22/03/2026
PANGINABUHIAN SA TRIBONG MATIGSALUG SA MARILOG!
Ang akong mga ginikanan sukad pa kaniadto ang ilahang trabaho mao ang paghimo ug liyang ug baskets ug niadtong 2012, na established ang The Matigsalug Weavers sa Sitio Nangalid ug hangtod karon nagpabilin kini na panginabuhian sa tribo ug komunidad.
Niadtong 2020, namugna pud ang Batek Community Enterprise sa Maligaya, Marilog Dvaao City kung diin nahimong sentro para sa mga produkto gikan sa lahi-lahing lugar sa Marilog..
Sa katuyoan nga dili lang business ang maong pagbuhat kung dili kalakip niini ang pagpanalipod sa kahibalo sa tribo nga dili unta mabiyaan ug malimtan.
Maong niadtong 2023 ug 2024 nagkasunod ang training sa weaving baskets para kabataan nga sila matudloan sa pamaagi sa paghimo ug liyang kay kini na kahibalo kabahin man sa kultura ug kinabuhi sa tribo sukad pa kaniadto.
Ang akong mga panghinaot nga hatagan kini ug bili sa karon na panahon na ang kultura sa Matigsalug sa pag-weave magpabilin para sa umaabot na henerasyon!
