08/06/2026
Swerte ba or may dahilan ?
May dalawang tao na nahihirapan makatawid dahil sa lakas ng pag yanig ng lindol, kung makikita mo sa videong ito, halos hindi sila makalakad dahil sa lakas at dahil na rin siguro sa kaba na nararamdaman nila. Nang makatawid na sila , in 15seconds , gumuho agad ang kilalang gusali..
Sa 15 segundo, maraming pwedeng mangyari. Isang huling text. Isang huling dasal. Isang hakbang paakyat o pababa. Pero andito ka parin. Humihinga. Buo.
Hindi ito basta "swerte". Ang Panginoon minsan hindi inaalis ang lindol sa buhay natin. Hinahayaan Niyang manginig ang lupa para maalala natin kung sino ang hindi nanginginig. Hinahayaan Niyang gumuho ang mga pader para mapagtanto natin na Siya lang ang pundasyong hindi nababasag.
"Kahit bumagsak ang libo sa iyong tabi, ikaw ay hindi maaabot ng salot." Awit 91:7
15 segundo lang, pero sapat na para iligtas ka ng Diyos. Sapat na para sabihin Niya "Hindi pa diyan nagtatapos ang kwento mo." May mga taong iniligtas para sa isang dahilan. May mga buhay na pinanatili para sa isang misyon na hindi pa tapos.
Kaya kung binigyan ka ng panibagong umaga pagkatapos ng pagyanig, huwag mong sayangin.
Ang gusali gumuho. Pero ikaw hindi. Kasi may Kumakalinga. May Nagbabantay. May Diyos na mas mabilis pa sa 15 segundo kung kumilos para sa anak Niya.
Ngayong buhay ka pa, ano yung pangako mo sa Kanya kapalit ng pangalawang pagkakataon na binigay Niya?
-BeMotibeth
