09/11/2024
ချစ်သူသက်တမ်း လေးနှစ်ကျော်ကြာပြီးနောက် လက်ထပ်ခွင့်တောင်းလိုက်ပြီဖြစ်တဲ့ ပိုင်တံခွန်
မင်းသားချော ပိုင်တံခွန်က သူ့ချစ်သူကို နိုဝင်ဘာလ (၈) ရက်နေ့က ကိုရီးယားနိုင်ငံ၊ ဆိုးလ်မြို့က ဟန်မြစ်ဘေးမှာ လက်ထပ်ခွင့်တောင်းလိုက်ပါတယ်။
လက်ထပ်ခွင့်တောင်းထားတဲ့ Video ကို သူ့ရဲ့ လူမှုကွန်ယက်စာမျက်နှာမှာဖော်ပြထားပြီး Video ထဲမှာ ပိုင်တံခွန်က သူ့ချစ်သူကောင်မလေးကို
" မောင်လွန်ခဲ့တဲ့ (၄) နှစ်ကျော်ကပေးထားတဲ့ကတိကိုမှတ်မိလား? မောင်အသက် (၂၈) နှစ်ပြည့်တဲ့နေ့ကျရင် လက်ထပ်ခွင့်တောင်းမယ်လို့ပြောခဲ့တယ်လေ။ အဲဒီကတိအတိုင်း သဲလေးတစ်ဘဝလုံးကို တာဝန်ယူဖို့အဆင်သင့်ဖြစ်နေပီ၊။ သဲကိုမောင်အရမ်းချစ်တယ်။ Will you marry me".......ဆိုပီး လက်ထပ်ခွင့်တောင်းခဲ့ပါတယ်။
ချစ်သူလေးကလည်း "Yes" ဆိုပြီး အဖြေ ပြန်ပေးခဲ့ပါတယ်။
လက်ထပ်ခွင့်မတောင်းခင်မှာလည်း ပိုင်တံခွန်က " (၄) နှစ်ကျော်ကာလမှာ သဲ ကမောင့်ကိုတစ်ခါမှ စိတ်ညစ်အောင်မလုပ်ဖူးဘူး။ မောင်စိတ်ဆင်းရဲအောင်လည်းတစ်ခါမှ မလုပ်ဖူးဘူး။ မောင့်စိတ်ကိုနည်းနည်းလေးတောင် စိတ်ညစ်သွားအောင် သဲမလုပ်ခဲ့ဘူး။ အဲဒီအတွက် မောင်ကကျေးဇူးအများကြီးတင်ပါတယ်။"ဆိုပြီးလည်း ပြောပြခဲ့ပါတယ်။
