08/06/2026
AKSYON NEWS RECAP | JUNE 8, 3026
1. MAGNITUDE 7.8 NGA LINOG SA MINDANAO; ANAA NA SA 32 ANG NAMATAY
Mikabat na sa 32 ang kumpirmadong namatay human sa magnitude 7.8 nga linog nga miigo sa Mindanao diin ang epicenter nahimutang duol sa Maasim, Sarangani Province ug adunay gilawmon nga 33 km.
Sumala sa mga otoridad, daghan usab ang naangol samtang nagpadayon pa ang search, rescue ug damage assessment operations sa mga lugar nga grabeng naapektuhan.
2. DABAWENYONG BASKETBALL STAR RENE BATERBONIA NAMATAY SA DROWING INCIDENT ATOL SA TEAM-BUILDING ACTIVITY
Nagsubo karon ang komunidad sa basketball sa pagkawala ni Rene Clert Baterbonia, usa ka Dabawenyong atleta ug kanhing Palarong Pambansa 2026 MVP.
Si Baterbonia, nga gilauman unta nga muduwa para sa Ateneo Blue Eagles sa UAAP, namatay human malumos atol sa ilang team-building activity sa Aurora.
Naghatag na og opisyal nga pahayag ang Ateneo de Manila University ug nagpaabot sa ilang kasubo ngadto sa iyang pamilya ug mga higala.
3. GATCHALIAN BLOC NAGPAHIGAYON OG CONSULTATIVE MEETING SA FLOOD CONTROL ANOMALY; 18 KA EX-MARINES WALA MITAMBONG
Nagpahigayon og consultative meeting ang Gatchalian bloc sa Senado kabahin sa giingong mga anomalya sa mga flood control projects sa nasud.
Apan, wala mitambong ang 18 ka indibidwal nga giila nga mga kanhing miyembro sa Philippine Marines nga gilauman unta nga motunga sa maong tigom.
Sen. Erwin Tulfo, kinsa nauna nang gipasanginlan sa 18 ex-marines nga ilang nahatdan kuno og male-maletang mga kwarta sa gobyerno, miingon nga bakak lamang ang tanan kay ultimo pagka-ex-marines sa pipila kanila dili kuno tinood.
4. ISRAEL UG IRAN NAGBINAYLOAY OG MISSILE ATTACKS; TENSYON SA MIDDLE EAST MISAMOT
Misamot ang tensyon sa Middle East human magbinayloay og missile attacks ang Israel ug Iran sa adlawang Hunyo 8, 2026, nga mao usab ang ika-100 nga adlaw sukad nagsugod ang gubat tali Israel, U.S. ug Iran.
Nagpadayon ang kabalaka sa internasyonal nga komunidad nga mahimong mosangpot sa mas lapad nga komprontasyon ang nagkagrabeng sitwasyon.
Samtang nag-awhag ang pipila ka mga nasud lakip na ang USA ug organisasyon sa pagpugong sa dugang nga pagkasamok sa panagbangi ug pagpangita og malinawon nga solusyon.
5. 2 KA BAG-ONG KASO SA "FLESH-EATING WORM" SA TEXAS, USA, NAKUMPIRMA SA USDA
Nakumpirma sa United States Department of Agriculture o USDA ang duha ka bag-ong kaso sa New World Screwworm, nga mas nailhan isip "flesh-eating worm," sa Texas, USA.
Ang maong parasito mahimong moatake sa mga hayop pinaagi sa pagsulod sa abli nga samad ug kaonon niin ang unod sa hayop nga iyang gisudlan.
Nagpadayon ang mga otoridad sa pagmonitor ug pagpatuman sa mga lakang aron mapugngan ang dugang nga pagkaylap niini. Samtang ang Canada nagdeklara na nga dili una mudawat og mga livestock nga hayop gikan sa USA.
