Bagwis-Agham

Home
Philippines
Davao City
Bagwis-Agham

Bagwis-Agham Ang Opisyal na Pahayagang Pangkampus sa Filipino ng Philippine Science High School Southern Mindanao Campus

2024 BEST SCHOOL PAPER IN THE PHILIPPINES

27/03/2025

𝗧𝗢 𝗜𝗡𝗙𝗜𝗡𝗜𝗧𝗬 𝗔𝗡𝗗 𝗕𝗘𝗬𝗢𝗡𝗗
𝗣𝗵𝗶𝗹𝗶𝗽𝗽𝗶𝗻𝗲 𝗦𝗽𝗮𝗰𝗲 𝗔𝗴𝗲𝗻𝗰𝘆, 𝗺𝘂𝗹𝗶𝗻𝗴 𝗻𝗮𝗴𝗵𝗮𝗻𝗱𝗼𝗴 𝗻𝗴 𝗹𝗲𝗰𝘁𝘂𝗿𝗲-𝗱𝗲𝗺𝗼 𝘀𝗮 𝗣𝗶𝘀𝗮𝘆-𝗗𝗮𝘃𝗮𝗼; 𝗻𝗮𝘁'𝗹 𝘀𝗽𝗮𝗰𝗲 𝗺𝗶𝘀𝘀𝗶𝗼𝗻, 𝘁𝗶𝗻𝘂𝘁𝘂𝗸𝗮𝗻

Upang palawakin ang kaalaman ng kabataang Pilipino sa space science, isinagawa ng Philippine Space Agency (PhilSA) ang School Visit and Technology Demonstration sa Philippine Science High School Southern Mindanao Campus (PSHS-SMC) noong ika-27 ng Marso 2025.

Sa pamamagitan ng mga talakayan, laro, at demonstration hinggil sa mga man-made satellites, binigyang-diin sa kaganapan ang papel ng bawat mamamayan sa pagpapatuloy ng space exploration sa bansa.

"Space exploration is not only for the most powerful nations of the world; it is for everyone... It is not only about sending satellites to space, it is about us, as a country, using space science to solve real-world problems and to elevate the quality of life of every Filipino," pahayag ni PSHS-SMC Student Services Division Chief Gng. Carolyn Mae Solamo sa Pambungad na Pananalita.

Naunang ibinahagi ni G. Neil Juvert Valentino, Senior Science Research Specialist sa PhilSA, ang kasaysayan ng PhilSA at ang mga pangunahing tungkulin nito sa pagbubuo ng mga space satellite.

Sunod na binigyang-liwanag nina Bb. Elaiza Pontrias, Science Research Specialist, at G. Angelo Ryan Velasco, Project Technical Specialist, ang upstream at downstream segments ng satellite technology o ang mga proseso ng pagbuo ng mga satellite at pagkalap ng datos mula sa mga ito.

Huli namang ipinakilala ni G. Lance Adrian Navor, Science Research Specialist I, ang iba't ibang uri ng satellite at ipinakita ang isa sa mga prototype ng CubeSat Maya satellite.

Ito ang pangalawang pagkakataong nakipag-ugnayan ang PhilSA sa PSHS-SMC, tatlong taon pagkatapos ng unang pagbisita nito noong ika-7 ng Oktubre 2022.

🖊️: Alexandrea Gamale
📷: Zyesca Kiz Lim
🎨: Anne Kyle Mantilla

22/03/2025

𝐒𝐔𝐑𝐄 𝐍𝐀 𝐒𝐔𝐑𝐄 𝐒𝐀 𝐈𝐋𝐎𝐂𝐎𝐒 𝐒𝐔𝐑!
𝐒𝐚𝐦𝐩𝐮𝐧𝐠 𝐢𝐬𝐤𝐨𝐥𝐚𝐫 𝐮𝐮𝐬𝐚𝐝 𝐬𝐚 𝟐𝟎𝟐𝟓 𝐍𝐚𝐭𝐢𝐨𝐧𝐚𝐥 𝐒𝐜𝐡𝐨𝐨𝐥𝐬 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞

Sa bakbakan kung saan talas ng isipan at husay sa labanan ng anggulo ang puhunan, muling pinatunayan ng Pisay-Davao na ang kanilang husay ay hindi lamang sa STEM, kung hindi pati na rin sa larangan ng pamamahayag!

Matapos ang matinding tagisan sa Regional Schools Press Conference ng Rehiyon XI noong Marso 17-21, 2025, hindi nagpatinag ang Bagwis-Agham. Sa nasabing kompetisyon, 10 iskolar ang nagpakitang gilas at matagumpay na susulong sa Vigan, Ilocos Sur.

Sa karagdagan, hinirang na 2nd runner-up si G. Johnel Lumacao sa Most Outstanding School Paper Adviser at 1st runner-up naman sa Pagsusulat ng Kolum sa Teacher’s Category.

Sa muling pagkakataon, ang Bagwis-Agham ay babagwis patungo sa pinakamataas na yugto ng kompetisyon—ang National Schools Press Conference.

Mula sa Bagwis-Agham, taas-noong pagbati sa lahat ng nagwagi at maging sa mga kalahok ng Region XI Regional Schools Press Conference 2025!

#𝗧𝗵𝗲𝗕𝗲𝘀𝘁𝗜𝘀𝗛𝗲𝗿𝗲
𝗕𝗮𝘀𝘁𝗮 𝗣𝗶𝘀𝗮𝘆, 𝗠𝗮𝗵𝘂𝘀𝗮𝘆!

Balita ni: Faith Hamchelle Leong

21/03/2025

𝐁𝐚𝐠𝐰𝐢𝐬-𝐀𝐠𝐡𝐚𝐦, 𝐦𝐮𝐥𝐢𝐧𝐠 𝐧𝐚𝐦𝐚𝐲𝐚𝐠𝐩𝐚𝐠 𝐬𝐚 𝐑𝐒𝐏𝐂 𝟐𝟎𝟐𝟓

Sa muling pagkakataon, nasungkit ng Bagwis-Agham ang Unang Gantimpala sa Seksyong Agham at Teknolohiya! Dagdag pa rito, nakamit din natin ang Ika-apat na pwesto sa Seksyong Balita at Ika-pitong pwesto sa Pahinang Lathalain.

Isang taos-pusong pasasalamat sa ating masisipag na manunulat, mapagtaguyod na mga magulang, PSHSSMC Foundation, Management Committee, at higit sa lahat—sa Poong Maykapal.

Ngayon, magbabagwis tayo patungong Vigan, Ilocos Sur para sa 2025 National Schools Press Conference!

Abangan ang ating patuloy na paglipad tungo sa husay at kahusayan sa larangan ng pamamahayag!

13/03/2025

𝗧𝗜𝗡𝗚𝗡𝗔𝗡 | 𝗣𝗶𝘀𝗮𝘆-𝗗𝗮𝘃𝗮𝗼, 𝗺𝗮𝘁𝗮𝗴𝘂𝗺𝗽𝗮𝘆 𝗻𝗮 𝗶𝘀𝗶𝗻𝗮𝗴𝗮𝘄𝗮 𝗮𝗻𝗴 𝗨𝗻𝗶𝘃𝗲𝗿𝘀𝗶𝘁𝘆 𝗙𝗮𝗶𝗿 𝘀𝗮 𝘁𝗮𝗼𝗻𝗴 𝗽𝗮𝗻𝘂𝗿𝘂𝗮𝗻 '𝟮𝟰-'𝟮𝟱

Nitong ika-10 hanggang ika-11 ng Marso, maraming tanyag na unibersidad ang inanyayahan ng Guidance Unit ng Pisay-Davao upang ibahagi sa mga iskolar ng Baitang 9-11 ang mga oportunidad sa kani-kanilang paaralan.

Binuksan nina Engr. Gernelyn T. Logrosa, Ph.D. at Ginoong Mark Jason Villanueva, mga ipinagmamalaking alumni ng Pisay-Davao, ang programa sa pamamagitan ng pagbibigay ng payo sa mga iskolar batay sa kanilang sariling mga karanasan.

Sa paunang talumpati ni Engr. Logrosa, binigyang-diin niya ang kabutihang dulot ng pagsasaliksik para sa ating kapaligiran at kung paano naging kapaki-pakinabang sa kanya ang paghuhubog ng kanyang alma mater sa kanyang disiplina.

"Research is not only a requirement, but a study that helps us value the fundamental skills we learn in high school," aniya.

Kabilang sa mga dumalong paaralan ang mga kilalang unibersidad gaya ng Unibersidad ng Santo Tomas, Unibersidad ng Pilipinas, National University, Pamantasan ng Timog-Silangang Pilipinas, Unibersidad ng Mindanao, Ateneo, San Pedro College, Lyceum of the Philippines, Tzu Chi University, at Davao Medical School Foundation, Inc.

Nagbahagi rin ang AECC Philippines ng mga programa para sa mga iskolar na interesadong mag-aral sa ibang bansa.

Inaasahan na, sa kahit munting paraan, ito ay makatutulong sa mga iskolar na mapagtanto ang kani-kanilang mga pangarap at makapili ng landas na pinakamainam para sa kanila.

🖋️: Estelle Zoe Athena Maturan
📷: Christine Gomez, Rhaizyll Clyte Giltendez, at Kryst Irle Toledo
🎨: Frezhia Eunice Minoy

09/03/2025

𝗧𝗜𝗡𝗚𝗡𝗔𝗡 | 𝗛𝗮𝗻𝗱𝗼𝗴 𝗻𝗮 𝘀𝗼𝗿𝗯𝗲𝘁𝗲𝘀 𝗻𝗴 𝗣𝗶𝘀𝗮𝘆-𝗗𝗮𝘃𝗮𝗼 𝗦𝘁𝘂𝗱𝗲𝗻𝘁 𝗚𝗼𝘃𝗲𝗿𝗻𝗺𝗲𝗻𝘁, 𝗽𝗶𝗻𝗮𝗴𝗸𝗮𝗸𝗮𝗴𝘂𝗹𝘂𝗵𝗮𝗻 𝗻𝗴 𝗺𝗴𝗮 𝗶𝘀𝗸𝗼𝗹𝗮𝗿

Matapos ang mahabang linggo ng mga pagsusulit, naghandog ang Student Government ng isang sweet treat para sa mga iskolar.

Hindi lamang naging pampalamig ang libreng sorbetes sapagka't naging simbolo rin ito ng matamis na tagumpay ng pagtatapos ng Ikatlong Kwarter.

Ngunit, habang saglit na naitabi ng mga mag-aaral ang kanilang pagod mula sa mga eksaminasyon, tuloy pa rin ang pagsisikap sa papalapit na huling markahan.

𝐌𝐮𝐥𝐚 𝐬𝐚 𝐁𝐚𝐠𝐰𝐢𝐬-𝐀𝐠𝐡𝐚𝐦, 𝐢𝐬𝐚𝐧𝐠 𝐦𝐚𝐥𝐮𝐠𝐨𝐝 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐩𝐚𝐠𝐭𝐚𝐭𝐚𝐩𝐨𝐬 𝐧𝐠 𝐈𝐤𝐚𝐭𝐥𝐨𝐧𝐠 𝐊𝐰𝐚𝐫𝐭𝐞𝐫!

🖊️: Ricagen Genita
📷: Denzel Heart Hontanosas at Vince Godwin Verzo
🎨: Frezhia Eunice Minoy

04/03/2025

𝗕𝗔𝗚𝗢 𝗟𝗔𝗡𝗚 | 𝟱.𝟰-𝗺𝗮𝗴𝗻𝗶𝘁𝘂𝗱𝗲 𝗹𝗶𝗻𝗱𝗼𝗹, 𝘁𝘂𝗺𝗮𝗺𝗮 𝘀𝗮 𝗗𝗮𝘃𝗮𝗼 𝗗𝗲𝗹 𝗦𝘂𝗿; 𝗣𝗶𝘀𝗮𝘆-𝗗𝗮𝘃𝗮𝗼, 𝗻𝗮𝗻𝗮𝘁𝗶𝗹𝗶𝗻𝗴 𝗹𝗶𝗴𝘁𝗮𝘀

Matapos yumanig ang isang magnitude 5.4 na lindol bandang 9:45 ng umaga ngayong ika-4 ng Marso 2025, walang naitalang pinsala ang Philippine Science High School Southern Mindanao Campus (PSHS-SMC).

Kinumpirma ito ng awtoridad ng PSHS-SMC bandang 10:00 AM pagkatapos ng agarang pag-evacuate at pagsusuri ng mga gusali.

Ayon sa Philippine Institute of Volcanology and Seismology, Intensity III ang naramdamang lakas ng lindol sa Davao City, habang Intensity V naman sa epicenter sa Matanao, Davao Del Sur.

𝐌𝐚𝐧𝐠𝐲𝐚𝐫𝐢𝐧𝐠 𝐦𝐚𝐧𝐚𝐭𝐢𝐥𝐢𝐧𝐠 𝐚𝐥𝐞𝐫𝐭𝐨 𝐚𝐧𝐠 𝐥𝐚𝐡𝐚𝐭 𝐩𝐚𝐫𝐚 𝐬𝐚 𝐩𝐨𝐬𝐢𝐛𝐥𝐞𝐧𝐠 𝐩𝐚𝐠𝐲𝐚𝐧𝐢𝐠 𝐧𝐠 𝐦𝐠𝐚 𝐚𝐟𝐭𝐞𝐫𝐬𝐡𝐨𝐜𝐤. 𝐇𝐮𝐰𝐚𝐠 𝐤𝐚𝐥𝐢𝐦𝐮𝐭𝐚𝐧𝐠 𝐦𝐚𝐠-𝐝𝐮𝐜𝐤, 𝐜𝐨𝐯𝐞𝐫, 𝐚𝐧𝐝 𝐡𝐨𝐥𝐝 𝐛𝐚𝐠𝐨 𝐦𝐚𝐠-𝐞𝐯𝐚𝐜𝐮𝐚𝐭𝐞.

🖊️: Alexandrea Gamale
📷: Denzel Heart Hontanosas
🎨: Anne Kyle Mantilla

01/03/2025

𝗦𝗔 𝗣𝗔𝗚𝗧𝗔𝗧𝗔𝗣𝗢𝗦 𝗡𝗚 𝗙𝗘𝗕-𝗜𝗕𝗜𝗚 | 𝗣𝗮𝗴𝗯𝗮𝗯𝗮𝗹𝗶𝗸-𝘁𝗮𝗻𝗮𝘄 𝘀𝗮 𝗣𝗶𝘀𝗮𝘆-𝗗𝗮𝘃𝗮𝗼 𝗖𝗵𝗲𝗺𝗶𝘀𝘁𝗿𝘆 𝗗𝗮𝘆

"Chemical Equilibrium!"—marahil ito ang isasagot sa iyo ng isang iskolar kapag tinanong mo siya kung anong paksa sa Chemistry ang unang pinakatumatak sa kanya. Matapos ang maraming taon ng pag-eeksperimento at pagsagot sa mga tatlong pahinang laboratory reports, isa ito sa mga paksang malalim na nakabaon sa Foundation at Advancement Years ng kurikulum ng Pisay-Davao. "The rate of the forward reaction equals the rate of the reverse reaction"—ganito ang pormal na pagkakahulugan ng chemical equilibrium.

Tila matalinghaga ang mensaheng pinapadala ng pagtatagpo ng pagdiriwang ng Araw ng Kemika at Araw ng mga Puso. Ipinapaalala nito na ang equilibrium ay hindi lamang natatagpuan sa mga reaksyong kemikal kundi maging sa mga "highly volatile" na estado ng mga relasyon. Sa bawat samahan, maging ito man ay sa pamilya, kaibigan, o iniibig, dapat ay may pantay na sikap mula sa magkabilang panig. Ang pag-ibig, tulad ng isang balanseng kemikal na reaksyon, ay nangangailangan ng patuloy na pagpapadama ng halaga at pagpapahalaga upang manatili sa estado ng katiwasayan.

Noong ika-14 ng Pebrero 2025, nasuklian ng masiglang pakikilahok at pananabik ang dedikasyon ng iilang iskolar sa pagtatayo ng kani-kanilang mga Chemistry-themed booths. Malaki itong patunay sa mahiwagang "chemical equilibrium" sapagkat isang napakagandang pagtatapos ng araw ang makita na ang tunay na bumubuo sa ating komunidad ay ang pagpapahalaga at pagsuporta sa isa't isa.

𝐈𝐭𝐨'𝐲 𝐩𝐚𝐫𝐚 𝐬𝐚 𝐩𝐚𝐭𝐮𝐥𝐨𝐲 𝐧𝐚 𝐩𝐚𝐠𝐝𝐢𝐰𝐚𝐧𝐠 𝐧𝐠 𝐀𝐫𝐚𝐰 𝐧𝐠 𝐊𝐚𝐩𝐧𝐚𝐲𝐚𝐧 𝐬𝐚 𝐏𝐢𝐬𝐚𝐲-𝐃𝐚𝐯𝐚𝐨!

🖊️: Estelle Zoe Athena Maturan
📷: Denzel Heart Hontanosas. Rhaizyll Clyte Giltendez, at Christine Gomez
🎨: Frezhia Eunice Minoy at Anne Kyle Mantilla

28/02/2025

𝗧𝗜𝗡𝗚𝗡𝗔𝗡 | 𝗔𝗻𝗶 𝗔𝗿𝘁𝘀 𝗙𝗲𝘀𝘁𝗶𝘃𝗮𝗹 𝟮𝟬𝟮𝟱, 𝗻𝗮𝗴𝗯𝗶𝗴𝗮𝘆-𝗽𝘂𝗴𝗮𝘆 𝘀𝗮 𝗺𝗮𝘆𝗮𝗺𝗮𝗻𝗴 𝗸𝘂𝗹𝘁𝘂𝗿𝗮’𝘁 𝘀𝗶𝗻𝗶𝗻𝗴 𝗻𝗴 𝗠𝗶𝗻𝗱𝗮𝗻𝗮𝗼; 𝗣𝘂𝗻𝗴𝗸𝗼, 𝗺𝘂𝗹𝗶𝗻𝗴 𝗯𝗶𝗻𝗶𝗴𝘆𝗮𝗻𝗴-𝗯𝘂𝗵𝗮𝘆 𝗮𝗻𝗴 𝗽𝗮𝗻𝗶𝘁𝗶𝗸𝗮𝗻𝗴 𝗠𝗶𝗻𝗱𝗮𝗻𝗮𝗼𝗮𝗻

Matagumpay na natapos ang Ani Arts Festival 2025 nitong Pebrero 28, 2025, na nagsilbing daan upang ipagdiwang ang makulay na tradisyon sa ilalim ng temang "Weaving tomorrow from the fabrics of time."

Ayon kay Bb. Krishna Mie C. Zabate, pinuno ng VEPS Unit, "Like threads woven into fabric, our stories, struggles, and dreams come together to form something strong and beautiful. Through art, we remember the past, embrace the present, and shape the future," na nagbigay-diin sa kahalagahan ng sining bilang tagapag-ugnay ng nakaraan at kinabukasan.

𝗣𝗮𝘀𝘂𝗻𝗱𝗮𝘆𝗮𝗴 𝗻𝗴 𝗚𝗮𝗹𝗶𝗻𝗴
Magilas na pagtatanghal ang bumungad sa kulminasyon sa pangunguna ng Kaliwat Performing Arts Collective, Inc. Sinundan ito nang masiglang kantahan ng SMC Personnel Sessionista sa ilang kilalang OPM hit songs.

Hindi nagpatalo sa isang madamdaming interpretasyon si Ulrichzander Vonn Baterbonia sa kuwento ng "Migkiping and the Three Gold Coins", na nagpakita ng mayamang alamat ng kulturang Mindanaoan.

Nagpamalas din ng husay sa ballet si Mary Viena Louise Tongcua habang ipinakita naman ni Jan Christopher Rebuyon ang kanyang makabagbag-damdaming interpretative dance.

Bilang pampinid, muling nagpakitang-gilas ang Kaliwat Performing Arts Theatre Collective ng isang masining na pagtatanghal na nagsilbing angkop na pagtatapos sa matagumpay na festival.

𝗣𝘂𝗻𝗴𝗸𝗼𝗻𝗴 𝗣𝗮𝗻𝗴𝗸𝘂𝗸𝘄𝗲𝗻𝘁𝗼
Noong Miyerkules naman, binigyang kulay ng tatlong iskolars ang mga kwento at panitikan sa pamamagitan ng "Pungko," isang sesyon ng pagkukuwento na ginanap sa PSHS-SMC Auditorium mula alas tres hanggang alas singko ng hapon. Sa pagtatanghal na ito, itinampok ang tatlong kwento mula sa iba’t ibang rehiyon at kultura ng Mindanao.

Ang mga iskolar na nagbahagi ay sina Ritchzen Quiñal sa kuwentong "Si Pilandok at ang Batingaw," na sinundan ni Cedi Banga sa "Ang Bata na Dili Matulog,” at huli nito’y si Ulrichzander Vonn Baterbonia sa "Migkiping and the Three Gold Coins," isang kuwentong nagpakita ng kulturang Mindanaoan.

"Mahalaga rin na tuklasin at alamin ang kultura ng iba at hindi ang pansariling kultura lamang upang maging mulat," pahayag ni Quiñal sa kahalagahan ng pagkilala sa magkakaibang kultura.

Nagsilbing tulay ang pagdiriwang na ito sa pagitan ng mga kwento ng nakaraan at ng masiglang pagdiriwang ng sining sa kasalukuyan.

🖋️: Hayly Venice Diente, Kathleen Rose Pasaol, at Estelle Zoe Athena Maturan
📷: Francis Gabriel Dangoy, Christine Gomez, Denzel Heart Hontanosas, at Rhaizyll Clyte Giltendez
🎨: Frezhia Eunice Minoy

25/02/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝗔𝗻𝗶 𝗔𝗿𝘁𝘀 𝗙𝗲𝘀𝘁𝗶𝘃𝗮𝗹, 𝗼𝗽𝗶𝘀𝘆𝗮𝗹 𝗻𝗮 𝗻𝗮𝗴𝘀𝗶𝗺𝘂𝗹𝗮

Kasabay ang Philippine National Arts Month ngayong Pebrero, naghatid ng saya, sigla, at di-malilimutang enerhiya ang pagbubukas ng Ani Arts Festival sa Philippine Science High School Southern Mindanao Campus noong ika-24 ng Pebrero. Mula sa masasayang palaro hanggang sa masisiglang awitan at sayawan, pinapatunayan na ang sining ay hindi lamang ipinapakita, kundi isinasabuhay at ibinabahagi sa isa’t isa.

Nagsimula ang Ani Arts festival sa pamamagitan ng ribbon cutting para sa Lantaw Art Exhibit sa umaga, at sinundan naman ito ng Katiguman Theatre Workshop sa hapon. Dumalo at nakiisa rito ang mga mag-aaral mula baitang 7 hanggang 12.

“Theatre mirrors the community’s life,” mahalagang pabaon mula kay Gng. Sheila Labos, isang miyembro ng Kaliwat Performing Artists Collective. Ito'y isang paalala sa lahat na sa bawat pagtatanghal, hindi lang tayo nanonood ng kwento kundi sumasaksi rin sa sarili nating realidad.

Sunod na gaganapin ang Pungko, isang patimpalak ng pagsasalaysay, ngayong ika-26 ng Pebrero.

🖋: Rhaizyll Clyte Giltendez at Kryst Irle Toledo
📷: Denzel Heart Hontanosas at Christine Gomez

22/02/2025

𝗧𝗜𝗡𝗚𝗡𝗔𝗡 | 𝗣𝗶𝘀𝗮𝘆-𝗕𝗶𝗰𝗼𝗹, 𝗺𝗮𝗹𝘂𝗴𝗼𝗱 𝗻𝗮 𝗯𝗶𝗻𝗮𝘁𝗶 𝗻𝗴 𝗣𝗶𝘀𝗮𝘆-𝗗𝗮𝘃𝗮𝗼; 𝗗𝗮𝗻𝘇𝗮 𝗦𝗲𝗿𝗲𝗻𝗮𝘁𝗮, 𝗵𝘂𝗺𝗮𝗿𝗮𝗻𝗮 𝘀𝗮 𝗶𝘀𝗮𝗻𝗴 𝗥𝗼𝗻𝗱𝗮𝗹𝗹𝗮 𝗦𝗵𝗼𝘄𝗰𝗮𝘀𝗲

Ngayong ika-21 ng Pebrero, malugod na tinanggap ng Pisay-Davao ang mahigit-kumulang 23 mag-aaral mula sa Pisay Bicol Region Campus. Sa maikling oras ng pakikihalubilo at pagpapakilala, muling naipaalala sa atin na ang mga Iskolar ng Bayan ay hindi lamang pinag-uugnay ng agham at edukasyon kundi pati ng diwa ng pagkakaisa. Wala nang mas magandang pagtatapos sa linggong ito kundi ang paalalang tayo ay bahagi ng isang mas malawak na komunidad na magkasamang naglalakbay sa landas ng pagkatuto at paglilingkod sa bayan.

Nagbigay rin ng kahanga-hangang pagtatanghal ang Pisay Denza Serenata kung saan itinampok nila ang mga lokal na musika mula sa Bicol. Isang karangalan ang kanilang pagbisita sa Pisay-Davao matapos nilang lumahok sa Musikahan National Rondalla Competition sa Lungsod ng Tagum.

𝐈𝐬𝐚𝐧𝐠 𝐦𝐚𝐢𝐧𝐢𝐭 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐚𝐦𝐢𝐧𝐠 𝐦𝐠𝐚 𝐩𝐚𝐧𝐚𝐮𝐡𝐢𝐧 𝐦𝐮𝐥𝐚 𝐬𝐚 𝐁𝐢𝐜𝐨𝐥! 𝐇𝐚𝐧𝐠𝐠𝐚𝐧𝐠 𝐬𝐚 𝐦𝐮𝐥𝐢, 𝐏𝐢𝐬𝐚𝐲-𝐁𝐑𝐂!

🖊️: Estelle Zoe Athena Maturan
🎨: Frezhia Minoy
📸: Denzel Heart Hontanosas, Francis Dangoy, at Christine Gomez

08/02/2025

𝗣𝗔𝗡𝗢𝗢𝗥𝗜𝗡 | 𝗢𝗮𝘀𝗶𝗼𝗮𝘀 𝗗𝗮𝗻𝗰𝗲 𝗧𝗿𝗼𝘂𝗽𝗲 𝘀𝗮 𝗶𝗸𝗮-𝟯𝟳 𝗙𝗼𝘂𝗻𝗱𝗮𝘁𝗶𝗼𝗻 𝗗𝗮𝘆 𝗻𝗴 𝗣𝗶𝘀𝗮𝘆-𝗗𝗮𝘃𝗮𝗼

Agaw-hininga ang tatak-Mindanao na pag-ensayo ng Oasioas Dance Troupe sa Opening Program ng ika-37 Foundation Day ng Pisay-Davao.

Sa pagbagsak ng mga kahoy at pag-indayog ng mga salakot, namangha ang madla sa talento at husay na ipinamalas ng Oasioas.

📹: Christine Gomez

08/02/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝗣𝗶𝘀𝗮𝘆-𝗗𝗮𝘃𝗮𝗼 𝟯𝟳𝘁𝗵 𝗙𝗼𝘂𝗻𝗱𝗮𝘁𝗶𝗼𝗻 𝗗𝗮𝘆 𝗕𝗼𝗼𝘁𝗵 𝗙𝗮𝗶𝗿

Puno ng galak at sigla ang mga inihandang booth sa ika-37 na Founding Anniversary ng Pisay-Davao noong ika-7 ng Pebrero 2025. Tingnan sa mga larawan ang diwa ng pistang Pisay.

📷: Francis Gabriel Dangoy, Rhaizyll Clyte Giltendez, Christine Gomez, Denzel Heart Hontanosas, at Kryst Irle Toledo

08/02/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝗣𝗶𝘀𝗮𝘆-𝗗𝗮𝘃𝗮𝗼 𝟯𝟳𝘁𝗵 𝗙𝗼𝘂𝗻𝗱𝗮𝘁𝗶𝗼𝗻 𝗗𝗮𝘆 𝗢𝗽𝗲𝗻𝗶𝗻𝗴 𝗣𝗿𝗼𝗴𝗿𝗮𝗺

Malugod na binati ng Pisay-Davao ang ika-37 Founding Anniversary nito sa pamamagitan ng Ecumenical Thanksgiving Service at Opening Program na naging ubod ng kulay at musikang Pinoy at nagbuklod sa komunidad.

📷: Francis Gabriel Dangoy, Rhaizyll Clyte Giltendez, Christine Gomez, Denzel Heart Hontanosas, Zyescha Kiz Lim, at Kryst Irle Toledo

08/02/2025

𝗦𝗮 𝗽𝗮𝗴𝗶𝗴𝗶𝗻𝗴 𝗶𝘀𝗸𝗼𝗹𝗮𝗿 𝗻𝗴 𝗯𝗮𝘆𝗮𝗻
'𝗥𝗶𝗱𝗲 𝘁𝗵𝗿𝗼𝘂𝗴𝗵 𝘁𝗵𝗲 𝗰𝗿𝗲𝘀𝘁𝘀 𝗮𝗻𝗱 𝘁𝗿𝗼𝘂𝗴𝗵𝘀 𝗼𝗳 𝗹𝗶𝗳𝗲'—𝗕𝗮𝘁𝗰𝗵 𝟭𝟵𝟵𝟵 𝗮𝗹𝘂𝗺𝗻𝗮

Sa kaniyang talumpati sa Opening Program ng 37th Foundation Day ng Philippine Science High School Southern Mindanao Campus (PSHS-SMC), ibinahagi ng Batch 1999 Most Outstanding Alumna ang kaniyang paglago bilang indibidwal matapos makapag-aral sa Pisay.

Para kay Dr. Maria Angela Zafra, susi ang pagtanggap at kakayahang umangkop sa paghubog ng katatagang nagbigay-daan sa kaniyang pagtagumpay mula environmental science hanggang sa paggawa ng polisiyang pampubliko.

"This is the adventure that we call life, and I am riding the crests and troughs of it," sambit niya habang iminumungkahi ang mga mag-aaral na maging mapagpasalamat kung saanman sila dalhin ng alon ngayong araw at sa hinaharap.

Nagtapos ng BS Environmental Science sa Ateneo de Manila University at PhD sa Ateneo de Davao University, si Dr. Zafra ang isa sa mga nagtatag ng Strategia Development Research Institute Inc., isang pamantasang gumagawa at nagsusuri ng mga sosyo-ekonomikong polisiya.

𝗣𝗮𝗴𝗸𝗮𝗸𝗮𝗽𝗶𝘁-𝗯𝗶𝘀𝗶𝗴 𝗽𝗮𝗿𝗮 𝘀𝗮 𝗵𝗶𝗻𝗮𝗵𝗮𝗿𝗮𝗽

Nauna namang binanggit ni Campus Director Dr. Jonald Fenecios ang kaniyang mithiing manatili ang pakikiisa ng mga iskolar at kawani laban sa mga pagsubok na haharapin sa bagong kabanata ng PSHS-SMC.

"Together, we will face new challenges, embrace new opportunities. With that, let us continue to make this place a place of integrity, excellence, and service to nation," aniya.

Dagdag pa ni Dr. Fenecios na maisapuso ng bawat miyembro ng PSHS-SMC ang misyon ng paaralan na isulong ang dekalidad na edukasyong pang-agham na kasangga ang katapatan, kahusayan, at paglilingkod sa bayan.

Ang tema ng Foundation Day ngayong taon ay "Lungtad! Moving Forward, Embracing Progress, and Shaping Tomorrow."

🖊️: Krishna Jazz Ares at Alexandrea Gamale
🎨: Anne Kyle Mantilla

06/02/2025

𝗡𝗚𝗔𝗬𝗢𝗡𝗚 𝗔𝗥𝗔𝗪 | 𝗣𝗮𝗴𝗱𝗶𝗿𝗶𝘄𝗮𝗻𝗴 𝘀𝗮 𝗣𝗶𝘀𝗮𝘆-𝗗𝗮𝘃𝗮𝗼 𝗙𝗼𝘂𝗻𝗱𝗶𝗻𝗴 𝗔𝗻𝗻𝗶𝘃𝗲𝗿𝘀𝗮𝗿𝘆

Mula noong 1988, naging tanglaw ng karunungan ang isang munting espasyo sa Lungsod ng Dabaw sa mga kabataang may nagniningning na pangarap at alab ng talino. Sa loob ng mga asul at puting pader ng Philippine Science High School Southern Mindanao Campus (Pisay-SMC), hindi lamang mga pormula at teorya ang hinuhubog, kundi pati mga pangarap na naglalakbay lampas sa hanggahan ng imahinasyon. Pinayayabong ang bawat mag-aaral hanggang sila'y mamukadkad bilang mga haligi at tanggulan ng kinabukasan ng ating bayan. Dito, ang bawat hakbang ay patungo sa hinaharap, at ang bawat pagsisikap ay binhi ng tagumpay.

Sa tatlong dekada at higit pa, inukit ng bawat g**o, mag-aaral, kawani, at pinuno ang kanilang pangalan sa kasaysayan ng Pisay-Davao. Patuloy na dumadaloy sa ilog ng kaalaman ang kanilang sakripisyo at dedikasyon patungo sa mas maliwanag na bukas. Hindi lamang natin ginugunita ang nakaraan, kundi ipinagdiriwang din natin ang patuloy na pagyabong ng isang pamantasang itinayo sa pundasyon ng talino, sipag, at integridad.

Sa bawat pagsikat ng araw, muling isinusulat ng Pisay-SMC ang hinaharap kung saan ang agham at teknolohiya ay magsisilbing gabay sa pagbuo ng isang mas makabuluhan at mas makatarungang mundo.

Nakikiisa ang Bagwis-Agham sa pagdiriwang ng ika-37 na anibersaryo ng pagkatatag ng Philippine Science High School Southern Mindanao Campus.

𝐌𝐚𝐛𝐮𝐡𝐚𝐲 𝐤𝐚, 𝐏𝐢𝐬𝐚𝐲-𝐒𝐌𝐂!

🖊: Estelle Zoe Athena Maturan
🎨: Frezhia Eunice Minoy at Alexandrea Gamale

03/02/2025

𝗣𝗔𝗕𝗔𝗧𝗜𝗗 | 𝗣𝗶𝘀𝗮𝘆-𝗗𝗮𝘃𝗮𝗼, 𝘁𝗮𝘁𝗹𝗼𝗻𝗴 𝘀𝘂𝗻𝗼𝗱 𝗻𝗮 𝘁𝗮𝗼𝗻𝗴 𝗸𝗮𝗺𝗽𝗲𝗼𝗻 𝘀𝗮 𝗗𝗶𝘃𝗶𝘀𝗶𝗼𝗻 𝗦𝗰𝗵𝗼𝗼𝗹𝘀 𝗣𝗿𝗲𝘀𝘀 𝗖𝗼𝗻𝗳𝗲𝗿𝗲𝗻𝗰𝗲

Matapos ang labanan ng anggulo mula Enero 29 hanggang Enero 31, muling pinarangalan para sa ikatlong pagkakataon ang Philippine Science High School Southern Mindanao Campus (PSHS-SMC) bilang 1st Top Performing Public School.

Sa Individual at Group Events ng Secondary Level, 27 iskolar ang kwalipikado para sa Regional Schools Press Conference—12 mula sa Sci-Wings at 15 mula sa Bagwis-Agham.

Dagdag pa rito, hinirang bilang Most Outstanding Campus Journalist si John Gabriel Bedez ng Sci-Wings, habang Most Outstanding School Paper Adviser naman si G. Johnel Lumacao ng Bagwis-Agham.

-

Mula sa Bagwis-Agham, isang mainit na pagbati sa mga nagwagi at maging sa mga nakilahok sa Davao City Division Schools Press Conference 2025, kung saan .

𝐊𝐢𝐭𝐚𝐤𝐢𝐭𝐬, 𝐒𝐭𝐚. 𝐂𝐫𝐮𝐳!

🎨: Frezhia Eunice Minoy, Anne Kyle Mantilla, at Alexandrea Gamale

01/02/2025

𝗧𝗮𝗻𝗮𝘄 𝗮𝗻𝗴 𝗣𝗮𝗮𝗹𝗮𝗺 𝘀𝗮 𝗕𝗮𝗻𝗮𝘆𝗮𝗱 𝗻𝗮 𝗔𝗹𝗼𝗻

Isang masigasig at matagumpay na ang naganap sa PSHS-SMC! Sa loob ng dalawang araw, sabay-sabay nating nasaksihan ang determinasyon, pagsubok sa kakayahan, at pagpapamalas ng husay sa agham at teknolohiya ng bawat Tidarian.

Ang bawat kontribusyon at hakbang ninyo ay isang patunay ng walang sawa na pagsisikap at pagmamahal sa STEM. Maraming salamat sa pagtangkilik sa mga kamangha-manghang kaganapan mula sa Sci-Mates at mga pabatid ng BAGWIS-AGHAM at SCI-WINGS.

Binabati namin ang lahat ng mga kalahok sa bawat kategorya! Ang bawat isa ay lumahok at nagbahagi ng kanilang galing at talento, kaya hindi matatawaran ang inyong mga kontribusyon.

Ngunit isang subcamp ang nagtagumpay at nakamit ang pinapangarap na tagumpay. Kaya’t bigyan natin ng masigabong hiyawan at palakpakan ang subcamp ng Pelagi, ang nagwaging overall champion ng STEM Camp 2025.

MABUHAY ANG PISAY! HANGGANG SA MULING SUGPAAN NG STEM CAMP!

Ang ating paglalakbay ay hindi nagtatapos dito. Patuloy tayong magsusumikap tungo sa isang mas maliwanag na bukas para sa agham, kalikasan, at kaalaman.

𝑯𝒂𝒏𝒈𝒈𝒂𝒏𝒈 𝒔𝒂 𝒎𝒖𝒍𝒊, 𝑨𝒆𝒅𝒔𝒖𝒂𝒆, 𝑻𝒊𝒅𝒂𝒓𝒊𝒂𝒏𝒔. 𝑺𝒂𝒇𝒊𝒎 𝑬𝒐!

🖊️: Rouza Diel
🎨: Frezhia Minoy
📸: Rhaizyll Giltendez, Francis Dangoy, Christine Gomez, at Ah-ki Toledo

Address

Sto. Nino, Tugbok District
Davao City
8000

Website

https://issuu.com/bagwis-agham

Alerts

Be the first to know and let us send you an email when Bagwis-Agham posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bagwis-Agham:

Videos

𝗣𝗔𝗡𝗢𝗢𝗥𝗜𝗡 | 𝗢𝗮𝘀𝗶𝗼𝗮𝘀 𝗗𝗮𝗻𝗰𝗲 𝗧𝗿𝗼𝘂𝗽𝗲 𝘀𝗮 𝗶𝗸𝗮-𝟯𝟳 𝗙𝗼𝘂𝗻𝗱𝗮𝘁𝗶𝗼𝗻 𝗗𝗮𝘆 𝗻𝗴 𝗣𝗶𝘀𝗮𝘆-𝗗𝗮𝘃𝗮𝗼 Agaw-hininga ang tatak-Mindanao na pag-ensayo ng Oasioas Dance Troupe sa Opening Program ng ika-37 Foundation Day ng Pisay-Davao. Sa pagbagsak ng mga kahoy at pag-indayog ng mga salakot, namangha ang madla sa talento at husay na ipinamalas ng Oasioas. 📹: Christine Gomez

𝐏𝐀𝐍𝐎𝐎𝐑𝐈𝐍 | Bilang mga otters na pinapanatili ang katahimikan at maayos na daloy ng tubig, sinigurado rin ng Limni na dumadaloy rin ang sigaw at palakpakan ng mga Tidarian sa mga kantang 'Pantropiko' at 'Hallelujah.' #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Ang mga Tidarian na laging nakasubaybay sa nakaraan o kung paano nagbabago ang daloy at anyo ng tubig. Kahit pa man Fora ang huling nagtanghal sinigurado nilang buhay na buhay pa rin ang entablado at mga madla sa kanilang mga kanta na 'Huwag na Huwag Mong Sasabihin' at 'Bulong.' #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Bilang mga oceanographers na nakikinig sa himig at ritmo ng karagatan. Sila naman ang nagdala ng kanilang himig at ritmo sa mga Tidarians, sa mga kantang ‘Awit ng Kabataan' at ‘Liwanag sa Dilim’. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Matapos madiskubre ang mga sekreto sa ilalim ng karagatan, ibinahagi naman ng Okeana— Ocean Geologists, ang kanilang tinatagong talento sa battle of the bands sa mga kantang inalay sa mga Tidarian, ‘Atlantis at ‘Sirena'. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Pagkatapos lakbayin at intindihin ang mga nilalang na naninirahan sa kinailalim ng karagatan at ang balanse ng buhay upang mapanatili ito, ibinida ng Pelagi ang mga kantang 'Payphone,' 'Complicated,' 'Need You Now,' at 'Yellow,' mga kantang tugma sa kulay na kanilang hinihirang. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Bilang mga Tidarian na nakapokus sa pag-aaral ng algae, binigyang buhay ng Fykia ang entablado at madla sa awiting 'Ere' na kanilang inihadog para sa mga nasasabik na tagapakinig. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Ang kanta ng mga Riverine Ecologists na nagaaral sa relasyon ng mga nilalang sa tubig-tibang na ekosistema, ‘Magasin’, ang nagbigay-daan para magkaroon ng koneksyon ang mga Tidarian. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Bilang mga tagapakinig sa mga bulong ng mga sikreto sa kailaliman ng karagatan, ang mga Bentic Zone Researchers, kanilang ibinida sa madla ang kanilang boses sa pagtanghal ng mga kantang ‘Upuan’ at ‘Bulong'. #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Ang mga Coral Reef Biologists na nakapokus sa pagaaral ng mga kumplikadong coral ekosistema ay siyang binida rin ang kanilang husay sa pagkanta sa pamamagitan ng kanilang mga kanta na 'Huling Sayaw' at 'Di na Muli.' #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Ang kanilang dedikasyon na protektahan at panatilihin ang balanse sa karagatan ay siyang dinala rin nila sa entablado. Inaliw ng Psaria ang mga Tidarian sa kanilang mga kanta na 'Mundo' at 'Ruler of My Heart.' #STEMCamp2025 🖋️: Kathleen Pasaol 📷: Christine Gomez

𝐏𝐀𝐍𝐎𝐎𝐑𝐈𝐍 | Ang pagintindi sa siklo ng tubig ang trabaho ng mga Nero, kanila namang pinakitang-gilas ang kanilang galing din sa pagpapahiyaw sa madla sa kanilang mga kanta na 'Ulan' at 'Basang-Basa sa Ulan.' #STEMCamp2025 🖋️: Kathleen Pasaol 📷: Christine Gomez

Bagwis-Agham

27/03/2025

22/03/2025

21/03/2025

13/03/2025

09/03/2025

04/03/2025

01/03/2025

28/02/2025

25/02/2025

22/02/2025

08/02/2025

08/02/2025

08/02/2025

08/02/2025

06/02/2025

03/02/2025

01/02/2025

Address

Website

Alerts

Contact The Business

Videos

Shortcuts

Share

Category