30/05/2026
KAUNA-UNAHANG KASALANG BARANGAY 2026
Ni: Regine Bestudio
Isinagawa sa Barangay San Isidro Norte, Binmaley, Pangasinan.
Masaya at matagumpay na naisagawa ang kauna-unahang βKasalang Barangayβ sa Barangay San Isidro Norte, Binmaley, Pangasinan. Ang nasabing selebrasyon ay ginanap bilang bahagi ng kanilang Barangay Fiesta at layuning matulungan ang mga magkasintahan na maikasal nang legal.
Pinangunahan ni Mayor Pedro Pet Merera ang seremonya bilang officiating Mayor. Ang naturang programa ay isinagawa nang walang bayad, sa tulong at suporta ng pamunuan ng barangay. Ang wedding reception at iba pang gastusin ay sinagot ni Barangay Chairman Hon. Remegio De Vera, kabilang ang catering services at iba pang pangangailangan ng okasyon.
Naging katuwang din ang mga Barangay kagawad sa pag-aasikaso sa mga panauhin, kabilang ang mga ninong, ninang, at mga kamag-anak ng mga ikinasal, upang matiyak ang maayos at maaliwalas na daloy ng programa.
Layunin ng isinagawang Kasalang Barangay na makatulong sa mga magkapareha na magkaroon ng legal na pagsasama, at magsilbing tugon sa kanilang pangangailangan bilang isang pamilya sa komunidad.