Ang Bantayog

08/08/2025

NGAYON | 2-Day Live-Out District-Based Capacity Building on Expanded Career Progression for Teachers

Dinaluhan ng mga g**o at punong-g**o ng elementarya at sekundarya mula sa Distrito ng Timog Dulag (Dulag South District).

Dulag Cultural Center
Dulag, Leyte

07/08/2025

𝘽𝙉𝙒𝙋 2025 | 𝙎𝙪𝙡𝙖𝙩-𝘽𝙞𝙜𝙠𝙖𝙨 𝙣𝙖 𝙋𝙖𝙩𝙞𝙢𝙥𝙖𝙡𝙖𝙠, 𝙏𝙖𝙢𝙥𝙤𝙠 𝙨𝙖 𝘿𝙉𝙃𝙎

Sa masining na pagdiriwang ng Buwan ng Wika, muling ipinamalas ng mga mag-aaral ng Dulag National High School ang kanilang talino’t damdamin sa isinagawang Sulat-Bigkas na Patimpalak noong Agosto 5 at 6. Layunin ng aktibidad na buhayin hindi lamang ang galing sa pagsulat at pagbigkas, kundi pati ang pagpapahalaga sa sariling wika at kultura.

Umikot ang paligsahan sa pambansang temang:
“Paglinang sa Filipino at Katutubong Wika: Makasaysayan sa Pagkakaisa ng Bansa”
isang paanyayang pagnilayan ang halaga ng wikang Filipino at mga katutubong wika bilang haligi ng ating pagkabansa.

Sa unang araw ng patimpalak, buong sigasig na nilikha ng mga kalahok ang kani-kanilang orihinal na talumpati o mga akdang sumisibol mula sa damdaming makabayan at matibay na pagpapahalaga sa wikang Filipino. Sa ikalawang araw, isa-isa nilang binigyang-buhay ang kanilang mga isinulat sa harap ng hurado, gamit ang tinig, damdamin, at diwang makabayan na dumadaloy sa puso ng bawat tagapakinig.

Ayon kay Gng. Nancy Depaz Alicando, isa sa mga g**o sa Filipino at hurado ng patimpalak, “Lahat naman po ng kalahok ay may positibong pagtugon sa kanilang paglahok sa nasabing patimpalak”

Mapipili ang mga magwawagi batay sa lalim ng nilalaman, linaw ng mensahe, at husay sa interpretasyon. Gagawaran sila ng mga sertipiko at parangal.

Sa likod ng bawat talata at bigkas ay tinig ng kabataang handang tumindig para sa wika, para sa bayan. Isa na namang matagumpay na hakbang ng Dulag NHS ang patuloy na pagsulong ng wikang Filipino at pagkakaisang Pilipino.

✍️ : Jackielyn Fornillos
📸 : Althea Guille Saballa

06/08/2025

𝙄𝙣𝙩𝙧𝙖𝙢𝙪𝙧𝙖𝙡𝙨 2025 | 𝘿𝙉𝙃𝙎 𝙉𝙖𝙜𝙙𝙞𝙬𝙖𝙣𝙜 𝙨𝙖 𝙈𝙖𝙩𝙖𝙜𝙪𝙢𝙥𝙖𝙮 𝙣𝙖 𝙈𝙧. & 𝙈𝙨. 𝙄𝙣𝙩𝙧𝙖𝙢𝙪𝙧𝙖𝙡𝙨 2025 - Part 3

Matagumpay na naisagawa ang taunang Mr. & Ms. Intramurals ng Dulag National High School noong Agosto 1, 2025. Dinaluhan ito ng daan-daang estudyante at g**o, at itinampok ang talento, kagandahan, at karisma ng mga kalahok.

Taos-pusong pasasalamat ang ipinapaabot ng mga organizer sa lahat ng sumuporta at nag-ambag sa tagumpay ng programa.

📷: Laong Laan Creatives

06/08/2025

𝙄𝙣𝙩𝙧𝙖𝙢𝙪𝙧𝙖𝙡𝙨 2025 | 𝘿𝙉𝙃𝙎 𝙉𝙖𝙜𝙙𝙞𝙬𝙖𝙣𝙜 𝙨𝙖 𝙈𝙖𝙩𝙖𝙜𝙪𝙢𝙥𝙖𝙮 𝙣𝙖 𝙈𝙧. & 𝙈𝙨. 𝙄𝙣𝙩𝙧𝙖𝙢𝙪𝙧𝙖𝙡𝙨 2025 - Part 2

Matagumpay na naisagawa ang taunang Mr. & Ms. Intramurals ng Dulag National High School noong Agosto 1, 2025. Dinaluhan ito ng daan-daang estudyante at g**o, at itinampok ang talento, kagandahan, at karisma ng mga kalahok.

Taos-pusong pasasalamat ang ipinapaabot ng mga organizer sa lahat ng sumuporta at nag-ambag sa tagumpay ng programa.

📷: Laong Laan Creatives

06/08/2025

𝙄𝙣𝙩𝙧𝙖𝙢𝙪𝙧𝙖𝙡𝙨 2025 | 𝘿𝙉𝙃𝙎 𝙉𝙖𝙜𝙙𝙞𝙬𝙖𝙣𝙜 𝙨𝙖 𝙈𝙖𝙩𝙖𝙜𝙪𝙢𝙥𝙖𝙮 𝙣𝙖 𝙈𝙧. & 𝙈𝙨. 𝙄𝙣𝙩𝙧𝙖𝙢𝙪𝙧𝙖𝙡𝙨 2025 - Part 1

Matagumpay na naisagawa ang taunang Mr. & Ms. Intramurals ng Dulag National High School noong Agosto 1, 2025. Dinaluhan ito ng daan-daang estudyante at g**o, at itinampok ang talento, kagandahan, at karisma ng mga kalahok.

Taos-pusong pasasalamat ang ipinapaabot ng mga organizer sa lahat ng sumuporta at nag-ambag sa tagumpay ng programa.

📷: Laong Laan Creatives

05/08/2025

𝐏𝐀𝐁𝐀𝐓𝐈𝐃 | Para sa lahat ng kalahok at mga nanalo sa School-Based Press Conference (SBPC) 2025 — Ang Bantayog at The Paragon, maaaring kunin ang inyong Sertipiko ng Paglahok at para naman sa mga hindi pa nakatatanggap ng kanilang Sertipiko ng Pagkilala at medalya, mangyaring dumulog sa Silid Blg. 14 (Baitang 9 - Bia) at hanapin si G. Brian Delopere, isa sa mga tagapayo.

Oras ng pagkuha:
🕘 9:15–9:45 ng umaga
🕚 11:15–12:00 ng tanghali
🕓 4:00–5:00 ng hapon

Maraming salamat sa inyong aktibong pakikiisa! ✨

05/08/2025

𝘽𝘼𝙇𝙄𝙆𝘼𝙉 𝙡 𝙄𝙣𝙩𝙧𝙖𝙢𝙪𝙧𝙖𝙡𝙨 2025

Sa pag-ikot ng oras at paglipas ng sigla’t alab, muling balikan natin ang Intramurals 2025 — isang makulay na paglalakbay na puno ng tapang, talino, at pagkakaisa.

Sa bawat hiyaw, sa bawat ngiting nag-abot-kamay, at sa bawat patak ng pawis, naroon ang diwa ng isportsmansyip at pagkakaibigan.

Tunghayan ang ilang mga gawain at damhin muli ang enerhiyang naghatid sa atin sa Tagumpay ng Intramurals 2025! 🏆

𝙆𝙊𝙉𝙏𝙍𝙄𝘽𝙔𝙐𝙏𝙊𝙍 𝙡
Jean Curitana
Renz Salvador Superio
Gwyneth Bardillon
Gwyneth Lorenzo
Michelle Caminong
Joshua James Castil
Nichole De Paz
Valerie Daya
Samantha Tecson
Eminem Yu

05/08/2025

𝘽𝙉𝙒𝙋 2025 | 𝙋𝙖𝙜𝙨𝙪𝙡𝙖𝙩 𝙣𝙜 𝙄𝙨𝙡𝙤𝙜𝙖𝙣, 𝙞𝙨𝙞𝙣𝙖𝙜𝙖𝙬𝙖

Isinagawa ngayong hapon, ikalima ng Agosto, sa silid-aralan ng Baitang 7 - Euphorbia ang Pagsulat ng Islogan na may temang “Paglinang sa Filipino at Katutubong Wika: Makasaysayan sa Pagkakaisa ng Bansa,” bilang bahagi ng pagdiriwang ng Buwan ng Wika 2025.

Isa-isang nagpakitang gilas ang mga kalahok mula sa iba’t ibang baitang at seksyon sa malikhaing pagsulat ng islogan na nakabatay sa tema. Layunin ng aktibidad na palalimin ang pag-unawa ng mga mag-aaral sa kahalagahan ng Filipino at katutubong wika sa pagkakaisa ng bansa.

“Naipakita ko ang kahalagahan ng paglinang sa wika ng mga katutubo sa pamamagitan ng aking islogan, dahil naniniwala akong ito ay mahalaga upang mapatatag ang pagkakaisa ng bawat Pilipino,”

✍️: Trisha Mae Aya-ay Leporada
📷: Jacqueline Gonzales

05/08/2025

𝘽𝙉𝙒𝙋 2025 | 𝙋𝙖𝙜𝙜𝙪𝙝𝙞𝙩 𝙣𝙜 𝙋𝙤𝙨𝙩𝙚𝙧, 𝙞𝙩𝙞𝙣𝙖𝙢𝙥𝙤𝙠

Bilang bahagi ng pagdiriwang ng Buwan ng Wika, isinagawa ng Dulag National High School ang Slogan Poster Making Contest ngayong ika-5 ng Agosto, na nilahukan ng mga mag-aaral mula sa iba’t ibang baitang.

Umikot ang patimpalak sa temang “Paglinang sa Filipino at Katutubong Wika: Makasaysayan sa Pagkakaisa ng Bansa,” kung saan ipinamalas ng mga kalahok ang kanilang malikhaing kakayahan sa pagguhit ng mga poster na may makabayang mensahe.

Layunin ng aktibidad na isulong ang pagmamahal at pagpapahalaga sa wikang Filipino at mga katutubong wika bilang susi sa pagkakaisa ng sambayanan

✍️: Kien N. Cinco
📷: Dinah Navarro

05/08/2025

04/08/2025

𝑷𝒂𝒎𝒃𝒂𝒏𝒔𝒂𝒏𝒈 𝑲𝒂𝒔𝒖𝒐𝒕𝒂𝒏: 𝑲𝒂𝒔𝒖𝒐𝒕𝒂𝒏𝒈 𝑴𝒂𝒚 𝑲𝒘𝒆𝒏𝒕𝒐, 𝑯𝒂𝒃𝒊 𝒏𝒈 𝑷𝒂𝒈𝒌𝒂𝒌𝒂𝒌𝒊𝒍𝒂𝒏𝒍𝒂𝒏

Sa bawat tiklop ng saya at bawat burda ng barong, isinusulat natin ang kasaysayan ng ating pagka-Pilipino, hindi sa pamamagitan ng tinta, kundi sa pamamagitan ng sining, pananampalataya, at pagmamalasakit sa sariling kultura.

Ngayong Buwan ng Wikang Pambansa 2025, hindi lamang tayo nagsusuot ng makukulay at mariringal na kasuotan, isinusuot natin ang ating pagkatao.

Ang bawat habi ay isang panalangin. Ang bawat kulay ay paninindigan. Ang bawat kasuotan, makaluma o makabago man, ay salamin ng ating paniniwala na ang wika at kultura ay hindi basta iniingatan, ito ay isinasabuhay.

Isuot hindi lang ang kasuotan kundi pati ang diwa ng ating lahi, matapang, makatao, at may malasakit sa bayan.

Dahil sa panahong puno ng pagbabago, ang pagbabalik-tanaw sa ating ugat ang siyang tunay na hakbang pasulong.

Barong ang ating baluti.
Saya ang ating bandila.
Wika ang ating lakas.

📷: G. Brian Delopere
Bb. Charizza Go
G. Rico Becera
Lex Baranda