17/06/2026
Admin, pa-post ko ani.
Nalain lang gyud ko nga naa’y public servant nga mas gipili pa ang pag-post ug pagpaulaw sa usa ka SK Kagawad tungod sa issue sa TF sa serenade. Akong pangutana, ngano kinahanglan man gyud himuong public ang usa ka butang nga pwede ra man unta istoryahan ug tarong sa personal?
Kung naa man gani sayop, dili ba mas maayo nga tudluan ug tarong kaysa i-post dayon sa social media? Kay para sa akoa, lahi ra gyud nang constructive criticism ug public humiliation.
Ug isa pa, murag usa ra ka tao pirmi ang sentro sa issue. Siya ra ba ang nagdumala sa tanan? Asa man ang ubang involved? Ngano siya ra gyud pirmi ang maigo?
Sa mga sige pud ug compare sa Ilang sa ubang barangay… dili man gud parehas ug budget, resources, ug sitwasyon ang matag barangay. Bisan limitado ang resources sa Ilang, makita man gihapon ang efforts ug mga improvements para sa kabatan-onan.
Ang tinuod nga lider dili man unta mangita ug paagi para makapakaulaw sa uban. Ang tinuod nga lider mo-guide, mo-mentor ug mo-correct sa sakto nga paagi.
Ug para kang SK Kagawad Jake Quidato… kami mismo nga taga-Ilang nakakita sa imong paningkamot sulod sa hapit 3 years nga serbisyo. Nakita namo ang kapoy, stress, pressure, ug mga gabii nga walay tulog para lang mahimong successful ang mga programs ug events sa SK.
Dili man perpekto ang tanan. Naa gyud nay kakulangan usahay. Pero usa ka butang ang sigurado… daghan kaayog kausaban nga nahitabo ug daghan kaayong kabatan-onan ang naka-benefit sa mga opportunities ug programs nga inyong gihimo.
Ug sa tinuod lang… daghan pud mi nahibaw-an nga mga kakulangan sa ubang tawo pero wala namo na gipang-post o gihimong issue kay kabalo mi unsay professionalism ug respeto. Mao nang medyo disappointing nga usahay ang mas magulang, mas experienced ug mas dugay sa serbisyo sila pa hinuon ang una mang-shame sa mga batan-ong lider imbis nga mahimong mentor nila.
Kung ang goal gyud kay motabang ug motul-id, daghan man untang mas maayong paagi kaysa pag-post dayon sa FB.
Jake… padayon lang. Ayaw kaayo paminaw sa mga tao nga wala kabalo sa tinuod nga sitwasyon diri sa Ilang. Kami nga naa diri ug nakakita sa imong trabaho kabalo unsay imong nahimo ug unsa ka sincere sa imong serbisyo.
Dili tanan makita sa social media. Pero ang mga tao nga nakauban nimo ug nakakita sa imong paningkamot kabalo sa tinuod.
Padayon lang, Kagawad. Daghan mi nga proud sa imoha ug nagtuo nga mas daghan pa kag matabangan sa kabatan-onan ug sa Barangay Ilang.
