20/03/2025
Gimanduan sa Supreme Court ang Dakak Beach Resort Corporation ug Si Romeo Jalosjos nga biyaan ang giabangan nga 1,602-sqm property sa Dapitan City, Zamboanga del Norte.
Ang Korte Suprema miingon nga ang Dakak walay katungod sa paglukat sa yuta tungod kay kini gigamit alang sa komersyal nga katuyoan ug dili "kabanikanhan" nga yuta.
Si Violeta Saguin de Luzuriaga nagpaabang sa iyang yuta ngadto sa Dakak, nga girepresentahan ni Jalosjos, ubos sa 10 ka tuig nga kasabutan. Ubos sa kontrata, ang bisan unsang permanenteng estraktura nga gitukod mahimong kabtangan ni Luzuriaga sa katapusan sa pag-arkila.
Ang Korte midugang nga dili usab angayan nga bayran ang Dakak sa mga istruktura nga gitukod niini tungod kay dili kini usa ka "builder in good faith."
Sa Desisyon nga gisuwat ni Associate Justice Alfredo Benjamin S. Caguioa, Ang Dakak ug Si Jalosjos gimanduan usab sa pagbayad sa wala mabayri nga abang ug danyos nga mokabat sa PHP 1.5 milyones.
Samtang sa pikas bahin ang Dakak nag filed for motion for reconsideration ngadto sa Korte Suprema alang sa maong kaso.
