https://www.facebook.com/122654734267532/

valz vlogz, Rizal Street, Dagupan City (2026)

07/01/2026

No to fake news!
No to NPA

04/01/2026

ALERT

Mga kasundaluhan ng 76th Infantry Battalion sa ilalim ng 203rd Infantry Brigade nagpapakalat ng takot upang gipitin ang humanitarian team sa kanilang tinuluyan sa Abra de Ilog, Occidental Mindoro!

Ngayong gabi, sa oras ng pagpapahinga ng mga lokal at ng humanitarian team, nagpakalat ang mga sundalo ng pananakot na huwag umanong patuluyin ang humanitarian team ng KARAPATAN Southern Tagalog sa mga simbahan ng Mindoro. Ang simbahan ay kanlungan ng mamamayan—isang bulwagang dapat bukas sa lahat ng nangangailangan ng matutuluyan; higit sa lahat ito ay isang Zone of Peace na hindi dapat nililigalig ng mga militar. Ang panghihimasok at panggigipit ng militar upang harangin ang mamamayang nagnanais magbigay ng matutuluyan, tulad ng humanitarian team, ay patunay lamang ng berdugong katangian ng 76th Infantry Battalion at 203rd Infantry Brigade. Kahit dis-oras ng gabi, kung kailan nagpapahinga na ang team matapos ang buong araw na pag-iikot upang mag-imbestiga sa mga pangyayari, hindi sila pinapatawad ng militar.

Ang KARAPATAN Southern Tagalog ay isang human rights organization na binubuo ng mga sibilyang indibidwal na naglalayong itaguyod at panatilihin ang paggalang sa karapatang pantao ng bawat mamamayan. Mahigpit din itong kaisa sa mga adbokasiyang anti-mina at anti-kalikasan na mga proyektong sumisira sa kalikasan, kabuhayan, at tirahan ng mamamayan. Gayunpaman, ito ay pilit na binabaliktad at nilalapatan ng malisyosong propaganda ng estado, sa pangunguna ng AFP–PNP, upang pagtakpan ang kanilang isinagawang walang habas na pambobomba at aerial strafing sa mga komunidad ng mga katutubo, isang malinaw na paglabag sa International Humanitarian Law.

Ang ganitong mga ginagawa ng militar ay hindi na saklaw ng kanilang tungkulin at malinaw na panggigipit upang pigilan ang mamamayan na mag-alam at makialam sa mga nangyayari sa ating sariling bansa!

Tutulan ang paghahasik ng takot ng militar!

KARAPATAN NG MAMAMAYAN, IPAGLABAN!