DXDC 621 RMN Davao

02/07/2025

DXDC LIVE: STRAIGHT TO THE POINT EVENING EDITION with RadyoMaN Leo Battulayan | WEDNESDAY JULY 02, 2025

Mabatian usab sa radio dial nga 621khz.

Paki-like ug share na Kasama aron daghan masayod sa katikaran sa palibot.

02/07/2025

| DAVAO CITY, TOP 5 SA HUC LARGEST ECONOMY

Nakaangkon og kalampusan ang syudad sa Davao human kini makasulod sa ikalima nga puwesto sa Top 10 nga pinakadako’g ekonomiya sa Highly Urbanized Cities sa nasud base sa 2023 nga datos sa Philippine Statistics Authority (PSA).

Base sa report, gikatampo sa dakbayan ang 2.5 nga porsyento sa National Gross Domestic Product (GDP) diin nagkantidad og Php 532.54 billion ug ang maong dakbayan nahimong representante alang sa isla sa Mindanao nga maoy nakasulod sa TOP 10.

Subay niini, nanguna sa listahan ang Quezon City diin adunay 6 porsyento nga bahin sa GDP, misunod ang Makati City 5.6 %, Manila 4.7%, ug Taguig City nga adunay 2.7%.

Sa kinatibuk-an, ang 33 ka Highly Urbanized Cities (HUCs) sa nasud Pilipinas nakasinati og pag-uswag sa tuig 2023 nga kung asa nakatampo kini og Php 9.23 trilyon o 43. 8% sa national GDP.

Ang maong kadaogan, gikalipay sa dabawenyo resulta aron mag padayon sa pag-uswag ug pagpaningkamot alang sa maayong kalambuan.

via RadyoMaN Gretchel Egut

02/07/2025

| RESIDENTE SA SAMAL, NI-APELAR SA MGA NAGBABAG SA DAVAO - SAMAL CONNECTOR BRIDGE

Nagpagawas og open letter ngadto sa environmentalist nga nibabag sa Davao Samal Connector Bridge ang usa ka residente sa dakbayan sa Samal.

Sumala sa Facebook post sa usa ka netizen, gikwestyon niini ang maong petitioner kon ayha ang pagbabag nila sa tulay sa Davao ug Samal, nahinabi naba niini ang nagpuyo sa isla mahitungod sa ilang kalisdanan, ilabi na kon dunay emerhensiya, sa mga estudyante, empleyado, tag-iya sa negosyo, mag-uuma, edaran ug masakiton.

Matud pa nga balido ang environmental concern, apan kinahanglan kini nga adunay patas nga pagtan-aw.

Dugang pangutana niini, kon ngano nahimong target ang maong tulay nga adunay daghang proyekto nga naghatud sa kadaut sa kinaiyahan sama sa minahan ug planta.

Sumala pa nga ang maong proyekto, makatabang sa mas dali nga pagbyahe, gikan 30 minutos nga paglinya posible mahimo na lang kining 5 ka minuto.

Samtang una na nga gibutyag ni Atty. Mark Peńalver nga wala silay pagsupak sa pagpatukod sa tulay nga nagkonekta sa Samal ug Davao, apan supak sila sa kasamtangang giagian niini nga nakadaot sa kinaiyahan.

via RadyoMaN Bien Abanos

02/07/2025

| MIGULANG KAUBAN NI ALYAS "TOTOY", DILI PA MAMAHIMONG STATE WITNESS

Giduso karon sa Department of Justice (DOJ) nga wala pa kini nakitang basehan aron ikonsidera nga state witness ang mga bag-ong migulang kauban ni alyas "Totoy".

Matud pa sa tigpamaba sa DOJ nga si Asec. Mico Clavano, walay masang-at nga kaso hangtod wala pay basehan.

Dugang pa niya nga mamahimo lang nga state witness ang usa ka indibidwal kung mutabang kini pinaagi sa pagsaksi batok sa laing nalambigit sa krimen.

Miingon sab si Clavano nga kinahanglan nilang ipakita ang katinuod sa mga testimonya pinaagi sa lig-ong ebidensiya nga uyonan sa korte.

Ang kredibilidad sa saksi ug ang gibug-aton sa testimonya ipailawom gihapon sa pagsusi.

Gani, bag-ohay ra sab nakita og nailhan ning mga kauban ni alyas "Totoy" pinaagi sa usa ka Facebook live.

via DZXL Manila

02/07/2025

| PRESIDENT MARCOS, GIMANDOAN ANG DEPED NA PALAMBUON ANG K-12 CURRICULUM BATOK JOB MISMATCH

Giklaro sa Malacañang na suportado gihapon ni President Ferdinand Marcos Jr. ang pagpatuman sa K - 12 program bisan pa man sa pagkadismaya niini mahitungod sa dili dayun makakuha og trabaho ang mga SHS graduates.

Sumala pa ni Palace Press Officer Claire Castro, gitin-aw lamang sa maong Presidente na dili epektibo ang K- 12 tungod kay wala naandam ang mga ahensiya sa pagpatuman niini.

Ingon man sa Presidente, kon adunay balaod nga nagmando sa pagpatuman niini, kinahanglan gihapon kining husayon.

Gimandoan na sab sa Presidente ang Department of Education nga palambuon pa ang K-12 curriculum aron maandam ang mga estudyante sa pagtrabaho ug malikayan ang job mismatch. | via Chzianelle Salazar, RMN Manila

02/07/2025

| TEBOW CURE, PALAPDAN ANG SERBISYO PINAAGI SA PAGPAHIGAYON OG MOBILE SCREENING SA MANAGLAHING LUGAR

Maghatag og sponsored surgery ang Tebow CURE Children's Hospital alang sa mga bata nga dunay managlahing kondisyon sa ilang panglawas, sama sa pagkabungi kun cleft lip ug cleft palate sa tabang sa Smile Train, sponsored surgery sa mga bata nga dunay problema sa bukog sama sa bakang, kimpi, dili tupong ang tiil, bali, singkaw, bisan pa man danlak o hernia, ug uban pa.

Isip parte sa proseso, magpahigayon sila og mobile screening sa managlahing lugar, sa ingon maabot ang ilang serbisyo bisan pa man sa mga anaa sa hilit.

Ania ang Mobile Screening Schedule sa Tebow CURE:
📌 July 8, 2025: Sta. Maria, Davao Occidental
📌 July 10, 2025: Dangcagan, Bukidnon
📌 July 14, 2025: San Luis, Agusan del Sur
📌 July 15, 2025: Talacogon, Agusan del Sur
📌 July 17, 2025: Malapatan, Sarangani Province
📌 August 12-13, 2025: Zamboanga City
📌 August 15, 2025: Iligan City

Giklaro ni Ptr. Elias Dacera, ang Program and Development Director sa Tebow CURE, nga walay mabayran bisan piso ang si kinsa mang mag-avail sa serbisyo, gani lakip na pagkaon sa pasyente ug watcher, ingon man accommodation, ila nang abagahon. Gawas niini mag-assist usab sila sa transportation pinaagi sa pakigkoordinar sa LGU sa pasyente.

Ang Tebow CURE usa ka faith-based charitable institution nga abli sa tanang relihiyon, ug aduna kini 8 ka ospital sa tibuok kalibutan ug usa niini anaa sa Asia, partikular na sa Davao City, Philippines, apan dili lang kini ekslusibo sa mga dabawenyo, kundili abli kini sa tanang bata from 0-18yrs old. Hinuon dunay mga consideration nga ihatag ang ilang buhatan depende sa kahimtang sa pasyente.

Sa buot mag-avail apan wala pay schedule sa mobile screening sa ilang lugar, mamahimo usab nga makigkoordinar sa DXDC 621 RMN Davao tungod ang RMN Foundation, partner usab sa Tebow CURE alang sa pagpakatag sa maayong balita.

I-message lang ang page sa DXDC ug i-send ang inyong pangalan, address, ug contact number.

Kini subay sa misyon sa Tebow CURE nga pag-ayo sa masakiton ug pagproklama sa gingharian sa Ginoo.

via RadyoMaN Juna Sombito

02/07/2025

| Red Alert Status, Itinaas sa Antique EOC Dahil sa Insidente ng Fume Exposure

Itinaas na sa Red Alert Status ang Emergency Operations Center (EOC) ng lalawigan ng Antique kasunod ng insidente ng fume exposure sa Pis-anan National High School sa bayan ng Sibalom.

Layunin ng nasabing alerto ang mas maayos na koordinasyon at agarang pagtugon sa pangyayari.

Ayon sa ulat ng Provincial Disaster Risk Reduction and Management Office (PDRRMO), umabot na sa 323 katao ang nabigyan ng atensyong medikal matapos makaranas ng pagkahilo at pagsusuka sanhi ng nalanghap na masangsang na amoy.

Sa kabuuang bilang, 209 ang isinugod sa Ramon Maza Sr. Memorial District Hospital, 30 sa Angel Salazar Memorial General Hospital, habang 82 naman ang agad tinugunan ng mga emergency responder sa triage area sa Barangay Pis-anan gymnasium. | via DZXL RMN Manila

📷 PDRRMO Antique

02/07/2025

| ‘WRIT OF KALIKASAN’ SA SUPREME COURT, DILI PAGPAUNDANG SA DAVAO-SAMAL BRIDGE CONSTRUCTION - IDIS

Gipaklaro karon sa petitioner nga environmentalist group nga wala gipaundang sa Supreme Court ang pagpatukod sa Davao City Samal Connector Bridge.

Sumala ni Atty. Mark Peñalver, sa Interfacing Development Interventions for Sustainability (IDIS) nga ang Writ of Kalikasan nga gipaguwa sa Supreme Court base sa petisyon nga ilang gisang-at wala magpasabot nga deretsong undangon ang maong proyekto.

Pagpasabot ni Piñalver nga base sa kamanduan sa Supreme Court naghatag kini sa higayon sa Department of Enviroment and Natural Resources, Department of Public Works and Highways ug contractor sa maong tulay nga makatubag sa argumento nga gipasang-at sa petitioner alang sa writ of kalikasan.

Dako na sumala pa nga kalampusan ang maong kamanduan nga gipaguwa sa Supreme Court apan giangkon niini nga aduna pay taas nga panahon alang sa pakigbisog ang mga environmentalist.

Gipaklaro karon ni Atty. Piñalver nga wala silay supak sa pagpatukod ug tulay sa Davao ug Samal tungod nakita nila kini nga dakong kabahin sa kalambuan sa transportasyon, apan supak sila sa kasamtangan nga giagian sa proyekto tungud dako kining kadaot sa kinaiyahan, ilabi na sa mga corals sa lugar, busa mas maayong mangita og laing paagi nga pwede maagian sa tulay nga gamay lang ang epekto sa kinaiyahan.

via RadyoMaN Bien Abanos

02/07/2025

| LALAKI, GIDUNGGAB-PATAY SA KAUBANG DRIVER

Nagkadugo ang usa ka lalaki human kini gidunggab sa iyang kaubang driver sa Regner, Tibungco, Davao City, alas 11:30 kagabii, Hulyo 1, 2025 (Martes).

Nailhan ang biktima nga si alyas “Kol”, 26-anyos, ulitawo ug lumulupyo sa nasangpit nga lugar ug ang suspek nga si alyas “Ed” nga taga Kabayan, Tibungco, ning siyudad sa Davao.

Base sa inisyal nga imbestigasyon sa Davao City Police Office (DCPO), samtang gahulat og pasahero ang biktima, giduol kini sa suspek ug nakighinabi kaniya apan pipila lang ka minuto, naglalis na ang duha hinungdan nga gidunggab sa suspek ang biktima sa tuong bahin sa ilok ug dughan.

Paspas kining gitabang sa iyang kabanay ug gidala sa Southern Philippines Medical Center (SMPC) apan gideklara kining dead on arrival.

Samtang, nadakpan na sab ang suspek ganinang alas 7 sa buntag, Hulyo 2, 2025 (Miyerkules) atol sa gilusad nga hot pursuit operation sa Bunawan Police Station.

📷 DCPO

via RadyoMaN Leo Battulayan

02/07/2025

| KAPIN 85,000 KA PDLs, NAKA GAWAS PINAAGI SA PARALEGAL SERVICES

Gipahibalo sa Department of the Interior and Local Government (DILG) nga 85,183 ka Persons Deprived of Liberty (PDLs) ang nakagawas sa tibuok nasud gikan Hunyo 2024 hangtud Mayo 2025 pinaagi sa gipakusgang paralegal services sa Bureau of Jail Management and Penology (BJMP).

Ang programa sa BJMP usa ka inisyatibo aron masolusyonan ang kakuwang sa espasyo sa mga prisohan, ug aron matabangan ang mga kwalipikadong PDLs nga makadali og access sa legal nga proseso aron sila makagawas.

Base sa report sa BJMP, 11,139 ang napagawas pinaagi sa Good Conduct Time Allowance (GCTA), 8,280 sa probation, 23 sa parole, ug 8,825 pinaagi sa piyansa. 15,085 usab ang gibalhin sa ubang pasilidad sama sa Bureau of Corrections, provincial jails, ug drug treatment centers.

Subay niini, 5,667 ka kaso ang hingpit nga gipapas, 6,342 ang provisional dismissal, 7,431 ang gi-acquit, ug 16,311 ang nakagawas human mapriso ug mahuman ang ilang sentensiya. Aduna sab 340 nga gipahimo og community service, ug 3,570 ang napagawas pinaagi sa recognizance kun walay gibayaran nga pyansa.

Sa karon, 43 ka bag-ong pasilidad ang gitukod sa BJMP aron suportahan ang jail decongestion efforts sa nasud.

Photo: DILG

via RadyoMaN Wil Duran

02/07/2025

| DXDC LISTEN & WIN PROMO ANIA NA!

Congratulations kang Kasamang Juliet Jorolan nga taga - Marietta Village, Tibungco, Davao City kinsa nakadaug sa 'DXDC Listen & Win' promo ug makadawat og 200 pesos via GCASH gikan sa DXDC 621 RMN Davao! 🥳📻

Gusto ba ka nga ikaw ang sunod nga mudaog Kasama?

Simple lang ang pagdaug. Tutok ug ayaw sipyata ang pagpaminaw sa mga nag-unang program sa DXDC. Tubaga ang pangutana sa program anchor pinaagi sa pag-send sa:

Tubag sa Pangutana:
Pangalan:
Edad:
Complete Address:
Contact Number:

I-text sa 0938 022 6267 o mag-comment sa Facebook live streaming sa DXDC 621 RMN Davao FB Page.

Kung sakto ang imong tubag, amo kang tawagan, ug ideklarang winner nga modawat og 200 PESOS GCASH!

Naminaw na ka, modaug pa ka! Unsa pa inyong ginahulat, Kasama? Apil na sa DXDC LISTEN & WIN Promo!

02/07/2025

LIVE NA SA YOUTUBE! RMN Network News | 5:30 PM | July 02, 2025
Panoorin ang buong newscast LIVE: https://www.youtube.com/live/avc0XZmK14c?si=NSyXzT3fk1et_ezl
Manatiling updated sa mga maiinit at napapanahong balita kasama si Jenny Pahilanga
I-like, i-share, at mag-subscribe para sa tuloy-tuloy na balita at serbisyo publiko.

| JULY 2, 2025 | 5:30PM 🔴 MANATILING MAPANURI SA PINAKAMAINIT NA BALITAKasama ang ating , si Jenny Pahilanga ...