02/07/2025
πππ£π’ππ’π πππ£ππ¦πππ¨π‘ππππ‘ π¦π π‘ππ₯π₯π π
DIPOLOG CITY β Sa pagsaulog sa 112th Adlaw sa Dipolog, kagahapong addlawa, usa ka dakong pasidungog ang nadawat sa siyudad gikan sa National Disaster Risk Reduction and Management Council (NDRRMC) tungod sa kalampusan sa 2nd Quarter Nationwide Simultaneous Earthquake Drill (NSED) nga gihimo karong tuiga, pinaagi sa pagdumala ni kanhi Mayor Darel Uy sa Dipolog ug karon napiling Gobernador sa probinsya.
Pinaagi sa usa ka pormal nga sulat, gipadayag ni Undersecretary Ariel F. Nepomuceno, Administrator sa NDRRMC, ang dakong pasalamat ug pag-ila sa Local Government Unit (LGU) sa Dipolog sa ilang aktibo ug komprehensibong pag-apil sa maong kalihukan. Ang NSED, nga kabahin sa tinguha sa nasud sa pagpalig-on sa kahimtang sa disaster preparedness, gi-host sa Dipolog nga may dakong kalampusan.
βAng inyong dedikasyon ug aktibong partisipasyon maoβy hinungdan sa kalampusan sa maong hinungdanong disaster preparedness exercise,β matod pa sa sulat ni Nepomuceno.
Gipasidunggan sa NDRRMC ang Dipolog tungod sa ilang βunwavering dedicationβ sa pag-andam batok sa katalagman, labi na sa mga kalihukan nga may kalabutan sa linog.
Gipasiugda usab sa NDRRMC ang kalig-on sa mga lakang nga gihimo sa siyudad alang sa disaster risk reduction, ilabi na ang aktibong partisipasyon sa komunidad ug ang padayon nga capacity-building nga gihimo sa LGU. Kini, sumala sa konseho, usa ka modelo nga angay sundon sa ubang LGUs sa nasud.
Dako usab ang pagpasalamat sa Dipolog City Disaster Risk Reduction and Management Office (DRRMO) tungod sa ilang kahanas, propesyonalismo, ug walay puas nga paningkamot. Ang kalampusan sa drill, sumala sa sulat, resulta sa ilang kahibalo ug paningkamot nga mapalig-on ang kahandam sa komunidad batok sa mga katalagman.
Kini nga kalihukan nagtimaan usab sa pagsugod sa National Disaster Resilience Month, hinungdan nga mas nagpatin-aw sa papel sa Dipolog isip usa ka panguna nga LGU sa nasud sa mga kalihokan nga may kalabutan sa kahimtang sa katalagman.
Sa katapusan, gikalatid nga mipadayag usab ang lokal nga panggamhanan ubos sa bag-ong Mayor sa Dipolog, Roberto Y. Uy, sa ilang paningkamot nga ipadayon ang kolaborasyon sa NDRRMC ug sa tanang ahensya aron sa pag-angkon sa usa ka malig-on ug luwas nga Dipolog.
