𝙉𝙖𝙨𝙨𝙚𝙧 𝘿𝙖𝙩𝙪𝙢𝙖𝙣𝙤𝙣𝙜

29/09/2025

Napakagandang tanawin ngayong araw habang patungo ang mga Muslims sa Baytullah (Bahay ng Allah) upang magsalaah.

29/09/2025

Someday makavisit karin dito sa Baytullah Makkah AlMukarramah aameen..

28/09/2025

PAALAM MGA KAPATID

"أستودعكم الله الذي لا تضيع ودائعه"
(Astawdi‘ukumullāh alladhī lā taḍī‘u wadā‘i‘uh)

“Ipinagkakatiwala ko kayo ( lahat ng mga pamilya, kamag-anak at kapatid sa pananampalataya) sa Allah na kailanma’y hindi napapabayaan ang mga ipinagkatiwala sa Kanya.”

Ito ay sinasabi kapag nagpapaalam sa isang tao o grupo, bilang panalangin ng proteksyon at pag-iingat mula sa Allah hanggang sa muli ninyong pagkikita.

نحبكم في الله

27/09/2025

NAKITA KO SA AIRPORT!!!

SI MARYA NA INA NI EISA ALAYHIS SALAAM (HESUS) AY HUWARAN DI LAMANG SA KABABAIHAN KUNDI SA MGA KALALAKIHAN

وَمَرۡيَمَ ٱبۡنَتَ عِمۡرَٰنَ ٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهِ مِن رُّوحِنَا وَصَدَّقَتۡ بِكَلِمَٰتِ رَبِّهَا وَكُتُبِهِۦ وَكَانَتۡ مِنَ ٱلۡقَٰنِتِينَ

At [ang halimbawa ni] Maria, anak na babae ni Imran, na pinangalagaan ang kanyang dangal; at siya ay Aming hiningahan dito [sa kanyang damit] mula sa Aming ruh [sa pamamagitan ng Anghel Gabriel] at siya ay naniwala sa mga salita ng kanyang Panginoon at sa Kanyang mga Kasulatan, at [siya ay] isa sa mga tapat na masunurin [sa Amin].

At-Tahreem | Surah 66 verse 12

Mananatili siyang alipin ng Allâh, ina ng Propeta at walang anumang bahagi ng pagkapanginoon. Huwaran sa mga mananampalataya sa kadalisayan at tatag ng paniniwala.

At higit sa lahat hindi natin alam ang tunay na hitsura ni Maryam sumakanya ang kapayapaan dahil ito ay kathang isip lamang.

27/09/2025

🕌 Mga Aral mula sa Paglalakbay:

"Na ang Dunya ay Daanan Lamang, Hindi Tirahan"

1. Ang paglalakbay ay paalala na tayo ay mga dumaraan lamang

Ang manlalakbay ay nagdadala lamang ng kailangan niya sa daan, gayon din ang mananampalataya — hindi siya nagdadala ng labis sa mundong ito dahil alam niyang ito ay pansamantala.
Sinabi ng Propeta ﷺ:

“Maging sa mundong ito na parang isang dayuhan o isang naglalakbay.”
(Bukhari)

2. Ang tunay na pahinga ay nasa pagdating, hindi sa biyahe

Napapagod ang manlalakbay, ngunit tinitiis niya dahil alam niyang may mararating siyang tahanan.
Ganoon din ang mananampalataya, tinitiis ang hirap ng pagsunod kay Allah dahil ang tunay na pahinga ay nasa Paraiso.

Sabi ni Allah:

“At ang tahanan sa Kabilang Buhay ang tunay na buhay.”
(Qur’an, Al-‘Ankabut: 64)

3. Ang paglalakbay ay puno ng pagbabago — gaya ng mundo

Minsan ay madali, minsan mahirap; minsan may ginhawa, minsan wala.
Ganyan din ang buhay sa mundo — walang katiyakan.

Sabi ni Allah:

“At susubukin Namin kayo sa kasamaan at kabutihan bilang pagsubok.”
(Al-Anbiya: 35)

4. Ang manlalakbay ay hindi naliligaw kapag alam niya ang kanyang patutunguhan

Kung alam mo kung saan ka pupunta, hindi ka maliligaw.
Gayon din, kung alam mong ang layunin mo ay ang kaluguran ni Allah at ang Paraiso, hindi ka maililigaw ng mundo.

Sabi ni Allah:

“Ang buhay sa mundong ito ay walang iba kundi isang panlilinlang.”
(Āl ‘Imrān: 185)

5. Kailangang magbaon sa biyahe

At ang pinakamainam na baon sa paglalakbay tungo sa Kabilang Buhay ay takwa — ang pagkatakot at pagsunod kay Allah.

Sabi ni Allah:

“Magbaon kayo, at ang pinakamainam na baon ay ang takwa.”
(Al-Baqarah: 197)

6. Mahalaga ang mabuting kasama

Tulad ng manlalakbay na nangangailangan ng mabuting kasama sa daan, kailangan din ng mananampalataya ng mabubuting kaibigan sa landas patungo kay Allah.

Sinabi ng Propeta ﷺ:

“Ang tao ay sumusunod sa relihiyon ng kanyang kaibigan, kaya’t mag-ingat kung sino ang iyong kinakaibigan.”
(Abu Dawud at Tirmidhi)

7. Ang paglalakbay ay nagtuturo ng pagtitiis at pagtitiwala kay Allah

Walang biyahe na walang pagod, at walang Paraiso na walang sakripisyo.
Sinabi ng Propeta ﷺ:

“Ang Paraiso ay napalilibutan ng mga bagay na ayaw ng tao, at ang Impiyerno ay napalilibutan ng mga bagay na kanais-nais sa tao.”
(Muslim)

27/09/2025

MALAPIT NA ANG PAGTUTUOS NGUNIT ABALA PARIN TAYO SA MAKAMUNDONG BAGAY

ٱقۡتَرَبَ لِلنَّاسِ حِسَابُهُمۡ وَهُمۡ فِي غَفۡلَةٖ مُّعۡرِضُونَ

Ang [Oras ng] kanilang pagtutuos ay lumapit na para sa sangkatauhan habang sila ay nasa kapabayaang nagsisilayo.

Al-Anbiyaa' | Surah 21 verse 1

26/09/2025

25/09/2025

Ang bukas ang kalooban at pang-unawa ang siyang makikinabang.

25/09/2025

Laging may paraan at solusyon basta may takot ka sa Allâh na Kataas-taasan.

24/09/2025

KADENANG NAKAPULUPOT

Sabi Ibn Aljawji rahimahullah:

" Ang mga kasalanan ay kadenang nakapulupot sa leeg ng makasalanan at hindi siya makakawala dito maliban sa Istighfar (paghingi ng tawad sa Allâh) o Tawbah ( pagbabalik-loob sa Allâh).

[Zaad Arraheel]

24/09/2025

Sabi ni Sheikul Islam ibn Taymiyyah rahimahullah: " Kapag mahina na ang kaalaman ( sa Islam) ng tao mananaig na ang pagnanasa." Majmu Fatawa

24/09/2025

MUNDONG PANAGINIP LAMANG

Sinabi ni al-Ḥasan al-Baṣrī رحمه الله:

“Ang mundo ay gaya lamang ng mga panaginip sa pagtulog, o gaya ng aninong naglalaho… Ang matalinong tao ay hindi nadadaya ng mga bagay na tulad nito.”

👉 Ibig sabihin: Ang buhay sa daigdig ay panandalian lamang, mabilis lumipas at hindi dapat pagkatiwalaan. Ang marunong at may malalim na pang-unawa ay hindi magpapalinlang sa kanyang kinang at panandaliang ginhawa.

كُلُّ نَفۡسٖ ذَآئِقَةُ ٱلۡمَوۡتِۗ وَإِنَّمَا تُوَفَّوۡنَ أُجُورَكُمۡ يَوۡمَ ٱلۡقِيَٰمَةِۖ فَمَن زُحۡزِحَ عَنِ ٱلنَّارِ وَأُدۡخِلَ ٱلۡجَنَّةَ فَقَدۡ فَازَۗ وَمَا ٱلۡحَيَوٰةُ ٱلدُّنۡيَآ إِلَّا مَتَٰعُ ٱلۡغُرُورِ

Bawa’t kaluluwa ay makalalasap ng kamatayan. At tanging sa Araw ng Pagkabuhay na Muli [ipagkakaloob] ang lubos na kabayaran. At sinumang hinilang papalayo sa Apoy [ng Impiyerno] at tinanggap [pinapasok] sa Paraiso, ay siyang [tunay na] nagtagumpay. At ang buhay sa mundong ito ay isa lamang kasiyahang nakapanlilinlang.

Aali-'Imran | Surah 3 verse 185