02/09/2026
MINDANAO GRID NAA SA YELLOW ALERT KARONG ADLAWA!
⚡ 777.6 MW NGA KAPASIDAD SA KURYENTE, DILI MAGAMIT
MINDANAO — Gipaabot ang Yellow Alert sa Mindanao Grid karong Septiyembre 2, 2026, ilabina sa mga oras nga taas ang panginahanglan sa kuryente.
🕐 1:00 PM–4:00 PM
🕔 5:00 PM–8:00 PM
Base sa grid status as of 8:00 AM, ang available capacity anaa sa 2,630 MW, samtang ang peak demand mokabat sa 2,487 MW, nga nagbilin lamang og 143 MW operating margin.
Gikataho nga mokabat sa 777.6 MW ang kapasidad nga dili magamit sa grid tungod sa mga planta nga naka-forced outage ug mga planta nga nag-operate sa derated capacity.
Usa sa mga hinungdan sa Yellow Alert mao ang pagka-dili magamit sa dagkong coal plants nga GNPK 1 & 2 ug TSI 2.
📌 Unsa ang Yellow Alert?
Ang Yellow Alert ipagawas kung dili igo ang operating margin sa transmission grid aron matubag ang gikinahanglang contingency requirement.
⚠️ Pahimangno: Gidasig ang mga konsumidor nga magtipid sa paggamit sa kuryente, ilabina panahon sa peak hours, aron makatabang sa pagpakunhod sa pressure sa power grid.
