22/04/2026
SERBISYONG PNP PARA SA KABATAAN, HATID SA YOUTH LITERACY SUMMER CAMP SA LEYTE
Nagtapos nang matagumpay ang isinagawang summer literacy camp ng Regional Mobile Force Battalion 8 (RMFB ๐ sa Leyte, kung saan tinuruan at ginabayan ng mga pulis ang mga kabataan sa pagbasa at pagsulat.
Sa loob ng isang linggo, naging โpolice tutorsโ ang mga tauhan ng RMFB 8, na hindi lamang nagpatupad ng kaayusan kundi aktibong nakilahok sa paghubog ng kaalaman ng mga bata. Labintatlong (13) kabataan ang nakatapos sa programa at tumanggap ng sertipiko at school supplies, kasama ang kanilang mga magulang na nagpahayag ng pasasalamat sa inisyatiba.
Ayon kay Chief PNP, Police General Jose Melencio C. Nartatez Jr., mahalagang ipakita ng kapulisan ang malasakit hindi lang sa seguridad kundi pati sa kinabukasan ng kabataan.
โHindi lang tayo tagapagpatupad ng batas. Tayo rin ay katuwang ng komunidad sa paghubog ng mas maayos na kinabukasan para sa ating mga kabataan. Sa simpleng pagtuturo, naipapakita natin ang tunay na diwa ng serbisyo publiko,โ aniya.
Dagdag pa niya, โKapag ang pulis ay naroroon hindi lang sa oras ng panganib kundi pati sa oras ng pangangailangan, mas tumitibay ang tiwala ng mamamayan. Iyan ang uri ng serbisyong nais nating ipadama.โ
Pinuri rin ang mga pulis na nagsilbing g**o, na naglaan ng oras at pagsisikap lampas sa kanilang karaniwang tungkulin upang maturuan at ma-inspire ang mga bata.
Ang naturang aktibidad ay bahagi ng PNP Focused Agenda sa ilalim ng Community Support initiative, na sumasalamin sa malasakit at aktibong paglilingkod ng kapulisan sa komunidad, alinsunod sa adhikain ng Bagong PNP para sa Bagong Pilipinas: Serbisyong Mabilis, Tapat at Nararamdaman.
(PNP-PIO)
