21/10/2022
𝗡𝗔𝗞𝗔-𝗠𝗢𝗧𝗢𝗥𝗦𝗜𝗞𝗟𝗢𝗡𝗚 𝗠𝗔𝗚-𝗔𝗦𝗔𝗪𝗔 𝗦𝗔 𝗦𝗔𝗡 𝗖𝗔𝗥𝗟𝗢𝗦 𝗖𝗜𝗧𝗬, 𝗣𝗔𝗧𝗔𝗬 𝗠𝗔𝗧𝗔𝗣𝗢𝗦 𝗦𝗨𝗠𝗔𝗟𝗣𝗢𝗞 𝗔𝗧 𝗠𝗔𝗕𝗨𝗡𝗗𝗢𝗟 𝗡𝗚 𝗔𝗠𝗕𝗨𝗟𝗔𝗡𝗦𝗬𝗔
Patay ang mag-asawa sa San Carlos City, Pangasinan matapos mabundol at masalpok ng ambulansiya ang motorsiklo sa tapat mismo ng isang hospital sa lungsod.
Naganap ang aksidente pasado alas-10 ng gabi nito lamang ika-18 ng Oktubre sa harap ng Pangasinan Provincial Hospital na matatagpuan sa Brgy. Bolingit sa nasabing lungsod.
Sa imbestigasyon ng awtoridad, palabas umano ng hospital papuntang highway ang ambulansiya na minamaneho ni Arturo Magalong habang binabagtas naman ng motor na lulan ang mag-asawang sina Elmer at Anita Salvador ang kahabaan ng nasabing highway.
Dito na bumangga ang motorsiklo sa ambulansiya dahilan upang tumilapon ang mag-asawa sa kalsada at nagtamo ng matinding sugat sa iba’t-ibang bahagi ng kanilang katawan na agaran nilang pagkamatay.
Isinugod ang mag-asawa sa hospital ng mismong driver ng ambulansiya subalit idineklarang dead on arrival ang mga ito. Hindi naman nasaktan ang driver kung saan wala umano itong sakay.
Sa ngayon, ang driver ay nakalabas na ayon sa resolution ng city prosecutor for preliminary investigation.
Ayon pa sa awtoridad, naulila ng mag-asawang Salvador ang kanilang apat na anak.
Nagpapatuloy pa ang imbesitigasyon sa naturang insidente.
Captioned by IFnews
Photos: 📸PNP San Carlos City
