28/11/2025
𝐒𝐚𝐛𝐛𝐚𝐭𝐡 𝐒𝐜𝐡𝐨𝐨𝐥 𝐋𝐞𝐬𝐬𝐨𝐧 𝐒𝐮𝐦𝐦𝐚𝐫𝐲
𝐥𝐞𝐬𝐬𝐨𝐧 𝟗: 𝐇𝐞𝐢𝐫𝐬 𝐨𝐟 𝐏𝐫𝐨𝐦𝐢𝐬𝐞𝐬, 𝐏𝐫𝐢𝐬𝐨𝐧𝐞𝐫𝐬 𝐨𝐟 𝐇𝐨𝐩𝐞
𝐌𝐞𝐦𝐨𝐫𝐲 𝐓𝐞𝐱𝐭: “𝑅𝑒𝑡𝑢𝑟𝑛 𝑡𝑜 𝑦𝑜𝑢𝑟 𝑠𝑡𝑟𝑜𝑛𝑔ℎ𝑜𝑙𝑑, 𝑂 𝑝𝑟𝑖𝑠𝑜𝑛𝑒𝑟𝑠 𝑜𝑓 ℎ𝑜𝑝𝑒; 𝑡𝑜𝑑𝑎𝑦 𝐼 𝑑𝑒𝑐𝑙𝑎𝑟𝑒 𝑡ℎ𝑎𝑡 𝐼 𝑤𝑖𝑙𝑙 𝑟𝑒𝑠𝑡𝑜𝑟𝑒 𝑡𝑜 𝑦𝑜𝑢 𝑑𝑜𝑢𝑏𝑙𝑒” (𝗭𝗲𝗰𝗵𝗮𝗿𝗶𝗮𝗵 𝟵:𝟭𝟮, 𝗘𝗦𝗩).
Read for This Week’s Study: Gen. 3:17–24; Deut. 6:3; Josh. 13:1–7; Heb. 12:28; Lev. 25:1–5, 8–13; Ezek. 37:14, 25.
BACKGROUND
Ang mga Chapters sa Joshua 13–21 puno sa lista—mga ngalan, utlanan, lugar, kabahinan sa tribo. Para sa modern reader, boring tan-awon.
Pero para sa Israel, daku kaayo ang kahulugan niini:
• Ang matag utlanan, matag ngalan, timaan nga gituman sa Dios ang Iyang saad kang Abraham, Isaac, ug Jacob.
• Ang yuta gikan sa Dios, apan kinahanglan usab nga mo-cooperate sila sa Dios aron makab-ot kini nila.
• Human sa daghang gubat, sakripisyo, ug taud-taud nga paghulat sa daghang henerasyon—naa na gyud sila sa Promised Land.
Sa ato karon, ang lista sa yuta nagpasabot:
Ang Dios mohatag ug dili gyud mo-deny sa Iyang gipanumpaan.
⛔️Punto sa Pagtoon•
1. Ang Dios motuman sa iyang saad bisan molabay ang daghang katuigan.
•Gipakita sa detalye sa yuta nga wala gyud malimti sa Ginoo ang iyang gipanumpaan.
2. Ang saad sa Dios moabut pinaagi sa pakigtambayayong.
•Gisaad sa Dios ang yuta—pero ang Israel kinahanglan moadto, molihok, mosulod, ug moangkon.
3. Ang gasa sa Dios nagkinahanglan ug pagdumala.
•Gitudlo sa Leviticus 25 ang pag-rest sa yuta, Jubilee, ug pag-amping niini.
Ang saad sa Dios dili lang dawaton; ampingan ug gamiton sa hustong paagi.
🔑Susi sa Pagsabot•
1. Dili ikalimod as nga ang mga saad dugay nimo gipangayo.
•Kung dugay, dili pasabot nga wala, apan nag-andam ang Dios ug mas maayo nga panahon.
2. Ang paglaum mahimong “visible” kung motoo ka sa proseso.
•Ang imong pagtoo dili lang ang paghulat—apilan kini nimo og paglihok.
3. Ang tanang gasa sa Ginoo (talento, pamilya, ministry, trabaho) kinahanglan kanunay i-manage nga mataring.
•Dili tanan blessing kay para sa personal nga kalingawan—lakip niini ang misyon.
Maybe karon, naa kay mga saad sa Dios nga imong gihuptan:
• Kaluwasan sa imong pamilya
• kaharuhay sa imong kinabuhi
• Pagbangon gikan sa kalisud
• Paghibalik sa imong kalipay
• Paglaum sa imong kaugmaon
Ang imong paglaum dili drawing.
Ang imong pag-ampo wala kini masaag.
Duna kay Promised Land. Adunay giandam ang Dios nga yuta alang kanimo.
📮SUNDAY- Eden and Canaan
Genesis 2:15; Genesis 3:17–24; Genesis 13:14–15; Genesis 26:3–4 ;Genesis 28:13; Hebrews 6:11–15
BACKGROUND
Eden — ang unang puloy-anan sa tawo, puno sa kahapsay, kaanyag, ug presensya sa Dios.
Apan tungod sa sala, si Adam ug si Eva gipahawa ug nawad-an sa fellowship sa Ginoo.
Canaan — usa ka simbolo sa “mini-Eden,” usa ka lugar nga puno sa gasa, paglaum, ug fellowship sa Dios.
Dili perfect ang Canaan, pero mao kini ang reminder nga ang Dios nagpadayon sa Iyang plano nga ibalik ang kalipay nga nawala sa Eden.
Ang Canaan dili lang yuta — timaan kini nga ang Dios nagapaningkamot nga ma-restore ang relasyon sa tawo.
⛔️Punto sa Pagtoon•
1. Ang sala nakabuak sa relasyon, pero ang Dios nagpadayon sa paghatag ug paglaum.
•Sa Eden nagsugod ang problema; sa Canaan nagsugod ang pagtubag sa Dios.
2. Ang saad sa Dios molatas ug henerasyon.
•Gisaad Niya kang Abraham, Isaac, ug Jacob — ug natuman bisan 400 years pa sila nga naghulat.
3. Ang mga saad sa Dios libre — dili paliton, dili angkonon pinaagi sa kusog, apan dawaton pinaagi sa pagtoo.
•Si Adam ug Eva wala maka-earn sa Eden; Israel wala maka-earn sa Canaan.
🔑Susi sa Pagsabot•
1. Kung naay nawala nimo tungod sa sala, mahimo kining ibalik sa Dios.
•Ang Canaan nagpasabot nga adunay “second Eden” para sa tanan nga motoo.
2. Ayaw kaluya kung dugay ang pagtuman sa saad sa Dios.
•Ang 400-year delay sa Israel dili kini failure — panahon kini sa Dios.
3. Ang imong pagtoo karon makapahupay sa imong paghulat ug maghatag kaligdong sa imong kinabuhi.
•Mao na’y “anchor of hope” sa Hebrews 6:19.
Ang Eden nasirado tungod sa sala. Pero ang Canaan nagpakita nga ang Dios dili Siya mo-surrender kay nahaigugma sa tawo.
Dili Niya tugotan nga ang imong kinabuhi magpabilin nga walay paglaum.
Basin karon:
• nawala na ang imong kalipay,
• naguba na ang relasyon,
• nagkabulagay ang pamilya,
• natabonan sa kasaypanan ang imong pagkatawo.
Ayaw kahadlok. Kung si Adam ug Eva nakakita pa ug paglaum human sa Eden, ikaw usab adunay Canaan nga as giandam kanimo.
📮MONDAY- The Land as a Gift
Exodus 3:8; Leviticus 20:22
Leviticus 25:23; Numbers 13:27; Deuteronomy 4:1, 25, 26; Deuteronomy 6:3; Psalm 24:1; 1 Peter 2:11; Hebrews 11:9–13
BACKGROUND
Sa daang kultura, ang ulipon walay yuta. Wala silay identity, wala silay kaugmaon, wala silay bahin sa katilingban. Mao nga ang paghatag sa Dios og yuta sa Israel dili ordinaryo:
• gikan sila sa pagka-ulipon,
• napulihan ang pagkatawo nga naay kahimtang na sa dignidad,
• ug naghupot sa usa ka yuta nga gisaad pa gikan kang Abraham.
Sa Egypt, ang Nile River nagkontrol sa tanum; sa Canaan, ulan ra ang gisaligan—mao nga mas klaro nga Dios mismo ang nagahatag sa pag-ani, pagpanalangin, ug pagpreserba sa yuta.
Ang yuta sa Israel mao ang classroom diin makakat-on sila nga Dios ang Source sa ilang identity, pagka-nation, ug kinabuhi.
⛔️Punto sa Pagtoon•
1. Ang yuta naghatag og identity sa Israel.
•Gikan sa pagka-ulipon ngadto sa pagka-katawhan nga adunay kaugalingong lugar — usa ka panalangin nga nagpakita nga sila anak sa Dios.
2. Ang yuta usa ka timaan sa saad ug pagtuman sa Dios.
•Gisaad sa Dios kang Abraham, Isaac, ug Jacob; gihatag gyud Niya, bisan dugay naabot ang panahon.
3. Ang yuta nagpahinumdom nga ang Dios mao ang Tinuod nga Tag-iya.
•Bisan gihatag sa Israel, si Yahweh gihapon ang nagbuot sa ulan, pag-ani, ug kaluwasan.
🔑Susi sa Pagsabot•
1. Dili kita ang tag-iya sa kalibutan—mga lumalabag lamang kita.
•Ang atong trabaho, balay, kwarta, ug yuta dili ato-a; gipiyal kini sa Dios.
2. Ang mga panalangin maga-abot kung mosunod kita sa Dios.
• Ang Israel makapanag-iya sa yuta kung mag-matinumanon; kita usab makasinati sa panalangin kung adunay “obedience.”
3. Ang atong tinuod nga balay mao ang New Earth.
•Ang yuta karon temporaryo; ang bag-ong kalibutan mao ang permanente nga puloy-anan sa mga matarung.
Daghan sa atong panahon ang nagtoo nga “akoaman ni,” “akong balay,” “akong kwarta,” “akong yuta.”
Pero ang Biblia nagsulti: “Ang kalibutan iya sa Ginoo” (Psalm 24:1).
Dili diay kita tag-iya.
Kita mga lumalabay lang.
Kita mga pilgrims.
Ug kung estranghero lang kita, dapat ang atong pagkinabuhi mahinatagon, matinumanon, ug maghunahuna nga ang tanan gikan sa Dios.
Kung naa kay yuta, trabaho, pamilya, ministry—ayaw tan-awa nga imoha; tan-awa nga gipiyal sa Dios.
📮TUESDAY- The Challenge of the Land
Joshua 13:1–7; Ephesians 2:8–9; Deuteronomy 9:5; Philippians 2:12; Hebrews 12:28
BACKGROUND
Ang mga Israelita nangabuhi og gatusan ka tuig isip ulipon sa Egypt. Wala silay training sa military, wala silay advanced weapons, ug wala silay kasinatian sa pakig-gubat.
Sa pikas bahin, ang mga Ehiptohanon professional nga fighters:
• Naay professional generals,
• Naay dagkung armas,
• Hanas na sa pakig-gubat.
Bisan pa niini, wala nila mapildi ang Canaan.
Apan ang Israel, nga walay armas ug walay training, gisugo sa Dios:
“Inyong angkonon ang yuta. Akong ihatag kini kaninyo.”
Ang sekreto?
Dili ilang kusog, apan ang presensya sa Dios.
⛔️Punto sa Pagtoon•
1. Ang kahuyang sa tawo dili babag sa gahum sa Dios.
• Ang Israel walay military advantage, pero ang Dios mao ang “Commander.”
2. Ang gasa sa Dios dili ma-earn—pero kinahanglan bantayan pinaagi sa pag-obey.
• Ang Israel nakadawat sa yuta tungod sa kalooy, dili tungod sa “merits.”
3. Ang pag-angkon sa saad sa Dios nanginahanglan og pakigbisog ug pagtoo.
•Bisan gihatag ang yuta, kinahanglan sila molihok ug morespond sa tawag sa Dios.
🔑Susi sa Pagsabot•
1. Dili nimo mahimo nga “i-earn” ang kaluwasan, pero pwede nimo kini “i-neglect.”
(Ephesians 2:8–9; Hebrews 2:3)
2. Ang “obedience” dili payment—apan usa ka response.
•Obedience is gratitude, not a bargaining.
3. To enjoy God’s promises, kinahanglan magtinud-anay isip usa ka disipulo.
Ang Philippians 2:12 nagpasabot nga ipadayon ang pagkamatinumanon nga punô sa respeto sa Dios.
Daghan sa atong panahon gusto makadawat sa panalangin, pero dili gusto moagi sa proseso.
Ang Israel nakadawat sa yuta tungod sa kalooy, pero nagpadayon sila sa pag-angkon niini tungod sa obedience ug faith.
Ang kaluwasan sa Dios mao’y gasa.
Ang bag-ong kinabuhi mao’y gasa.
Ang panalangin mao’y gasa.
Pero kung dili ta magbantay,
pwede nato kini mawala, dili tungod kay gikawat, tungod kay atong gi-neglect.
📮WEDNESDAY- The Jubille
Leviticus 25:1–5; Leviticus 25:8–13; Numbers 34:13–18; Leviticus 25:25; 2 Chronicles 36:20–21
Ang Jubilee dili lang kalendaryo nga pagpahulay; simbolo kini nga ang Dios mao ang Tinuod nga Tag-iya sa tanan ug ang Iyang ka-anakan dili dapat mahimong ulipon sa utang, sa kakabus, ug kalisud sa kinabuhi.
Sa Egypt, daghang tao ang:
• nawad-an sa ilang yuta,
• nahimong ulipon tungod sa kakabus,
• wala nay kagawasan ug dugmok ang dignidad.
Dili gusto sa Dios nga kini nga sistema mausab nga mahitabo sa Israel.
Mao nga iyang gihatag ang Jubilee:
• Dili pwede paliton ang yuta para mahimong permanenteng “property.”
• Kung mapugos ang usa ka tawo nga ibaligya ang iyang yuta tungod sa kalisud,
balikon kini sa pamilya sa Jubilee year.
• Walay pamilya ang mawad-an sa ilang identity ug heritage.
• Walay datu ang mahimo’g “land king,” ug walay kabus ang mapabiling prisoner sa utang.
Ang Jubilee usa ka re-set button sa economic ug social life sa Israel — proof nga ang Dios dili gusto ug system nga makapahimulos sa kabus.
⛔️Punto sa Pagtoon•
1. Ang yuta ug panalangin gikan sa Dios; dili nato angkonon nga atoa.
•Ang Jubilee nagpahinumdom nga TINUOD NGA OWNER ang Dios (Psalm 24:1).
2. Ang Dios naglangkub sa hustisya ug kalooy.
•Ang Jubilee nagtabang nga wala nay pamilya nga mahimong ulipon sa utang o abusaran sa mga adunahan.
3. Ang Dios gusto nga ang Iyang katawhan magtinabangay.
•Gamiton ang yuta ug panalangin para mak-tabang, dili para maghinambog.
🔑Susi sa Pagsabot•
1. Ang tanan natong panalangin kay temporary, mag trust kita sa Ginoo kay dili ato-a.
• Cash, car, gadgets, property—all belong to God.
2. Ang kristohanon dili mag-mata-pobre tungod sa pagkadatu, apan sa pagkamaayo.
•Ang Jubilee nagdili sa pagka-greedy ug nagpromote kini ug fairness.
3. Kinahanglan tudloan nato ang atong pamilya ug kabatan-onan nga dili mahimong ulipon sa materialism.
•Ang Jubilee nag-ingon: “Enough is enough.”
Ang kalibutan karon nag-antos sa kalisud sa ekonomiya ug mahal nga palitonon, sa pagpaningkamot nga mas dati kaysa uban, ug sa pag-tigum og daghan kabtangan bisan dili na gi as kinahanglan.
Pero ang Dios nagsulti:
“Ang tanan katawhan akong Anak. Busa, Dili kamo dapat mag-inuliponay.”
Ang Jubilee nagpaundang sa pagkadatu sa usa lang ka tawo ug pagkadaot sa daghan.
Ug hangtud karon, ang espiritu sa Jubilee mao gihapon ang pagtawag sa Ginoo:
• ayaw pagpalabi,
• ayaw pag-ani ug sobra uban ang kahakog
• ayaw kalimti ang kabus,
• ayaw tuguti nga ang imong kasingkasing mahimong ulipon sa pagka-materialismo.
📮THURSDAY- The Land Restored
Jeremiah 24:6; Jeremiah 31:16; Ezekiel 11:17; Ezekiel 28:25; Ezekiel 37:14, 25; Deuteronomy 28:63–64; Joshua 23:13, 15; 1 Kings 9:7; 2 Kings 17:23; Jeremiah 12:10–12;Isaiah 9:6–7;Zechariah 9:9, 16;2 Corinthians 1:20; Romans 15:8;John 14:1–3; Titus 2:13; Revelation 21:1–3
Human sa daghang katuigan nga pagsupak-supak sa Israel, diin sila gi-exploit ug gidala ngadto sa Babylonian exile. Nawala kanila ang:
• yuta,
• identity,
• templo,
• ug kahimtang isip “people of God.”
Apan bisan wala sila sa Canaan, ang Dios nagpabiling nga ilang Dios.
Sa panahon sa captivity, ang mga propeta nagpasalig:
• “Balik kamo sa yuta.”
• “Balik kamo sa saad.”
• “Balik kamo sa akong kasingkasing.”
Ang pagbalik sa Israel sa Canaan dili tungod kay takus sila. Kini tungod kay tumanon sa Dios ang iyang gisaad.
Ug sa New Testament, ang ultimate fulfillment mao si Ginoonh Jesus, ang “Anak ni David,” nga naghatag sa:
• pagbalik sa identity,
• pagbalik sa espirituhanong yuta,
• ug pagbalik sa tinuod nga relasyon sa Dios.
⛔️Punto sa Pagtoon•
1. Bisan mo-FAIL ang katawhan, ang Dios dili mo-FINAL FAIL.
• Ang Israel nakalapas, pero ang Dios nagpadayon ang Iyang saad.
2. Ang pagbalik nila sa yuta simbolo sa pagka-hibalik sa kasingkasing ngadto sa Dios.
•Ang physical restoration nagsimbolo sa spiritual restoration.
3. Si Jesus mao ang tinuod nga pagtuman sa tanan saad sa Dios.
•Ang tanang prophecies (2 Cor. 1:20) nagtudlo ngadto kang Jesus Christ.
🔑Susi sa Pagsabot•
1. Dili pa ulahi nga para mobalik sa Dios.
•Bisan unsa kalayo na ang imong pagpahilayo, naay paagi pagbalik.
2. Ang imong paglaum dili ibutang sa kalibutan, apan sa pagbalik ni Ginoong Jesus.
•Ang John 14:1–3 nagsulti nga “mo-abot Siya alang sa pagkuha sa Iyang katawhan.”
3. Ang bag-ong kalibutan mao ang ultimate Promised Land.
•Revelation 21:1–3 — no more tears, pain, or sin.
Daghan ta’g panahon nga murag na “exile”:
Nawala ang kalinaw.
Naay daghang kapakyasan.
Naay pagkabulag sa pamilya.
Naay sala nga nakapahimulag nato sa Dios.
Pero ang Dios nag-ingon:
“I will bring them back.” (Jeremiah 24:6)
Dili Siya masuko ug kalit.
Dili Siya mosalikway nimo kung gikapoy ka sa pagsimba.
Dili Siya mag-alanganin sa pagdawat sa imong pagbalik.
Ug ang labing dakung paglaum mao kini:
Mobalik si Jesus
Mobalik Siya para kuhaon kita.
Mobalik Siya para putlon ang tanan natong kasakit.
Ug mobalik Siya para ihatag ang bag-ong yuta—ang New Earth—nga dili na nato mabiyaan.
📮FRIDAY- Further Thought
Hebrews 4:1;Hebrews 11:14–16;John 10:10; Revelation 22:1–2
Ang Promised Land usa ka anino sa mas daku ug mas dignified nga saad—ang kinabuhi nga walay kahadlok, walay sala, ug walay kamatayon nga gisaad ni Jesus sa Iyang katawhan.
Ang Israel nag-awit, nag-ampo, ug naghandum sa yuta sa Canaan.
Pero bisan unsa sila ka inspired, ang kanta ug kalipay dili maoy nakapasulod kanila sa yuta—apan ang pagtoo ug pagkamatinumanon.
Lakip kini sa atong espirituhanong Promised Land nga giandam ni Jesus:
• dili ta makasulod tungod kay maayo ta,
• dili tungod kay daghan tag nahimo,
• apan tungod kay gikuptan nato ang saad sa Dios ug gisunod nato Siya.
Sa New Earth nga gihulma sa Ginoo, adunay:
• tubig nga sama ug salamin,
• kahoy nga nagdala og bunga matag bulan,
• kalinaw nga walay katapusan,
• panimalay nga walay pagkadili,
• panag-uban nga dili mabuwag.
Ang Israel nagsubay sa kamingawan sulod sa daghang katuigan…
Kita pud nagsubay sa kamingawan dinhi sa kalibutan.
But both journeys end in this truth:
Ang Dios magatuman gyud sa Iyang nga saad.
⛔️Punto Sa Pagtoon•
1. Knowledge alone cannot save us.
•Ang Israel nakabalo sa saad, pero wala sila makasulod tungod sa kakulang sa pagtoo (Hebrews 4:1).
2. Ang tinuod nga Promised Land mao ang kinabuhi nga giandam ni Jesus.
•Ang Canaan usa ra ka shadow; si Jesus mao ang tinuod nga Shepherd sa “living waters.”
3. Ang paglaum sa bag-ong yuta nagpadasig nato nga mo-obey karon.
•Ang paglaum nga “mo-abot Si Jesus” nagbag-o sa atong pagkabuotan ug pagka-matinud-anon.
🔑Susi sa Pagsabot•
1. Ayaw pasalig sa imong emotions; saligi ang saad sa Dios.
•Bisan makasulay tag discouragement, ang Diyos dili gyud mosalikway sa Iyang mga saad.
2. Magpuyo isip citizen sa langit bisan karon pa lang.
• Kung anak ka sa Hari, ang imong kinabuhi dapat nagsidlak sa pagkamaayo, pagkamatarung, ug paglaum.
3. Himoa nga tinuod ang “new earth” sa imong mga binuhatan karon.
•Himoa ang imong balay, pamilya, ug simbahan nga mini o hulad sa kingdom of God dinhi sa kalibutan.
Kadaghan ta ma-disappoint kung ang tawo dili mo-honor sa ilang saad.
Pero ayaw itandi ang saad sa tawo sa saad sa Dios.
Ang saad sa tawo:
• mapakyas,
• limitado,
• usahay bug-at ug walay pulos.
Pero ang saad sa Dios:
• perfect,
• dili mausab,
• puno sa kaluoy,
• puno sa gahom,
• puno sa gugma nga dili mapukan.
Ang kalibutan puno sa kapait, kasakit:
pero samtang magalakaw kita niini nga dalan, wala kita nagpaabot sa walay kasigurohan.
Kita nagpaabot kang Ginoong Jesus,
nga misaad:
“Mobalik Ako, ug dad-on ko kamo.”
ctto: Pr. EM Vladimir Arellano Undalok
