Hotfm97.1 Dapa Siargao

27/11/2025

27/11/2025

25/10/2025

𝗨𝗦𝗔 𝗞𝗔 𝗟𝗔𝗟𝗔𝗞𝗜 𝗡𝗚𝗔 𝗧𝗔𝗚𝗔 𝗣𝗨𝗥𝗢𝗞 𝟭𝟱 𝗣𝗢𝗕𝗟𝗔𝗖𝗜𝗢𝗡, 𝗡𝗔𝗕𝗨𝗡𝗧𝗨𝗥𝗔𝗡 𝗦𝗜𝗞𝗢𝗣 𝗦𝗔 𝗗𝗥𝗨𝗚 𝗢𝗣𝗘𝗥𝗔𝗧𝗜𝗢𝗡

16/10/2025

𝗟𝗨𝗡𝗚𝗦𝗢𝗗 𝗦𝗔 𝗠𝗔𝗥𝗔𝗚𝗨𝗦𝗔𝗡, 𝗚𝗜𝗜𝗟𝗔 𝗜𝗦𝗜𝗣 𝗦𝗨𝗠𝗠𝗘𝗥 𝗖𝗔𝗣𝗜𝗧𝗔𝗟 𝗦𝗔 𝗗𝗔𝗩𝗔𝗢 𝗥𝗘𝗚𝗜𝗢𝗡; 𝗧𝗨𝗥𝗜𝗦𝗠𝗢 𝗚𝗜𝗣𝗔𝗟𝗜𝗚-𝗢𝗡 𝗡𝗜 𝗠𝗔𝗬𝗢𝗥 𝗖𝗢𝗟𝗜𝗡𝗔

Gipasiugda ni Mayor Cesar Colina Sr. nga usa sa labing dakong asset sa Maragusan mao ang turismo, ilabi na nga giila kini isip Summer Capital sa Davao Region tungod sa makatahom nga klima ug natural nga mga talan-awon.

Sumala ni Mayor Colina, gipakusgan karon sa Lokal nga Panggamhanan sa Maragusan ang mga programa alang sa pagpalambo sa turismo, lakip na ang pagpromotar sa “Sea of Clouds” nga nagpasikat sa lungsod.

Gipaniguro usab sa iyang administrasyon nga passable ug all-weather ang mga kalsada aron mas mapaayo ang accessibility sa mga turista ug residente.

Dugang pa ni Mayor Colina, nakigtambayayong ang lokal nga gobyerno sa mga pribadong sektor aron ma-organisa ug ma-harmonize ang mga inisyatiba sa turismo, nga maghatag og kompletong satisfaction sa mga turista nga mobisita sa Maragusan.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝗠𝗔𝗥𝗔𝗚𝗨𝗦𝗔𝗡, 𝗚𝗜𝗣𝗔𝗟𝗜𝗚-𝗢𝗡 𝗔𝗡𝗚 𝗗𝗜𝗦𝗜𝗣𝗟𝗜𝗡𝗔 𝗨𝗚 𝗞𝗔𝗟𝗜𝗠𝗣𝗬𝗢 𝗦𝗔 𝗧𝗨𝗥𝗜𝗦𝗠𝗢

Giila ni Mayor Cesar Colina Sr. sa Municipality of Maragusan nga usa sa pangunang programa sa lokal nga panggamhanan mao ang pagmugna og limpyo, organisado, ug disiplinadong komunidad aron mapreserbar ang katahom sa lungsod nga giila isip Summer Capital sa Davao Region.

Matod pa sa alkalde, importante nga matun-an sa tanang sektor ang responsableng pagdumala sa basura, aron dili maulian ang impresyon sa mga turista. “Dapat limpyo gyud ang lungsod kay basin dili ganahan ang mga bisita kung hugaw,” dugang pa niya.

Sa kasamtangan, gipangusgan sa munisipyo ang mahugot nga implementasyon sa waste management program, ilabi na sa mga tourism areas ug establishments.

Adunay monthly nga inspeksyon nga ginahimo sa tourism team aron masiguro nga pasado sa kalimpyo ug serbisyo ang matag pasilidad.

Gipahimangnoan usab ni Mayor Colina nga katungdanan sa lokal nga gobyerno ang paggiya sa mga tawo ug sa mga negosyante aron magpadayon ang disiplina ug kalimpyo nga makahatag og maayong kasinatian sa mga bisita sa Maragusan.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝗠𝗚𝗔 𝗗𝗥𝗜𝗩𝗘𝗥 𝗦𝗔 𝗠𝗔𝗥𝗔𝗚𝗨𝗦𝗔𝗡, 𝗚𝗜𝗣𝗔𝗛𝗜𝗠𝗔𝗡𝗚𝗡𝗨𝗔𝗡 𝗦𝗔 𝗛𝗨𝗦𝗧𝗢𝗡𝗚 𝗧𝗔𝗥𝗜𝗣𝗔 𝗨𝗚 𝗠𝗔𝗔𝗬𝗢𝗡𝗚 𝗦𝗘𝗥𝗕𝗜𝗦𝗬𝗢 𝗦𝗔 𝗠𝗚𝗔 𝗧𝗨𝗥𝗜𝗦𝗧𝗔

Gipahibalo ni Mayor Cesar Colina Sr. nga ipatawag sa Municipality of Maragusan ang tanang transportation sectors aron hisgutan ang pagpasiugda sa maayong serbisyo ug hustong taripa alang sa mga turista nga mobisita sa lungsod.

Sumala ni Mayor Colina, gikinahanglan nga mosubay ang mga pletehan sa opisyal nga taripa aron malikayan ang reklamo ug mapadayon ang kasaligan nga serbisyo sa transportasyon.

Dugang pa niya, gimandoan usab ang mga drayber nga magtinarong sa pagbaton og kalimpyo, disiplina, ug pagrespeto sa mga bisita, ilabi na sa paagi sa pag-entertain sa mga turista.

“Gusto nato nga maangkon sa mga bisita ang maayong kasinatian sa Maragusan gikan sa ilang pagsakay pa lang hangtod sa ilang pagbisita,” sumala ni Mayor Colina.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝗞𝗔𝗟𝗜𝗡𝗔𝗪 𝗨𝗚 𝗞𝗔𝗛𝗔𝗣𝗦𝗔𝗬, 𝗚𝗜𝗣𝗔𝗟𝗜𝗚-𝗢𝗡 𝗦𝗔 𝗧𝗔𝗡𝗔𝗡𝗚 𝗕𝗔𝗥𝗔𝗡𝗚𝗔𝗬 𝗦𝗔 𝗠𝗔𝗥𝗔𝗚𝗨𝗦𝗔𝗡

Gipalig-on sa administrasyon ni Mayor Cesar Colina Sr. sa Municipality of Maragusan ang mga programa alang sa peace and order aron mapadayon ang kalinaw ug seguridad sa tibuok lungsod.

Matod pa ni Mayor Colina, aduna silay ginahimong Municipal Peace and Order Council meeting matag bulan aron ma-update ug matan-aw ang kahimtang sa kalinaw sa 24 ka barangay sa Maragusan.

Gipalihok usab ang mga barangay tanod, CBOs, ug barangay officials aron masiguro nga protektado ug malinawon ang matag komunidad.

Kauban sa kalihokan ang Philippine Army, Philippine National Police, mga reservist, ug mga boluntaryo, nga padayon nga nakig-alayon sa lokal nga gobyerno sa pagmintinar sa seguridad.

“Mapasigarbo nato nga ang Maragusan luwas ug malinawon, 24/7,” matod pa ni Mayor Colina.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝗟𝗜𝗕𝗥𝗘𝗡𝗚 𝗦𝗘𝗥𝗕𝗜𝗦𝗬𝗢 𝗖𝗔𝗥𝗔𝗩𝗔𝗡 𝗚𝗜𝗣𝗔𝗗𝗨𝗢𝗟 𝗦𝗔 𝗠𝗚𝗔 𝗕𝗔𝗥𝗔𝗡𝗚𝗔𝗬 𝗦𝗔 𝗠𝗔𝗥𝗔𝗚𝗨𝗦𝗔𝗡

Aron mapadali ang pagserbisyo sa katawhan, gipalapdan sa Municipal Government of Maragusan ubos sa liderato ni Mayor Cesar Colina Sr. ang Serbisyo Caravan, usa ka panagsaong kalihokan nga gipasiugdahan sa National Government, Provincial Government, Congressional Office, Municipal Government, ug Barangay Government.

Ang kalihokan nagtinguha nga ipaduol ang mga serbisyo sa matag barangay, diin kapin sa 20 ka serbisyo ang gitanyag sa mga lumulupyo.

Lakip sa programa ang partisipasyon sa mga national offices, private partners, ug bisan pipila ka grupo gikan sa gawas sa nasud.

Sumala ni Mayor Colina, ang panglawas ang nag-unang prioridad sa caravan, diin ginamanduan nga matag 90 ka adlaw adunay medical check-up, ilabi na sa mga naga-maintenance og tambal.

Dugang pa niini, giingon sa alkalde nga gipaningkamotan sa lokal nga pangagamhanan nga ma-enroll ang kapin kun kulang 60,000 ka mga residente sa PhilHealth ug Yakap program, aron masiguro nga libre ug kompleto ang serbisyo medikal nga maangkon sa mga taga-Maragusan.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝗦𝗨𝗣𝗘𝗥 𝗛𝗘𝗔𝗟𝗧𝗛 𝗖𝗘𝗡𝗧𝗘𝗥, 𝗜𝗧𝗨𝗞𝗢𝗗 𝗦𝗔 𝗠𝗔𝗥𝗔𝗚𝗨𝗦𝗔𝗡

Dako ang pagpasalamat ni Mayor Cesar Colina Sr. sa Municipality of Maragusan alang sa suporta ni Congresswoman Maricar Zamora ug Governor Raul Mabanglo, human napili ang lungsod nga usa sa mga nakabenepisyo sa pagtukod sa Super Health Center nga nagkantidad og ₱20 milyon.

Matod pa sa Mayor, gawas sa maong pasilidad, aduna pa kini’y mga dugang nga kagamitan ug medikal nga ekipo nga makapaayo pa sa paghatag og serbisyo sa katawhan.

Gipanghinautan ni Mayor Colina nga pinaagi sa maong proyekto, masiguro nga ang matag residente sa Maragusan ma-check up ug maprotektahan ang panglawas, tungod kay gihatagan gayud nila og importansya ang maayong kondisyon sa panglawas sa tanan.

Giingon pa niini nga sa Super Health Center, anaa na ang kompletong serbisyo sama sa laboratory, X-ray, ug ubang pasilidad, aron dili na kinahanglan molakaw pa sa layo ang mga residente.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀

16/10/2025

𝟯-𝗬𝗘𝗔𝗥𝗦 𝗥𝗢𝗔𝗗 𝗣𝗥𝗢𝗚𝗥𝗔𝗠 𝗦𝗔 𝗠𝗔𝗥𝗔𝗚𝗨𝗦𝗔𝗡, 𝗚𝗜𝗣𝗔𝗧𝗨𝗠𝗔𝗡 𝗡𝗜 𝗠𝗔𝗬𝗢𝗥 𝗖𝗢𝗟𝗜𝗡𝗔

Gipasiugdahan ni Mayor Cesar Colina Sr. ang 3-year road development program sa Municipality of Maragusan nga nagtinguha nga sementohan ang tanan nga mga kalsada sa lungsod ug sa mga barangay.

Sumala sa mayor, ang proyekto gihimo pinaagi sa pagtinabangay o collaboration tali sa national government, provincial government, municipal government, ug barangay level.

Ang mga major roads gi-assign sa opisina sa congressman, samtang ang minor roads gipangayoan og suporta sa provincial government.

Sa lokal nga lebel, ang Barangay Government maoy maghatag sa semento, samtang ang Municipal Government maoy motubag sa libre nga labor, balas, graba, ug transit mixer.

Gipanghinautan ni Mayor Colina nga sa sulod sa tulo ka tuig, makita na ang kompletong sementado nga kalsada sa tibuok Maragusan ug sa mga barangay niini, aron mas mapaayo pa ang konektibidad ug kalambuan sa lungsod.

#𝗘𝗫𝗟𝟭𝟳𝗜𝗡𝟭𝗖𝗢𝗙𝗙𝗘𝗘𝗠𝗜𝗫
#𝗘𝗫𝗟𝗔𝗹𝗹𝗶𝗻𝟭𝗦𝗸𝗶𝗻𝗖𝗮𝗿𝗲𝗢𝗶𝗹
#𝗘𝗫𝗟𝗠𝗮𝗸𝗮𝗯𝘂𝗵𝗮𝘆𝗖𝗮𝗽𝘀𝘂𝗹𝗲
#𝗲𝘅𝗹𝗺𝗮𝗸𝗮𝗯𝘂𝗵𝗮𝘆𝗽𝗹𝘂𝘀