01/06/2026
Gisaway ni Davao City First District Representative Paolo Duterte ang pahayag ni Pangulong Ferdinand Marcos Jr. nga wala siya nagmahay nga nakig-tandem kang Vice President Sara Duterte sa 2022 Presidential Elections.
Sa pahayag nga gipagawas ni Congressman Duterte, kung wala ang iyang igsuon, dili mudaog og landslide si Marcos, tungod ang UniTeam coalition, matod pa ang nakakuha og mga boto.
Sa usa ka interview kang Pangulong Marcos, napangutana siya kung sayop ba nga nakig-tandem siya kang Vice President Sara, diin tubag sa pangulo, nga sa iyang tan-aw sa maong higayon, mao ang pinaka-maayong lakang tungod pareho matod pa sila og ideya alang sa pang-gobyerno.
Gi-angkon usab sa pangulo, nga nabalaka siya nga uggaling maka-angkon og gahom si Vice President Duterte, mabag-o ang mga palisiya ug reporma nga nabuhat sa administrasyon.
Apan, sumala ni Congressman Duterte, ang kadaugan ni Marcos sa pagkapangulo, dili tungod sa iyang pangalan, apan, tungod sa pagsalig ug suporta sa katawhan sa bise presidente.
Sa umaabot nga State of the Nation Address, gihagit ni Duterte ang pangulo nga usa-usahon ang klarong nabuhat sa administrasyon nga nabati sa ordinaryong Pilipino, ug dili puros slogans ug matod pa scripted nga pakpak gikan sa mga kongresita.
Dugang pa ni Duterte, ang tinuod nga report card sa administrasyon ang laing pagsaka sa presyo, baha, ug ang mga pasakit sa adlaw-adlaw.
Tambag sa kongresita ngadto sa pangulo nga, inay nga nga mabalaka sa mga matod pa mudaot sa iyang lagasiya, angayang pangutan-on kung duna ba siyay legasiya alang sa mga Pilipino.
๐๐ข๐๐๐ข๐ช ๐ฎ๐ป๐ฑ ๐ฆ๐จ๐๐ฆ๐๐ฅ๐๐๐
YouTube: https://www.youtube.com/channel/UCbNWTCM9sRJ58sE4zkhcWnQ
TikTok: https://www.tiktok.com/.super.radyo.davao
