Ang Amihan

03/08/2026

𝗠𝗮𝗹𝗶𝗴𝗮𝘆𝗮𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮! 🇵🇭

Mundo man natin ay mabilis na nagbabago, ang ating pagmamahal sa Wikang Filipino ay nararapat na manatiling buo. Patuloy nating gamitin nang responsable ang mga makabagong kasangkapan, gaya ng Artificial Intelligence (AI), upang pagyamanin at linangin ang ating wika, kultura, at pagkakakilanlan.








🖼 Jhesterkeir Ramiscal

02/08/2026

Ngayong Agosto, ating ipagdiwang ang kagandahan, kasiglahan, at kahalagahan ng Wikang Filipino sa makabagong panahon. Sa pag-usbong ng Artificial Intelligence (AI), mas napapalawak ang ating kakayahan sa pananaliksik, pagkatuto, at mabilis na pag-access ng impormasyon.

Ngunit higit pa sa teknolohiya, nananatiling mahalaga ang Filipino bilang wikang nag-uugnay sa ating pagkakakilanlan, kultura, at damdaming makabayan. Gamitin natin ang AI hindi bilang kapalit ng ating wika, kundi bilang kasangkapan upang higit itong mapagyaman, mapalaganap, at magamit sa makabuluhang pag-aaral at pananaliksik.

Makabagong teknolohiya + Wikang Filipino = Mas malawak na kaalaman para sa bawat Pilipino.

Halina’t sama-sama nating itaguyod ang Wikang Filipino bilang tulay sa yaman ng impormasyon at daan tungo sa mas maliwanag at makabagong kinabukasan.

Maligayang Buwan ng Wika! 🇵🇭

19/07/2026

Anong gusto mo sa gulay? Ako? Gusto ko 'yong sasamahan ako habang-buhay.

Nakakakilig pakinggan.

Pero paano kung sabihin kong may mga kuwento ng pag-ibig na hindi lang "forever" sa caption, kundi napatunayan na ng panahon?

May mga mag-asawang limampung taon nang magkahawak-kamay. May animnapu. May higit pa. Hindi dahil wala silang pinag-awayan. Hindi dahil perpekto ang relasyon. Kundi dahil araw-araw, pareho nilang pinipiling alagaan ang isa't isa.

At kasama roon ang pag-aalaga sa sarili. Oo, pati sa simpleng pagkain ng gulay.

Mukhang maliit na bagay. Pero isipin mo.
Kapag mas malusog ang katawan, mas marami kang umagang gigising na magkasabay pa rin kayong magkakape. Mas marami pang hapunang sabay ninyong pagsasaluhan. Mas marami pang "kumain ka na ba?" na maririnig. Mas marami pang pagkakataong tumawa sa mga lumang kuwento na paulit-ulit ninyo pa ring ikinukuwento.

Baka kaya hindi lang buhay ang pinahahaba ng gulay. Pati ang oras na inilalagi mo kasama ang mga taong pinakamahalaga sa'yo.

Sa iba't ibang bahagi ng mundo, maraming centenarians o mga taong lampas isandaang taong gulang ang nagbabahagi ng halos magkakaparehong lifestyle. Mas maraming gulay, prutas, whole grains, at mas kaunting processed food. Hindi ito garantiya ng mahabang buhay o panghabambuhay na relasyon, pero isa itong paalala na ang maliliit na healthy choices ngayon ay puwedeng magbigay ng mas maraming bukas.

Baka ganoon din ang pag-ibig.

Hindi ito nabubuo sa malalaking sorpresa araw-araw. Minsan, nagsisimula lang ito sa simpleng tanong na,

"Kumain ka na ba?"

Ngayong Hulyo, kasabay ng pagdiriwang ng Nutrition Month, magandang paalala na ang pagkain ng masustansyang pagkain, lalo na ng gulay at prutas, ay hindi lang tungkol sa pagdagdag ng taon sa buhay. Tungkol din ito sa pagdagdag ng mga pagkakataong makasama ang pamilya.

Mas maraming birthday na sabay ninyong ipagdiriwang. Mas maraming reunion na kumpleto. Mas maraming yakap. Mas maraming tawanan sa hapagkainan. At mas maraming kuwentong masasabi ninyong,

"Naalala mo pa ba noong..."

Kaya sa susunod na may magtanong sa'yo,

"Anong gusto mo sa gulay?"

Ngitian mo lang. Sabihin mo,

"'Yung nagbibigay sa'kin ng mas maraming pagkakataong makasama ang taong gusto kong makasama panghabangbuhay."

✍️ Alysa Gale Yao
🖼 Jhesterkeir Ramiscal

13/07/2026

𝗗𝗶𝗴𝗺𝗮𝗮𝗻 𝗻𝗴 𝗞𝗮𝘁𝗼𝘁𝗼𝗵𝗮𝗻𝗮𝗻

Hindi lahat ng pag-aangkin ay nagsisimula sa dahas. Minsan, sapat na ang isang pahayag upang simulan ang pagdududa. Ang pag-angkin ng ilang Chinese scholars na bahagi umano ng China ang Batanes ay malinaw na pagtatangkang baguhin ang naratibong kinikilala ng batas at kasaysayan.

Nitong Hunyo 30, nagtipon ang ilang Chinese academics sa isang symposium na idinaos ng Jinan University sa Guangzhou at iginiit na ang Batanes ay isang "natural geographical extension" ng Taiwan. Dahil inaangkin ng China ang Taiwan, sinabi nilang kabilang din umano sa China ang Batanes at wala umanong sapat na historikal at legal na batayan ang pamamahala ng Pilipinas sa lalawigan.

Agad itong tinutulan ng Department of Foreign Affairs at National Historical Commission of the Philippines. Iginiit ng DFA na hindi mapagdedebatehan ang soberanya ng Pilipinas sa Batanes, habang sinabi ng NHCP na walang sapat na historikal na ebidensiyang sumusuporta sa naturang pag-aangkin. Ang Batanes ay matagal nang kinikilalang bahagi ng Pilipinas sa ilalim ng internasyonal na pagkilala at ng sariling kasaysayan ng bansa.

May nagsasabing opinyon lamang ito ng ilang akademiko kaya hindi dapat pagtuunan ng pansin. Subalit sa panahon ngayon na mabilis na ang pagkalat ng impormasyon, ang isang maling pahayag na paulit ulit na inuukit sa isipan ng masa ay maaaring magmukhang katotohanan. Kaya hindi sapat na basta itong balewalain. Kailangang kontrahin ito gamit ang mga impormasyong walang bahid ng kasinungalingan.

Ang pagprotekta sa Batanes ay hindi lamang natatapos sa pagbabantay sa hangganan ng lupain. Nagsisimula rin ito sa pagpapanatili sa katotohanan. Sapagkat bago maagaw ang isang teritoryo, madalas ay sinusubukan munang agawin ang kuwentong bumabalot dito.

07/07/2026

Maligayang Pagdating sa Pamilyang Amihan!

Buong galak na tinatanggap ng Ang Amihan, Opisyal na Pampaaralang Pahayagan ng Bonuan Buquig National High School-BBNHS, sina Lex Gabrylle Aquino at Melanio Hortaleza bilang mga bagong miyembro ng samahan.

Nawa’y maging daan ang inyong talento, kasanayan, at dedikasyon upang higit pang mapalakas ang diwa ng pamamahayag at maipahayag ang katotohanan sa pamamagitan ng makabuluhang pagsusulat at paglilingkod.

Inaasahan namin ang inyong mahalagang ambag sa paglikha ng mga kuwentong magbibigay-kaalaman, inspirasyon, at tinig sa ating komunidad.

Maligayang pagdating, Lex Gabrylle Aquino at Melanio Hortaleza! Sama-sama nating ihatid ang katotohanan sa bawat pahina at bawat mambabasa.

05/07/2026

Isang Pagbati!

🎉 CONGRATULATIONS TO OUR NEWEST NASH PASSERS! 🎉

Bonuan Buquig National High School is incredibly proud to celebrate the amazing achievement of our remarkable educators!

A huge congratulations to Michelle M. Felstead and John Rey A. Silang for successfully passing the National Assessment for School Heads (NASH) 2026 Batch 2! 🌟

Your BBNHS family showers you with love and admiration for this well-deserved success. Your journey proves that with dedication, excellence is always within reach. Thank you for continuously lifting the name of our school high!

As we always say:
✨ Magandang buhay, Mabuting tao! ✨

05/07/2026

Maligayang Kaarawan, Jaden Josef David!

​Sa araw na ito, kinikilala namin ang husay, sipag, at sining na ipinamamalas mo bilang taga-disenyo ng ating online publication. Salamat sa pagiging tulay upang ang mga kwento at ulat ng Ang Amihan ay maging mas nakawiwiling tingnan dahil sa iyong natatanging malikhaing haplos. Ang bawat magandang biswal at maayos na pahina ay patunay ng iyong dedikasyon. Nawa’y suklian ka ng mas marami pang inspirasyon, tagumpay, at kasiyahan. Muli, Maligayang Kaarawan, Jaden!

30/06/2026

Bago matapos ang araw na ito, alamin muna natin ano nga ba ang Pride Month?

21/06/2026

Maligayang Araw mga Ama!

Sa lahat ng mga tatay, ama, single parent na buong pusong ginagampanan ang papel ng isang ama, at sa lahat ng mga tumatayong ama sa kanilang pamilya at komunidad. Taos-puso naming ipinapaabot ang aming pagbati at pasasalamat.

Kayo ang haligi ng tahanan na nagsisilbing gabay, tagapagtanggol, at inspirasyon ng inyong mga mahal sa buhay. Ang inyong sakripisyo, pagmamahal, sipag, at dedikasyon ay nagbibigay-lakas at pag-asa sa bawat pamilyang inyong pinaglilingkuran.

Nawa’y patuloy kayong pagpalain ng mabuting kalusugan, kalakasan ng loob, at walang hanggang kagalakan kasama ang inyong mga mahal sa buhay. Salamat sa pagiging huwaran ng pagmamahal, pananagutan, at katatagan.

Maligayang Araw ng mga Ama sa lahat ng tatay, ama, single parent na naging ama, at sa mga tumatayong ama para sa iba. Kayo ang tunay na mga bayani ng ating tahanan at lipunan!

Larawang-guhit: Mico Pierre Natividad