Maharlika: LNHS Filipino Club

11/08/2025

𝐌𝐚𝐥𝐢𝐠𝐚𝐲𝐚𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚!

Tangkilikin natin ang ating sariling wika sapagkat ito ay mahalaga sa pag-uugnay ng ating bansa. Hindi lamang ito mahalaga ngunit ito rin ay sumisimbolo sa ating kultura at pag-unlad ng ating komunidad.

Sama-sama nating pagyamanin at ipagmalaki ang wikang Filipino!
--

𝘗𝘢𝘯𝘶𝘭𝘢𝘵 𝘯𝘪 𝘓𝘑 𝘔. 𝘙𝘢𝘣𝘢𝘨𝘰 (7-𝘚𝘗𝘑)
𝘋𝘪𝘴𝘦𝘯𝘺𝘰 𝘯𝘪 𝘈𝘺𝘦𝘴𝘩𝘢 𝘓. 𝘓𝘢𝘻𝘰 (8-𝘚𝘗𝘑)

11/08/2025

11/08/2025

11/08/2025

11/08/2025

🇵🇭 Maligayang Buwan ng Wikang Pambansa! 🇵🇭

Bilang pagkilala sa ating mayamang kultura at kasaysayan, ipinagdiriwang natin ang Buwan ng Wikang Pambansa 2025! Sama-sama nating ipagdiwang ang pagkakaisa sa pamamagitan ng ating mga katutubong wika at ang pambansang wikang Filipino. Mula Luzon, Visayas, at Mindanao, bawat wika ay sumisimbolo sa ating pagka-Pilipino. Ipagmalaki natin ang ating wika, kultura, at tradisyon! Mabuhay ang ating wika!.

📚 Ang Kahulugan ng Buwan ng Wika

Ang Buwan ng Wikang Pambansa, na ipinagdiriwang tuwing Agosto, ay itinatag upang bigyang-pugay at palaganapin ang paggamit ng wikang Filipino bilang wikang pambansa. Ngunit higit pa rito, ito rin ay panahon ng pagkilala at pagbibigay-halaga sa mga katutubong wika ng bansa—mga wikang nagsisilbing tagapagdala ng kultura, kasaysayan, at identidad ng ating mga pamayanan.

Ngayong 2025, ang temang “Paglinang sa Filipino at Katutubong Wika: Makasaysayan sa Pagkakaisa ng Bansa” ay nagsisilbing paalala na ang pagtataguyod ng sariling wika ay hindi lamang usapin ng komunikasyon, kundi isang makasaysayang hakbang tungo sa tunay na pagkakaintindihan at pagkakaisa ng bansa.

Ang paglinang ng wika ay nangangahulugang hindi lamang simpleng pag-aaral at paggamit, kundi aktibong pagpapaunlad nito sa pamamagitan ng edukasyon, pananaliksik, panitikan, at sining. Ito rin ay nangangailangan ng suporta mula sa bawat isa—mula sa mga g**o, mag-aaral, manunulat, lider ng komunidad, hanggang sa pamahalaan—upang mapanatiling buhay at may saysay ang ating mga wika sa modernong panahon.

🌏 Bakit Mahalaga ang mga Katutubong Wika?

Ang bawat katutubong wika ay may kaakibat na pananaw sa mundo, paniniwala, at kaalaman. Sa pagkawala ng isang wika, nawawala rin ang isang bahagi ng ating kasaysayan at kultura. Kaya’t ang pagprotekta at pagpapayabong ng mga ito ay hindi lamang pagkilala sa ating pinagmulan kundi isang pamana para sa susunod na henerasyon ng mga Pilipino.

🫱🏽‍🫲🏽 Sa pagdiriwang ng Buwan ng Wika 2025, nawa’y magsilbi itong panawagan sa bawat isa: gamitin ang wikang Filipino nang may pagmamalaki, yakapin ang mga katutubong wika nang may paggalang, at ipagdiwang ang ating pagkakaiba-iba bilang yaman ng ating bayan.

✒️: Alexa M. Sotto & Jesway G. Magalong

01/08/2025

𝐌𝐚𝐠𝐚𝐧𝐝𝐚𝐧𝐠 𝐁𝐮𝐡𝐚𝐲, 𝐌𝐚𝐛𝐮𝐭𝐢𝐧𝐠 𝐓𝐚𝐨 𝐋𝐮𝐚𝐤𝐞𝐧𝐢𝐚𝐧𝐬!

Ngayong buwan ng Agosto, binibigyan natin ng pagpapahalaga ang ating wikang Filipino dahil ito ay isang mahalagang bahagi ng ating kultura, kasaysayan at ang ating pagkakakilanlan bilang isang Pilipino. Ang wikang Filipino ay hindi lamang ginagamit sa pakikipag komunikasyon, isa rin ito sa nag rereplekto ng ating damdamin, kaalaman, at sa ating paninindigan.🍁

🧠𝐀𝐥𝐚𝐦 𝐦𝐨 𝐛𝐚?
Ang Buwan ng Wika ay ipinagdidiwang sa buwan ng Agosto. Ito ay espesyal na buwan para sa atin na mga Pilipino, dahil ginugunita natin ang pag kakaroon ng sariling wika na Wikang Filipino, na ipinaglaban ni dating pangulong 𝐌𝐚𝐧𝐮𝐞𝐥 𝐋. 𝐐𝐮𝐞𝐳𝐨𝐧 na tinaguriang “𝑨𝒎𝒂 𝒏𝒈 𝒘𝒊𝒌𝒂𝒏𝒈 𝒑𝒂𝒎𝒃𝒂𝒏𝒔𝒂”. Noong siya pa ay namumuno, isinulong niya ang paggamit ng Wikang Filipino upang mapatatag ang pambansang pagkakaisa.

🇵🇭Gamitin natin ang ating wika hindi lamang ngayong taon o tuwing buwan ng Agosto, kundi gamitin natin ito sa araw-araw natin na pamumuhay. Sapagkat sa bawat salitang Filipino na ating binibigkas, binubuhay natin ang ating pagka-Pilipino.

💻: Louisse P. Cabrera
✒️: Alexa M. Sotto & Erabelle Carin

16/07/2025

Magandang buhay, Mabuting tao LUAKENIANS!!

Tayo na't ating kilalanin ang bagong kasapi ng Filipino Club na magpapalaganap ng maayos, mapayapa at mapagkakatiwalaan pag dating sa paglilingkod

Atin na at tignan ang kasapi ng Filipino Club na nagtataglay ng kagandahan at kagwapohan

Simulan na natin ang taon na ito na magbibigay kasiyahan, kaalaman para sa ikakabuti ng ating paaralan!🎆

15/07/2025

11/07/2025

𝐈𝐬𝐚𝐧𝐠 𝐩𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐁𝐚𝐠𝐨𝐧𝐠 𝐋𝐢𝐝𝐞𝐫!!

03/07/2025

"𝐒𝐚 𝐥𝐢𝐤𝐨𝐝 𝐧𝐠 𝐌𝐚𝐡𝐢𝐠𝐩𝐢𝐭 𝐧𝐚 𝐓𝐢𝐧𝐢𝐠"
Para kay Gng. 𝑬𝒍𝒊𝒛𝒂𝒃𝒆𝒕𝒉 "𝓑𝓮𝓽𝓱" 𝑬𝒗𝒂𝒏𝒈𝒆𝒍𝒊𝒔𝒕𝒂

Sa unang hakbang namin sa pag-tuturo,
May kaba at tanong dito sa aming mga puso.
Ngunit sa bawat araw ng aking paglakbay,
May isang ilaw na sa atin ay gumabay.

Siya'y si Mam Beth, sa amin ay haligi,
Boses niya’y matatag, kaya dapat matatag ka din lagi.
May tapang sa titig, may bigat sa salita,
Ngunit sa likod nito'y pag-aarugang dakila.

Oo, siya'y mahigpit, at may sandaling masungit,
Ngunit di iyon galit—kundi malasakit.
Ang bawat puna, bawat paalala't pagsaway,
Ay tulong upang ako'y mas humusay.

Hindi siya nagturo ng basta leksyon,
Kundi ng disiplina, puso, at dedikasyon.
Ang kanyang halimbawa, sa akin tumatak,
G**o akong ngayon, dahil sa kanyang yapak.

Ngayo’y siya’y magpapaalam na sa silid-aralan,
Ngunit alaala niya'y hindi malilimutan.
Sa puso ng batang g**o na minsang inakay,
Ay taus-pusong "Salamat, Mam Beth" ang alay.

Pagpupugay sa iyo, sa iyong pagreretiro,
Na may dangal, pagmamahal, at buong respeto.
Habambuhay naming dadalhin ang iyong tinig—
Mahigpit man minsan, ngunit tunay at matalik.

Akda ni 𝐆. 𝐑𝐨𝐝𝐞𝐫𝐢𝐜𝐤 𝐌𝐚𝐥𝐚𝐲 (G**o sa Filipino)
Isinaayos ni 𝐁𝐡𝐨𝐧𝐧𝐢𝐞 𝐁𝐫𝐲𝐥𝐞 𝐒𝐚𝐧𝐭𝐨𝐬 (Pangulo ng Klab)

31/03/2025

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐌𝐚'𝐚𝐦 𝐄𝐦𝐢𝐞! 🪄

Magandang Buhay, Mabuting tao, Luakenians! 📜

Sa mahalagang araw na ito, ang 𝑭𝒊𝒍𝒊𝒑𝒊𝒏𝒐 𝑪𝒍𝒖𝒃 ay bumabati ng Mapagpalang kaarawan sa iyo! Nawa'y matupad mo ang iyong mga pangarap sa buhay! Maanong ang iyong kaarawan ay umapaw sa pagmamahal, katatawanan, at lahat ng mga bagay na nagpapasaya sa iyo.🤎🎋

Hinihiling namin na ang Diyos as makapag bigay pa sa iyo ng mga oportunidad, tagumpay, at mga biyaya, sa iyong propesyonal ay personal na pamumuhay. Nawa'y ikaw ay magpatuloy na magbigay inspirasyon at pangunahan ang iba ng nasa positibong paraan at ang layunin mong makagawa ng pagbabago.

Muli, 𝑴𝒂𝒍𝒊𝒈𝒂𝒚𝒂𝒏𝒈 𝒌𝒂𝒂𝒓𝒂𝒘𝒂𝒏 𝒂𝒎𝒊𝒏𝒈 𝒈𝒖𝒓𝒐𝒏𝒈 𝒕𝒂𝒈𝒂-𝒑𝒂𝒚𝒐, 𝐆𝐧𝐠. 𝐄𝐦𝐞𝐝𝐢𝐚𝐧𝐚 𝐃𝐞 𝐉𝐞𝐬𝐮𝐬! 🎉🤎🍰

21/02/2025

𝐌𝐠𝐚 𝐦𝐚𝐠-𝐚𝐚𝐫𝐚𝐥 𝐧𝐠 𝐋𝐮𝐚𝐤𝐚𝐧 𝐬𝐚 𝐢𝐤𝐚-9 𝐧𝐚 𝐛𝐚𝐢𝐭𝐚𝐧𝐠, 𝐮𝐦𝐚𝐫𝐚𝐧𝐠𝐤𝐚𝐝𝐚 𝐬𝐚 𝐩𝐚𝐠 𝐠𝐚𝐧𝐚𝐩 𝐬𝐚 "𝐍𝐨𝐥𝐢 𝐦𝐞 𝐓𝐚𝐧𝐠𝐞𝐫𝐞"

Kanina lamang, araw ng martes ika-22 ng Pebrero, sumalang ang mga mag-aaral sa ika-9 na baitang sa pag ganap o pagtatanghal para sa 𝐍𝐨𝐥𝐢 𝐌𝐞 𝐓𝐚𝐧𝐠𝐞𝐫𝐞, na ginanap naman sa Covered Court ng ating paaralan sa gabay ni 𝐆𝐢𝐧𝐨𝐨𝐧𝐠 𝐑𝐲𝐚𝐧 𝐓. 𝐀𝐦𝐛𝐫𝐨𝐜𝐢𝐨 (g**o sa ika-9 na baitang) at 𝐆𝐧𝐠. 𝐄𝐥𝐢𝐳𝐚𝐛𝐞𝐭𝐡 𝐄𝐯𝐚𝐧𝐠𝐞𝐥𝐢𝐬𝐭𝐚 (ulong g**o sa Pilipino).

Ang aktibidad na ito ay inilunsad ng G**ong si Ginoong Ambrocio, na tinawag niyang 𝐏𝐫𝐨𝐲𝐞𝐤𝐭𝐨 𝐓.𝐀.𝐍.𝐆.𝐇.𝐀.𝐋. – Tanghalan ng Aninag ng Noli Me Tangere: Gabay sa Hamon ng Aral at Lipunan bilang bahagi ng pagdiriwang ng Pambansang Buwan ng Sining.

Narito naman ang mga nag-wagi sa pagtatanghal na ito:
𝑩𝒆𝒔𝒕 𝑨𝒄𝒕𝒐𝒓 - Ram Dolores ng 9 RFS
𝑩𝒆𝒔𝒕 𝑨𝒄𝒕𝒓𝒆𝒔𝒔 - Elleana Dinoso ng 9 RFS
𝑩𝒆𝒔𝒕 𝑺𝒖𝒑𝒑𝒐𝒓𝒕𝒊𝒏𝒈 𝑨𝒄𝒕𝒐𝒓 - Richard Czar Leal ng 9 RFS
𝑩𝒆𝒔𝒕 𝑺𝒖𝒑𝒑𝒐𝒓𝒕𝒊𝒏𝒈 𝑨𝒄𝒕𝒓𝒆𝒔𝒔 - Jackyln Salenga ng 9 Krypton
𝑴𝒐𝒔𝒕 𝑷𝒓𝒐𝒎𝒊𝒔𝒊𝒏𝒈 𝑷𝒆𝒓𝒇𝒐𝒓𝒎𝒆𝒓 - Andrea Mangapot ng 9 Krypton
𝑩𝒆𝒔𝒕 𝑵𝒂𝒓𝒓𝒂𝒕𝒐𝒓 - Carl Andrei Viray ng 9 Krypton
𝑩𝒆𝒔𝒕 𝑫𝒊𝒓𝒆𝒄𝒕𝒐𝒓 - Lexden De Jesus ng 9 Carbon
𝑶𝒗𝒆𝒓𝒂𝒍𝒍 𝑪𝒉𝒂𝒎𝒑𝒊𝒐𝒏 - 9 Carbon

Sa huli, pinarangalan din ang mga ilang nagwagi sa ibang patimpalak gaya nila 𝑪𝒍𝒂𝒓𝒆𝒏𝒄𝒆 𝑪𝒉𝒂𝒓𝒍𝒆𝒔 𝑫𝒂𝒃𝒖 at naging matagumpay naman ang nasabing pagtatanghal.

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐆𝐫𝐚𝐝𝐞 9 𝐒𝐭𝐮𝐝𝐞𝐧𝐭𝐬! ✨