𝐨𝐯𝐢𝐧𝐜𝐢𝐚𝐥 𝐈𝐧𝐟𝐨𝐫𝐦𝐚𝐭𝐢𝐨𝐧 𝐎𝐟𝐟𝐢𝐜𝐞, 2nd Floor, Old Provincial Jail Building, Provincial Capitol, Daet, Camarines Norte.

Magdala lamang ng original at photocopy ng valid ID para sa pag-claim.

Muli, congratulations!

​
​