SINAG

SINAG is the official student publication of the UP Diliman College of Social Sciences and Philosophy (CSSP).

In its 53rd year, SINAG is once again facing tumultuous times. Amid a raging pandemic and a deepening economic recession, the publication's online presence has been severely hampered by organized and sustained attacks from paid online trolls. SINAG's original page, which already had 12,000+ likes, began to suffer from low reach and impact as the unjustified reports took their toll. To ful

fill its mission of upholding the truth and defending press freedom, SINAG deemed it apt to begin anew on the platform. Unencumbered by past obstacles and with renewed zeal to serve the people, SINAG aims to fight back and deliver a radical, assertive, and mass-oriented brand of journalism.

27/10/2025

TINGNAN: Inilabas na ng UP Diliman College of Social Sciences and Philosophy Office of Student Affairs (CSSP- OSA) ang opisyal na resulta ng 2025 CSSP Student Council Special Elections para sa mga tumatakbong kinatawan ng mga departamento ng Anthropology, History, at Political Science.

Nagtala ng 36.08% na voter turnout ang departamento ng Anthropology, habang 29.63% naman sa History, at 38.93% sa departamento Political Science.

Mula rito, opisyal na inihalal ng Kolehiyo sina Rafael Emman Romero bilang department representative ng Anthropology, Oyayi Sofia Villegas para sa History, at Mark Joseph Rodenas para sa Political Science.

Mula sa Facebook post ng UP Diliman CSSP OSA: https://www.facebook.com/share/p/1SvwJbBZVp/

27/10/2025

𝗡𝗘𝗪𝗦 𝗙𝗘𝗔𝗧𝗨𝗥𝗘 | 𝗣𝗮𝗻𝘂𝗻𝘂𝗽𝗶𝗹 𝗻𝗴 𝗲𝘀𝘁𝗮𝗱𝗼 𝘀𝗮 𝗺𝗴𝗮 𝗹𝗶𝗱𝗲𝗿-𝗲𝘀𝘁𝘂𝗱𝘆𝗮𝗻𝘁𝗲, 𝘀𝗶𝗻𝗮𝗴𝗼𝘁 𝗻𝗴 𝗽𝗿𝗼𝘁𝗲𝘀𝘁𝗮 𝘀𝗮 𝗨𝗣 𝗗𝗶𝗹𝗶𝗺𝗮𝗻

Isinulat ni Raphael Mendoza

Ikinasa nitong Huwebes, Oktubre 23, ng UP Act Against Corruption Network (UP ACTION) at UP Diliman University Student Council (UPD USC) ang isang indignation protest sa tapat ng Vinzon’s Hall bilang tugon sa tumitinding intimidasyon at panunupil laban sa mga lider-estudyante na nanguna sa mga kilos-protesta kontra katiwalian nitong mga nagdaang linggo.

Nakiisa sa protesta ang mga estudyante, g**o, at kawani ng unibersidad, kabilang ang All UP Academic Employees Union (AUPAEU), sa pagkondena sa panunupil ng kapulisan habang nananatiling hindi napapanagot ang mga tiwali sa pamahalaan.

Bago ang programa, nagdaos muna ng press conference sa Vinzon’s Lobby kung saan nagbigay ng kanilang mga pahayag sina UPD USC Chairperson Joaquin “Waks” Buenaflor, Student Regent Dexter Clemente, at Wovi Villanueva—na matatandaang isa sa mga marahas na inaresto noong Setyembre 21.

BASAHIN ANG BUONG ULAT: https://sinag.press/news/2025/10/27/panunupil-ng-estado-sa-mga-lider-estudyante-sinagot-ng-protesta-sa-up-diliman/

27/10/2025

𝗨𝗣 𝗡𝗘𝗪𝗦 | 𝗠𝗴𝗮 𝗻𝗮-𝗿𝗲𝗹𝗼𝗰𝗮𝘁𝗲 𝗻𝗮 𝗺𝗮𝗻𝗶𝗻𝗶𝗻𝗱𝗮, 𝗺𝗮𝘆 𝗽𝗮𝗻𝗮𝘄𝗮𝗴𝗮𝗻 𝘀𝗮 𝗸𝗼𝗺𝘂𝗻𝗶𝗱𝗮𝗱 𝗻𝗴 𝗞𝗔𝗣𝗣

Isinulat ni Jenelle Raganas

Matapos ang “relocation” mula Fernandez Street sa gilid ng Palma Hall papuntang College of Arts and Sciences Alumni Association (CASAA) ruins noong Oktubre 15, patuloy pa ring kumakaharap sa patung-patong na gastusin ang mga manininda sa kabila ng mga natamong sira ng kanilang mga kiosk.

Ito ay matapos silang magalsabalutan dahil sa utos na pagpapalipat ng University of the Philippines Diliman Office of the Vice Chancellor for Planning and Development (OVCPD). Kaugnay ito ng planong "landscaping" na bahagi ng konstruksyon ng bagong gusali ng UP School of Library and Information Studies (SLIS).

BASAHIN ANG BUONG ULAT: https://sinag.press/news/2025/10/27/mga-na-relocate-na-manininda-may-panawagan-sa-komunidad-ng-kapp/

24/10/2025

BREAKING: Ngayong araw, Oktubre 24, muling hinainan si Joaquin Buenaflor, Chairperson ng UP Diliman University Student Council, ng subpoena mula sa Philippine National Police (PNP).

Muling pinuntahan ng kapulisan ang bahay nila Buenaflor ngayong 10 n.u.

Ito ay ang pangalawang pagpunta ng PNP sa bahay ni Buenaflor mula noong Oktubre 22, 2025: https://www.facebook.com/share/p/1BFpWHLxoX/?mibextid=wwXIfr

Base sa muling inihaing subpoena, kapag hindi nagpakita si Buenaflor sa Philippine National Police - Crime Investigation and Detection Group (CIDG) ay papatawan siya ng Indirect Contempt of Court batay sa Section 1 ng RA 10973.

Umantabay sa mga susunod pang detalye.

Mga detalye ng subpoena mula sa Facebook post ni Joaquin Buenaflor https://www.facebook.com/share/p/1Am9ARt4vR/

24/10/2025

NGAYON: Kasalukuyang naglulunsad ng programa ang mga Iskolar ng Bayan sa Philcoa para sa Black Friday Protest na pinangungunahan ng mga student leaders mula sa UP Diliman.

Kasunod ng pagpapadala ng subpoena sa UP Diliman USC Chair, Joaquin "Waks" Buenaflor, panawagan ng UP community na ituon ng estado ang pagpapanagot sa mga magnanakaw, at hindi pang-aatake at pagpapatahimik sa mga kabataang mulat at lumalaban.

23/10/2025

LARAWAN NG PAGLABAN: Sa paggunita ng Araw ng mga Magbubukid, militanteng nagmartsa sa lansangan ng Maynila ang mga pesante mula sa iba't ibang lalawigan sa pangunguna ng Kilusang Magbubukid ng Pilipinas (KMP), kasama ang iba pang progresibong organisasyon mula sa iba’t ibang sektor.

Binuksan ang programa sa Liwasang Bonifacio, kung saan dumagundong ang mga sigaw ng pagkakaisa at protesta laban sa mga polisiya ng rehimeng patuloy na nagpapahirap sa sektor ng agrikultura. Kasabay nito, mariing kinundena ng mga grupo ang maanomalyang flood control projects at ang patuloy na panghihimasok ng Estados Unidos sa mga usaping panloob ng bansa.

“Sa ilalim ni Marcos, ligalig ang masang anakpawis. Hindi lang bagyo, hindi lang kurakot ang matinding bumabagabag sa mga magsasaka—kundi ang malalang militarisasyon sa kanayunan,” ani Danilo Ramos, National Chairperson ng Kilusang Magbubukid ng Pilipinas (KMP).

Pagdating sa Mendiola, sinalubong sila ng barikada na puno ng barbed wires at hanay ng mga kapulisan. Sa kabila ng harang at panggigipit, nagpatuloy ang programa. Malinaw na ang Araw ng mga Magbubukid ay hindi lamang paggunita sa sakripisyo ng uring bumubuhay sa ating bayan. Ito rin ay Araw ng Paniningil, isang patuloy na laban sa gutom, militarisasyon, at kawalang-katarungan sa kanayunan.

23/10/2025

TINDIG: Hands Off Student Leaders!

Isang araw matapos ang pagpapadala ng PNP ng subpoena sa bahay ng UP Diliman University Student Council Chairperson, Joaquin "Waks" Buenaflor, agarang nag-organisa ang mga Iskolar ng Bayan ng press conference at indignation rally sa harap ng Vinzon's Hall.

Bukod kay Buenaflor, naglahad din ng personal na karanasan si Matteo Wovi Villanueva ukol sa dinanas na karahasan mula sa pulis noong nakaraang Setyembre 21. Upang irepresenta ang student body, naglahad din ng tindig si Dexter "Dex" Clemente, UP 42nd Student Regent.

Dahil sa sunod-sunod na pang-iintimida ng kapulisan sa kabataan kamakailan, idiniin ng mga Iskolar ang kanilang panawagang ikulong ang mga mandarambong, hindi ang kabataan. Sa pamamagitan ng organisadong agarang aksyon, ipinakita ng UP community ang kanilang maalab na militanteng diwa na hindi mapapatahimik ng bulok na sistema.

23/10/2025

Sa gitna ng krisis panlipunan, patuloy ang pakikibaka – ang habi ng laban ng sambayanang Pilipino.

Bilang bahagi ng paggunita ng kanilang ika-22 anibersaryo, inihandog ng UP Political Society ang 𝗛𝗔𝗡𝗔𝗬: 𝗠𝗴𝗮 𝗛𝗮𝗯𝗶-𝗛𝗮𝗯𝗶𝗻𝗴 𝗞𝘄𝗲𝗻𝘁𝗼 𝗻𝗴 𝗣𝗮𝗸𝗶𝗸𝗶𝗯𝗮𝗸𝗮 noong ika-17 ng Oktubre 2025, araw ng Biyernes sa Room 104 ng College of Business Administration.

Sa naganap na Roundtable Discussion, kabilang sa mga nagbahagi ng kanilang mga karanasan sa pakikibaka mula sa kani-kanilang mga sektor ay sina:

• 𝗖𝗼𝗻𝗴. 𝗦𝗮𝗿𝗮𝗵 𝗝𝗮𝗻𝗲 𝗘𝗹𝗮𝗴𝗼, Party-list Representative, Gabriela Women’s Party, Assistant Minority Leader, 20th Congress House of Representatives

• 𝗠𝘅. 𝗔𝗻𝗻𝗮 𝗥𝗮𝗽𝗵𝗮𝗲𝗹𝗮 𝗖𝘂𝗯𝗮𝗰𝘂𝗯, National Convenor, Philippine Anti-Discrimination Alliance of Youth Leaders (PANTAY)

• 𝗠𝘅. 𝗦𝗮𝗿𝗮𝗵 𝗝𝗮𝗻𝗲 𝗗𝗲𝗹𝗮 𝗥𝗼𝘀𝗮, President, Kababaihang may Kapansanan ng Lungsod ng Quezon Inc.

• 𝗞𝗮 𝗠𝗮𝗹𝗼𝘂 𝗙𝗮𝗯𝗲𝗹𝗹𝗮, President, Pinag-Isang Lakas ng Manggagawa - Manila Bay Thread Corporation (PIGLAS-MBTC)

Ilan sa mga hinaing ng ating mga kasapi ay ang patuloy na panghihimasok ng mga political dynasty sa mga party-list ngayon – hindi na para sa mga naturang ‘marginalized’ at ‘underrepresented’ na mga sektor, ayon kay Cong. Elago. Ang pagkakatulad sa karanasan sa pakikibaka ng mga nainbitahang sektor ay pare-pareho silang marginalized at biktima ng mga anomalya ng pamahalaan sa kaban ng bayan, tugon nina Mx. Dela Rosa at Cong. Elago.

Nabanggit din ni Mx. Cubacub na state-sponsored ang mga progressive post ng mga anti-gender rhetoric – maging ang mismong inaction ng gobyerno. Gaya na lamang sa nakaraang SONA na hindi na naman nabanggit ang komunidad ng LGBTQIA+. Dagdag pa rito ni Mx. Dela Rosa, hindi sustainable ang mga proyekto ng pamahalaan. Sa kaniyang kinabibilangang sektor, ang PWD ay nananatiling nakapaloob sa mga proyekto ng DSWD. Sa karanasan ng mga PWD, naging bahagi na ng normal na pamumuhay nila ang diskriminasyon, kaya’t nangangailangan pa rin sila ng mga taong tunay na magtataguyod ng representasyon para sa persons with disabilities. Kaya nama’y hinaing ni Ka Malou na pinagsasamantalahan na nga tayo ngunit patuloy na kakarampot lamang ang binibigay sa atin.

“We are armed with the right tools to let the light in.” - Mx. Cubacub
“Kaya ka nandito kasi mayroon kang ipinaglalaban.” - Ka Malou
“May laban tayo.” - Cong. Elago

Sa bawat habi ng kanilang mga kwento, muling ipinapaalala sa atin ang patuloy na lumalagablab na pakikibaka. Hangga’t may inaapi at napag iiwanan sa lipunan, may lalaban.

23/10/2025

LARAWAN NG PAGLABAN: Ipinahayag ng mga lider-estudyante ngayong araw, Oktubre 23 ang kanilang tindig laban sa tumitinding banta sa kaligtasan at atake sa akademikong kalayaan ng mga Iskolar ng Bayan sa pagkasa ng isang press conference sa Vinzon's Lobby at isang 'indignation protest' pagkatapos nito sa pangunguna ng UP Act Against Corruption Network (UP ACTION).

Kahapon, pinadalhan ng subpoena si UP Diliman University Student Council Chairperson Joaquin "Waks" Buenaflor dahil umano sa kanyang pag-uorganisa ng mga malawakang kilos-protesta laban sa katiwalian sa ilalim ng rehimeng Marcos-Duterte. Si Buenaflor ang ika-apat na estudyanteng kumakaharap sa intimidasyon ng estado, matapos ding padalhan ng mga subpoena sila Jacob Baluyot na Associate Editor ng The Catalyst, Tiffany Brillante na Tagapangulo ng Sentral na Konseho ng mga Mag-aaral ng Polytechnic University of the Philippines (PUP), at si Aldrin Kitsune mula De La Salle College of Saint Benilde at miyembro ng Kalayaan Kontra Korapsyon (K*K).

"Hindi titigil ang mga Iskolar ng Bayan hangga't hindi tuluyang napapabaliktad ang bulok na sistema," ani Buenaflor.

Bukas, muling magkakasa ng isang Black Friday Protest ang iba't ibang pormasyon sa UP Diliman para maipakita na imbes na matakot ang kabataan ay mas lalong tumitindi ang kanilang galit at paninindigan na hamunin lalo ang estado at maningil ng pananagutan.

23/10/2025

PANOORIN: Inilahad ni Joaquin "Waks" Buenaflor ang kanyang pahayag tungkol sa kamakailan lamang na pananakot at harassment ng Philippine National Police sa kanya at iba pang lider-estudyante matapos ang pag-uorganisa sa mga kilos-protesta laban sa korapsyon nitong nagdaang mga linggo.

Giit ni Buenaflor, "What better service can we do to our country, but to fight injustice?" Hinamon niya rin ang rehimeng Marcos-Duterte na panagutin ang mga kurakot na opisyal sa ilalim ng kanilang pamumuno. Hinamon niya rin ang Philippine National Police na paglingkuran at protektahan ang mga Pilipino, hindi ang mga tiwali sa bansa. Kinuwestiyon niya ang kabalintunaang wala pa ring nakukulong na kurakot habang patuloy na niraratsada ang pananakot sa taumbayang nagpuprotesta. Panghuli, hinamon niya ang komyunidad ng UP na huwag matakot sa intimidasyon ng estado, at patuloy na ipaglaban ang kanilang mga batayang karapatan.

Bukas, magkakasa ulit ng Black Friday Protest ang UP ACTION ayon kay Buenaflor upang lalong itambol ang panawagan ng mga Iskolar ng Bayan.

23/10/2025

NGAYON: Kasalukuyang ikinakasa ng UP Act Against Corruption Network (UP ACTION) at UP Diliman University Student Council ang isang 'indignation protest' sa tapat ng Vinzon's Hall ngayong araw, Oktubre 23.

Kasama rin sa kilos-protesta ang mga g**o at kawani ng University of the Philippines, tulad ng All UP Academic Employees Union. Kinundena ng bulto ang pananakot ng kapulisan sa taumbayan habang patuloy na hindi napapanagot ang mga kurakot sa bansa.

Umantabay sa mga susunod na detalye.

23/10/2025

NGAYON: Pormal nang nagsimula ang press conference ngayong araw, Oktubre 23, na inorganisa ng UP Act Against Corruption Network (UP ACTION) sa Vinzon's Lobby upang magbigay ng pahayag at dagdag-linaw sa mga detalye ng mga tumitinding atake at intimidasyon sa mga lider-estudyante sa kabila ng kaliwa't kanang protesta at pagkundena sa sumambulat na katiwalian at korapsyon sa gubyerno nitong mga nakaraang linggo.

Nakaupo sa press conference sina UP Student Regent Dexter Clemente, Mattheo Wovi Villanueva, at si Waks Buenaflor.

Kahapon, Oktubre 22, ay pinadalhan ng subpoena si UP Diliman University Student Council Chairperson Joaquin "Waks" Buenaflor sa mismong bahay niya habang siya ay nasa UP Diliman. Tatlong pulis ang nagtungo dala ang dokumento at nagbanta pang maghain ng warrant of arrest kung hindi siya magbibigay ng pahayag. Ayon sa PNP, kaugnay umano ito ng mga kilos-protestang inorganisa nitong mga nagdaang linggo kung saan nagkaisa ang kabataan at mamamayan sa kanilang panawagan kontra korapsyon.

Isa lamang si Waks sa apat na lider-estudyante na pinadalhan ng subpoena ng PNP nitong nagdaang linggo.

Address

3/F Palma Hall Mezzanine, University Of The Philippines Diliman
Quezon City
1101

Website

http://csspsinag.wordpress.com/, http://sinag.press/

Alerts

Be the first to know and let us send you an email when SINAG posts news and promotions. Your email address will not be used for any other purpose, and you can unsubscribe at any time.

Contact The Business

Send a message to SINAG:

Shortcuts

Want your business to be the top-listed Media Company in Quezon City?

SINAG

27/10/2025

27/10/2025

27/10/2025

24/10/2025

24/10/2025

23/10/2025

23/10/2025

23/10/2025

23/10/2025

23/10/2025

23/10/2025

23/10/2025

Address

Website

Alerts

Contact The Business

Shortcuts

Share

Category