04/11/2025
ππ ππ ππππππππ ππ πππππππ ππ πππππππ, ππ-πππππππ πππππ πππππ πππ πππππππ ππππ; π πππππ, ππππππππ ππππ ππβπ ππππππππ
Napalgan na lang nga wa nay kinabuhi ang usa ka 43-anyos nga inahan, 15-anyos nga anak ug 1-year-old nga porsosong apo niini samtang missing pa ang laing lima ka mga anak nga gituohang naanod sa baha atol sa pagkusokuso sa Bagyong Tino dinhi sa Sugbo karong adlawa, Nobyembre 4, 2025.
Sa exclusive report sa DYHP RMN CEBU news team, nakumpirma sa mga igsoon, pag-umangkon ug mga ig-agaw sa mga biktima nga ang patayng lawas nga gidala sa Mandaue City Hospital karong adlawa mao si Venus Yosores, 43-anyos ug taga Sitio Common, Bacayan, Cebu City.
Gawas ni Venus, gikumpirma sab sa mga tagtungod nga ang patayng lawas sa usa ka batang babaye nga napalgan sa Barangay Tabok, Mandaue City ug gidala sa Eversely Child Sanitarium sa susamang syudad, mao si βAmeliaβ, ang 1 year old nga apo ni Venus.
Gikataho nga missing sab ang inahan ni Amelia kinsa anak sab ni Venus nga si Dinavie Yosores, 24-anyos, ingon man ang bana niini nga si John Ro Alilin, 24-anyos ug ang ilang 2-anyos nga kinamagwangang anak nga si βAzeniaβ.
Gawas kang Dinavie, padayon sab nga gipangita ang lain pang mga anak ni Venus nga sila si :
1. Queency Mae Yosores, 27 years old
2. Abegail Yosores, 18 years old
3. Chris Jean Yosores, 17 years old
4. David Yosores, 11 years old
Samtang, matod pa sa mga tagtungod, nga nakit-an na ang patayng lawas sa laing 15-anyos nga anak ni Venus nga si Cathlyn Yosores.
Sa kasamtangan, padayon pang gipangita ang lima ka missing nga mga anak ni Venus.
Sa laing bahin, di lang ang pamilya ni Venus ang nabiktima sa miigong bagyo apan lakip na ang iyang maguwang babaye, pag-umangkon ug oyab niini.
Missing gihapon hangtod karon ang igsoon ni Venus nga si Gina Bitinon, 49-anyos ug ang 23-anyos nga anak niini nga si Kevin Bitinon nga mga residente ra sab sa maong lugar.
Samtang, ang patayng lawas sa girlfriend ni Kevin nga si Christine Leopoldo, 23 years old ug lumad nga taga Zamboanga Sibugay, daling nailhan sa mga tagtungod sanglit nahatod man sab kini sa Mandaue City Hospital kauban ang patayng lawas ni Venus, ang iyaan ni Kevin.
Nahinabi sa DYHP RMN CEBU news team ang mga igsoon nilang Venus ug Gina nga silang Jene Yosores ug Daisy Naranjo.
Matod sa mga igsoon sa mga biktima, ila nang gipahimangnuan ang ilang mga igsoon ug ilang pamilya nga mo-evacuate sa wa pa niabot ang bagyo apan matod pa, wa sila maminaw sa ilang gitambag.
Mas nisamot ang gibating kasakit sa mga igsoon ni Venus ug Gina ilabi na nga apil sab sa mga na-missing ang ilang mga pag-umangkon ug mga apo.
Emosyunal sab ang anak ni Gina tungod kay gawas sa iyang inahan, apil sab sa gipangita karon kung asa gipadpad sa baha ang iyang igsuong lalaki.
Sa pagkakaron, padayong gipangita sa mga Yosores ang siyam ka missing nga nga miyembro sa ilang pamilya human nila gikumpirma nga patay nang nakit-an ang 3 ka mga sakop sa ilang pamilya ug ang girlfriend sa ilang pag-umangkon ug ig-gaw nga pulos wa naβy mga kinabuhi.
Dugang pa sa mga tagtungod nga wa pa nila mapahibawo ang pamilya o kaliwat ni Christine Leopoldo didto sa Zamboanga Sibugay sanglit nagpadayon pa sila sa pagpangita sa lain pang missing nga mga miyembro sa ilang pamilya tungod sa miigong kusog nga Bagyong Tino dinhi sa Sugbo.
via| Radyoman Remart Pogoy ug Kasamang George Secuya, DYHP RMN CEBU
