06/08/2026
Ayon sa PSA, umakyat ang unemployment rate sa 4.9% noong June 2026, mula 4.8% noong May 2026 at 3.7% noong June 2025. Siguro hindi naman ibig sabihin nito na ang ayuda ang direktang dahilan.
Pero ito ang tanong: possible kaya na may epekto rin ang paraan ng qualifications sa ayuda? Kung ang eligibility ay nakadepende sa pagiging unemployed o sa mababang income, may ilan kaya na hindi na nagde-declare ng totoong sitwasyon nila o mas pinipiling huwag maghanap ng formal work dahil baka mawalan sila ng benepisyo?
Hindi ako against sa ayuda. Sa totoo lang, napakalaking tulong nito sa mga tunay na nangangailangan. Pero baka may mga requirements sa pagkuha ng ayuda na hindi sinasadyang nagtutulak sa iba na huwag ideklara ang tunay nilang trabaho o sitwasyon para lang maging kwalipikado.
Kung ganoon ang nangyayari, baka panahon na rin para pag-usapan kung paano mas mapapaganda ang sistema. Hindi naman siguro ang solusyon ay pantay-pantay ang ayuda, mayaman man o mahirap, pero baka mas mahalagang siguraduhin na ang assistance ay fair, transparent, at hindi nagdi-discourage sa mga gustong magsumikap o magtrabaho.
Sa huli, mas maganda sigurong mag-invest tayo sa mas maraming trabaho, mas mataas na sahod, at mas maayos na social protection, kaysa umasa na lang sa ayuda bilang pangmatagalang solusyon
