https://www.facebook.com/105587201521752/

The LaZEALlian Exposé, Dasmariñas (2026)

22/08/2026

𝐀𝐆𝐓𝐄𝐊 | 𝘽𝙖𝙨𝙪𝙧𝙖 𝙣𝙜 𝙞𝙗𝙖, 𝙋𝙧𝙤𝙗𝙡𝙚𝙢𝙖 𝙣𝙜 𝙆𝙤𝙢𝙪𝙣𝙞𝙙𝙖𝙙

Noong taong 2019, nagsimula ang Local Government Unit (LGU) ng Subic, Zambales sa pagtatayo ng isang pansamantalang dump site sa isang lugar na itinuturing nilang hiwalay at malayo sa mga pamayanan. Layunin nitong magsilbing pansamantalang solusyon sa patuloy na pagdami ng basura dulot ng krisis sa pangangasiwa nito, na lalo pang pinalala ng pag-usbong ng medical waste dulot ng pandemya ng COVID-19.

Ngunit ang napiling lugar ng LGU ay hindi lamang isang bakanteng lupain o gubat. Bahagi ito ng mahalagang ancestral land ng mga katutubong Aeta sa Sitio Tibag, Subic, Zambales. Dito sa lupain nila nakasalalay ang kanilang pangkabuhayan, pamumuhay, at ang kinatatayuan ng kanilang komunidad.

Nang maitayo ang dump site sa lugar, tuloy-tuloy ang naging trahedyang dala nito sa pamumuhay ng mga Aeta na naninirahan doon. Ang payak at payapang pamumuhay ng mga katutubo, malayo sa karangyaan, ay unti-unting nawasak sa pagdating ng dambuhalang bunton ng basura. Dumami ang mga langaw, kumalat ang mabahong amoy, nasira ang mayabong na kapaligiran, at higit sa lahat, kumalat ang dalang kemikal ng mga naipong basura sa lupain at kapaligiran.

Ayon sa mga katutubong Aeta, sinabihan silang pansamantalang solusyon lamang ang paggawa ng dump site sa kanilang lupain at gagawa ng paraan ang LGU upang hindi kumalat ang mga nakalalasong kemikal ng mga basura sa lupa. Ngunit ang mga pangakong ito ay hindi natuloy at ang operasyong pagtapon ng basura sa lugar ay nagtagal ng anim na taon.

Nang sumapit ang taong 2025, pormal nang nagreklamo ang mga katutubong Aeta sa DENR at sa LGU ng Subic upang patigilin ang operasyon ng pagbabasura sa kanilang lupain. Ayon sa kanilang hinaing, patuloy na kumakalat ang mga basurang itinapon sa lugar na nagdudulot ng polusyon sa pinagkukuhanan nila ng tubig-tabang at sa mga lupaing kanilang tinataniman ng mga puno ng saging na nagsisilbing kanilang pangkabuhayan. Inutusan ng DENR ang LGU ng Subic na tanggalin ang mga basura dito, ngunit ayon sa kanila, hindi nila kayang tanggalin ang mga basura dahil sa kakulangan ng budget para dito. At hanggang ngayon, ang mga basurang idinala sa lupain ng mga katutubo ay naroon pa rin, patuloy na sumasagabal sa kanilang pamumuhay.

Hindi lamang basura ang naiwan sa lupain ng mga katutubong Aeta kundi dala rin nito ang bakas ng nasirang kalikasan, kabuhayan, at tirahang matagal na nilang inaalagaan. At habang patuloy ang pagharap ng mga katutubo sa suliraning dinala sa kanila, humarap muli ang Subic sa isa pang usapin kaugnay nito: ito ang pagpasok ng mga ilegal na shipment ng basura na nagmula pa sa ibang bansa.

Ang Basel Action Network (BAN), kasama ang Environmental Task Force Against Illegal E-Waste Imports to the Philippines (END E-Waste Imports) at iba pang mga lokal na environmental groups sa bansa, ay nakapag-track ng illegal shipment ng mga hinihinalang hazardous electronic at plastic waste mula sa United States (U.S.) patungo sa Subic Freeport Zone. Ayon sa imbestigasyon ng BAN, humigit-kumulang 234 container ng cargo na naglalaman ng E-Waste mula sa Estados Unidos ang nakarating sa Subic Port mula Marso 2025.

Sa mga naiulat na shipment ng E-Waste, nagsimula nang kumilos ang mga awtoridad upang pigilan ang pagpasok ng mga hinihinalang hazardous waste sa bansa. Noong Hulyo 2026 lamang, iniutos ng Subic Bay Metropolitan Authority (SBMA) na manatili sa barko ang iba pang mga container na pinaghihinalaang naglalaman ng E-Waste.

Gayunpaman, habang may mga hakbang nang ginagawa upang pigilan ang pagpasok ng mga hinihinalang hazardous waste, nananatili ang mas malawak na tanong na dapat masagot: Paano matitiyak ng mga kaukulang gobyerno na ang mga basurang pumapasok sa bansa at nanggaling sa bansa ay maayos na masusuri, mapapangasiwaan, at hindi magdudulot ng panganib sa kalikasan at sa mga komunidad?

Ang mga isyu patungkol sa pangangasiwa sa basura ay hindi lamang problema ng isang komunidad o ng isang lokal na pamahalaan, kundi ng isang bansa. Mula sa mga basurang naiwan sa ancestral land ng mga katutubong Aeta, patungo sa mga basurang ipinadala mula sa ibang bansa, ipinapakita ng mga sitwasyong ito na ang wastong pangangasiwa ng basura ay nararapat na pagtuunan ng pansin upang mapangalagaan ang kalikasan at ang mga komunidad na patuloy na umaasa sa mga ito. Sa panahon ngayon, hindi na sapat ang pagbibigay-pansin lamang sa mga isyu patungkol dito, kailangan na ng agarang pagkilos at konkretong solusyon bago pa tuluyang masira ang mga kalikasang bumubuo sa ating mga komunidad.

—————————

Dinisenyo ni: Vincent Desbarro
Isinulat ni: Marielle Antoinette Montaño

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

21/08/2026

𝐍𝐈𝐍𝐎𝐘 𝐀𝐐𝐔𝐈𝐍𝐎 𝐃𝐀𝐘 | 𝘼𝙜𝙤𝙨𝙩𝙤 𝟐𝟏, 𝟐𝟎𝟐𝟔

𝗠𝗮𝘆 𝗺𝗴𝗮 𝗽𝗮𝗴-𝗮𝗮𝗹𝗮𝗹𝗮 𝗻𝗮 𝗵𝗶𝗻𝗱𝗶 𝗹𝗮𝗻𝗴 𝗽𝗮𝗿𝗮 𝘀𝗮 𝗻𝗮𝗸𝗮𝗿𝗮𝗮𝗻, 𝗸𝘂𝗻𝗱𝗶 𝗽𝗮𝗿𝗮 𝘀𝗮 𝗸𝗶𝗻𝗮𝗯𝘂𝗸𝗮𝘀.

Ngayong Agosto 21, ginugunita natin ang Ninoy Aquino Day bilang pag-alala kay Benigno “Ninoy” Aquino Jr. at sa kanyang naging bahagi sa kasaysayan ng Pilipinas. Ang araw na ito ay nagsisilbing paalala sa mga pangyayaring humubog sa ating bansa at sa mga aral na patuloy nating binabalikan bilang isang bayan.

Hindi lamang isang pangalan sa aklat ng kasaysayan si Ninoy Aquino. Ang kanyang buhay at paninindigan ay naging bahagi ng isang mahalagang yugto sa ating bansa—isang yugto na nag-iwan ng mga kuwentong patuloy na pinag-aaralan at inaalala ng mga susunod na henerasyon.

Sa paggunita natin sa araw na ito, alalahanin natin ang kasaysayan hindi lamang bilang mga petsa at pangalan, kundi bilang mga kuwentong tumulong humubog sa Pilipinas na mayroon tayo ngayon.

𝗦𝗮 𝗯𝗮𝘄𝗮𝘁 𝗽𝗮𝗴-𝗮𝗮𝗹𝗮𝗹𝗮, 𝗺𝗮𝘆 𝗮𝗿𝗮𝗹. 𝗦𝗮 𝗯𝗮𝘄𝗮𝘁 𝗮𝗿𝗮𝗹, 𝗺𝗮𝘆 𝗸𝗮𝗵𝗮𝗹𝗮𝗴𝗮𝗵𝗮𝗻. 🇵🇭

—————————

Dinisenyo ni: Krin Ayesha Tropel
Isinulat ni: Ryz Medina

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

21/08/2026

𝐏𝐀𝐌𝐏𝐀𝐋𝐀𝐊𝐀𝐒𝐀𝐍 | 𝙋𝙖𝙜𝙥𝙖𝙨𝙖 𝙣𝙜 𝙇𝙞𝙮𝙖𝙗: 𝙋𝙖𝙜𝙖𝙧𝙖 𝙖𝙩 𝙋𝙧𝙤𝙜𝙚𝙡𝙡𝙖, 𝙎𝙪𝙢𝙞𝙠𝙡𝙖𝙗 𝙨𝙖 𝘼𝙡𝙡-𝙁𝙞𝙡𝙞𝙥𝙞𝙣𝙤 𝙁𝙞𝙣𝙖𝙡

Isang panibagong yugto ng tagumpay ang isinulat ng pambansang koponan matapos angkinin nina Sofia Pagara at Khy Progella ang gintong medalya sa 2026 Volleyball World Beach Pro Tour Futures noong Agosto 16 sa Central Gwangalli grounds. Sa gitna ng buhanginan at maulang panahon sa Korea, ipinamalas ng dalawang batang atleta ang kanilang husay upang patunayan ang matinding sigla ng bagong henerasyon ng Alas Pilipinas.

Hindi naging patag ang daan ng dalawa nang makaharap nila ang isang koponan na pambato rin ng bansa. Matapang nilang nakatunggali sa All-Filipino final ang itinuturing na mga haligi ng beach volleyball sa bansa na sina Sisi Rondina at Bernadeth Pons. Ngunit dahil sa tamang diskarte at malinis na depensa ng mga mas batang atleta, nagawang kontrolin nina Pagara at Progella ang takbo ng laro para tapusin ang laban sa dalawang diretsong set, 21-18, 21-13.

Bago tuluyang makatungtong sa rurok ng torneo, nagpakita muna ng pambihirang karera ang dalawa simula pa lamang sa qualification rounds. Sa kanilang pag-abante sa qualifying at pool play, nalampasan nila ang mga katunggali mula sa iba’t ibang mga bansa gaya ng South Korea, Estados Unidos, at ang isang pang koponan ng Pilipinas. Winalis lamang nila ang pitong magkakasunod na katunggali sa buong torneo, kabilang ang pagpapatumba sa ilang matitibay na bansa. Kasama rin sa mga bansang kanilang pinatumba ay ang Japan na kanilang natalo sa huling dalawang krusyal na yugto bago makuha ang panalo sa gitna ng kanilang laban sa pinal.

Dahil sa makasaysayang 1-2 finish na ito, inuwi ng Pilipinas ang parehong ginto at pilak na medalya na taas-noo nilang iuuwi sa bansa. Ang ipinamalas na giting ng dalawang koponan ay nagbibigay ng malaking inspirasyon sa iba pang mga pambansang delegasyon na patuloy ding naghahanda para sa mas malalaking mga kompetisyon.

—————————

Dinisenyo ni: Rafie Luna
Isinulat ni: Deandrei Rivera

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

20/08/2026

𝐋𝐀𝐓𝐇𝐀𝐋𝐀𝐈𝐍 | 𝙐𝙗𝙚-𝙡𝙞𝙚𝙫𝙖𝙗𝙡𝙚 𝘾𝙧𝙖𝙯𝙚: 𝙏𝙖𝙢𝙞𝙨 𝙣𝙜 𝙆𝙪𝙡𝙩𝙪𝙧𝙖𝙣𝙜 𝘼𝙩𝙞𝙣

Sa bawat pagyuko, kamay na marahang humuhukay sa lupa, at mga punlang nilulubog, may magsasakang unti-unting nagtatanim ng pag-asa.

Hanggang sa pag-ahon ng kanilang katawan, pagbunot ng mga lilang ani, at pagsilay ng matatamis na ngiti, nasasaksihan ang bunga ng kanilang pawis.

Sa bawat ubeng nagpapakulay sa hapag at patuloy na nakakarating sa iba’t ibang panig ng mundo, dahan-dahan ding lumalaki ang pag-asang magiging sandigan ito ng kanilang pang-araw-araw na kabuhayan.

𝙋𝙖𝙜𝙨𝙞𝙗𝙤𝙡 𝙣𝙜 𝙋𝙖𝙣𝙜𝙖𝙧𝙖𝙥

Ang ube ay isang halamang-ugat na nagmula sa rehiyon ng Timog-Silangang Asya, ngunit mas lumalim ang impluwensya nito sa kultura ng Pilipinas. Sa tala ng kasaysayan, libong taon na ang lumipas simula ng gamitin ng mga Pilipino ang ube bilang kasangkapan sa pagluluto ng mga panghimagas tulad ng jam na kalaunan ay binansagang ube halaya.

Umusbong bilang isang simpleng putahe sa mga salu-salo, hanggang sa umabot na sa mga modernong bersyon nito tulad ng ube latte, patuloy na lumalawak ang presensya ng ube sa bawat henerasyon.

“Maganda at malaki ang potensyal ng ube. Patok na patok ito bilang sangkap ng iba’t ibang pagkain, at patuloy ang pagtaas ng demand—hindi lamang locally kundi pati na rin globally. Ito ay isang malinaw na oportunidad para sa ating mga magsasaka, agripreneurs, at iba pang stakeholders sa industriya ng ube," ani Dr. Rolando Maningas, Center Director ng Department of Agriculture - Agricultural Training Institute CALABARZON.

𝙐𝙜𝙖𝙩 𝙣𝙜 𝙋𝙖𝙜-𝙖𝙨𝙖

Sa kailaliman ng lupa ay makakapa ang katatagang ibinigay ng lila.

Bago pa man dumating ang mga Kastila, tumatak na sa alaala ng mga sinaunang Boholano ang matinding tagtuyot na sumalanta sa kanilang lupain. Hindi dumating ang mga inaasahang ani, at lumipas ang mga araw na hindi na makatulog ang mga mamamayan sa kakaisip sa kung ano ang mapagkukunan nila ng pagkain, takot na takot na baka tuluyang humantong ang lahat sa trahedya.

Sa kalagitnaan ng pagpatak ng kanilang luha ay ang pagsibol naman ng panibagong pag-asa.

Hindi nagpatinag ang ube sa matinding kondisyon ng panahon, at mas yumabong pa ang produksyon ng bunga.

Sa isang iglap, ang lupang minsang nagdala ng pangamba ay nagbago at nagbigay ng ani ng masagang kinabukasan. Sa lilang kulay ng ube, muling sumigla ang buhay ng mga magsasaka at ng buong komunidad.

Kaya naman ngayon, taunang idinaraos ang Ubi Festival upang parangalan ang naging kontribusyon ng lilang halaman sa kalusugan at kabuhayan ng mga Boholano.

𝙆𝙪𝙡𝙖𝙮 𝙣𝙜 𝙋𝙖𝙜𝙩𝙞𝙩𝙞𝙮𝙖𝙜𝙖

Sa patuloy na pagsikat ng "star export" sa pandaigdigang merkado, umaabot sa 20% na produktong ube na ang nailuluwas ng Pilipinas, higit na mas mataas kaysa sa mga nagdaang taon.

Kasabay ng pagtaas ng demand ay ang pagbaba naman ng produksyon nito.

Isa sa pinakamalaking hamon ng mga magsasaka ay ang kakulangan sa mga punla. Dahil sa mataas na presyo at demand, ibinibenta nila ang halos lahat ng pulutong na ani, at napipilitang bumili ng mga magiging pananim mula sa ibang supplier.

Dagdag pa rito, humigit-kumulang siyam na buwan ang kailangang hintayin bago maani ang ube. Sa buong panahon ng paghihintay, mano-manong pag-aararo ang kailangang gawin upang mapanatili ang masagang bunga. Pasan ng mga magsasaka ang mabibigat na gawain sa ilalim ng tirik na araw, pawis na tumatagaktak, at mga buntong-hiningang kaakibat ng bawat araw sa bukid.

"That is also one of the challenges in the production. It's very hard to farm ube upland. But farmers are very resilient. As long as they see the benefit of going into that venture, they will continue planting," saad ni Grace Backian, direktor ng Northern Philippine Root Crops Research and Training Center.

(Iyan din ang isa sa mga hamon sa produksyon. Napakahirap itanim ang ube sa mataas na lugar, pero ang mga magsasaka naman ay matatag. Hanggat nakikita nila ang benepisyo sa pakikipagsapalaran dito, patuloy silang magtatanim.)

Kasabay ng lumalagong pangangailangan sa ube ay ang pagkakataong mapataas ang kanilang kita at mapalawak ang kanilang kabuhayan.

Habang patuloy na hinahanap ng mundo ang tamis ng ube, patuloy ding kumakapit ang mga magsasaka sa lupang nagsisilbing ugat ng kanilang kinabukasan.

Sa bawat ubeng umaabot sa hapag ng mundo, naroon ang mga kamay na unang nagbaon ng punla sa lupa, naghintay sa loob ng siyam na buwan, at nagtiyaga sa bawat hamon ng buhay-bukid.

—————————

Isinulat ni: Larah Villegas
Dinisenyo ni: Raffie Luna

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

20/08/2026

[𝗧𝗟𝗘 𝗣𝗮𝗿𝘁𝗻𝗲𝗿𝘀𝗵𝗶𝗽] 𝐋𝐀𝐃𝐘𝐀 𝐋𝐈𝐅𝐄𝐋𝐈𝐍𝐄: 𝐂𝐎𝐍𝐍𝐄𝐂𝐓 ☂️ | 𝘈𝘤𝘤𝘦𝘱𝘵𝘪𝘯𝘨 𝘋𝘰𝘯𝘢𝘵𝘪𝘰𝘯𝘴

“𝙏𝙝𝙚𝙧𝙚 𝙞𝙨 𝙣𝙤 𝙚𝙭𝙚𝙧𝙘𝙞𝙨𝙚 𝙗𝙚𝙩𝙩𝙚𝙧 𝙛𝙤𝙧 𝙩𝙝𝙚 𝙝𝙚𝙖𝙧𝙩 𝙩𝙝𝙖𝙣 𝙧𝙚𝙖𝙘𝙝𝙞𝙣𝙜 𝙙𝙤𝙬𝙣 𝙖𝙣𝙙 𝙡𝙞𝙛𝙩𝙞𝙣𝙜 𝙥𝙚𝙤𝙥𝙡𝙚 𝙪𝙥.” – John Holmes

In times of disaster, every act of kindness can bring hope and make a difference. We prepare this donation drive in aid of 𝟴𝟬-𝟭𝟬𝟬 𝗶𝗱𝗲𝗻𝘁𝗶𝗳𝗶𝗲𝗱 𝗶𝗻𝗱𝗶𝘃𝗶𝗱𝘂𝗮𝗹𝘀 𝗳𝗿𝗼𝗺 𝗞𝗮𝘄𝗶𝘁, 𝗖𝗮𝘃𝗶𝘁𝗲 𝘄𝗵𝗼 𝗮𝗿𝗲 𝗮𝗳𝗳𝗲𝗰𝘁𝗲𝗱 𝗯𝘆 𝘁𝗵𝗲 𝗵𝗲𝗮𝘃𝘆 𝗛𝗮𝗯𝗮𝗴𝗮𝘁 𝗿𝗮𝗶𝗻𝗳𝗮𝗹𝗹. Through this initiative, we hope to provide essential relief supplies and assistance to the displaced families. 🫂💗

📦 𝐖𝐞 𝐚𝐫𝐞 𝐚𝐜𝐜𝐞𝐩𝐭𝐢𝐧𝐠:
– Canned goods
– Instant food
– Bottled water
– Clean clothes
– Hygiene kits
– Over-the-counter medications
– Supplements

📅 𝐖𝐡𝐞𝐧: Aug. 20-26
📍 𝐖𝐡𝐞𝐫𝐞: 5th Floor, SHSSHS Building

Every contribution, no matter how big or small, can help bring comfort and support to the affected families as they begin to recover. We invite everyone to extend a helping hand and turn your compassion into action. 𝗛𝘂𝗺𝗮𝗻𝗶𝘁𝘆 𝘀𝗵𝗶𝗻𝗲𝘀 𝗯𝗿𝗶𝗴𝗵𝘁𝗲𝘀𝘁 𝘄𝗵𝗲𝗻 𝗰𝗼𝗺𝗽𝗮𝘀𝘀𝗶𝗼𝗻 𝗯𝗿𝗶𝗻𝗴𝘀 𝘂𝘀 𝘁𝗼𝗴𝗲𝘁𝗵𝗲𝗿. ✨💗

20/08/2026

𝐁𝐀𝐋𝐈𝐓𝐀 | 𝘽𝙪𝙡𝙖𝙘𝙖𝙣, 𝙩𝙪𝙡𝙪𝙮𝙖𝙣𝙜 𝙝𝙞𝙣𝙖𝙝𝙖𝙧𝙖𝙥 𝙖𝙣𝙜 𝙥𝙖𝙜𝙗𝙖𝙝𝙖; 𝙥𝙖𝙣𝙜𝙢𝙖𝙩𝙖𝙜𝙖𝙡𝙖𝙣𝙜 𝙨𝙤𝙡𝙪𝙨𝙮𝙤𝙣, 𝙞𝙣𝙖𝙖𝙨𝙖𝙢 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣

Ang mga residente ng San Miguel sa Calumpit, Bulacan ay tuluyang naapektuhan ng baha na umaabot sa 6 feet, na naging sanhi ng patuloy na pananawagan sa gobyerno upang pabilisan ang mga flood-control projects na mahigit isang taon nang nanatiling hindi tapos, ngayong Agosto, na dala ng Bagyong Luis.

Dala ng mabigat na bagyo at habagat, ilang residente ay nagsilubugan ang mga bahay, napilitang lumikas, at nahihirapang ipagpatuloy ang kanilang pang-araw-araw na kabuhayan.

Ayon sa mga residente ng Barangay San Miguel sa Calumpit, Bulacan, mas lumalalim pa ang baha kumpara sa huling bisita noong Oktubre 2025 na nakaranas ng 5 buwang pagkalubog, dala ng 50-100 mililitro ng pag-ulan (moderate to heavy).

Resulta nito ang paglubog at tuluyang pagbaha ng mga bahay, na lalong nakahahadlang sa pamumuhay ng mga residente ng Bulacan, lalo na sa pagluluto, paglalaba, at pagtatrabaho.

Ayon kay Manuel Luikban Jr., head of the Bulacan Provincial Disaster Risk Reduction Management Office (PDRRMO), 11,535 na residente na kabilang sa 3,477 na pamilya sa kabuuan ng 24 na lungsod at bayan ng Bulacan ay inevakuwa at napilitang iwan ang mga ari-arian upang makaiwas sa patuloy na pag-apaw ng Pampanga River.

Sa kabila ng sitwasyong hinaharap, patuloy pa rin ang kanilang laban at pananawagan sa pamahalaan upang tugunan ang problema sa pagbaha, partikular sa pagpapabilis ng inaasahang flood-control projects at ripraps.

"Bahay ko talagang wala nang pag-asa. Wala mang yero, puro trapal lang, tarpaulin. Masasabi ko sa pamahalaan, dapat ayusin nila ang bagay dito sa barangay na ito," pahayag ni Nestor Quirona, isang 62-year-old evacuee.
Ang Bulacan provincial government ay tuluyang nakikipag-ugnayan sa Department of Public Works and Highways (DPWH) upang talakayin ang mga flood-control projects na hindi pa rin natutuloy.

Pahayag ni Vice Governor Alexis Castro na ang provincial government ay nagkumpirma na ng mahigit 600 na flood-control projects na nakakabit sa probinsya.

"Nagpatawag tayo ng hearing sa Sangguniang Panlalawigan. Ano ang balak ng DPWH? Kasi maraming projects sa Bulacan ang hindi natapos. Hindi relief goods ang kailangan ng tao. Ang kailangan na ng kababayan natin ay solusyon," kaniyang idinagdag.

Ayon sa Provincial Government ng Bulacan, isang syudad at pitong munisipyo ay tuluyang naapektuhan ng pagbaha: Malolos City, Calumpit, Bocaue, Pulilan, Balagtas, Guiguinto, Hagonoy, at Paombong.

Patuloy pa ring binabantayan ng pamahalaan at ng Provincial Government ng Bulacan ang kondisyon ng probinsya sa mga pagbaha dulot ng matinding pag-ulan. Nag-utos na rin ang provincial government sa mga rural health units na palaging maghanda ng mga kagamitang medikal laban sa mga lumalaganap na sakit dala ng baha.

—————————

Isinulat ni: Justin Manuel Gamo
Dinisenyo ni: Raffie Luna

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

19/08/2026

𝐏𝐀𝐌𝐏𝐀𝐍𝐈𝐓𝐈𝐊𝐀𝐍 | 𝙏𝙖𝙤 𝙋𝙖 𝘽𝙖 𝘼𝙠𝙤?

Isang pindot para sa gawaing pampaaralan. Isang mahalagang kagamitan para sa trabaho. Isang utos sa tapat ng kumikinang na salamin para sa susunod na pahayag sa madla. Sa tuwing hinahayaan natin ang AI (Artificial Intelligence) na mag-isip, magpasya, at lumikha para sa atin, unti-unti nating binubura ang ating natatanging pagkatao. Itanong mo sa iyong sarili: Tao pa ba ako? O isa na lamang akong sunod-sunurang anino ng isang de-makinang sistema?

Ang kalinangang Pilipino ay kilala sa pagiging makulay, madamdamin, at puno ng iba’t-ibang pakikipag-ugnayan ng mga kultura. Ang ating kakayahan ay hinuhubog ng mga kuwentong-bayan at ng mga totoong karanasan sa hirap at ginhawa. Ngunit sa paglaganap ng makabagong teknolohiyang ito, tila ipinamimigay na natin ang ating sariling pagkakakilanlan at nakaraan para lang sa mabilisang kaginhawaan. Kung ang sulat ng ating mga makata, sining ng kabataan, at maging ang ating paraan ng pakikipagtalastasan ay unti-unting ibinubuga ng isang makina, nasaan ang tinig ng mga Pilipino?

Nawawala ang tatak ng mga katutubo, ang likas na pagiging madiskarte, ang tunay na saloobin, at ang tapat na layuning lumikha kapag hinayaan natin ang makinang nakapaloob sa ating mga tabing ay ang maghari sa ating diwa-isipan. Ang AI ay inimbento upang maging katulong, hindi kapalit ng ating pagkatao. Ang tunay na hamon ay ang paggising mula sa pagkahumaling sa mga makabagong kagamitan na ito, upang muling mahawakan ang ating sariling tinta, pag-iisip, at kagalingan sa paglikha. Dahil dito natin mapapatunayan na ang dugong Pilipino ay hindi kailanman mapapantayan ng kahit anumang artipisyal na talino.

—————————

Isinulat ni: Dani Marasigan
Dinisenyo ni: Khyrsten Alsisto

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

19/08/2026

𝐖𝐀𝐋𝐀𝐍𝐆 𝐏𝐀𝐒𝐎𝐊 | 𝐀𝐠𝐨𝐬𝐭𝐨 𝟐𝟎, 𝟐𝟎𝟐𝟔

Ayon sa anunsyo ni Governor Francisco Gabriel “Abeng” Remulla, 𝘀𝘂𝘀𝗽𝗲𝗻𝗱𝗶𝗱𝗼 𝗮𝗻𝗴 𝗺𝗴𝗮 𝗳𝗮𝗰𝗲-𝘁𝗼-𝗳𝗮𝗰𝗲 𝗻𝗮 𝗸𝗹𝗮𝘀𝗲 𝘀𝗮 𝗹𝗮𝗵𝗮𝘁 𝗻𝗴 𝗮𝗻𝘁𝗮𝘀, 𝗽𝗮𝗺𝗽𝘂𝗯𝗹𝗶𝗸𝗼 𝗺𝗮𝗻 𝗼 𝗽𝗮𝗺𝗽𝗿𝗶𝗯𝗮𝗱𝗼, 𝘀𝗮 𝗟𝘂𝗻𝗴𝘀𝗼𝗱 𝗻𝗴 𝗗𝗮𝘀𝗺𝗮𝗿𝗶𝗻̃𝗮𝘀 𝗯𝘂𝗸𝗮𝘀, 𝗟𝘂𝗻𝗲𝘀, 𝗔𝗴𝗼𝘀𝘁𝗼 20, 𝟮𝟬𝟮𝟲. 🌧️

Hinihikayat ang lahat na unahin ang kaligtasan sa pamamagitan ng pagpapanatili sa loob ng bahay at maghintay ng karagdagang anunsyo mula sa 𝗩𝗶𝗰𝗲 𝗖𝗵𝗮𝗻𝗰𝗲𝗹𝗹𝗼𝗿 𝗳𝗼𝗿 𝗔𝗰𝗮𝗱𝗲𝗺𝗶𝗰𝘀 (𝗩𝗖𝗔) ukol sa pagpapatakbo ng mga klase bukas.

Dahil sa sitwasyon ng panahon, pinapayuhan ang lahat na sundin ang mga kinakailangang pag-iingat at subaybayan nang mabuti ang mga opisyal na babala ng pamahalaan. Kung ikaw o ang iyong pamilya ay nangangailangan ng agarang tulong sa oras ng sakuna, mangyaring makipag-ugnayan nang direkta sa mga lokal na hotline:

𝗗𝗮𝘀𝗺𝗮𝗿𝗶𝗻̃𝗮𝘀 𝗘𝗺𝗲𝗿𝗴𝗲𝗻𝗰𝘆 𝗢𝗽𝗲𝗿𝗮𝘁𝗶𝗼𝗻𝘀 𝗖𝗲𝗻𝘁𝗲𝗿
(046) 435 0183
09988435477
09088185555

𝗕𝗙𝗣 𝗗𝗮𝘀𝗺𝗮𝗿𝗶𝗻̃𝗮𝘀
(046) 884 6131
(046) 424 2537
09953369534

𝗣𝗡𝗣 𝗗𝗮𝘀𝗺𝗮𝗿𝗶𝗻̃𝗮𝘀
(046) 416 0254
(046) 416 2924
09296659533

𝗠𝗲𝗿𝗮𝗹𝗰𝗼
09175516211
09209716211

𝗔𝗺𝗯𝘂𝗹𝗮𝗻𝗰𝗲
09985665555

Manatiling ligtas at alerto, Sentinels! 💚

—————————

𝗠𝗮𝗴𝗶𝗻𝗴 𝗸𝗮𝗯𝗮𝗵𝗮𝗴𝗶 𝗻𝗴 𝗧𝗵𝗲 𝗟𝗮𝘇𝗲𝗮𝗹𝗹𝗶𝗮𝗻 𝗘𝘅𝗽𝗼𝘀𝗲́ 𝘀𝗮 𝗽𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗽𝗮𝗴𝘁𝗮𝘁𝗮𝗴𝘂𝘆𝗼𝗱 𝗻𝗴 𝗮𝘁𝗶𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗮𝗸𝘀𝘆𝗼𝗻, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at may sapat na kaalaman sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

19/08/2026

𝐖𝐈𝐊𝐀𝐏𝐄𝐃𝐈𝐀 | 𝙈𝙤𝙨𝙦𝙪𝙞𝙩𝙤 𝙋𝙧𝙚𝙨𝙨

"Sino ang kikibo kung hindi tayo kikibo? Sino ang kikilos kung hindi tayo kikilos? Kung hindi ngayon, kailan pa?” - 𝗔𝗯𝗿𝗮𝗵𝗮𝗺 “𝗗𝗶𝘁𝘁𝗼” 𝗦𝗮𝗿𝗺𝗶𝗲𝗻𝘁𝗼

Ang Mosquito Press ay tumutukoy sa mga alternatibo at 𝗶𝗻𝗱𝗲𝗽𝗲𝗻𝗱𝗶𝘆𝗲𝗻𝘁𝗲𝗻𝗴 𝗽𝘂𝗯𝗹𝗶𝗸𝗮𝘀𝘆𝗼𝗻 na umusbong noong panahon ng Batas Militar sa ilalim ng rehimen ni Ferdinand Marcos Sr. nang ipasara ng pamahalaan ang mga pangunahing pahayagan at istasyon noong 1972. Sila ang naging tanging boses na naghatid ng makatotohanang balita sa mamamayang Pilipino.

Binansagan silang “Mosquito Press” sa paniniwalang sila ay maliit at panandaliang perwisyo lamang, tulad ng mga lamok na madaling tapikin. Ngunit, ang patuloy na ugong ng mga pahayagan tulad ng 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝗹𝗹𝗲𝗴𝗶𝗮𝗻 ay nag-iwan ng matinding “kagat” na nagpagising sa kamalayan ng buong bansa laban sa sensura at paglabag sa karapatang pantao.

Sa kabila ng banta ng pag-aresto at karahasan, ang tapang ng mga mamamahayag na ito ang nagpanatili sa liwanag ng demokrasya na kalaunan ay humantong sa 𝟭𝟵𝟴𝟲 𝗘𝗗𝗦𝗔 𝗣𝗲𝗼𝗽𝗹𝗲 𝗣𝗼𝘄𝗲𝗿 𝗥𝗲𝘃𝗼𝗹𝘂𝘁𝗶𝗼𝗻.

Patuloy na ipinapaalala ng kanilang sakripisyo na laging nagliliwanag ang katotohanan, at hindi ito kailanman matatabunan ng dilim.

——————

Isinulat ni: Cristan Bryle Loya
Dinisenyo ni: Caleb Carumba

𝗠𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗵𝗲 𝗟𝗮𝗭𝗘𝗔𝗟𝗹𝗶𝗮𝗻 𝗘𝘅𝗽𝗼𝘀𝗲́ 𝗵𝗮𝗯𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗶𝘁𝗶𝗻𝗮𝘁𝗮𝗴𝘂𝘆𝗼𝗱 𝗮𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗽𝗮𝗴𝗸𝗶𝗹𝗼𝘀, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at laging napapanahon sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

18/08/2026

𝐍𝐀𝐆𝐁𝐀𝐁𝐀𝐆𝐀𝐍𝐆 𝐁𝐀𝐋𝐈𝐓𝐀 | 𝘿𝙚𝙥𝙀𝙙, 𝙉𝙖𝙜𝙥𝙖𝙣𝙪𝙠𝙖𝙡𝙖 𝙣𝙜 𝙎𝙘𝙝𝙤𝙤𝙡-𝙇𝙚𝙫𝙚𝙡 𝘾𝙡𝙖𝙨𝙨 𝙍𝙚𝙨𝙪𝙢𝙥𝙩𝙞𝙤𝙣

Isinusulong ng Department of Education (DepEd) ang mga bagong emergency guidelines ngayong Martes, Agosto 18, 2026, upang bigyan ng awtoridad ang mga paaralan na magpasya sa muling pagbabalik ng klase matapos ang mga kalamidad at matinding dulot ng masamang panahon.

Ayon sa DepEd, layunin ng panukalang Executive Order (EO) na bigyan ng awtoridad ang mga paaralan na magpatupad ng school-level class resumption batay sa kanilang aktuwal na kalagayan at sitwasyon dahil sa tuloy-tuloy na pagbuhos ng malakas na ulan.

Sa ilalim ng panukala, maaaring magsagawa muli ng face-to-face classes ang mga paaralang nananatiling ligtas o mga lugar na kaunti lang ang natamong pinsala sanhi ng kalamidad, kahit may umiiral pang mas malawak na suspensyon ng klase sa kanilang lugar.

Gayunman, kinakailangan pa rin ang pakikipag-ugnayan at pagsang-ayon ng Local Government Unit (LGU) bago muling ipagpatuloy ang mga klase sa mga lungsod na ito.

Layunin ng panukala na mabawasan ang pagkabawas ng learning days habang pinananatiling prayoridad ang kaligtasan ng mga mag-aaral, g**o, at mga tauhan ng paaralan

—————————

Isinulat ni: Chyenne B. Omega
Dinisenyo ni: Raffie Luna

𝗠𝗮𝗴𝗶𝗻𝗴 𝗸𝗮𝗯𝗮𝗵𝗮𝗴𝗶 𝗻𝗴 𝗧𝗵𝗲 𝗟𝗮𝘇𝗲𝗮𝗹𝗹𝗶𝗮𝗻 𝗘𝘅𝗽𝗼𝘀𝗲́ 𝘀𝗮 𝗽𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝘁𝗶𝗻𝗶𝗴 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗮𝘁 𝗽𝗮𝗴𝘁𝗮𝘁𝗮𝗴𝘂𝘆𝗼𝗱 𝗻𝗴 𝗮𝘁𝗶𝗻𝗴 𝗺𝗴𝗮 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗸𝗮𝘁𝗼𝘁𝗼𝗵𝗮𝗻𝗮𝗻, 𝗮𝗸𝘀𝘆𝗼𝗻, 𝗮𝘁 𝗸𝗮𝘁𝗮𝗽𝗮𝘁𝗮𝗻.

Manatiling konektado at may sapat na kaalaman sa pamamagitan ng aming mga opisyal na pahina:
FB: The LaZEALlian Exposé
IG: thezealexpo

The LaZEALlian Exposé

22/08/2026

21/08/2026

21/08/2026

20/08/2026

20/08/2026

20/08/2026

19/08/2026

19/08/2026

19/08/2026

18/08/2026

Address

Website

Alerts

Contact The Business

Shortcuts

Share

Category

Listing takedown request