18/02/2026
MENSAHE NG PAG-ASA SA YEAR OF THE HORSE, IPINAABOT NI MARCOS JR.
Nagpaabot ng mensahe ng lakas ng loob, kasipagan, at sama-samang pagsisikap si Pangulong Marcos Jr. sa pagdiriwang ng Chinese New Year at pagsalubong sa Year of the Horse, sa pamamagitan ng isang opisyal na pahayag mula sa Malacañang Palace.
Sa kanyang mensahe, binigyang-diin ng Pangulo na bagama’t mahalaga ang simbolismo ng bagong taon, mas mahalaga pa rin ang aktuwal na sipag, disiplina, at tamang pamamahala upang umunlad ang bansa.
Ayon kay Marcos Jr., hindi sapat ang maganda at makabuluhang simbolo kung hindi ito sinasabayan ng konkretong aksyon ng mamamayan, pamilya, pamahalaan, at pribadong sektor.
“Ang Kabayo ay madalas ituring na simbolo ng paggalaw, tapang, at pagsulong, habang ang elementong Apoy ay nagpapahiwatig ng siglang ayaw makuntento sa karaniwang takbo. Mahalaga ang mga simbolong ito, ngunit hindi uunlad ang bansa sa simbolismo lamang. Uuunlad ito kapag ang mga Pilipino ay masipag na pumapa*ok sa trabaho, maingat na ginagastos ang bawat piso, at kapag ang gobyerno at industriya ay patuloy na nagpapalago sa bansa sa pamamagitan ng tapat na serbisyo at matitinong desisyon.”
(“The Horse is often read as a sign of movement, courage, and forward motion while the Fire element suggests a spark that refuses to settle for the usual pace. These symbols convey great meaning for many among us but the nation does not advance on symbolism alone. It progresses when Filipinos show up for work, when households make every peso count with prudence and good judgment, and when government and industries keep the country growing through consistent service, sound decisions, and the rigor that turns daily effort into long-term growth.”)
